અમારી બીજી કોઇ ટૅગલાઇન નથી!
* ગઈકાલે ઘણાં સમય પછી પાલનપુર જઈ આવ્યો. દુર્ભાગ્યે, જવું પડ્યું એ પ્રસંગ સારો નહોતો. (અ)મારા ખાસ મિત્ર મનીષનાં પિતાજીનું અવસાન થયું. તારાચંદ કાકા એટલે એકદમ મજાકી, હસમુખા માણસ. હજીય માની શકતો કે આમ બની શકે છે.
દરેક મધ્યમ કદનાં શહેરની જેમ પાલનપુર પર ઘણું બદલાઈ ગયેલ છે. યુ.એસ. પીઝા દેખાયા અને મિત્રોની નવી દુકાનો બની ગઈ છે. માથામાં ધોળા વાળ દેખાય છે, અને દરેક મિત્રને એકાદ-બે ટેણિયાં છે. બધા મોટાભાગે સેટ થઈ ગયા છે. હવે દર ૧૦૦ મીટરે એક ઓળખીતું મળતું નથી. અને, મળે તો ઓળખાતું નથી.
અને, આ જ તો જીવન છે.
૧. વાંચે ગુજરાત – ભાઈલોગ, વાંચવાનું છે. શિષ્ટ, શ્લીલ પુસ્તકો વાંચવાના છે. ૩૦ તારીખે, બાળકોને પેપ્સી નહી પણ પુસ્તકો આપવાના છે.
૨. કોઈ લખે ગુજરાત અભિયાન ચલાવે તો, આ વેબસાઈટને લખતાં શીખવાડજો.
૩. ત્રીસ તારીખે ટ્રેનમાં હોઈશ. જોડે એકાદ પુસ્તક લઈ જઈશ. જો કવિન વાંચવા દેશે તો.. સારી વાત છે.
* જો તમે આજનું સિટી ભાસ્કર જોશો તો તમને લાગશે કે ઈશારા પર થશે કન્ટ્રોલ લેખ અને Arduino વચ્ચે કંઈક તો સામ્યતા છે, કંઈક તો છુપાવવામાં આવ્યું છે. લેખમાં ફોટો બે Arduino યુએસબી કીટનો છે (એ ફોટો વેબસાઈટ પર નથી).
કેટલીક વાર કોલેજો અને યુનિવર્સીટીમાં (ભારતમાં) થતા રોબોટ મહોત્સવ પર શંકા જાય એમાં શંકાને સ્થાન નહી.
* થોડા સમય પહેલાં મેં મને ગમતાં ફાયરફોક્સ એડ-ઓન્સ વિશે લખેલું. તેમાં એક હતું HTTPS Everywhere. હવે, આ એડ-ઓન વાપરવાનું એક કારણ છે – ફાયરશીપ. જો તમે હજી પણ બધી જગ્યાએ (ખાસ કરીને, જીમેલ, ફેસબુક, ટ્વિટર વગેરે) https પ્રોટોકોલનો ઉપયોગ ન કરતાં હોવ તો – તે સમય હવે આવી ગયો છે.
બાકી તો રામ હી રાખે.
સ્ત્રોત – ટેકક્રન્ચનો આ લેખ
* વિકિપીડિયાનાં સહ-સ્થાપક જીમી વેલ્સને કોણ ન ઓળખે? જીમી વેલ્સ આવતા અઠવાડિયે મુંબઇમાં છે અને અમારે પણ વેકેશન માણવા મુંબઇ જવાનું છે. સરસ મેળ પડી ગયો છે અને હવે પહેલી વખત વિકિપીડિયાની મિટિંગમાં જવાનું થશે. મુંબઈમાં વિકિપીડિયાની આ ત્રીજી મિટિંગ છે. (એમ તો આવી મિટિંગને મિટ-અપ કહેવાય છે)
જો તમે પણ મુંબઇમાં હોવ અને સમય હોય તો, આવી શકો છો.
અહીં તમારું નામ નોંધાવો – https://secure.wikimedia.org/wikipedia/en/wiki/Wikipedia:Meetup/Mumbai/Mumbai3
એટલે કે અપડેટ્સ!
* આ અઠવાડિયામાં ઘણાં લોંગ પેન્ડિંગ કામ પૂરા થયા. એકંદરે ૧૦૦ ટકા ઉત્પાદક અઠવાડિયું (ઉત્પાદક એટલે પ્રોડ્કટિવ ;))
* આજે ઘણાં સમયે બાકી રહેલી શોપિંગ કરી. બે સરસ ટી-શર્ટ મળી.
* કોઈપણ બેંક હોય, ભોગવવાનું કસ્ટમરને જ હોય. પણ, છેવટે મારી મુશ્કેલીનો નિકાલ હાલપૂરતો થઈ ગયો.
* વર્ષોથી બાકી રહેલું કામ – પી.પી.એફ. ખાતું – ખોલાવ્યું.
* નવું પુસ્તક: Accelerando – Charles Stross
* ગિટારને પાછું હાથમાં લીધું (લાવ્યા પછી બાજુ પર પડી રહેલ). અત્યારે હેપ્પી બર્થ ડે, પિંક પેન્થર થીમ અને બહેતી હવા સા થા વો (3 Idiots) શીખી રહ્યો છું.
* એમ તો ટીવી પર કાર્ટૂન સિવાય કંઈ જોવા જેવું આવતુ નથી, પણ અચાનક જ આજે થોડીવાર માટે કેબીસી જોવાઈ ગયુ અને વાહ, પહેલો (કે બીજો?) જ પ્રશ્ન, આપણા માનીતા વિષયનો.
તમને જવાબ આવડે તો મને એસ.એમ.એસ. ન કરતાં. ખોટાં પૈસા બગડશે અને કંઈ મળશે નહી 😀
.. જ્યારે બહુ જ જરુરી કામે બહાર જવાનું થાય ત્યારે રીક્ષાવાળાઓની હડતાળ હોય (૧૯-૨૦-૨૧ ઓક્ટો. ધ્યાન રાખજો. અમદાવાદ આવવાનું હોય તો વિચારીને આવજો).
.. જ્યારે દિવાળી હોય ત્યારે જ લાગે કે પૈસા (કે રુપિયા) ખૂટી પડ્યા છે.
.. જ્યારે નક્કી કરાય કે આરામથી પુસ્તક વાંચીશું ત્યારે જ મિટિંગ ઉપર મિટિંગ અને ઢગલાબંધ કામ આવી જાય.
* ફેસબુક પર પેલા “likes” પરથી કેવી મજાક કરી શકાય છે તેનું સરસ ઉદાહરણ,
* ગુજરાતી બ્લોગર તરીકે તમને નીચેનાં વાક્યો કેવા લાગે?
ગુજરાતીઓને ખાસ વિનંતી કે ઇન્ટરનેટ પર કંઈક પામવું હોય કે વિશ્વમાં તમારી ઓળખ વધારવી હોય તો મહેરબાની કરીને ગુજરાતી વાપરવાની પ્રેક્ટીસ ના પાડતા, પરંતુ રોજીંદા પ્રયાસો દ્વારા અંગ્રેજીમાં લખતા થાવ તમને બ્લોગ પર સ્પેલીંગ ચેક અને વ્યાકરણ ચેક જેવી સવલતો આપવામાં આવે છે. નવરાત્રિ કે દશેરા વિશે તમે ગુજરાતીમાં લખશો તો તેને કોઈ નહીં વાંચે પણ અંગ્રેજીમાં લખશો તો વિશ્વભરમાંથી દશ વાચકો તો ચોક્કસ મળશે. દરેક ગુજરાતીએ બ્લોગ લખવાની પ્રેક્ટીસ પાડવાની જરૂર છે. બ્લોગ લખવાને એક હોબી બનાવવાની જરૂર છે. ઘણાંને ગુજરાતી ભાષામાં વળગણ હોય છે પરંતુ વૈશ્વિક સ્ટેજ પર જવું હોય તો બાંધછોડ અનિવાર્ય છે.
આ શબ્દો છે આજનાં ગુ.સ.માં આવતી કોલમ ટોકિંગ પોઈન્ટ નાં લેખક સુદર્શન ઉપાધ્યાયના.
૧. ગુજરાતી વાપરવાની પ્રેક્ટિસ ન પાડતા. અરર.
૨. સ્પેલચેકર, વ્યાકરણ – ગુજરાતીમાં પણ પ્રાપ્ત છે.
૩. દશ શું અહીં સો વાચકો દરરોજ મળે છે.
૪. શું કરવા વૈશ્વિક સ્ટેજ પર જવું જોઈએ? જરુરી છે?
તો, શરુઆત આપણે મિ. સુદર્શનને જ કરવાનું કહીએ તો? ગુ.સ. છોડીને ટા.ઓ.ઈ.માં જોડાઈ જાવને..
અને હા, આ લેખ તરફ ધ્યાન દોરવા માટે અમરનો આભાર.
મારા વિચારો, મારી ભાષામાં! 