બે નવાં અકસ્માતો

૧. ગઇકાલે સાયકલિંગ કરવાનો ભવ્ય પ્લાન હતો. ૧૦૦ કિલોમીટર. સવારે ૫.૫૯ એ નીકળ્યો. એસ.વી. રોડ થી બાંદ્રા સુધી શાંતિથી પહોંચ્યો અને ત્યાં એક બીજો સાયકલિસ્ટ મળી ગયો અને અમે સાથ-સાથ NCPA જવાનું નક્કી કર્યું. પેડર રોડ પહોંચ્યા ત્યાં સુધી અમે આરામથી ચલાવતા હતા, ત્યાં એક ઊભેલી ટેક્સી વાળાએ અચાનક બારણું ખોલ્યું અને મને અડી ગયું. બેલેન્સ લોસ્ટ અને જમીન દોસ્ત! ડેમેજ? કોણી અને સાયકલની સીટ અને ચેઇન. સીટ-ચેઇન રીપેર કરી. પાણીથી ઘા ધોયા. અને, મિશન ૧૦૦ ફરી શરુ કર્યું. NCPA પહોંચ્યો ત્યારે સાથી સાયકલિસ્ટ ખબર નહી ક્યાં જતો રહ્યો એટલે, પછી મિશન ૧૦૦ પડતું મૂક્યું અને ચા પીધી. થોડા ફોટાઓ લીધા.

કાગડો, સાયકલ અને નરીમાન પોઇન્ટ
કાગડો, મારી સાયકલ અને નરીમાન પોઇન્ટ.
ઘા
નાનકડો ઘા – સાફ કર્યા પછી.

ત્યાર પછી ગેટ વે ઓફ ઇન્ડિયાની મુલાકાત લીધી. કાલા ઘોડાનો પ્લાન પડતો મૂક્યો, કારણ કે પછી બહુ વાર થઇ જાય એમ લાગ્યું. વળતી મુસાફરી કોઇ પણ ઘટના વગર રહી. હા, સી-લિંક આગળ મારી સાયકલને રોકી દેવામાં આવી. કારણ? ત્યાંથી પ્રેસિડેન્ટ પસાર થવાના હતા. લો ત્યારે! બ્લો ટુ મોદી.

કુલ અંતર: ૮૨.૮૧ કિલોમીટર. સમય: ૪.૨૦ (છે ને પરફેક્ટ સમય!)

૨. ગઇકાલની ઘટના તાજી હતી, પણ કોણી સિવાય બીજે ક્યાંય લાગ્યું નહોતું એટલે પગ સાબૂત હતા. એટલે પછી આરે કોલોનીમાં અમારું LSD (લોંગ સ્લો રનિંગ) હતું. સવારે પ.૩૦ જેવો ત્યાં જવા નીકળ્યો ત્યારે સરસ ઠંડક હતી. લગભગ ૬.૩૦ સુધી અંધારું હતું અને ત્યાં પછી ન્યૂઝિલેન્ડ હોસ્ટેલ આગળ વાર્મઅપ કરીને રનિંગ શરુ કર્યું. ગેસ્ટ હાઉસથી નીચે આવતાં મારું મન ભટક્યું કે તન, ખબર નથી પણ જ્યારે મને ખબર પડી ત્યારે હું નીચે પડ્યો હતો. કોઇકે ઊભો કર્યો અને જોયું તો કોણી, ઢીંચણ, હથેળી – લાલ-લાલ! દુર્ભાગ્યે, પહેલી વખત મને ઢીંચણ પર માર પડ્યો. થોડું ચાલ્યો અને પછી લાગ્યું કે દોડાશે એટલે ધીમે-ધીમે દોડ્યો. ૧૭ કિલોમીટરે આવીને કંટાળ્યો અને રનિંગનું સમાપન કર્યું. ત્યાર પછી અમારો સ્ટાન્ડર્ડ બ્રેકફાસ્ટ (ઇડલી-સંભાર) તો ખરો જ.

આરે કોલોની, ગોરેગાંવ, મુંબઇ.
અહીં ક્યાંક હું પડ્યો હતો..

ઢીંચણ ઓકે નથી, અને આવતા અઠવાડિયે હાફ-મેરેથોન છે એટલે ચિંતા થાય છે. હજી કાલ સુધી ઠીક ન થાય તો ડોક્ટરને ત્યાં જવામાં આવશે.

6 thoughts on “બે નવાં અકસ્માતો

  1. ધીમેધીમે તમે સુપરમેન થતા જાઓ છો ! ગમે તેટલા પડો-આખડો તો પણ ઉભા થઈને ફરી શરુ😉

    પ્લીઝ થોડું ધ્યાન રાખો [ રીડર – વિનંતી ]

    Like

  2. તમારા ગ્રહ ખોટી દિશામાં ભટકી રહ્યા લાગે છે અથવા તો શનિદેવની પનોતી બેઠી લાગે છે. કોઇ જયોતિષને બતાવી જુઓ! #ખોટીસલાહ

    કોઇ આવી પોસ્ટને ‘લાઇક’ કરે તો તમે શું સમજો? #કુતુહલ

    અને હા, હવેથી તન-મન ને પણ થોડું સાચવજો..

    Like

આપની ટીપ્પણી...

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s