Posts Tagged ‘ઓપનસોર્સ’
સાત પાપ – વિન્ડોઝ ૭ કે સાથ
* બેડ વિસ્ટા પછી માઇક્રોસોફ્ટ લઇને આવે છે – વિન્ડોઝ ૭ નાં સાત પાપ. આ સાત પાપ વિશે વધુ જાણવા જુઓ FSF (ફ્રિ સોફ્ટવેર ફાઉન્ડેશન)ની સાઇટ: વિન્ડોઝ૭સિન્સ.ઓર્ગ. હા. મૂળ સાત પાપ વિશે તમે વધુ વિકિપીડિઆનાં આ લેખ પરથી જાણી શકો છો. જેણે દાન્તેની ઇન્ફર્નો વાંચી હોય તેને ખ્યાલ જ હશે.
આઇડેન્ટી.કા
* ટ્વીટર જેવી જ પણ, ઓપનસોર્સ બેકએન્ડ ધરાવતી માઇક્રોબ્લોગિંગ સેવા, identi.ca, પર તમે મને @kartikm પર ફોલો કરી શકો છો…
કેડીઇ ૪.૩.૦
* કેડીઇ ૪.૩.૦ હાજર છે!
લેખોની વડે ટેસ્ટ
ફાયરફોક્સ ૩.૫!
* હા, તમે હવે એટલે કે આજથી ફાયરફોક્સ ૩.૫ મેળવી શકશો! તો, શું ખાસ વાત છે આ ફાયરફોક્સ ૩.૫માં?
૧. તમે હવે બંધ કરેલ ટેબ કે વિન્ડોને Undo કરી શકો છો.
૨. પ્રાઇવેટ બ્રાઉઝિંગ – એટલે કે તમે મુલાકાત લીધેલ વેબસાઇટ્સની હિસ્ટરી, કૅશ, કુકીસ વગેરેની નોંધ નહીં લેવાય.
૩. ૭૦ કરતા વધુ ભાષાઓમાં પ્રાપ્ત (ગુજરાતી તો ખરું જ! હવે મેક માટે પણ ગુજરાતી આવૃત્તિ મળી શકશે).
૪. HTML5, વધુ સારી ઝડપ ધરાવતું જાવાસ્ક્રિપ્ટ એન્જિન અને ઘણા બધા આંતરિક સુધારાઓ!
અત્યારે જ ડાઉનલોડ કરો!
જુઓ: સ્પ્રેડફાયરફોક્સ.કોમ, ફાયરફોક્સ ફેસબુક પાનું અને પ્રકાશન નોંધો.
ખાસ નોંધ: જો તમે IE (ઇન્ટરનેટ એક્સપ્લોરર) વાપરતાં હોવ તો, તમે ફાયરફોક્સ વાપરવા માટે આ પાનાંની મુલાકાત લો.
હિસાબ-કિતાબ
* ખર્ચાનો હિસાબ-કિતાબ રાખવો અત્યંત અઘરો છે, પણ હાજર છે – બે સરળ ઉપાયો
સ્વરૂપ નામનાં બેંગ્લુરૂનાં એક સોફ્ટવેર એન્જિનિયર (અને સાહસિક, Byte of Python અને Byte of Vim જેવા પુસ્તકોનાં લેખક..) અને બીજા લોકોએ બનાવેલ આ સાધન તમારા ખર્ચા કે આવકની તરત નોંધ રાખશે. જ્યાં પણ પૈસા વાપરો તે નોંધ આ પેન ડ્રાઇવ જેટલાં સાધનમાં નાંખી દેવાની. ઘરે જઇને કોમ્પ્યુટર સાથે જોડી દેતા બધી માહિતી આપમેળે કોમ્પ્યુટરમાં આવી જશે (એટલે કે sync થઇ જશે). આ સાધન હજી પ્રાયોગિક ધોરણ પર છે. છતાં, તેનાં ફીચર્સ જોતા માર્કેટમાં તહલકો મચાવી દે તેવું છે..
૨. પેમ (Personal Expense Manager)
સ્વરૂપની જેમ બીજા એક મિત્ર પ્રસાદ પંડિતે સોફ્ટવેર પર હાથ અજમાવ્યો અને બનાવ્યું કમાન્ડ-લાઇન સોફ્ટવેર. PEM વડે લિનક્સ અને મેક (વિન્ડોઝ પર પણ ચાલે છે) પર તમે ગીક લોકોને પોતાનાં ખર્ચા-પાણીનો હિસાબ રાખતાં કરી શકો છો. સોફ્ટવેર હજી શરૂઆત છે. જો તમને પર્લ (perl) આવડતું હોય તો તમે તેમાં સુધારો-વધારો કરતાં માટેનાં વિચારો મોકલી શકો છો. નોંધ રાખો કે આ ટૅલી નથી એટલે તેવી રીતે સરખામણી કરતાં નહીં!
એક વિન્ડોઝ XPની આત્મકથા..
* એમ તો મારો જન્મ ઘણા વર્ષો પહેલાં થયો હતો,પરંતુ મારી ઘણી કોપીઓ બન્યા પછી પણ, મારી આત્મા તરફડવા માંડી હતી. મારી એક નકલ વહેતી વહેતી અમદાવાદમાં કોઇક રીટેલરને ત્યાં લાવવામાં આવી હતી. કાર્તિકે તેના એક સંબંધી માટે મને ઘણાં પ્રેમથી ખરીદી.
નીચે જુઓને, કાર્તિક કેવા ગર્વથી વિન્ડોઝ હાથમાં પકડીને બતાવે છે..
થોડો સમય તો મેં એકદમ યોગ્ય કામ કર્યું. મસ્ત પરફોર્મન્સ પણ આપ્યું. પરંતુ, ત્યારબાદ મારા મૂળમાં રહેલાં પ્રોગ્રામોએ રંગ બતાવવાનો ચાલુ કર્યો. મને ખબર જ છે કે મને કેવા-કેવા પ્રોગ્રામરોએ કેવી રીતે બનાવી છે. મારા અન્નદાતા માઇક્રોસોફ્ટે ક્યાં-ક્યાંથી ખીચડી કંપનીઓને ખરીદીને મારા જનીનોનું સંકરણ કર્યું છે – એ વેદના મારા સિવાય કોણ જાણી શકે?
હા, થોડા સમયથી તો મને નવાં-નવાં હાર્ડવેર જોડે પણ વેર થવા માંડ્યું.. અને પેલી મારી સોતન – વિસ્ટા, જુઓને મારું શું થશે? હા, પણ વિસ્ટાને પણ લાગનું મળ્યું છે – તેની બીજી સોતન, વિન્ડોઝ ૭, જેનું નામ હજી બરોબર જાહેર નથી થયું, તેની ચર્ચા છડે ચોક થાય છે. જેવાને તેવા મળ્યા ને…
પરંતુ, જુઓ તો ખરા, મારી દશા કેવી થઇ!! લિનક્સ વાળા લોકો તેને ‘Blue Screen of Death‘ (મોતનો ભૂરો રંગ) કહે છે.
મારી દયા ખાવ, પણ લિનક્સ વાળા એવું કહે છે – દયાની માને ડાકણ ખાય. વપરાશકર્તાઓ તેમનું ભલુ કરે..
લિનક્સ ગુજરાત: પ્રથમ મુલાકાત!
* આખરે અમારા ગ્રુપ લિનક્સ ગુજરાતની પ્રથમ મુલાકાત ગોઠવાઇ અને આજે લગભગ ૬.૪૫ વાગ્યે અમે રસરંજન, વિજય ચાર રસ્તા ખાતે અમે મળ્યા, વાતો કરી અને મજા કરી.
શરૂઆત થઇ, એકબીજાના પરિચયથી. હાર્દિક અને હરિતને તો પહેલેથી જાણતો જ હતો. સચીનને લુગા.ઓર્ગનાં દિવસોથી (લુગા.ઓર્ગ ડોમેઇન કોણે વેચ્યુ તે આજે ખબર પડી!) ઓળખતો હતો પણ રૂબરૂ મુલાકાત આજે જ થઇ! પછી, લિનક્સ અને ઓપનસોર્સનો વ્યાપ અમદાવાદ અને ગુજરાતમાં કઇ રીતે વિસ્તારી શકાય તેની ઘણી ચર્ચાઓ થઇ. અમે અમદાવાદની કોલેજોમાં લિનક્સ વિશેની સમજણ વધે તે માટે આવતા અઠવાડિયાથી પ્રયત્નો શરૂ કરીશું.
અને છેલ્લે હાર્દિકે બધાને જે ગમતું હોય તે લેવાની ઓફર કરી, પણ મારું પેટ ભારે હોવાથી પેપ્સી લઇને ઠંડક મેળવી. હા, ઉબુન્ટુના મસ્ત સ્ટીકર અને ઉબુન્ટુ જોન્ટીનો ISO પણ તેને આપ્યો.
બોનસ: હાર્દિકનો એન્રોઇડ ફોન, હાર્દિકના ફોટાની જગ્યાએ 
હવે, આવતી વખતે મળીશું ત્યારે ધ્યાનમાં રાખીશું કે રસરંજનમાં લેપટોપ લઇને બેસવામાં તે લોકોને પ્રોબ્લેમ થાય છે!
ફોર્ચ્યુન
* ફોર્ચ્યુન નામનો સરસ કાર્યક્રમ લિનક્સ અને યુનિક્સ આધારીત સિસ્ટમ માટે પ્રાપ્ત છે.
ફોર્ચ્યુન કાર્યક્રમ ચલાવતા તે રેન્ડમ ક્વોટ આપે છે. પરંતુ તમે કયા પ્રકારનાં ક્વોટ મેળવવા છે તે પણ નકક્કી કરી શકો છો. ફોર્ચ્યુન અત્યારે મારા ડેસ્કટોપ પર બીજા કમાન્ડ cal એટલે કે કેલેન્ડર સાથે કેવું લાગે છે તે નીચે જુઓ!
આ અસર ગીકટુલ નામના પ્રોગ્રામ વડે મળી શકે છે!
ડેબિયન લેન્ની
* ડેબિયને આપી વેલેન્ટાઇન ગિફ્ટ – નવી આવૃત્તિ લેન્ની!!! લેન્ની એ ટોયસ્ટોરી મુવીમાં એક દૂરબીનનું નામ છે અને કહેવાની જરૂર છે કે બધી જ ડેબિયનની આવૃત્તિઓ તેના પરથી જ કોડનામ ધરાવે છે.
તો આ પ્રસંગે નાનકડો કવિન શું કરે છે?
