મારા વિચારો, મારી ભાષામાં!

* આજે મમ્મી કવિન માટે મુંબઈથી નવો નાઈટ ડ્રેસ લાવી અને પછી અમને ખાતરી થઈ કે ગુગલ માત્ર સર્ચ એન્જિન, જીમેલ કે વેવ પૂરતું જ લોકપ્રિય નથી..

* તમે જો ગઈ કાલે ગુગલનો લોગો જોયો હશે તો ખ્યાલ હશે કે ગુગલની જગ્યાએ બારકોડ મૂકેલ છે. ગુગલ તેનાં લોગોમાં ચેડાં કરવા માટે જાણીતું છે – ગઈકાલનો લોગો બારકોડની શોધને ૬૦ વર્ષ પૂરા થયા તેની યાદમાં મૂકવામાં આવ્યો હતો.

મારા નામનો બારકોડ:

મજા આવી? તમે તમારા નામનો બારકોડ લોગો અહીં બનાવી શકો છો. અને, કોઈપણ બારકોડને અહીં ડીકોડ કરી શકો છો.

* આજે સફારી લેવા ક્રોસવર્ડ ગયો તો સફારી તો ન મળ્યું પણ,

૧. ભવની ભવાઈ

૨. an inconvenient truth (હિન્દી)

મળી ગયા. ભવની ભવાઈ હું ક્યારેયનોય શોધી રહ્યો હતો. અને ૨ મને પોસાય તેવી વીસીડીમાં (અને હિન્દીમાં) મળે તેની રાહ જોઈ રહ્યો હતો. એટલે, આ અઠવાડિયાનાં લિસ્ટમાં ઉપરોક્તનો સમાવેશ કરી શકાય. આ સિવાય,

૩. સ્ટાર ટ્રેક

૪. આંખલડી તરસે પિયુની વાટમાં.. (ગુજરાતી, ઓફ કોર્સ).

આ સિવાય googletechtalks પરથી ટેકનિકલ ડોક્યુમેન્ટરી વગેરેમાં જ સમય પસાર થયો.

* મને એમ કે આ મજાકનું નામ હશે – પણ આ તો ઓફિશિઅલ નામ લાગે છે..

મોટો નકશો જુઓ

* લોકો પણ નામનો કેવો ફાયદો ઉઠાવે છે…

* હમણાં, મારા એક સહકર્મીને ઇમેલ આવ્યા કે તમે તમારો પાસવર્ડ બદલવા માંગો છો, તો લિંક પર ક્લિક કરો. આ Forgot Your Password બહુ જ ભારે વસ્તુ છે! કોઇક એમાં ભોળવાઇ જાય અને ભળતી લિંક પર ક્લિક કરે જે પાનું જીમેલ (કે કોઇપણ ઇમેલ સાઇટ) જેવું જ બનાવ્યું હોય અને તમારા પાસવર્ડનો ઘડો-લાડવો થઇને તરત તમારું લોગીન જતું રહે.. એવું પણ બને કે તત્પુરતી તમારી માહિતી ચોરવા માટે બીજાં લોકો બીજે ક્યાંયથી તમારા એકાઉન્ટમાં લોગીન કરે.

જીમેલને વિનંતી કે પાસવર્ડ વિનંતી કરે ત્યારે સાથે IP Address મૂકે જેથી વિનંતી ક્યાંથી કરી તે જાણમાં રહે.

હા, જીમેલ તમારું લોગીન છેલ્લે ક્યાંથી વપરાયું તેની સરસ માહિતી આપે છે!

૧. જીમેલમાં લોગીન કરી, છેક છેલ્લે સુધી જાવ.

૨. અને નીચેનું વાક્ય શોધો, Details પર ક્લિક કરો.

૩. Details પર ક્લિક કરતાં નીચે પ્રમાણેની પોપ-અપ જેવી વિન્ડો ખૂલશે:

આ તમને તમે ક્યાંક લોગીન ખૂલ્લું મૂકીને નથી આવ્યાને, તે વિશે જાણકારી આપશે.

નોંધ: આ ઝાંખુ-ઝાંખુ દેખાય છે, એ IP Address મેં કર્યું છે. કંઇક છુપાવવા માટે, પણ એ કંઇ છુપાવી ન શકાય તેવું જાણવા છતાં!!

* મારા બ્લોગનો મોશન ચાર્ટ!

* એટલે કે ચટર પટર, ઇન્ટરનેટના રસ્તે.. ટ્વીટર હવે ઓવરહાઇપ બની ગયું હોય તેમ લાગે છે. ઘણાં બધા મેગેઝિન્સ, વેબસાઇટ્સ, બ્લોગ્સ અને દરેક વેબ ૨.૦ સ્ટાર્ટઅપ કે સાઇટ્સ ટ્વીટર વગર જીવી શકે તેમ નથી. વચ્ચે વળી એમ પણ સંભળાતુ હતું કે ગુગલ ટ્વીટરને ખરીદી રહ્યું છે. ખેર, મારા ઘણાં પરિચિતો પણ બ્લોગ છોડીને તેમનાં અપડેટ્સ કે કંઇ જણાવવું હોય તો ટ્વીટરનો જ ઉપયોગ કરે છે. ઘણાં તો વળી ટ્વીટરનો ઉપયોગ IM (ઇન્સટન્ટ મેસેન્જર) તરીકે પણ કરે છે.

મારા મેકનાં મેસેન્જર Adium માં હવે ટ્વીટર આવી ગયું હોવાથી એક જ મેસેન્જરથી હું – ટ્વીટર, આઇઆરસી, યાહુ, ગુગલ (બે એકાઉન્ટ!), ફેસબુક અને સ્કાઇપનો (પ્લગ-ઇન તરીકે, જોડે સ્કાઇપ ચાલુ હોવું જરૂરી છે) ઉપયોગ કરી શકુ છું. લિનક્સ માટે Ubiquity વાપરું છું.

શું તમે ટ્વીટર પર છો, તો મને @kartikmistry પર ફોલો કરી શકો છો!

બે સરસ ચિત્ર શોધ વેબસાઇટ્સ:

૧. હવે તમે એક-સરખાં ચિત્રો ગુગલની મદદથી શોધી શકો છો. વધુ માહિતી માટે જુઓ: http://similar-images.googlelabs.com

૨. તમે કોઇ શબ્દ વડે ચિત્ર શોધ કરો છો, પણ ઉલ્ટું કરવું હોય તો, ચિત્ર વડે ચિત્રની કે માહિતીની શોધ માટે જુઓ: http://tineye.com હા, તેમનો ડેટાબેઝ નાનો છે એટલે તમને યોગ્ય પરિણામ ન પણ મળે..

* લોકસભા ચૂંટણી ૨૦૦૯ માહિતી ગુગલ દ્વારા. જુઓ:

અંગ્રેજી: http://www.google.co.in/intl/en/landing/loksabha2009

હિન્દી: http://www.google.co.in/intl/en/landing/loksabha2009/index-hindi.html

તમને તમારા વિસ્તારની ૨૦૦૪ અને ૨૦૦૮ની બધી માહિતી મળી જશે. લોકસભાનાં સભ્યોની પણ સારી એવી માહિતી મળશે!

ગુગલ હવે શું નથી આપતું એ સવાલ છે

થેન્કસ ટુ મનીષભાઇનું ટ્વીટર અપડેટ!