નો પોઈન્ટ ઓફ ટોકિંગ

* ગુજરાતી બ્લોગર તરીકે તમને નીચેનાં વાક્યો કેવા લાગે?

ગુજરાતીઓને ખાસ વિનંતી કે ઇન્ટરનેટ પર કંઈક પામવું હોય કે વિશ્વમાં તમારી ઓળખ વધારવી હોય તો મહેરબાની કરીને ગુજરાતી વાપરવાની પ્રેક્ટીસ ના પાડતા, પરંતુ રોજીંદા પ્રયાસો દ્વારા અંગ્રેજીમાં લખતા થાવ તમને બ્લોગ પર સ્પેલીંગ ચેક અને વ્યાકરણ ચેક જેવી સવલતો આપવામાં આવે છે. નવરાત્રિ કે દશેરા વિશે તમે ગુજરાતીમાં લખશો તો તેને કોઈ નહીં વાંચે પણ અંગ્રેજીમાં લખશો તો વિશ્વભરમાંથી દશ વાચકો તો ચોક્કસ મળશે. દરેક ગુજરાતીએ બ્લોગ લખવાની પ્રેક્ટીસ પાડવાની જરૂર છે. બ્લોગ લખવાને એક હોબી બનાવવાની જરૂર છે. ઘણાંને ગુજરાતી ભાષામાં વળગણ હોય છે પરંતુ વૈશ્વિક સ્ટેજ પર જવું હોય તો બાંધછોડ અનિવાર્ય છે.

આ શબ્દો છે આજનાં ગુ.સ.માં આવતી કોલમ ટોકિંગ પોઈન્ટ નાં લેખક સુદર્શન ઉપાધ્યાયના.

૧. ગુજરાતી વાપરવાની પ્રેક્ટિસ ન પાડતા. અરર.
૨. સ્પેલચેકર, વ્યાકરણ – ગુજરાતીમાં પણ પ્રાપ્ત છે.
૩. દશ શું અહીં સો વાચકો દરરોજ મળે છે.
૪. શું કરવા વૈશ્વિક સ્ટેજ પર જવું જોઈએ? જરુરી છે?

તો, શરુઆત આપણે મિ. સુદર્શનને જ કરવાનું કહીએ તો? ગુ.સ. છોડીને ટા.ઓ.ઈ.માં જોડાઈ જાવને..

અને હા, આ લેખ તરફ ધ્યાન દોરવા માટે અમરનો આભાર.

Advertisements

18 thoughts on “નો પોઈન્ટ ઓફ ટોકિંગ

  1. તો, શરુઆત આપણે મિ. સુદર્શનને જ કરવાનું કહીએ તો? ગુ.સ. છોડીને ટા.ઓ.ઈ.માં જોડાઈ જાવને..

    ત્યાં કોઇ ઉભા નથી રહેવા દેતા એટલે તો અહીંયા હેરાન થાય છે અને કરે છે….

    અંગ્રેજ ચલે ગયે સુદર્શન છોડ ગયે… 😛

    Like

  2. Has Sudarshan started his blog in English? and if so, we must check his capability of writing with good spellings and perfect grammer, and then show him gujarati blogs, which are of perfection and have more than “at least 10 readers”

    Like

  3. મને તો આ સુદર્શન ઉપાધ્યાયનું લખેલું બધું જ મુર્ખામીભર્યું લાગે છે, વાંચીને જો જો ક્યારેક. આમ તો સંસ્કૃતિ-ફન્સ્કૃતીની બહુ વાતો કરે છે.

    Like

  4. શ્રીમાન સુદર્શનજીને કદાચ ગુજરાતી બ્લોગ જગતનો વિકાસ ધ્યાને આવ્યો નહીં હોય !! અથવા ગુજરાતી બ્લોગ્સ અંગે કશી જાણકારી જ નહીં ધરાવતા હોય !
    હશે ભાઇ, મોટા ગુજરાતી લેખક ગણાવા માટે અંગ્રેજીની ભોર તાણવી જરૂરી ગણાતું હશે ભલા ?

    Like

  5. અરે વાહ! બ્લોગ પોસ્ટ અને ટૉપિક અને (અમર)સોર્સ માં હમ સાથ સાથ હૈ!

    ખરેખર તો હવે આપણે એવું લખવું પડશે કે અંગ્રેજીમાં ગજ ન વાગતો હોય હાયલ આવો ગુજરાતીમાં.. ગુજરાતી વાચકો મોટા મનનાં છે કૉલમમાં નિભાવી લઈએ છીએ, તો પછી….

    વધુ એક નિખાલસતા કે પારદર્શકતાનો દાખલો એમણે જોવો જોઇએ કે કૉલમીસ્ટો કૉપિ-પેસ્ટની ઠોકમ ઠોકમ કરે છે જ્યારે આપણે ગુજરાતી બ્લોગરો જુવો.. તમે અને મને બન્નેને આંગળી ચિંધી એમનું નામ લખવાનું પણ ભૂલ્યા નથી!

    Like

  6. ૧) “અંગ્રેજ ચલે ગયે સુદર્શન છોડ ગયે…”

    સુદર્શન પર આપણા વાચકોએ “સુદર્શનચક્રો” વહેતાં મૂકી દીધાં છે, હવે ખેર નથી !

    ૨) “and if so, we must check his capability”

    એવી જ બીજી લપડાક !!

    જય હો.

    Like

    1. બિલકુલ સાચી વાત. આ લેખકો જે મનમાં આવે તેવું ઠોકમ ઠોક કરીને એમની નિમ્ન કક્ષાની બુદ્ધિમત્તાનું પ્રદર્શન કરે છે. સુદર્શન નામ બદલીને “સેન્ડી” કરી નાખવું જોઈએ અને એમની જનોઈ પણ ઉતારી લેવી જોઈએ. એ વ્યક્તિ ભારતીય કે ગુજરાતી હોવાની તમામ લાયકાત ગુમાવી બેઠેલ છે. તાત્કાલિક ધોરણે કોઈક અંગ્રેજી દેશની મેન્ટલ હોસ્પિટલમાં ભરતી કરી દેવા જોઈએ. ભારતના રોટલા તોડવાનો એમને કોઈ અધિકાર નથી.

      Like

  7. રજનીભાઈની પોસ્ટમાં મેં કરેલ કોમેન્ટ અહીંયા રજૂ કરું છું….
    “મને મારી ભાષા ગમે છે, કારણ કે મને મારી બા ગમે છે.”
    શ્રી સુદર્શન ઉપાધ્યાય પોતે ગુજરાતી વર્તમાનપત્રમાં લખે છે,અને ગુજરાતી બ્લોગનો વિરોધ કરે છે.લાગે છે એ કેટલાય વર્ષો સુધી કોમામાં હશે અને હમણાં હોશમાં આવ્યાં હશે નહીતો ગુજરાતીમાં બ્લોગ લખવાનો વિરોધ ના કરત.
    પોતાની માતૃભાષામાં લખવું એટલે કેટલા સ્વાભિમાનની અને ગર્વ લેવાની વાત છે….
    અંગ્રેજોના માનસિક ગુલામ તો ગુજરાતી અને દેશી ભાષાનો વિરોધ કરવાના જ. પણ આપણી ફરજ છે કે, આપણે આપણી ભાષાને કોઈ પણ સંજોગોમાં દુનિયામાં મહત્ત્વનું સ્થાન અપાવું જ છે…..નહી તો “ગુજરાતી ભાષા બચાવો ” અને “વાંચે ગુજરાત” જેવા ક્રાંતિકારી અભિયાન કાયમ માટે ચાલુ રાખવા પડશે….
    બાકી “વૈષ્ણવજન તો તેને રે કહીએ” આ ભજન દુનિયાના મોટા ભાગના દેશમાં ગુજરાતીમાં જ ગાવામાં આવે છે…..
    અને ગુજરાતી બ્લોગ્સ ગુજ્જુ NRGને કેટલા ઉપયોગી છે એ જરા એમને જઈને પૂછો….

    Like

  8. મેં ગુજરાત સમાચારને આ લેખ વિષે જે મેલ લખી છે તે અત્રે રજૂ કરું છું સાથે આપ સૌને વિનંત સાથે એક સૂચન કે ગુજરાતી બ્લોગરો ગુજરાત સમાચારને મેલ લખી આ વિષે તેમના કટાર લેખકના અધુરા જ્ઞાન વિષે જણાવે જેથી ભવિષ્યમાં લેખ પ્રસિદ્ધ કરતા પહેલાં પૂરી ચકાસણી કરી આવા લેખો પ્રસિધ્દ્દ કરતા થાય !
    મેં હમણાં જ ગુજરાત સમાચારના તંત્રીશ્રીને ઈ-મેલ લખી છે જે નીચે આપની જાણ માટે પ્રતિભાવ તરીકે મુકી છે.
    “આપની રવિ પૂર્તિમાં ટોકિંગ પોઈંટ -સુદર્શન ઉપાધ્યાય ના લેખમાં ગુજરાતીઓને બ્લોગ ઉપર લખવા અને પોતાનો બ્લોગ બનાવવા પ્રેરણા દાયી રજૂઆત કરી છે. આપને અને લેખકશ્રીને અભિનંદન આ સાથે મને જણાવતા આનંદ થાય છે કે હું વરિષ્ઠ નાગરિક છું 71 વર્ષેની ઉંમર છે અને છેલ્લા બે વર્ષ થયા વધુ સમયથી મારા બ્લોગ ઉપર ગુજરાતી ભાષામાં મારાં વિચારો લખી રહ્યો છું. મારી સાથે મારાં જેટલા કે મારાથી પણ ઉંમરમાં મોટા વરિષ્ઠ નાગરિકો દેશ -વિદેશમાં વસ્તા અંદજે 2000 થી પણ વધુ લોકો ગુજરાતીમાં સફળતા પૂર્વક લખી રહ્યા છે. આ ઉપરાંત ભરત સુચક દ્વારા બનાવેલી સાઈટ ગુજરાતી ઉપર પણ બીજા અસંખ્ય ગુજરાતીઓ બ્લોગ લખી રહ્યા છે જે આપની અને લેખકશ્રીની જાણ માટે ! ગુજરાતીમાં બ્લોગ ઉપર લખવું ખૂબ જ સરળ છે અને તેના વાચનારા ગુઅરાતીઓ દેશ અને વિદેશમાં મોટી સંખ્યા ધરાવે છે તો માત્ર અંગ્રેજીમાં બ્લોગ લખાય તો જ વાચનારા મળશે તે વાત હકિકતથી વેગળી છે. મને આશા છે કે આપ અને લેખકશ્રી મારી વાત સાથે સહમત થશો અને વાસ્તવિક વાત સ્વીકારશો અને ગુજરાતીઓને ગુજરાતીમાં બ્લોગ ઉપર લખવા પ્રેરશો ! ધન્યવાદ !
    સ-સ્નેહ
    અરવિંદ”

    Like

    1. આભાર વિનયભાઈ, આપે આ ખાંખાખોળી કરી આપી, તે મેં શ્રીમાન (Sorry Mr.) સુદર્શન ઉપાધ્યાયનો બ્લૉગ જોયો. અને નવાઈ લાગી કે જે વ્યક્તિ ‘મોસ્ટ સર્ક્યુલેટેડ ટોપ રીજીયોનલ ડેઇલી ન્યૂઝ પેપર’માંની પોતાની કોલમમાં છાતી ઠોકીને કહે છે કે અંગ્રેજી બ્લૉગને વાંચનાર ‘ઓછામાં ઓછા દસ’ લોકો તો મળી જ રહેશે, તેમના પોતાનાજ મુખપૃષ્ઠ પર સમરાઇઝ કરેલા છેલ્લા અમુક બ્લૉગો (કે પછી બ્લૉગ્સ?)માંથી એકમાં પણ એકેય કોમેન્ટ નથી. શું આપણે તેમને અરીસો દેખાડીશું? તેમને કહીએ કે જરા જઈને જુઓ કે ગુજરાતીમાં ગમે તે બ્લૉગ લખો, તરતને તરત જ જો તમારા બ્લૉગ પર ટિપ્પણી ના લખાય તો “દાદૂ, પૈસા પાછા…!”

      Like

  9. આવા મુરખ લોકો સંસ્કૃતિનો વિનાશ કરવા બેઠા છે. ગતાગમ પડે નહિ અને તંત્રી કહે કે લેખ લાવો એટલે ભૂસું ભરાયેલા મગજમાંથી જે ગાંડપણ આવે એ ગાંડપણ ઠાલવી દે.

    Like

  10. આવા લોકોને શ્રેષ્ઠ જવાબ આપણી ભાષામાં કાર્ય કરીને જ આપી શકાશે. વિશ્વસ્તરે ઝળકવા માટે શ્રેષ્ઠ વિચારવાની જરૂર છે. અને વધારે વાચકો મળવાની વાત હોય તો અંગ્રેજી સૌથી વધુ લોકો દ્વારા બોલાતી ભાષા છે જ નહીં. વાંચો wikipedia ઉપર આ લેખ..
    http://en.wikipedia.org/wiki/List of languages by number of native speakers

    Like

  11. આ ઉપરથી એક વાત યાદ આવી
    શું તમે “માહિતી અને સંદેશ વ્યવહાર મંત્રાલય, ભારત સરકાર” વિશે જાણો છો . ભારત સરકાર તરફથી વિવિધ ભાષાની સોફ્ટવેરની સી.ડી. તમે ઇન્ટરનેટ મારફત વિનામૂલ્ય ઑર્ડર કરી શકો છો.જે તમને માત્ર થોડા જ દીવસગાળા દરમ્યાન તમારા ઘેર પોસ્ટ મારફત મળશે.

    આ ઉપરાંત તમે તે સાઇટ પરથી સોફ્ટવેર ડાઊનલોડ પણ કરી શકો છો. જેવા કે…
    * ગુજરાતી થી ઇંગ્લીશ ડીક્શનરી
    * ગુજરાતી જોડણી ચકાસણીકર્તા
    * ભારતીય ઓપન ઓફીસ
    * ગુજરાતી રમતો અને કોયડા
    * ગુજરાતી ફોન્ટ
    * ગુજરાતી ટાઇપિંગ મદદનીશ
    * ગુજરાતી માઇક્રોસોફ્ટ ઓફીસ ઉપકરણ
    અને ઘણા બધા,.

    આ બધા સોફ્ટવેર સી.ડી. માં પણ ઉપલબ્ધ છે.

    ગુજરાતી સી.ડી. ના ડાઉનલોડ પેજ પર જવા માટે નીચે આપેલ લીન્ક પર ક્લીક કરો

    http://ildc.in/Gujarati/gdownload.html

    Like

આપની ટીપ્પણી...

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s