એલિસ!

* મોટાભાગે તમને ધ લાસ્ટ લેક્ચર નામનાં સરસ પુસ્તક અને વિડીઓ વિશે ખ્યાલ જ હશે. આ પુસ્તકનાં લેખક રેન્ડી પૉશ શુક્રવારે આ દુનિયા છોડી ગયા. પણ, અત્યારે આપણે વાત કરવી છે, રેન્ડીની દેખરેખ નીચે તૈયાર થયેલ એલિસ નામનાં પ્રોજેક્ટની.

પહેલાં બે સવાલ:

૧. શું તમારે પ્રોગ્રામિંગ શીખવું છે? અથવા બીજાને શીખવવું છે?

૨. શું તમને તે શીખવાનું અથવા શીખવવાનું અઘરું લાગે છે?

તો એલિસ તમારા માટે છે!

તમને થશે, આ એલિસ કોણ છે?

એલિસ છે પ્રોગ્રામિંગ શીખવાનું સોફ્ટવેર – તે પણ એકદમ ઇન્ટરએક્ટિવ અને 3D મોડેલિંગનો ઉપયોગ કરીને. તો જાવ, એલિસ.ઓર્ગ પર અને કરો ડાઉનલોડ તમારી સિસ્ટમ માટે. અને હા, ઘણાં બધાં ડોક્યુમેન્ટ્સ પણ તેનાં પર પ્રાપ્ત છે. અને તે ફ્રી સોફ્ટવેર પણ છે!

સ્ક્રિનશોટ્સ,

એક રીક્ષાવાળાનો કોયડો..

* પરમ દિવસે ઘરે જવા માટે ઓફિસથી રીક્ષામાં બેઠો. રીક્ષાવાળાને કહ્યું, લખુડી તળાવ જવું છે. પછી અમારા વચ્ચે નીચે પ્રમાણેનો સંવાદ થયો.

રીક્ષાવાળો: જો ૫૦ પૈસા અને ૨૫ પૈસાનાં સિક્કાઓ મળીને ૩ રૂપિયા કરવા હોય અને કુલ સિક્કાઓ ૯ થવા જોઇએ તો કઇ રીતે ગોઠવણ કરી શકાય?

હું: !

રીક્ષાવાળો: માત્ર ૩ સેકન્ડમાં જવાબ આપો.

હું: કાકા, જરા વિચારવા તો દો…

રીક્ષાવાળો: શું કરો છો? ભણો છો? કઇ કોલેજમાં?

હું: ના, સોફ્ટવેર એન્જિનિયર છું…

થોડીવાર પછી…

હું: ૩ સિક્કાઓ ૫૦ પૈસાના, અને ૬ સિક્કાઓ ૨૫ પૈસાના.

રીક્ષાવાળો: 🙂

લાગે છે કે આજકાલ મગજ કટાઇ ગયું છે… 😛

નવું સર્ચ એન્જિન, કુઇલ

* પલકે ગઇકાલે ઇમેલમાં નવાં સર્ચ એન્જિન કુઇલ.કોમ ની કડી મોકલી, જે ગુગલની હરીફાઇ કરે છે કે કરશે તેમ કહેવાય છે. તો, આપણે તો કરી પ્રથમ શોધ આપણાં નામથી. પરિણામ?

પપ્પુ કેન્ટ ડાન્સ ઉપરથી:
સબ કહેતે હૈ બડા નામ કરેગા,
કુઇલ હૈ સબ સે બડા, કુઇલ હૈ સેક્સી,
બટ, કુઇલ કેન્ટ ફાઇન્ડ ગુજરાતી, સાલા..

વેલકમ ટુ અમદાવાદ!

* શનિવારે રાત્રે ૭ વાગે હું, કવિન અને કે – ત્રણેય નીકળ્યા, અમદાવાદ આવવા માટે અને સમાચાર મળ્યા કે અમદાવાદમાં તો સીરીઅલ બ્લાસ્ટ થયા છે. મેં કે ને પૂછ્યું છે, ચાલ જઇએ પાછા. પણ, પાણી તો મુંબઇનું. એટલે જે થશે તે જોઇ લઇશું કહીને નીકળી પડ્યા. સવારે લોકશક્તિએ ૫ વાગે ઉતાર્યા. હંમેશ મુજબ રીક્ષાવાળાએ પરિસ્થિતિનો લાભ લઇને બે ગણાં રૂપિયા લીધા – પણ આપણે પણ તેમની પરિસ્થિતિ સમજીએ છીએ.

ગઇકાલનો દિવસ બધું ગોઠવવામાં, ટીવી જોવામાં અને થોડી ઘણી ખરીદીમાં ગયો..

તો, કે અને કવિન – વેલકમ ટુ અમદાવાદ!

લેખકને શું જોઇએ?

* તમે કહેશો,

– કપ ભરીને ચા ?

– કલમ ?

– કાગળ ?

ના!

લેખકને જોઇએ માત્ર લખવાનું. અને જ્યારે, લેખ કે પુસ્તક લખાતું હોય ત્યારે ના જોઇએ ખટખટ-પટપટ (ખાસ કરીને આજુ-બાજુ માંથી). અને જો તમે લખવા માટે કોમ્પ્યુટર વાપરતાં હોય તો, આ ખટખટ આવે છે, જરૂર વગરનાં મેનુ, ઇમેલ-ચેટનાં પોપઅપ સંદેશાઓ, ધ્યાન જાય તેવાં આઇકન્સ વગેરેમાંથી. તો, હાજર છે, માત્ર લખવાની જ સુવિધા પૂરી પાડતું સોફ્ટવેર, રાઇટરૂમ! મીટીંગ વગેરેમાં નોટ્સ લેતી વખતે પણ આ સરસ રીતે કામમાં આવે છે.

આ સોફ્ટવેર મેક માટે છે અને ફ્રી નથી, ૨૪.૯૫$ નું છે! ૩૦ દિવસ ટ્રાયલ પર મળે છે. પણ, ૩૦ દિવસ પછી શું? ખરીદશો? (હું તો લેવાનો છું, પણ તે થોડી દૂરની વાત છે).

દુ:ખી થયા?

તો હાજર છે, લિનક્સ વપરાશકર્તાઓ માટે તેવું જ પાયથોમમાં બનેલ મસ્ત સોફ્ટવેર, પાયરૂમ. તમે તેને ફાવે તેમ મુક્ત રીતે વાપરી શકો છો!

નવરા બેઠાં ફાયરફોક્સ વાળે..

* નવરા બેઠાં નખ્ખોદ વાળે, તેનાં કરતાં ફાયરફોક્સ ૩ માં જ ચેડાંઓ કેમ ના કરવા..

૧. તમે ફાયરફોક્સને મોકલેલ ક્રેશ રીપોર્ટસ જોવા:
બ્રાઉઝરમાં about:crashes લખો અને એન્ટર કરો. અને જુઓ નીચે પ્રમાણે.

૨. વિવિધ સેટિંગ્સ બદલવા માટે:
અ. બ્રાઉઝરમાં about:config લખો અને એન્ટર કરો.
બ. નીચે પ્રમાણેનો સંદેશો આવશે.

I’ll be careful, I’ll promise પર ક્લિક કરો. (મને એ સમજાતું નથી કે આવું ફાલતું ડાયલોગ પેજ મૂકવાની શું જરૂર છે?)
અને જુઓ વિવિધ સેટિંગ્સ.

નોંધ: ગુજરાતી ફાયરફોક્સમાં આ પ્રમાણે દેખાશે.

દા.ત. તમારે Tools->Addons માં આવતા Recommended Addons ૫ ની જગ્યાએ ૧૦ કરવાં હોય તો, about: config પછી આવેલ, filter પટ્ટીમાં extensions.getAddons.maxResults લખીને આવતાં પરિણામ પર ક્લિક કરી તેમાં ૫ ની જગ્યાએ ૧૦ લખો.

તમે આ પ્રમાણે ઘણાં બધાં સેટિંગ્સ કરી શકો છો. વધુ વિગતે માહિતી અહીં વાંચો.

તમારી મરજી!

ફિલમ: વી ફોર વેન્ડેટા

* શુક્રવારે તો અમદાવાદ બંધ હતું, એટલે ઘરે જઇને કરવું શું? તો, જોઇ સરસ મજાની, વી ફોર વેન્ડટા.

V For Vendetta

૨૦૦૬માં રીલીઝ થયેલ આ ફિલ્મ સામાન્ય દર્શકોને જલ્દી પચે એવી નથી. અને, આખું બેકગ્રાઉન્ડ બ્રિટન પર આધારિત હોવાથી પહેલી નજરે આ ફિલ્મ બોરિંગ લાગે છે. પણ, ધ્યાનથી બીજી વખત (સ્ક્રોલ કર્યા વગર) જોઇ ત્યારે, ફ્રીડમ (સ્વતંત્રતા)ની થીમ પર સરસ રીતે આ ફિલ્મ રજુ થઇ છે.

બ્રિટન ૨૦૩૮માં એક જ પક્ષનાં શાસન નીચે છે અને આ શાસક પક્ષ પ્રજાને ટેરરિઝમનો ડર બતાવીને કેવી રીતે જકડી રાખે છે અને પછી તેનાં વિરોધમાં V નામનો અજ્ઞાત માણસ કેવી રીતે સામનો કરે છે, તે સરસ રીતે બતાવ્યું છે. હ્યુગો વિવિંગ (એજન્ટ સ્મિથ ફેમ..) ની એક્ટિંગ લાજવાબ છે અને નાતાલી પોર્ટમેન પણ સરસ રીતે પોતાનો રોલ આપે છે.

ટૂંકમાં, જો તમને ફ્રીડમ કોને કહેવાય, તે જાણવું હોય તો, આ ફિલ્મ જોવી રહી.

સંબંધિત કડીઓ:

IMDB
Wikipedia (ફિલ્મ)
Wikipedia (કોમિક્સ)

તમે જ્યારે આ વાંચતા હશો…

… ત્યારે હું મુંબઇ જવા માટેની ગુજરાત એક્સપ્રેસમાં બેઠો-બેઠો સડેલી બ્રેડ-કટલેસ ખાતો હોઇશ. તમને કદાચ પ્રશ્ન થતો હશે કે કાર્તિકે આવી ચોકસાઇથી કઇ રીતે વિધાન કર્યું? તો આ છે, શેડ્યુલ્ડ પોસ્ટનો કમાલ!

(નોંધ, સરકારી અનામત જોડે આનો ન્હાવા નિચોવાનો સંબંધ નથી, ગેરમાર્ગે દોરવાવું નહી!!)

વર્ડપ્રેસમાં પોસ્ટ લખતી વખતે જમણે બાજુ નજર કરો. આ પોસ્ટ હું જો ૧૯ તારીખે સવારે ૯.૧૫ એ પોસ્ટ કરવા માંગતો હોઉં તો, તેની ગોઠવણી નીચે પ્રમાણે થશે. આ સુવિધાનો ઉપયોગ હું બહુ જ કરું છું.

૧. પ્રથમ Publish immediately ની બાજુની Edit કડી પર ક્લિક કરો.

૨. પછી, પોસ્ટ કરવાનો સમય પસંદ કરો.

૩. અને, Publish ઉપર ક્લિક કરો (મહત્વનું. Save પર ક્લિક કરતાં તે પોસ્ટ, Draft માં જતો રહેશે!)

શેડ્યુલ્ડ પોસ્ટ કેટલાં છે તેની સ્થિતિ તમે તમારા વર્ડપ્રેસનાં ડેશબોર્ડ પર જોઇ શકો છો. દા.ત. આ પોસ્ટ શેડ્યુલ કર્યા પછી,

તો, આવજો. મળીશુ, સોમવારે!

અમદાવાદ બંધ

* આજે અમદાવાદ બંધનું એલાન છે. અમે પણ આજે ૫ વાગ્યે બધું કામકાજ સમેટીને ઘરે આવી ગયા. નવાઇની વાત છે કે અમદાવાદ બંધમાં તોફાન કરનારાઓ મોટાભાગે આશારામનાં ભક્તો જ નીકળ્યા!

ચોર ઉલ્ટો કોટવાળને દંડે!

મનની ખીંટી

“અમારાં ઘરમાં રિપેરકામ માટે એક સુથારને બોલાવેલો. એના કામના પહેલા દિવસની આ વાત છે.. કામ પર આવતાં રસ્તામાં ટાયર પંક્ચર થયું એમાં એનો એક કલાક બગડ્યો. કામ શરૂ કર્યા પછી અધવચ્ચે એની ઈલેક્ટ્રિક કરવત બગડી ગઈ. દિવસ પૂરો થયા પછી ઘરે પાછા જતી વખતે એની નાની ટ્રક ચાલી નહીં. હું એને મારી ગાડીમાં એના ઘેર મૂકવા ગયો. રસ્તામાં એ એક પણ શબ્દ બોલ્યો નહીં. અમે એના ઘેર પહોંચ્યા ત્યારે એણે કહ્યું : ‘ઘરમાં થોડી વાર આવો ને ! મારાં પત્ની અને બાળકોને તમને મળીને આનંદ થશે.’

ઘરમાં દાખલ થતાં પહેલાં નાના ઝાડ પાસે એ રોકાયો. બન્ને હાથ એણે ઝાડ પર મૂક્યા. બારણામાં દાખલ થતી વખતે મેં એનામાં અજબનો ફેરફાર થતો જોયો. એના થાકેલા ચહેરા પર સ્મિત ફરી વળ્યું. એનાં બે બાળકોને વહાલથી ભેટ્યો અને પત્નીને ચૂમી આપી. મને એ કાર સુધી મૂકવા આવ્યો. અમે પેલા ઝાડ પાસેથી પસાર થયા ત્યારે મારું કુતૂહલ હું રોકી શક્યો નહીં. મેં એને પૂછ્યું : ‘ઘરમાં દાખલ થતાં પહેલાં તમે ઝાડને શા માટે અડ્યા ?’

‘અરે, હા. આ ઝાડ તો મારા મનની ખીંટી છે. હું કામે જાઉં ત્યાં કોઈ ને કોઈ તકલીફ તો આવવાની, પણ એક વાત નક્કી કે ઘરે મારાં પત્ની અને બાળકોને એની સાથે શું લેવાદેવા ? એટલે, જ્યારે સાંજે કામ પરથી ઘરે પાછો આવું છું ત્યારે તકલીફો આ ઝાડ પર લટકાવી દઈ ઘરમાં દાખલ થાઉં છું. સવારે કામ પર જતાં આ ઝાડ પરથી તકલીફો પાછી લઈ લઉં છું. પણ નવાઈની વાત તો એ છે કે રાતે મૂકેલી તકલીફોમાંથી ઘણીખરી સવારે ત્યાં હોતી નથી.”

નોંધ: ઉપરનાં નાનકડાં પણ અત્યંત સરસ લખાણને મને ફોર્વડ ઇમેલ કરવા બદલ સુમૈયાનો આભાર. મૂળ લખાણ કોનું છે, તે મને ખબર નથી, એટલે જો કોઇને ખ્યાલ હોય તો જણાવવા વિનંતી.

અપડેટ: આ લખાણ સુરેશદાદાનાં બ્લોગ પોસ્ટ મનની ખીંટી પરથી છે!

પ્રશ્ન: તો, તમારા મનની ખીંટી ક્યાં છે?