અપડેટ્સ – ૮૦

૧૩૩૭
(ચિત્ર સ્ત્રોત: વર્ડપ્રેસ.કોમ)

* એક સારા ગીકી સમાચાર એ છે કે મારા બ્લોગને મળેલા લાઇક્સની સંખ્યા બુધવારે (બપોરે. ખરેખર!) ૧૩૩૭  થઇ. વર્ડપ્રેસે જ્યારે આ સમાચાર આપ્યા ત્યારે અમે તો ધન્ય થઇ ગયા ;)

* બેક ટુ સ્કેવર વન. ફરી પાછું થન્ડરબર્ડ વાપરવાનું શરુ કર્યું છે, અને એ ભયંકર ધીમું છે! મને થાય છે કે, આખી સોફ્ટવેર ઇન્ડસ્ટ્રી મળીને એક સારું, સરળ અને સુંદર ઇમેલ ક્લાયન્ટ બનાવી નથી શકતી? એમ તો, અત્યાર સુધી વેબમેલ (જીમેલ) અને Mutt પર આધાર રાખ્યો છે. Mutt સરસ છે, પણ ગુજરાતી (કે કોઇપણ ભારતીય ભાષાઓ) જોડે તેને મિત્રતા નથી (ટર્મિનલ) અને જીમેલ ને GPG જોડે મુશ્કેલી છે.

* મોંઘવારી મુર્દાબાદ! અમારી ‘foo સાગર’ હોટલનું બ્રેકફાસ્ટ અને ડિનર હવે મોંઘું થયું છે. બ્રેકફાસ્ટમાં રુપિયા ૩ અને ડિનરમાં રુપિયા ૨ નો વધારો એટલે દરરોજ ૫ રુપિયા વધુ થશે. જ્યારે ખરાબ થાય ત્યારે બધું ખરાબ થાય! એક બિલ બે વખત ભરાઇ ગયું. ૩જી રીચાર્જ કરવાનું ભૂલી ગયો અને એપ્સ ડાઉનલોડ કરવા મૂકી દીધી. બધો ટોક-ટાઇમ પૂરો!!

* ૨જી માર્ચે બારકેમ્પ બેંગ્લોર છે. અને, આ વખતે એક-એકથી ચડિયાતાં  સેશન્સ લાગે છે, એટલે મજા આવશે.

* ટ્વિટરમાં સાયલન્ટ એન્ટ્રી કરી છે. રિટ્વિક, લાઇક્સથી શરુઆત કરી છે. નહીહીંહીંહીં…

ઇમેલ ઓફ ધ યર

* લો ત્યારે હજી કાલે જ ઇમેલની વાત કરી અને, આજે ઇમેલ આવ્યો જેને આપણે ઇમેલ ઓફ ધ યરનો ખિતાબ આપી શકીએ. આ છે એ ઇમેલ ઓફ ધ યર (પેસ્ટબિન.કોમ) પર.

મશીન ટ્રાન્સલેશન. વાહ, ભાઇ, વાહ! સ્પામડાઓ ઝિંદાબાદ!!

જીમેલ મીટર

* જીમેલ મીટર એ એક રસપ્રદ વેબસાઇટ છે, પણ જો તમે તમારા ઇમેલની પ્રાઇવેટ રાખવા માંગતા હોવ તો, તેનો ઉપયોગ ન કરતાં! તેમ છતાંય એક મહિનો તેને ટેસ્ટ આપવામાં આવ્યો અને,

જાન્યુઆરી મહિનામાં,

* ૩૩૨૯ ઇમેલ ૭૭૪ લોકો તરફથી મળ્યા જેમાં ૧૪.૫૭% મને મોકલવામાં આવ્યા હતા. એ તો સારું છે કે કેટલાય મેઇલિંગ લિસ્ટ ગયા મહિનાથી અનસબસ્ક્રાઇબ કરવામાં આવ્યા અને અમુકને ડાયજેસ્ટ મોડ પર લઇ જવામાં આવ્યા. નહિતર, આ આંકડો પાંચેક હજાર ઉપર પહોંચી જાત.

* ૧૦૨ ઇમેલ ૫૪ લોકોને મોકલવામાં આવ્યા. એવરેજ એક વ્યક્તિને ૨ ઇમેલ જ!

* ૩૦% ઇમેલમેં કચરાપેટીમાં નાખ્યા.

* સૌથી લાંબી ઇમેલ-શૃંખલા સ્વાભાવિક રીતે ડેબિયનનાં મેઇલિંગ લિસ્ટમાં સર્જાઇ હતી. ટોપ ૧૦માં ૮ તો ડેબિયન જ છે.

* અને સૌથી રસપ્રદ આલેખ મને લાગતો હોય તો,
આલેખ - કેટલા સમયમાં જવાબ આપ્યો, મળ્યો!

ચાલો ત્યારે, નવા મહિનાની શરુઆત પણ ઢગલાબંધ ઇમેલથી થઇ છે. ક્યારેક તો એમ થાય છે કે આપણે સોફ્ટવેર ડેવલોપર છીએ કે ઇમેલ રીપ્લાયર ;)

વર્ડપ્રેસ: ઇમેલ પોસ્ટ ચેન્જીસ

* પાછલી પોસ્ટમાં પ્રશમભાઇના નામના ઉચ્ચારણ વત્તા માઉન્ટ મેઘદૂતના સંચાલકો કે લેખકો વિશેની થોડી અપડેટ તેમની જોડે વાત કરી કરી ત્યારે એક સરસ ફિચર મારા ધ્યાનમાં આવ્યું. ઇમેલ પોસ્ટ ચેન્જીસ. આ શું છે? ધારો કે તમે મલ્ટિ-ઓથર બ્લોગ ચલાવતા હોવ અને એક જણ પોસ્ટ કે પેજીસમાં કોઇ ફેરફાર કરે અને બહુ મોટ્ટી પોસ્ટ હોય તો નાનકડો ફેરફાર નજરે ન ચડે. વર્ડપ્રેસે diff નામના ટુલનો ઉપયોગ કરી આનો સરસ ઉકેલ શોધી કાઢ્યો છે. કરેલો ફેરફાર તમને ઇમેલ દ્વારા મળે છે. સૌપ્રથમ તમારે Settings વિભાગમાં જઇ Email Post Changes માં ઇમેલ (કે એકથી વધુ ઇમેલ, જેટલા સભ્યોને ફેરફાર માટે ઇમેલ કરવો હોય તો) ઉમેરવો અને જરુરી વિકલ્પો પસંદ કરવા.

Email Post Changes

પછી, તમને આ પ્રકારનું પરિણામ મળશે. જો વિકિપીડિઆમાં તમે યોગદાન આપેલું હોય કે લિનક્સમાં કામ કરેલું હોય કે તમે ડેવલોપર હોવ તો તમને diff વિશે ખબર જ હશે :)

છે ને મસ્ત? અહીં એક બગ છે, પણ અત્યારે તો ચાલે તેમ છે.

જીમેલ ગુજરાતી – ૨

* વર્ષો પહેલાં (ઓકે, ત્રણ વર્ષ પહેલાં ) એક બ્લોગ પોસ્ટમાં જીમેલ ગુજરાતીમાં ઉપલબ્ધ છે એવું લખ્યું હતું. આજે નવરો બેઠો કંટાળતો હતો તો થયું જરા જોઇએ કે જીમેલ વાળાઓએ શું નવું કર્યું છે. પરિણામ? અત્યંત આઘાતજનક!

કહો જોઇએ. આ શું છે?

જીમેલ ગુજરાતીમાં

ન ખબર પડી? એનું અંગ્રેજી જુઓ.

જીમેલ અંગ્રેજીમાં

ધન્ય છે, જેણે આ ભાષાંતર કર્યું છે!!

અપડેટ્સ અને અપડેટ પરનું અપડેટ્સ

# વિચિત્ર શીર્ષક છે ને? આમ તો અપડેટ્સ જ હોવું જોઈએ પણ, બધાંને ખ્યાલ હશે કે દરેક જોબમાં (એટલે કે નોકરીમાં) આપણે દિવસના અંતે કે અઠવાડિયે ટીમ લીડર કે પ્રોજેક્ટ લીડર કે CxO વગેરેને અપડેટ્સ મોકલવાના હોય છે. હવે, એમાં એવું થાય કે આપણે કંઈ કામ ન કરતા હોય તો વાંધો નહી, પણ એટલું બધું કામ કરીએ કે આપણે જ ભૂલી જઈએ કે શું લખવાનું બાકી રહી ગયું. પહેલાં થોડા વર્ષો હું ઓફિસમાં ડાયરી વાપરતો હતો, પછી પેલી સ્ટિકીનોટ વાપરવાનું ચાલુ કર્યું. ઓફિસ બદલાઈ એટલે કલ્ચર પણ બદલાયું. વચ્ચે તો અમે અપડેટ્સ એડમિનને મોકલતાં હતાં, જેને ટેકનિકલ બાબતો વિશે જરાય સમજણ નહી. જવા દો, મુખ્ય પોઈન્ટ એ કે આ અપડેટ્સને આખા દિવસ અથવા અઠવાડિયામાં સંગ્રહ કેવી રીતે કરવા? કેટલાંક વિકલ્પો અહીં મૂકેલ છે.

૧. પેન-પેપર કે ડાયરી – સસ્તું, સરળ. પણ એમાંય બહુ મહેનત કરવી પડે. ડાયરી ખોવાઈ જાય વગેરે વગેરે. પસ્તી વધે. પર્યાવરણ…

૨. ટોમબોય કે બાસ્કેટ જેવાં સ્ટિકીનોટ સોફ્ટવેર વાપરી શકાય. સ્ટિકીનોટ ચોંટાડવાની મજા અલગ છે, પણ એ પ્રોજેક્ટ મેનેજમેન્ટમાં ચાલે. બેંગ્લોરમાં હું હતો એ બોર્ડ જોવા જેવું હતું.

૩. વિકી. હા, અત્યારે આ વિકલ્પ ચાલે છે. મારા લેપટોપમાં જ ઓફલાઈન વિકી છે. દરરોજ, કે દર બે-ત્રણ કલાકે અપડેટ કરો. હું ઈકીવિકી વાપરું છું. જેનું બેકએન્ડ ગીટ પર છે. એટલે વેબ બ્રાઉઝરની વગર પણ ટર્મિનલ પર અપડેટ થાય. મજા આવે. વર્ઝન કંટ્રોલનાં ફન્ડામેન્ટલ વગેરે પણ એકદમ સાફ (એટલે કે ક્લિઅર) થઈ જાય.

૪. એક બીજો વિકલ્પ – સીધો જ ઈમેલ. ડ્રાફટ કરી રાખવાનો. જીમેલમાં કેન રીસ્પોન્સ જેવો સરસ વિકલ્પ છે.

૫. બોસ જોડે સીધી જ વાત. આ સૌથી સરળ.

બાકી અપડેટ્સમાં તો -

અ. લિંચપીન પુસ્તક વિશેની આ પોસ્ટ વાંચી તેનો તરત ઓર્ડર આપી દેવામાં આવ્યો છે. આ પુસ્તક ધ્યાન બહાર કેમ રહી ગયું એ સવાલ હજી પણ થાય છે.

બ. ગયા રવિવારે પેલી હાઈજેક બસમાં જઈ આવ્યા. સરસ છે. દુર્ભાગ્યે એ લોકો હાઈ-વે પર જ ફેરવે છે. જો સીટીમાં જતી હોય તો મજા પડી જાય. જમવાનું ઠીક-ઠાક છે. એમની વેબસાઈટ પર બુકિંગ ન થયું (એ લોકો ક્રેડિટ કાર્ડ અથવા પે-પાલ વાપરે છે) પણ, ફોન પર તરત બુકિંગ કરી આપ્યું. સરસ કહેવાય.

ક. કવિનને મારી ગઈસાલની કોરી પડેલ ડાયરી આપી છે. જેમાં જે H, O, V, L, I વગેરે અક્ષરો ભરી રહ્યો છે. કદાચ ત્રણ-ચાર દિવસમાં એ ઊંચી મૂકી દે તો નવાઈ નહી.

આજની સલાહ

* કોમન સેન્સ એ અનકોમન છે.

કોઈનો ઈમેલ બ્લોગ પર મૂકવો એ કોમન સેન્સ ન હોવાનું ઉત્તમ ઉદાહરણ છે. અને, આવું કર્યા પછીયે તેમને ફરક ન પડે એ માટે શું કહેવાય? નોનસેન્સ?