ચેરિટી રન-સાયકલિંગ

* જ્યાં જુઓ ત્યાં લોકોના હ્દયમાં દયાભાવ છલકાઇ રહ્યો છે અને લોકો બહુ ચેરિટી રનિંગ અને સાયકલિંગ કરે છે. ઓહોહો. અમે ગદગદ થઇ ગયા. પરંતુ, અનુભવો પરથી લાગ્યું કે,

૧. આવા રન-સાયકલિંગમાં છેવટે ઓર્ગેનાઇઝરનું જ ભલું થાય છે.
૨. લોકો દોડીને કે સાયકલિંગ કરીને ભૂલી જાય છે.
૩. અને મોટાભાગનાં લોકોને આવા કોઝની કંઇ પડી હોતી નથી.

એટલે નક્કી કર્યું કે દોડવું હોય તો દોડવાનું કે સાયકલિંગ કરવાનું. ચેરિટી રનમાં જવાનું પરંતુ મનમાં વહેમ ન રાખવો કે આપણું હ્દય એટલું મોટું અને દયાથી ભરેલું છે. છેવટે, ક્યારેક તો સ્વાર્થી બનવું પડેને?

PS: હું સ્વાર્થી છું 🙂

સ્માર્ટ

બહુ સ્માર્ટ બનવા જતાં પાછળ એશ, એસ અને અૅસ – આ ત્રણમાંથી શું લાગશે એ કહેવાય નહી. ડિજીટલ ઇન્ડિયાના સપોર્ટ અને વિરોધના કિસ્સામાં કંઇક આવું જ થયું છે.

હા, હું ડિજીટલ ઇન્ડિયાને સપોર્ટ કરું છું, પણ ફેસબુક? બ્લાહ.

અપડેટ્સ – ૧૭૩

* શનિવારે બીજી ૪૦૦ કિમીની રાઇડ પૂરી કરી અને અમારી હાલત પણ પૂરી રીતે ખરાબ થઇ. શરુઆતથી જોરદાર વરસાદ સાથે સાયકલિંગ શરુ થયું પણ પહેલા ૧૦૦ કિમી અને પછીના ૧૦૦ કિમી (ચીખલી સુધી) સરસ પૂરા થયા. ૯ કલાક ૫૨ મિનિટ. ત્યાર પછી રીટર્નમાં હાલત ખરાબ થઇ. પહેલાં તો સુગર એન્ડ સ્પાઇસમાં ક્યારેય જમવા રોકાવું નહી. પાસ્તાનો ઓર્ડર આપ્યો તો અડધો કલાક લાગ્યો. એટલે એક કલાક ત્યાં બગડ્યો. અને પછી હેડવિન્ડ, જે સાયકિલ્ટનો ખાસ મિત્ર છે, તેણે ચારોટી સુધી અમારો સાથ નિભાવ્યો. રસ્તામાં અમદાવાદ-નાસિકના રાઇડર્સ જોડે સાયકલ ચલાવવાની મજા આવી. ચારોટી પછી નક્કી કર્યું કે સમયસર જ પહોંચવું, ખોટી ઉતાવળ કરવાનો ફાયદો નહોતો. છેલ્લાં પાંચ કિમી, એમાંય ખાસ કરીને બોરિવલીથી ગોરેગાંવ જતાં જીવ ગળા સુધી આવી ગયો હતો 🙂

* રાઇડ પહેલાં ૧.૨૫ દિવસના વેકેશનમાં સાયલન્ટ હિલ રિસોર્ટ જઇ આવ્યા. ત્યાં પહોંચવા માટે અમે એડવેન્ચર્સ રીતે ગયા. ઘરેથી રીક્ષા, ત્યાંથી ટ્રેન, બીજી ટ્રેન, બીજી ૨૫ કિમીની રીક્ષાની સફર. હા, નદી કિનારેની સરસ શાંત જગ્યા છે. સારું ફૂડ અને ત્યાં જઇને કવિને બહુ મસ્તી કાઢી. મેં એક ગોકળગાયને પગ નીચે (ભૂલથી) કચડી નાખી :/

* કવિને નેશનલ સાયબર ઓલ્મપિઆડની પરીક્ષા આપી છે. જોઇએ હવે ત્યાં શું થાય છે. પેપર સરસ છે (એનો અર્થ એવો નહી કે કવિને બધાં જવાબો સાચા લખ્યા છે!)

સોમવાર

જાહેર જનતાને જણાવવાનું કે આજે સોમવાર છે! તેમજ અમેરિકામાં રજા છે એટલે અમારા માટે લગભગ રવિવાર છે. જે “કામો” અમે આશા રાખીને બેઠા હતાં તે હવે મંગળવારે થશે એટલે કે અમારા માટે મંગળવાર પણ સોમવાર હશે :/

અપડેટ્સ – ૧૭૨

* અપડેટ ટાઇમ!

* નવી ૪૦૦ કિમીની રાઇડ આવી રહી છે, પણ એના પહેલાં સાયકલ હજી મરમ્મત માંગે છે. નવી સાયકલ લેવાનો પ્લાન પડતો મૂક્યો છે, કારણ: ૧. બજેટ, ૨. રોડ બાઇક ચલાવી પણ મજા ન આવી (ઓહ, કમર).

* દોડવામાં તો હવે વડોદરા અલ્ટ્રા (૫૫ કિમી) નો પ્લાન છે. ચાંપાનેરનો સરસ આંટો. ફન.

* સ્કૂલમાં હવે ગણેશ વિસર્જનનું વેકેશન આવશે, એટલે હવે નોઇઝ રિડક્શન હેડફોન લાવવા પડશે.

* ઓહ અને ગયા અઠવાડિયે ઘણાં દિવસ પછી બિમાર પડવાનો લ્હાવો લઇ લીધો!

ક્યાં જવું?

* જીવનનો સૌથી મોટો પ્રશ્ન. ક્યાં સેટલ થવું? કે પેલાં વન પ્લસ વનની જેમ, never settle? (જોકે કોઇ અમેરિકન ટેલિફોન કંપનીએ આ સૂત્ર ઉઠાવ્યું છે એટલે એ લોકો અહીં પણ નજર નાખી શકે છે :D) અમદાવાદ-ગુજરાતમાં અશાંતિ અને ગરમી. મુંબઇ મોંઘું (અને અહીંનું સ્થાનિક રાજકારણ સરવાળે વિનાશકાળે વિપરીત બુદ્ધિ જેવું છે). બેંગ્લોર-બેંગ્લુરુ અમને ન ગમ્યું (તા.ક. બે વખત પ્રયત્ન કર્યો). ગોઆ સારું પણ અમને માછલી ન ગમે. ચેન્નાઇ, ના બાબા ના.

બીજું કોઇ સજેશન? 🙂

બહાર ક્યાંક જવું? એ પણ ટ્રાય કરી લઇએ હવે!