સાબરમતી રીવરફ્રન્ટ રન

* સાબરમતી રીવરફ્રન્ટના ઉદ્ઘાટન નિમિત્તે ૧૦ કિ.મી. ડ્રિમ રનનું આયોજન કરવામાં આવ્યું હતું. સમય સાંજે (એટલે કે બપોરે) ૪.૩૦ નો હોવાથી મને મારા પોતાના પર શંકા હતી કે બરોબર દોડી શકાશે કે નહી. સમયસર પહોંચી ગયો, ત્યાં ADR ના નિયમિત સભ્યો, સોહમભાઈ, હર્ષ વગેરે મળ્યા. સ્ટાર્ટિંગ પોઇંટ પર પહોંચ્યા પછી ખબર પડીકે આયોજન વ્યવસ્થિત થયું છે અને બધાંએ સરસ મજાના ફોટાઓ પડાવ્યા 🙂 અસિતભાઇ (મેયર) એ ફ્લેગ ફરકાવી રેસની શરુઆત કરી. રીવરફ્રન્ટ પર પહેલીવાર પગ મૂક્યો, ત્યારે તેની બધી કોન્ટ્રોવર્સી ભૂલી જવાઇ અને થયું કે સરસ વોક-વે બનાવવામાં આવ્યો છે, જે એટલિસ્ટ અમને દોડવા માટે તો કામમાં આવશે 😉

શરુઆત અને એકાદ કિ.મી. પછી DJ અને વચ્ચે બે-ત્રણ જગ્યાએ ઠંડા પાણીની વ્યવસ્થા હતી જે સખત ઉકળાટ-બફારા અને ગરમીમાં રાહત પહોંચાડવામાં મદદરુપ થઇ. વાસણા ડેમથી ટોકન લઇને પાછા આવવાનું હતું, રીટર્ન દોડવાનું મુશ્કેલ બન્યું પણ છેવટે, Strong Finish સાથે રેસ પૂરી કરવામાં આવી. સમય: ૧.૦૭.૧૫. હેનરિકે આ માટે ૩૯ મિનિટનો સમય લીધો 😀 (પ્રથમ ક્રમ).

આશા રાખીએ કે વર્ષમાં આવી બે-ત્રણ ૧૦K ની સ્પર્ધાઓ થાય જેથી લોકોને પ્રોત્સાહન મળે. સાબરમતી રીવરફ્રન્ટમાં હજી ઘણું કામ બાકી છે. પ્રગતિની સાથે લોકોના મગજની પ્રગતિ પણ થાય એ જરુરી છે (રીવરફ્રન્ટની બહાર નાનાં-નાનાં છોકરાઓને સ્ટેડિયમ ભાડે અપાયું તેનો વિરોધ કરવા ઉભા રાખેલા, કદાચ ચોકલેટ-બિસ્કિટની લાલચે!).

અને, મારો અત્યાર સુધીનો બેસ્ટ સ્માઇલિંગ પોઝ.

ફોટો: (c) બાર્બરા વેસ્ટરલિન.