મારા વિચારો, મારી ભાષામાં!

અમારી બીજી કોઇ ટૅગલાઇન નથી!

Posts Tagged ‘લિનક્સ અને ઓપનસોર્સ

પુસ્તક: પેંગ્વિન ઊડી શકે છે!

with 7 comments

* વર્ષો પહેલાં ઇ.સ. પૂર્વે એપ્રિલ ૨૦૦૯માં અમારા દ્વારા આ બ્લોગ પર એક સાહસિક પોસ્ટ ‘નવું સાહસ: લિનક્સ વિશે ગુજરાતીમાં પુસ્તક‘ લખવામાં આવી હતી. અને નક્કી હતું તેમ, એના ઉપર જરાય કામ-કાજ થયું નહી. પણ, વિકિમેનિઆમાં કોઇક ચર્ચા દરમિયાન વાત નીકળી કે આવું કોઇક પુસ્તક લખવાનો સૌથી ઉત્તમ રસ્તો છે – સાથે મળીને લખવું. અને, આમ પણ, આ પુસ્તકનો કોઇ વ્યાપારિક હેતુ છે જ નહી એટલે મારે પબ્લિશર જોડે માથાકૂટ કરવાનો સવાલ જ નહોતો.

તો હાજર છે – પેંગ્વિન ઊડી શકે છે! – હવે ગીટહબ પર!

હજી માત્ર કાચી-પાકી રુપરેખા જ લખી છે. સમય મળતાં વધુ વિગતો ઉમેરતો જઇશ. અહીં તમે પણ તમારો ફાળો – જોડણી સુધારો, સંદર્ભો, ટેકનિકલ ખામીઓ – વગેરે આપી શકો છો. ફાળો આપવાનો ઉત્તમ રસ્તો ગીટહબમાં તેને ફોર્ક કરીને પુલ રીકવેસ્ટ મોકલવાનો છે. જ્યારે તમે પુલ રીકવેસ્ટ મોકલો ત્યારે ધ્યાન રાખજો કે ગીટ બ્રાન્ચનો ઉપયોગ કરો જેથી આપણાં ફેરફારો અડફેટે ન ચડે! ફાળો આપવાનો બીજો રસ્તો આ પ્રયત્ન વિશે વધુ માહિતી ફેલાવવાનો છે.

થોડા સમય પછી પુસ્તકને LaTex બંધારણમાં ફેરવવામાં આવશે, જેથી PDF અને ePub જેવા બંધારણો તરત જ શક્ય બનશે – જે હજી શીખવાનું ચાલુ છે.

અપડેટ: જો તમે ગીટહબમાં ફોર્ક કરેલ હોય, અને મારા અપડેટ્સ સાથે અપ-ટુ-ડેટ રહેવા માંગતા હોવ તો નીચેની માહિતી ઉપયોગી થશે (લિનક્સ અને મેક માટે, વિન્ડોઝ – રામ જાને!)

૧. તમારા ફોર્કમાં જાવ,

cd penguin-can-fly

૨. અપસ્ટ્રીમ તરીકે મારી ગીટ રેપોઝિટોરી ઉમેરો,

git remote add upstream git@github.com:kartikm/penguin-can-fly.git

૩. અને પછી, અપડેટ્સ મેળવો,

git fetch upstream

૪. અને, મર્જ કરો:

git merge upstream/master

મર્જ કરતાં પહેલાં જોઇ લો કે કંઇ conflict વગેરે તો નથી ને.

ઓપનસોર્સમાં યોગદાન કેવી રીતે આપશો? ભાગ ૨

leave a comment »

ભાગ ૦ અને ભાગ ૧ પછી હવે હાજર છે ભાગ ૨. એટલે કે ભાગ-મ-ભાગ — ઓપનસોર્સ તરફ? :)

વેલ, ટેકનિકલ યોગદાન એ પહેલાં બે હપ્તામાં જોયેલા યોગદાનથી ખાસ અલગ નથી. તમે જો કોડિંગ કરી શકતા હોવ કે પછી ટેકનિકલ સાઉન્ડ હોવ તો, તમે કોઇ પણ પ્રોજેક્ટમાં તમારું યોગદાન આપી શકો છો. ધ્યાન એ રાખવું કે કોમ્યુનિકેશન-કોમ્યુનિટી મુદ્દો અહીં પણ મજબૂત હોવો જરુરી છે. સારું કોડિંગ કરનાર, સારો કોમ્યુનિટી મેમ્બર બને તે જરુરી નથી! નીચે થોડાંક મુદ્દાઓ લખ્યા છે, જે મારા નાનકડાં અનુભવોને આધારે છે. સુધારા-વધારા માટે સૂચનો આવકાર્ય છે. આ સીરીઝની બ્લોગ-પોસ્ટ્સ હું સમયાંતરે અપડેટ્સ કરતો રહીશ.

૧. ધીમી શરુઆત.

ધીરુભાઇ ઝિંદાબાદ. ધીરુભાઇ અમર રહો. (ઓપનસોર્સની) દુનિયા મુઠ્ઠીમાં કરી લેવા માટે હંમેશા ધીમી શરુઆત કરવી. દા.ત. કર્નલમાં યોગદાન આપવું હોય અને કમ્પાઇલ કર્યા વગર એ પ્રકારના પ્રશ્નો તમે સીધાં જ કર્નલનાં મેઇલિંગ લિસ્ટમાં જઇને પૂછો તો, સારા જવાબોની અપેક્ષા (કે આશા – તમને જે ગમે તે) રાખવી નહી. PS: આપણાં ભારતીયો આ પ્રકારના સવાલો કર્નલ મેઇલિંગ લિસ્ટમાં પૂછવા માટે ફેમસ છે (અને બીજી બાજુ હોશિંયાર, હોનહાર કર્નલ ડેવલોપર્સ ભારતમાંથી પણ છે!).

૨. ગીટહબ, બિટબકેટ કે ગિટોરિઅસ.

આ ત્રણ વેબસાઇટ્સ તમારા કોડિંગને દુનિયા સુધી પહોંચાડશે. વત્તા ગીટહબ, બિટબકેટ, ફોર્ક અને પુલ રિકવેસ્ટનાં સરસ ફીચર્સ ધરાવે છે એટલે તમે ગમે તે પ્રોજેક્ટમાં યોગદાન આપી શકશો. એકદમ સરળ અને સુંદર.

૩. રીઇન્વેન્ટિંગ ધ વ્હીલ.

^^ આ ન કરવું. કોલેજમાંથી બહાર પડીએ ત્યારે આપણી ઇચ્છા પોતાની ઓપરેટિંગ સિસ્ટમ બનાવવાની હોય છે. એમ કરવાની જરુર નથી, કારણ કે લિનક્સ કે પહેલેથી ચાલી રહેલા સારાં પ્રોજેક્ટને શ્રેષ્ઠ બનાવીએ એ જ ઘણું છે (આ લખીને તમારી ઇચ્છા પર હું કુહાડો નથી મારતો, પણ કોમ્યુનિટી સાથે જોડાવવું એ નવી કોમ્યુનિટી બનાવવા કરતાં સરળ છે!).

૪. મોટિવેશન.

મોટિવેશન આપવું અને જાળવી રાખવું. અહીં તેની જરુર પડશે!

૫. ઉદાહરણો.

ટેકનિકલ યોગદાન આપવા માટે બેસ્ટ પ્રોજેક્ટ્સ: કેડીઇ (C++, Qt, Python વગેરે), પાયથોન (C, Python), ડેબિયન, (તમને જે કંઇ આવડે તે!), ફાયરફોક્સ (આ પાનું જોવા જેવું છે).  વત્તા, જો તમે તાજેતરમાં થયેલી કેડીઇ કોન્ફરન્સ વિશેની વિવિધ પોસ્ટ્સ વાંચી હોય તો, ઓપનસોર્સમાં ઝંપલાવવાનો ઉત્તમ રસ્તો, કોઇ કોન્ફરન્સમાં જવું અને ત્યાં ડાયરેક્ટ ડેવલોપર્સ જોડે જ્ઞાન મેળવવું.

તો, આ સીરીઝ અહીં પૂરા થાય છે!! સમય મળશે તો આપણે આવાં મુદ્દાઓ ચર્ચતા રહીશું!!

foss.in: ૨૦૧૨ અહેવાલ

with one comment

* તો હાજર છે, નાનકડો અહેવાલ ઉર્ફે રીપોર્ટ, foss.in નો.

દિવસ ૧:

આગલા દિવસે ખબર પડી કે PG થી કોન્ફરન્સની સીધી જ બસ છે. વાહ, બીજું શું જોઇએ? સવારે ઇડલી-સંભાર+કોફીનો બ્રેકફાસ્ટ કરીને તરત બસમાં બેઠો અને અડધો કલાકમાં foss.in પહોંચી ગયો ત્યારે લાંબી લાઇનમાં ઉભા રહીને મારું કોન્ફરનસ ટેગ લીધું. ત્યાં પછી વાસુદેવ, અરવિંદ અને પ્રવીણ મળ્યા. સ્વાભાવિક રીતે કુશાલ, કિરણ (જેસ), ગૌરવ, સિધ્ધેશ, વિજય ગુપ્તા અને બીજા કેટલાય લોકો ઘણાં સમયે મળ્યા. આ વખતે લાઇવ સ્ટ્રિમીંગ પણ hasgeek.tv પરથી કરાતું હતું એટલે તમે હોલ-૧ નું જીવંત પ્રસારણ જોઇ શકાતું હતું.

ડેબિયન વાપરતા NIT કાલિકટના કેટલાંક સ્ટુડન્ટ્સને મળ્યો, જે જોઇને મને બહુ મજા આવી. અને, OpenShift વાળાની બોટલ ઓપર આકારની પેનડ્રાઇવ બહુ હીટ રહી. પણ, એક જ મળી એટલે બીજા કોઇને આપી શકાશે નહી ;)

બપોરે લંચમાં ચિંતન અને વિરલ સચદે મળ્યા ત્યારે ગુજરાતીમાં સંવાદો કરવાની મજા આવી. લંચ પછીના સેશન આમ તો ભારે પડે, પણ અમે તો હેકરસ્પેસમાં બેઠા-બેઠા ડેબિયન પર ચર્ચાઓ જ કરી. ઘણાં નવાં લોકોનો પરિચય થયો. સાંજે Gene Koganની હેકરટોક સરસ રહી. પ્રોસેસિંગ અને OpenFramework વડે આર્ટ વત્તા ઓપનસોર્સનો જાદુ જોવા જેવો હતો!

ડિનર માટે ઝૈનાબ, ગૌરવ, કરુણાકર, દેવદાસ અને રામકી જોડે ક્યાંક બહાર જવાનું હતું અને બેંગ્લોરમાં ડિનર માટે દૂર જવું એથી વધુ કષ્ટદાયક કામ એકેય નથી. તેમ છતાંય અમે Koshy’s ખાતે ડિનર નક્કી કર્યું. ઠીક-ઠીક ડિનર ખાધા પછી ક્યાંક આઇસક્રીમ ખાવા ગયા ત્યાં અમે Death By Chocolate પસંદ કર્યો અને ખરેખર એટલી ચોકલેટ ખાધા પછી Death ના થાય તો જ નવાઇ ;)

ત્યાંથી PG પર રીક્ષામાં આવ્યો અને સ્વાભાવિક રીતે રીક્ષાવાળા જોડે સારી એવી મગજમારી થઇ (ના થાય તો જ નવાઇ!).

દિવસ ૨:

બીજા દિવસની શરુઆત અને અંત Ulrich Drepper ની ટોકથી. બન્ને બહુ જોરદાર અને ભારે. મોટાભાગે અમે હેકરસ્પેસમાં જ બેઠા હતા. ડેલિગેટ કીટમાં સરસ મજાનો મગ મળ્યો જે હવે મારી કોફીની જરુરિયાતને સંતોષશે. વૈભવને પણ બે વર્ષ પછી મળ્યો ત્યારે foss.in ની જૂની યાદો તાજી થઇ ગઇ.

બીજા દિવસે અમે મોટાભાગે હેકરસ્પેસમાં જ બેસીને ડેબિયન ઉપર કામ કર્યું (કામ ઓછું, વાતો વધુ ;). systemd પરની ટોક માણી. લંચ સરસ હતું. અને, ખરેખર આ વખતે ત્રણેય દિવસ બહુ ખાધું ;)

ડિનર KDE.in પબ્લિક જોડે. સ્મિત, વિરાંચ, આદિત્ય અને રોહન. પીઝ્ઝા ઝાપટ્યાં વત્તા ટેકનોલોજી, ફિલ્મો અને પુસ્તકોની અખૂટ વાતો.

દિવસ ૩:

ત્રીજા દિવસે અમારું Debian Tutorial આગલા દિવસે રાત્રે નક્કી કર્યા પ્રમાણે છેલ્લી ઘડીએ ઉમેરવામાં આવ્યું. આ પ્રકારના ટ્યુટોરિઅલ તમે રનટાઇમ પર ઉમેરી શકતા હોવ તો એની મજા અલગ છે. બપોર પછી હોવા છતાં ડેબિયન ટ્યુટોરિઅલ રુમ ભરેલો હતો. લગભગ પોણા બે કલાક સુધી સતત અમે ડેબિયન શું છે, તેમાં કેવી રીતે તમે યોગદાન આપી શકો છો અને પેકેજિંગ કેવી રીતે કરવું તેના પર ચર્ચા વત્તા પ્રેક્ટિકલ્સ બતાવ્યું. જોકે ઘણાં મહત્વના મુદ્દાઓ રહી ગયા પણ, બે કલાકમાં તે બધું જ સમજાવવું શક્ય નહોતું (એમ તો બે દિવસ પણ ઓછા પડે પણ, જાત મહેનત ન કરો તો શું કામનું?). પછી, અમે નાનકડી કી-સાઇનિંગ પાર્ટી રાખી. તેજેશનો અહીં પરિચય થયો અને ક્રિપ્ટોપાર્ટી ડિસેમ્બરના અંતમાં રાખવાનું નક્કી થયું છે.

અને, સરસ મજાનું Panel Discussion! લેનાર્ડ પોટ્ટરિંગ હોય એટલે બધાંને મજા જ આવે!

છેલ્લી હેકરટોક અલગ હતી. એ હતી Usability વત્તા મેજીક પર. મજા આવી, પણ પછી ત્યારબાદના રોક-શોમાં હું ન રોકાયો. કારણ? મને એમ કે હવે મારે મારી ફ્લાઇટ પકડી ઘરે જવાનું છે. હું ભૂલી ગયો હતો કે હું તો બેંગ્લોરમાં જ છું. ઓહ. હોમ સિકનેસ અને હું તરત પાછો PGમાં આવી ગયો. કોઇને ગુડ-બાય કહેવાનું રહી ગયું હોય તો – sorry!

ફોસ.ઇન ૨૦૧૨ના ફોટાઓ.

ફોસ.ઇન ૨૦૧૨ના મોબાઇલ વડે પાડેલા ફોટાઓ.

foss.in: ઐતહાસિક અહેવાલો ૨

leave a comment »

બીજો ભાગ હાજર જ છે.

* ૨૦૦૬:

૨૦૦૬ની મુલાકાત વિશેષ રહી. કારણ? કારણ કે હું અને કોકી – ie સહપરિવાર ગયેલા. થેન્ક્સ ટુ, foss.in ટીમ કે જેમણે મારી સાથે કોકીની હોટલની એરેજમેન્ટ કરી આપેલી (એટલે કે જોડે જ, કેવી વાત કરો છો?). અને, બીજી સરસ વાત કે આ વખતે હું પહેલી વાર ડેબિયન પર ટોક આપવાનો હતો. મારો વિષય હતો: “હાઉ ટુ બીકમ થર્ડ ઇન્ડિયન ડેબિયન ડેવલોપર?” વેલ, હું થર્ડ ડીડી ના બન્યો પણ સાતમો બન્યો ખરો! મારી ટોક સારી રહી અને સારા એવા સવાલો મને પૂછાયા અને મેં સારા એવા જવાબો પણ આપ્યા! આ વખતે પણ ઘણાં લોકોનો પરિચય થયો. કપિલ, જ્હોન (jewel) – આ બે ડેબિયન ડેવલોપર્સ ત્યાં હાજર હતા. બાકી, અમારી રેગ્યુલર કોમ્યુનિટી તો ખરી જ. પ્રૂફ? આ ફોટો ;)

અને, મારો અને કોકીનો અત્યાર સુધીનો બેસ્ટ ફેમિલી ફોટો આ ઇવેન્ટમાં જ લેવાયેલો. મારી ફેસબુક પ્રોફાઇલ પર તે જોવા મળી શકશે.

* ૨૦૦૭:

આ વખતે પણ ઇવેન્ટ હતી ખાસ-મ-ખાસ કારણ કે અમે ડેબિયન-ઉબુન્ટુ પ્રોજેક્ટ ડે નું આયોજન કર્યું હતું, જ્યાં સળંગ આખો દિવસ ડેબિયન પર ટોક-વર્ક શોપ થવાની હતી. ધાર્યા કરતાં ઓછાં લોકો આવ્યા, પણ આ વખતે ડેબિયન પ્રોજેક્ટ લીડર (એ સમયના) – સામ હોસેવર અને ક્રિસ્ટિઅન પેરીઅર (ડેબિયન i18n ગુરુ) ત્યાં આવેલા. એમની જોડે ઘણું નવું શીખવા મળ્યું વત્તા અંકિતની જગ્યાએ ફાયરફોક્સ-મોઝિલા લોકલાઇઝેશનની ટોક પણ આપી. અમારા પ્રોજેક્ટ ડે માં સન માઇક્રોસિસ્ટમનો એક માર્કેટિંગ વાળો ઘુસી ગયેલો જે સોનાની થાળીમાં ગોબા જેવું થયેલું, પણ ઓવરઓલ અમારો પ્રોજેક્ટ ડે સરસ ગયેલો.

આ ખાસ ઇવેન્ટ એટલા માટે પણ હતી કે મારો એક જોબ ઇન્ટરવ્યુ IISC ની સીડીઓ પર બેસીને થયેલો (અને પછી હું બેંગ્લોર ગયેલો.. ડોન્ટ રીમાઇન્ડ મી ધેટ!) તો બીજી બાજુ જૂની જોબમાંથી હેન્ડઓવર કરવાનું ભયંકર પ્રેશર પણ હતું.

PS: ક્રિસ્ટિઅન પેરીઅરનો રીપોર્ટ

* ૨૦૦૮:

વેલ, ૨૦૦૮માં હું foss.in માં નહોતો ગયેલો ;) કારણ? લૉ હેંગિગ ફ્રુટ્સ.

ધેટ્સ ઓલ. ૨૦૦૯ કંઇ ઐતહાસિક ન કહેવાય એટલે તેના વિશે ખાસ લખતો નથી. ૨૦૧૨ નો અહેવાલ રવિવારે કે સોમવારે આપવામાં આવશે.

૨૦૧૨: વિશલિસ્ટ અને ટુ-ડુ

with 6 comments

… તો બે દિવસમાં ૨૦૧૧નું વર્ષ પૂરુ થાય છે અને ૨૦૧૨માં જો કંઈ પ્રલય-બલય ન થાય તો નીચેનાં વિશલિસ્ટ અને ટુ-ડુ પર કામ કરવામાં આવશે.

વિશલિસ્ટ:

* ફોટોગ્રાફી: 50mm 1.4/f. ઝૂમ લેન્સ વગેરેનો મોહ ન રાખવો અને પોટ્રેટ, સ્ટ્રિટ, મેક્રો ફોટોગ્રાફી પર ધ્યાન આપવું.

* પ્રવાસ: જ્યાં જવાનો મોકો મળે ત્યાં. No exception should be raised. શક્ય એટલી કોન્ફરન્સમાં ભાગ લેવો.

* ફ્રી અને ઓપનસોર્સ: Debian, illumos અને બીજા ઓપનસોર્સ પ્રોજેક્ટમાં બને તેટલું યોગદાન ચાલુ રાખવું.

* વિકિપીડિઆ: કંઈક નવું કામ કરવું. અત્યાર સુધી ચીટર-પીટર એડિટ્સ અને એડવોકેસી જ કરી છે, હવે કંઈક ગંભીર બનવું.

* નો ટીવી: બને ત્યાં સુધી ટીવી સદંતર ન જોવું. ૨૦૧૧માં પ્રમાણ ઓછું થયું પણ ૨૦૧૨માં બ્લેકઆઉટ રાખવો. કવિન-કોકી ભલે જોતાં. બને ત્યાં સુધી હિન્દી મુવી પણ ટાળવાં. પણ, લાગે છે કે ૨૦૧૨માં એટલા સારા મુવી આવવાના છે કે.. (ધ હોબિટ, ડાર્ક નાઈટ વગેરે..). સંપૂર્ણ યાદી.

* વગેરે-વગેરે: નવો મોબાઈલ લેવો, ટેબ્લેટ તરફ ન દેખવું.

ટુ-ડુ:

* પ્રોગ્રામિંગ વગેરે: મૂળભૂત એડિટર –> Emacs, C, Lisp અને Git.  સિક્સ્થ સેન્સ પર મહેનતથી કામ-કાજ કરવું.

* સોફ્ટ અને હાર્ડવેર: મેક–> નવી હાર્ડડિસ્ક. ૨૦૦૮ પછી પહેલી વાર ફરી આ મશીન પર ડેબિયનનું ઈન્સ્ટોલેશન.

* દોડવાનું: નિયમિત દોડવાનું ચાલુ રાખવું. તંદુરસ્ત રહેવું અને લોકોને દોડવા-ચાલવા માટે પ્રેરવા, ધક્કો મારવો વગેરે. વર્ષાંતે હાફ-મેરેથોનમાં ભાગ લેવો.

* ફોટોગ્રાફી: કેમેરા–> Magic Lantern, ટ્રાઈપોડ.

* વગેરે-વગેરે:
કિન્ડલ ફાયર?
ગિટાર અને PS/2 નો ત્યાગ કરવો. ટૂંકમાં – sell all your the crap, pay the debt – ની નિતી શરુ કરવી અને વર્ષના અંત સુધી જાળવવી.
નવાં-નવાં લોકોને મળવું.
મદદ માટે હંમેશા તત્પર રહેવું અને જીવનમાં લક્ષ્ય ઉંચા પણ અપેક્ષાઓ નીચી રાખવી :)

અત્યારે, બસ આટલું જ.

આજની કહેવત: રાત નાની ને વેશ ઝાઝાં.

ઓપન ડેટા અથવા ડેવલોપર્સ કોમ્યુનિટી કેવી રીતે બનાવવી – એક મિટિંગ

with 9 comments

* થોડા સમય પહેલા જાણ થઈ કે લિનક્સ યુઝર ગ્રુપ, મુંબઈથી એક મિત્ર મેહુલ અહીં અમદાવાદ આવવાનો છે, તો નક્કી કરવામાં આવ્યું કે જે લોકોને ઓપનસોર્સ વત્તા ડેવલોપર કોમ્યુનિટી ઉભી કરવામાં રસ હોય તેમણે મળવું અને કંઈક સોલિડ-કોંક્રિટ પ્લાન બનાવવો. અમદાવાદ અને ગુજરાતની એક મોટી મુશ્કેલી છે કે ઘણી બધી નવી કંપનીઓ હોવા છતાં એક ડેવલોપમેન્ટ કલ્ચર કે પછી કહેવાય કે શેરિંગ કલ્ચર હજી પુને કે બેંગ્લોર જેવું બની શક્યું નથી. બારકેમ્પ જેવી ઈવેન્ટ ખાસ થતી નથી અને છેવટે ભોગવવાનું ડેવલોપર્સને જ આવે છે. કોલેજની ઈવેન્ટ્સ કોલેજમાં જ સમાઈ જાય છે અને અમને આમાં શું મળે? સર્ટિફિકેટ મળે કે કેમ? આવા વાહિયાત સવાલોનો સામનો કરવાનો આવે છે. (મને યાદ છે કે EDI ખાતે થયેલા છેલ્લા બારકેમ્પમાં કોઈ પ્રોફેસર્સ પોતાની સ્ટુડન્ટ્સને લઈને આવેલીને સર્ટિફિકેટની માંગણી કરેલી કે અમે આટલે દૂરથી આવ્યા છીએ એટલે અમને સર્ટિફિકેટ આપો!)

અમે એટલે કે મેહુલ, નૂપુર, આદિત્ય (DAIITC), જૈનિલ (Nirma), સ્મિત (LDCE), સોહિલ અને હું – એમ તો Zen Cafe માં મળવાનું નક્કી કરેલ પણ મેહુલની સાઈકલના પાર્કિંગ અને તેની સલામતી (હા, તે મુંબઈથી સાયકલ પર અહીં આવ્યો છે :D) જોતાં CCD ઠીક લાગ્યું. સારી એવી ચર્ચા થઈ અને એ ચર્ચા હેઠળ પગલાં લેવાની શરુઆત પણ થઈ ગઈ છે. Linux-Gujarat ગ્રુપ હવે FLOSS-Gujarat છે અને ફેસબુક ઉપર પણ પ્રાપ્ત છે. આવનારા દિવસોમાં વધુ મિટિંગ અને ઈવેન્ટ્સનું આયોજન કરવામાં આવશે.

ફેસબુકે હવે ગુગલ+ સ્ટાઈલના ફોટા બતાવવાનું શરુ કર્યું છે.

અરે, હા. મેન્ડેટરી ફોટો:

OpenData or How to Build Developer Community - Meeting!

સ્કૂલ રીયુનિયન, મીનીડેબકોન્ફ – ૨

with 7 comments

* લગભગ દોઢેક કલાકની મુસાફરી અને વચમાં “એક હજાર થાંભલાવાળા મંદિર” ની મુલાકાત લઈને અમે નિટ્ટેના ગેસ્ટ હાઉસમાં પહોંચ્યા ત્યારે લગભગ પોણા બાર થઈ ગયા હતા. લોબીમાં જ ક્રિસ્ટિઅન પેરિઅર પોતાના લેપટોપ સાથે બેઠા હતા અને અમે ૪ વર્ષ પછી ફરી મળ્યા. ક્રિસ્ટિઅન એ ફ્રાન્સના ડેબિયન ડેવલોપર છે, ડેબિયનમાં તેઓ મુખ્યત્વે i18n, Samba અને બીજા પેકેજીસ સંભાળે છે. ડેબકોન્ફમાં ચીઝ-વાઈન પાર્ટી અને બીજી સોશિયલ એક્ટિવિટિ માટે તેમનું બહુ નામ છે. ૫૦ વર્ષના હોવા છતાં દરરોજ ૨૦ કિમી. દોડવું એ મોટી વાત છે અને મારા પેલા દોડ-કાર્તિક-દોડ પોસ્ટ અને પછીનો દોડવાનો શોખ ક્રિસ્ટિઅનને આભારી છે. તેમનું પેટ નેમ બુબુલે છે અને મોટાભાગે તેમને બધા બુબુલે જ કહે છે :) તેમના માટે ફેબઈન્ડિયાથી લીધેલો કુર્તો આપ્યો જે સદ્ભાગ્યે ફીટ થઈ ગયો. ફેબઈન્ડિયા આપણને ગમ્યું. પછી, ઘણીબધી વાતો કરી અને યાદ આવ્યું કે જમવાનું તો બાકી છે. થોડું જમ્યા, બીયર ટેસ્ટ કર્યો અને પછી થોડું ડેબિયનનું કામકાજ હાથ પર લીધું. દર વખતે થાય છે તેમ જ્યારે પણ હું રજા પર હોઉં કે કોન્ફરન્સ માટે જાઉં – ઓફિસમાં ક્રિટિકલ બગ્સ મારા ભાગે આવે જ છે :P

રાત્રે વીજળીના કડાકા અને વરસાદ શરુ થઈ ગયો અને અમને લેપટોપ કે કોઈક ઈલેક્ટ્રિક ઉપકરણ ન વાપરવાની સલાહ આપવામાં આવી. વાઈફાઈ પણ BSNLની લિંક ડાઉન થઈ જવાથી જતું રહ્યું અને છેવટે અમારે જમીને ૧૦ વાગે તો પથારીમાં લંબાવી દેવું પડ્યું. બીજા દિવસે સવારે વહેલાં ઉઠ્યાં. ડેનમાર્કથી આવેલા જોનાસ જોડે મુલાકાત થઈ. સરસ મજાનો બ્રેકફાસ્ટ હતો અને ફિલ્ટર કાપ્પી. ફિલ્ટર કાપ્પી પીતી વખતે હું ગમે તેવા પાપીને માફ કરી દઉં એટલી મજા આવે છે (આ વાક્યનો પ્રેરણા સ્ત્રોત – મિત્ર કુનાલ ધામી :)). કોલેજમાં ઈન્ટરનેટ સારું એવું ચાલતું હતું. ઉદ્ઘાટન, સ્ટેજ પર સન્માન વગેરે અજબ લાગ્યું કારણ કે ડેબિયનની કોન્ફરન્સમાં આ વસ્તુ અસામાન્ય છે. ફોર્મલ કપડાંની જગ્યાએ મેં તો વિચિત્ર ટી-શર્ટ પહેરી હતી કારણ કે મને ખ્યાલ જ ન હતો કે આટલું ફોર્મલ-ફોર્મલ લાગશે :) બધાંના વક્તવ્યો પૂરા થયા અને અમારી કોન્ફરન્સ શરુ થઇ. ત્યાં ચાની જગ્યા એ કંઈક બદામ-કેસર વાળું દૂધ હતું – જે મને ખાસ ભાવ્યું નહી. લાગે છે કે ત્યાં ચાનું બહુ ચલણ નથી. જમવાનું વગેરે કોલેજની કેન્ટિનમાં હતું – જે સારું હતું. ખાસ કરીને જ્યુશ વગેરે :)

સાંજે અમે બધાં ગોમટેશ્વરની મૂર્તિ જોવા ગયા અને બધાંને ભેગા કરી જતાં-જતાં સાંજ પડી ગઈ. છેક ઉપર પહોંચ્યા ત્યારે ખબર પડીકે બધું બંધ થઈ ગયું છે. આટલા અંધારામાં પહેલી વખત હું ચાલ્યો. પાછાં આવતી વખતે એ જ ભયંકર રસ્તા. નવાઈની વાત હતી કે આટલા અંધારામાં પણ અમુક લોકો રસ્તા પર ટોર્ચ વગર ચાલતા હતા. લોકલ સ્ટુડન્ટ્સે કહ્યું કે અહીં અંધારાની આદત પડી જાય છે :)

બીજા દિવસે મારી ટોક હતી જે ઠીક-ઠીક રહી. મુખ્ય કારણ એ કે મોટાભાગનાં લોકોએ ડેબિયન કે લિનક્સ વિશે પહેલી વાર સાંભળેલું. આ બધાં લોકોમાંથી જો અમને બે કે ત્રણ એવાં લોકો મળે જે ડેબિયનમાં પોતાનો ફાળો આપી શકે તો અમારી આખી મહેનત સફળ કહેવાય. છેલ્લાં બે દિવસની દોડાદોડી પછી બહુ થાકી ગયો હતો, રાત્રે વરસાદ પાછો ચાલુ થયો. મોડી રાત્રે રખડવા નીકળ્યાં અને ફરી બીઅરનો ટેસ્ટ કરવામાં આવ્યો :)

બીજા દિવસે મારે ૨.૪૦ ની ફ્લાઈટ હતી. મને એમ કે ૧૨.૩૦ જેવા નીકળશો તો ચાલશે પણ પછી નક્કી કર્યું કે ૧૧.૩૦ એ ટેક્સી શરુ કરી દેવી અને આ નિર્ણય યોગ્ય જ સાબિત થયો. રસ્તો બહુ જ ખરાબ હતો. વળી, રસ્તામાં ક્યાંક મંદિર આવતું હતું વત્તા એક્સિડન્ટ થયેલો હતો. લગભગ ૩૦ મિનિટ્સ એમાં બગડી અને સારા નશીબે પોલીસ આવી ગઈ અને બધું થાળે પડ્યું. મેંગ્લોર એરપોર્ટ બહુ નાનું છે, નવાઈ લાગી કે ત્યાં ચેકિંગ વધુ કડકાઈથી થતું હતું. અને બોર્ડિગ પાસ લીધા પછી ખાવા-પીવાની કોઈ સુવિધા નહોતી. પણ, ફ્લાઈટમાં નાસ્તો મળ્યો. ધન્ય થઈ ગયા :) મુંબઈ એરપોર્ટ – એઝ યુઝયલ – કેઓટિક વાતાવરણ. મોડી ફ્લાઈટ અને અમદાવાદ એરપોર્ટ પર જી-ઓટોની મગજમારી. માંડ-માંડ ઘરે આવ્યો ત્યારે થાકી ગયો અને પાછો એકલો હતો એટલે ડિનર મૂક્યું પડતું અને ડેનિશ ચોકલેટની મજા લીધી :P

ફોટા વગેરે પિકાસા પર અહીં મૂક્યા છે.

આવે છે..

with 8 comments

શું આવે છે?

સલામતીભર્યું કોમ્પ્યુટર. એટલે કે તમે વિન્ડોઝ ૮ સિવાય બીજી કોઈ ઓપરેટિંગ સિસ્ટમ તેમાં ચલાવવાની ગુસ્તાખી ન કરી શકો. થોડા સમય પહેલા મેથ્યુ ગેરેટ નામના ડેવલોપરે શોધ્યું કે માઈક્રોસોફ્ટે હવે હાર્ડવેર વેન્ડર્સ સાથે મળીને UEFI નામની ટેકનોલોજી વડે એવાં કોમ્પ્યુટર્સ બનાવશે જે માત્ર ઓફિશિઅલ વિન્ડોઝ ૮ કે પછીની ઓપરેટિંગ સિસ્ટમ જ ચલાવી શકે. અહીં પાયરસી ટાળવાનો હેતુ છે પણ પાપડી ભેગી ઈયળ બફાય તેમ આ વસ્તુ Linux કે BSD જેવી ઓપરેટિંગ સિસ્ટમ પણ બૂટ નહી કરવા દે. FSF એ આ માટે એક અભિયાન ચાલુ કર્યું છે.

જોઈએ છીએ હવે આગળ શું થાય છે..

બે સમાચાર

with 14 comments

૧. ફુગ્ગા ફૂટ્યા કે ફોડવામાં આવ્યા?

૨. વ્હાલા દિવ્ય ભાસ્કર, આજના છાપામાં આ સમાચાર વાંચી જે કંઈ રહ્યું-સહ્યું માન તમારા તરફ હતું એય ઉડાવી દેવાનો વિચાર છે કે શું?

દિવ્ય ભાસ્કર, લિનક્સ અને શિક્ષણ..

(ફોટો સોર્સ: દિવ્ય ભાસ્કર, ૧૨-૧૦-૨૦૧૧, ડીબી ગોલ્ડ, પાનું  ૭)

૧. લીનક્સ –> લિનક્સ

૨. લિનક્સ લેંગ્વેજ નથી, ઓપરેટિંગ સિસ્ટમ છે.

૩. સીસ્ટમ –> સિસ્ટમ

૪. લિનક્સની મોનોપોલી હોવાથી બીજી ઓપરેટિંગ સિસ્ટમ નાખી શકાતી નથી. માય @$$.

૫. વિદ્યાર્થીઓ ભણીને બહાર નીકળશે ત્યારે વધુ જ્ઞાન ધરાવતા હશે. એક ઓપરેટિંગ સિસ્ટમ તમે શીખો એટલે બેઝિક આવડી જાય છે, ફરીથી એકડો ઘૂંટવાની જરુર નથી. અને, આ તો પાછા નાનાં છોકરાંઓ, તરત જ શીખી લે. એમેય વિન્ડોઝ શીખવાની જરુર શું છે? :)

અપડેટ્સ

with 3 comments

*દિવાળી આવે છે ને ભારે શોપિંગ કરાવે છે. કવિનના કપડાં આજ-કાલ મારા કપડાં કરતાં મોંઘા આવ્યા. ફોર્મલ શર્ટમેં છેલ્લે ક્યારે પહેર્યો હતો તે યાદ નથી. ટી-શર્ટ્સ જીંદાબાદ. જોકે આ વખતે લીધાં છે જે બે-ત્રણ વર્ષ ચાલશે ;) હજી ઘણી બધી શોપિંગ બાકી છે.

* આજ-કાલ પાછું વાંચન પડતું મૂકાયું છે, દોડવાનું સારું ચાલે છે – પણ હજી સવારે ઉઠાતું નથી એટલે સાંજે જવું પડે છે.

* ગઈકાલે પહેલા વાર ડબકા કઢી-મકાઈ ભાતનો (સ્વાતિ, લો ગાર્ડન) ટેસ્ટ કર્યો. મજા આવી.

Dabaka Kadhi and Makai Bhat

* અને, ઘરની સાફ-સફાઈ ચાલુ કરવામાં આવી છે.

* ટેક અપડેટ: મારું awesome configuration હવે હવામાનનું વિજેટ ધરાવે છે.

હવામાન દર્શાવતું વેધર વિજેટ

છેવટે…

leave a comment »

… કી-બોર્ડ લેઆઉટ બદલવાનું કી-બોર્ડ વડે શક્ય બન્યું.

એક વખત એવું બન્યું કે મેં લિનક્સમાં awesome વિન્ડો મેનેજર પર સ્થળાંતર (માઈગ્રેશન?) કર્યું. awesome ખરેખર awesome, પણ મોટી તકલીફ કે એનું configuration બધું જ તમારી જાતે જ લખવું પડે. ફાયદો એ કે તમે તમારા ડેસ્કટોપને તમારી મરજી મુજબ દેખાવ આપી શકો. દા.ત. અત્યારે મારું ડેસ્કટોપ જોઈએ તો કંઈક આવું દેખાય છે.

ડેસ્કટોપનો સ્ક્રિનશોટ

(નોંધ: પૂર્ણ કદનો સ્ક્રિનશોટ)

ટૂંકમાં, પ્રોગ્રામર-ડેવલોપરને જલ્સા પડે એવું. દા.ત. તમે ફાયરફોક્સ ખોલો તો આપમેળે તે ડેસ્કટોપ ૨ માં જ ખૂલે. સ્કાઈપે ખોલો તો ડેસ્કટોપ ૩ માં જ ખૂલે વગેરે. હવે મૂળ વાત પર આવીએ તો, કી-બોર્ડ બદલવાનું વિજેટ મેં ઉમેર્યું પણ તે માઉસ ક્લિક વડે જ ગુજરાતી (અને અંગ્રેજી) કી-બોર્ડ બદલે. પછી, થોડી મહેનત પછી કી-બોર્ડ શોર્ટકટ ઉમેર્યો. (મોટાભાગના શોર્ટ-કટ Meta (એટલે કે વિન્ડોઝ અથવા મેક) કી વડે જોડાયેલા હતા. હવે, ગુજરાતી કી-બોર્ડ હોય ત્યારે મેટા કી ચાલે પણ, કોમ્પ્યુટર બીજા ગુજરાતી અક્ષરો ન સમજે. કારણ – સીધું. જો તમે શોર્ટકટ Meta + k રાખ્યો હોય તો જ્યારે ગુજરાતી કી-બોર્ડ હોય તો તે Meta + ક તરીકે લેવામાં આવે.

થોડીવાર પછી ખબર પડી કે ગુજરાતી ઈનસ્ક્રિપ્ટ કી-બોર્ડમાં z પર કોઈ અક્ષર મેપ કરેલો નથી :) એટલે Meta + z બની આપણો કી-બોર્ડ બદલવાનો શોર્ટકટ.

PS: મારું awesome configuration અહીંથી મળી શકે છે: awesome config at gitorious

થોડાંક સમાચારો..

with 3 comments

૧. એન્ડ્રોઈડ ફોન છે તમારી પાસે? થોડાંક ટેકી છો? તો હાજર છે ભારતીય એન્ડ્રોઈડ વપરાશકર્તાઓ માટે એક ખાસ મેઈલિંગ લિસ્ટ: http://lists.linux-delhi.org/mailman/listinfo/indroid

૨. કવિન આજ-કાલ અદ્ભૂત ચિત્રો બનાવે છે, અદ્ભૂત તોફાન પણ કરે છે. એમ અદૂભૂત ડાયલોગ્સ પણ બોલે છે. પછી ક્યારેક આ વિશે અલગ પોસ્ટ પાક્કી.

૩. આજ-કાલ મારા કરતાં કોકી વધુ વાંચી રહી છે. કવિન પણ રાત્રે કોઈ પણ રેન્ડમ ચોપડી લઈને બેસે છે અને પાનાં ફેરવતો રહે છે.

૪. વરસાદ. ઓહ. અમદાવાદમાં ૨૯મી ઓગસ્ટે વરસાદ આવે? નવાઈ ભરી વાત છે.

૫. વસ્ત્રાપુર તળાવની આસપાસ અન્ના રેલીઓ જોયા પછી લાગ્યું કે જેમ ઝોલો લઈ ફરવાથી સમાજસેવક કે સેવિકા બની જવાતું નથી, જેમ ખાદી પહેરવાથી ગાંધી બનાતું નથી તેમ મેં ભી અન્ના લખેલી ટોપી પહેરવાથી અન્ના બનાતું નથી. રેલીવાળાઓને પહેલાં શિસ્ત શીખવાની જરુર છે. (એમ તો દરેક ભારતીયને શિસ્ત એટલે શું? એ વિશે મારી-મારીને શીખવાડવાની જરુર છે – એ વાત કહેવાની જરુર છે?)

થોડાક (ટેક) અપડેટ્સ

with 5 comments

એમ તો આ પોસ્ટ અંગ્રેજી બ્લોગમાં જવી જોઈતી હતી પણ હવે ત્યાં પોસ્ટ કરવાનો મને કંટાળો આવે છે, એટલે ગુજરાતી રીડર્સના માથે ટેકનિકલ ટેસ્લા કોઈલનો કરંટ આપવામાં આવશે. જોકે થોડા નોનટેક અપડેટ્સ છે એટલે પચી જશે.

* (ગઈકાલે) ડેબિયનમાં aria2 અને (આજે) libmng પેકેજીસ અપલોડ કર્યા. libmng હવે MultiArch આધાર ધરાવે છે એ મહત્વનો મુદ્દો છે. aria2 એ કમાન્ડ-લાઈન ટોરેન્ટ ડાઉનલોડ સોફ્ટવેર છે. એકદમ સરળ અને મૂળ-લેખક પણ ત્વરિત જવાબ આપે છે. aria2 માં હવે મેટાલિંક આધાર પણ ઉમેરવામાં આવ્યો છે.

પુના ખાતે મીની-ડેબકોન્ફ ચાલી રહી છે અને પછીની મીની-ડેબકોન્ફ મેંગ્લોર હશે. ત્યાં તો જવાનું જ છે.

* ઘરે ઇન્ટરનેટની ઝડપ# વધારવામાં આવી છે. મજા આવે છે. (# = FUP લાગુ પડે છે)

* લેપટોપમાં વાઈ-ફાઈ ચાલુ થઈ ગયું છે અને લેપટોપ પાછું ખરેખર લેપટોપ બન્યું છે. છતાંય, મોડેમ નજીક છે એટલે ઈથરનેટ કેબલ જ વપરાય છે.

* રક્ષાબંધન સરસ રીતે પૂર્ણ થયું. મામાના ઘરે ગયા અને કવિને બરોબરની મસ્તી કાઢી. કવિનને માલવ-કથન મળે એટલે ધમાલ મચાવી મૂકે છે. આ વખતે તો વળી રીવા પણ હતી એટલે બધા તેને રમાડવામાં વ્યસ્ત હતા. થોડા ફોટાઓ પાડ્યા છે, પણ બરોબર ન આવ્યા. ખોટો લેન્સ લઈ જવામાં આવ્યો હતો.

* ત્રણ દિવસની રજાઓમાં એમ તો અંબાજી-પાવાગઢ કે માઉન્ટ આબુનો પ્લાન હતો પણ, કેન્સલ કરવામાં આવ્યો. થેન્કસ, મિ. વરસાદ જે ગઈકાલે દેખાયા જ નહી!! હવે બગાસાં ખાતાં ઘરે બેસીશું, ક્યાંક મોલમાં જઈશું અને ફરી બગાસાં ખાઈને પાછાં આવીશું.

ચાલો ત્યારે, બપોરનો દિવ્ય સમય થઈ ગયો છે.

પુસ્તક: કુકિંગ ફોર ગિક્સ

with 3 comments

* ડેબિયન અને બીજાં ઓપનસોર્સ પ્રોજેક્ટમાં કામ કરતાં અનેક નવાં મિત્રો બન્યા છે (એમાં કેટલાકને હું ક્યારેય મળ્યો નથી) અને મિત્રતા રીઅલ લાઈફ મિત્રો જેવી જ સારી એવી છે. ડેબિયનમાં હું netsniff-ng નામનું પેકેજ સંભાળુ છું (જે નેટવર્ક કે પ્રોટોકોલ એનાલિસિસ અથવા વાયરલેસ ક્રેક કરવા અથવા રીવર્સ એન્જિનિયરિંગ માટે વપરાય છે :P). આ પરથી તેના મુખ્ય ડેવલોપર જોડે વધુ ઓળખાણ થઈ અને મારી થોડી એવી મદદને કારણે અમે નાનકડાં (પણ, સ્ટુપિડ) બગ્સ ઉકેલી શક્યા. થોડા સમય પહેલાં ચેટ દરમિયાન તેણે કહ્યું કે મદદ માટે હું તને કંઈક ગિફ્ટ મોકલવા માંગું છું. મેં કહ્યું કંઈ પણ મોકલજે (જે તને સસ્તું પડે તે). ગઈકાલે બહાર જવાની તૈયારી કરતાં હતાં અને પોસ્ટ આવી તો,

કુકિંગ ફોર ગીક્સ

સરસ પુસ્તક છે. જોકે થોડા પાનાં ઉથલાવ્યા તો ઘણી વસ્તુઓ નોન-વેજ છે. પણ, કિચન અને કુકિંગની સારી એવી ટીપ્સ મારા જેવાં રસોડાં તરફ ન ફરકતાં લોકો માટે સારી રીતે આપેલી છે. બ્રેકફાસ્ટ વગેરે તો હું ટ્રાય કરી શકીશ. અને, આમ પણ જમવાનું બનાવવાનું શીખવાનું એ આ વર્ષના વિશલિસ્ટમાં હતું ખરું એવું મને યાદ છે.. :)

થેન્ક્સ, ડેનિઅલ!

ફોન અપડેટ અને ફાધર્સ ડે..

with one comment

* મારો ફોન (HTC Tattoo) બિચારો એન્ડ્રોઈડ ૧.૬ પર અટકી ગયો હતો અને ક્યારનુંય મારું મન બીજો ફોન લેવા ભટકતું હતું. પછી, ગઈકાલે રાત્રે નવરો બેઠો સર્ફિંગ કરતો હતો ત્યારે યાદ આવ્યું કે એન્ડ્રોઈડ એસ.ડી.કે. વગેરેનું સેટઅપ તો કરેલું છે તો ચાલો સાયનોજેન મોડ પરથી અપડેટ કરીએ. મોટાભાગની કંપનીઓ એન્ડ્રોઈડની જોડે પોતાની ફાલતુ UI અને ચોંટી પડેલ એપ્લિકેશન્સ આપતી હોય છે. સાયનોજેન મોડ એ કસ્ટમ એન્ડ્રોઈડ ઓપરેટિંગ સિસ્ટમ છે (પણ, તમારી વોરંટી ગઈ ખાડામાં..). જોકે તમને લેટેસ્ટ ફર્મવેર અને ઓપરેટિંગ સિસ્ટમ મળે એટલે શું જોઈએ. હું જોકે છેલ્લાં ફોન sync કરવાનું ભૂલી ગયો એટલે છેલ્લાં ૧૦-૧૨ દિવસનાં ફોન નંબર ઉડી ગયા, બાકી બધું બરાબર છે અને ફોન સરસ ચાલે છે. બેટ્રી લાઈફ અને ઈન્ટરફેસમાં ખાસ્સો સુધારો થયો છે. સ્કાઈપે (ઓહ..) આવી ગયું છે. વગેરે વગેરે.

સ્ક્રિનશોટ વગેરે પછી મૂકવામાં આવશે :)

* આજે ફાધર્સ ડે છે. વિશ્વનાં સૌ પપ્પાઓને હેપ્પી ફાધર્સ ડે. પપ્પાને સવારે ફોન કર્યો. તેમને તો ફાધર્સ ડે તો ખ્યાલ જ નહોતો. પણ, કવિને સવારે મારા જોડે મસ્તી કાઢીને ફાધર્સ ડેની સારી શરુઆત કરી છે.

Follow

Get every new post delivered to your Inbox.

Join 2,359 other followers