મીનીડેબકોન્ફ પુને, ૨૦૧૦

* તો પરમદિવસ સાંજનો હું કોલેજ ઓફ એન્જિનિયરીંગ, પુને (COEP) ખાતે લેબમાં જ રહું છું – એમ કહી શકાય.

અમે જ્યારે કોન્ફરન્સની શરુઆત કરી ત્યારે ૧૫૦ જેટલા સ્ટુડન્ટ (ઉર્ફે વિદ્યાર્થીઓ) જોઈને અમે આનંદિત થઈ ગયા હતા. પહેલા દિવસે હોલ અને લેબ બન્ને પૂરા ભરાઈ ગયા જ્યારે બીજા દિવસે અમે હોલને તાળું મારી લેબમાં જ બધાં લેકચર્સ અને પ્રેક્ટિકલ લેવાની શરુઆત કરી – એક રીતે સારું થયું – જેટલાં લોકો ખરેખર રસ ધરાવતા હતા – તેઓ જ અહીં આવ્યા. અત્યારે પ્રવિણ પેકેજીંગ પર પ્રેક્ટિકલ લઈ રહ્યો છે. પ્રવિણ આજે જ ડેબિયન મેન્ટેનર (DM) બન્યો છે.

ગઈકાલે રાત્રે અમે અમારી પ્રિય વસ્તુ એવી – બિયર – ને ન્યાય આપ્યો, રામકી અને કુશાલ – બન્ને જોડે વાતો કરવાની મજા આવી. કુશાલે કવિનને કંઈક વિચિત્ર રમકડું લઈ આપ્યું છે – આમેય બન્ને વિચિત્ર છે એટલે બરોબર છે 🙂

અને, અમદાવાદમાં તો બારેય મેઘ આવીને ૧૨ ઈંચ વરસાદ વરસાવી ગયા છે. બહાર કા મૌસમ ખરાબ હૈ કહીને પ્લેન ચક્કર ન માર્યા કરે તો સારી વાત છે – હવાઈ મુસાફરીમાં સૌથી બોરિંગ વસ્તુઓમાંની એક આ છે (બીજી બોરિંગ વસ્તુ છે – C અને D સીટ પર નંબર આવવો). આજે સમય મળશે તો હિરેન અને વિનયભાઈને મળવાનું પ્લાનિંગ છે – પણ, લાગે છે કે રાત લેબમાં જ વીતશે.

* કડીઓ:
પવિત્રનનાં સંબંધિત બ્લોગ-પોસ્ટ્સ
ટ્વીટર અને આઈડેન્ટિ.કા હેશ ટેગ: #MiniDebConfIndia
મારાં પ્રેઝન્ટેશન્સ