ગુગલ ગીઅર્સ

* તમે જ્યારે તમારા વર્ડપ્રેસનાં એડમિન પાનાં (દા.ત. બ્લોગ.wordpress.com/wp-admin) માં પ્રવેશ કરો છો ત્યારે ઉપર જમણી બાજુએ Turbo નામનું બટન આવે છે (એટલે કે થોડા દિવસ પહેલાં જે તે દેખાયું). તે દબાવતાં, તમને ગુગલ ગીઅર્સ નામનું એક્સટેન્શન (ફાયરફોક્સ ૨, ૩ અને ઇન્ટરનેટ એક્સપ્લોરર) ઇન્સ્ટોલ કરવાનું પૂછવામાં આવશે.

હવે, તમને થશે કે આ Turbo શેનાં માટે છે? તો, જે લોકો એ ૩૮૬ કે ૪૮૬ જેવાં જુનાં કોમ્પ્યુટર વાપરેલ હશે, તેમને યાદ હશે કે કોમ્પ્યુટરમાં પહેલાં Turbo નામનું બટન અને બે આંકડાનું એક ડિસ્પ્લે આવતું હતું – કોમ્પ્યુટરની ઝડપ વધારવા (અને ક્યારેક ઘટાડવા) માટે!

બસ, એમ જ. આ, ગુગલ ગીઅર્સ તમારા બ્લોગની એડમિન સાઇટની ઝડપ વધારી લેશે. પ્રથમ વખત ઇન્સ્ટોલ કરતી વખતે, તે ૨૦૦ જેટલી ફાઇલો ડાઉનલોડ કરશે અને તમારા કોમ્પ્યુટરમાં સંગ્રહ કરી નાખશે. પણ, પછી તમને સરળ અને ઝડપી બ્રાઉઝિંગનો અનુભવ થશે..

યાદ રાખો કે ગુગલ ગીઅર્સનું ઇન્સ્ટોલેશન સાયબર કાફે કે જાહેર જગ્યાનાં કોમ્પ્યુટર્સમાં ન કરવું હિતાવહ છે, વળી ડાઉનલોડ કરેલ માહિતી ક્યાં સંગ્રહ થાય છે તે જાણવાં માટે અહીં જુઓ.

વર્ડપ્રેસની ઓફિશિઅલ પોસ્ટ

About these ads