Archive for May 2nd, 2009
લિનક્સ ગુજરાત: પ્રથમ મુલાકાત!
* આખરે અમારા ગ્રુપ લિનક્સ ગુજરાતની પ્રથમ મુલાકાત ગોઠવાઇ અને આજે લગભગ ૬.૪૫ વાગ્યે અમે રસરંજન, વિજય ચાર રસ્તા ખાતે અમે મળ્યા, વાતો કરી અને મજા કરી.
શરૂઆત થઇ, એકબીજાના પરિચયથી. હાર્દિક અને હરિતને તો પહેલેથી જાણતો જ હતો. સચીનને લુગા.ઓર્ગનાં દિવસોથી (લુગા.ઓર્ગ ડોમેઇન કોણે વેચ્યુ તે આજે ખબર પડી!) ઓળખતો હતો પણ રૂબરૂ મુલાકાત આજે જ થઇ! પછી, લિનક્સ અને ઓપનસોર્સનો વ્યાપ અમદાવાદ અને ગુજરાતમાં કઇ રીતે વિસ્તારી શકાય તેની ઘણી ચર્ચાઓ થઇ. અમે અમદાવાદની કોલેજોમાં લિનક્સ વિશેની સમજણ વધે તે માટે આવતા અઠવાડિયાથી પ્રયત્નો શરૂ કરીશું.
અને છેલ્લે હાર્દિકે બધાને જે ગમતું હોય તે લેવાની ઓફર કરી, પણ મારું પેટ ભારે હોવાથી પેપ્સી લઇને ઠંડક મેળવી. હા, ઉબુન્ટુના મસ્ત સ્ટીકર અને ઉબુન્ટુ જોન્ટીનો ISO પણ તેને આપ્યો.
બોનસ: હાર્દિકનો એન્રોઇડ ફોન, હાર્દિકના ફોટાની જગ્યાએ 
હવે, આવતી વખતે મળીશું ત્યારે ધ્યાનમાં રાખીશું કે રસરંજનમાં લેપટોપ લઇને બેસવામાં તે લોકોને પ્રોબ્લેમ થાય છે!
