તુર્કી: હેકરસ્પેસ

* અંતાલ્યા વિશેની પોસ્ટ લખવાનું વિચાર્યું હતું પણ તે પડતી મૂકું છું. ખાસ કરીને હોટલમાં ફ્રી ફૂડ અને ફ્રી ડ્રીંક્સ સિવાય બીજું કંઇ નવું નહોતું. હા, કોન્ફરન્સ પણ એકેડેમિક અને બોરિંગ. અમને તો મશીન ટ્રાન્સલેશનનો પ્રેક્ટિકલ ઉપયોગ (દા.ત. કન્ટેન્ટ ટ્રાન્સલેશન) સિવાય બીજે ક્યાંય રસ નહી. હા, ફ્રાન્સીસ અને મિકેલ ફોર્કાડા જેવાં લોકોને મળવાની મજા આવી.

* ખરી મજા તો ઇસ્તંબુલથી શરુ થાય છે. અમારી ટીમ વિશ્વ ભરમાં પથરાયેલી છે, તો મળવાનું બહુ ઓછું થાય. ટીમ ઓફસાઇટ માટે એવું સ્થળ જોઇતું હતું કે, જે સસ્તું હોય અને બધાંને પરવડે. વત્તા વિઝાનો પણ પ્રશ્ન. તુર્કી અમારા માટે સારું પડ્યું. અંતાલ્યામાં કોન્ફરન્સ પછી બીજાં બે જણાં પણ જોડાવાના હતા. હવે, ઇસ્તંબુલમાં ભેગા ક્યાં થવું એ પ્રશ્ન હતો, એનો ઉકેલ આવ્યો – હેકરસ્પેસથી. હેકરસ્પેસ એટલે એવી જગ્યા જ્યાં તમે મિટિંગ વગેરે રાખી શકો, ઇન્ટરનેટ મળે, કોફી મળે, ટેકનોલોજીનું બેકગ્રાઉન્ડ ધરાવતા લોકો મળે વગેરે. મોટાભાગે દરેક મોટા શહેરોમાં આવી જગ્યાઓ ઉભરી રહી છે (એને ઘણી વખત કો-વર્કિંગ સ્પેસ પણ કહે છે, જે મોંઘી હોય છે!). હવે, એ લોકો જોડે બધું નક્કી થયું, અને અમને નિરાંત થઇ.

નક્કી કરેલા સમયે (ગુરુવાર હતો) એટલે કે ૧૦ વાગે ૨.૫ કિમી ચાલીને અમે પાંચ જણાં આપેલ સરનામે પહોંચ્યા. અમને સમાચાર મળ્યાં કે એ લોકો આ જગ્યાએ એક અઠવાડિયાં પહેલાં જ શિફ્ટ થયા છે, એટલે થોડી તકલીફ પડશે. અમે કહ્યું, ઓકે, નો પ્રોબ્લેમો. સરનામે પહોંચ્યા, નીચેથી આપેલ નંબરે બેલ વગાડ્યો, નો રિસપોન્સ. થોડી વાર રાહ જોઇ. એકાદ-બે લોકોને પૂછ્યું તો એમણે કહ્યું સરનામાં મુજબ બિલ્ડિંગ તો આ જ છે. આમ, અડધો કલાક ગયો. સામે એક શોપવાળા અંકલ શંકાસ્પદ નજરે જોઇ રહ્યા હતા એ જોઇને લાગ્યું કે આ ભાઇ પોલીસ ન બોલાવે તો સારી વાત છે. થોડીવાર પછી બિલ્ડિંગમાંથી એક છોકરી નીકળી એટલે થયું અહીં કોઇક તો રહે છે. તે થોડીવાર પછી પાછી આવી ત્યારે તેની મદદ માંગી અને કહ્યું કે આ નંબર પર આવી જગ્યા છે? તેણે કહ્યું આ ઘર નંબર તો અહીં છે જ નહી. લો બોલો. પછી, તેણે કોઇ બીજા પડોશીને બોલાવી અમને અંદર બોલાવ્યા (દરવાજો અંદરથી જ ખૂલે, બહારથી નહી). ત્યાં જઇને જોયું તો આપેલ નંબરનું મેલબોક્સ હતું. પણ, એ ઘર ક્યાંય નહી. ભાંગી તૂટી તુર્કિશમાં તેની પાસે હેકરસ્પેસ વાળા ભાઇનો નંબર ડાયલ કરાવડાવ્યો, તો એ ભાઇ ટોકિયોમાં હતા. અને તેમણે માફી માંગી.

પોપટ.

છેવટે, હોટલ પર પાછાં આવ્યા અને હોટલનો મિટિંગરુમ વાપર્યો.

હજી સુધી પેલું હેકરસ્પેસ ક્યાં છે એનો જવાબ મળ્યો નથી!

Advertisements

One thought on “તુર્કી: હેકરસ્પેસ

આપની ટીપ્પણી...

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s