ફ્રીજ મેગ્નેટ

સર્વત્ર જાણીતું છે કે અમને ફ્રીજ મેગ્નેટનો બહુ શોખ છે. હું અથવા કુટુંબ કે મિત્રોમાંથી કોઇ ક્યાંય પણ જાય ત્યાંથી ફ્રીજ મેગ્નેટ મંગાવું છું. હવે, ઘણાં બધાં દેશો અને શહેરોના ફ્રીજ મેગ્નેટ ભેગા થયા પછી મને થયું કે આપણા ભારતીય શહેરોમાંથી કંઇ નથી (સિવાય કે મુંબઈનું એક જૂનું ફ્રીજ મેગ્નેટ એલિફન્ટામાંથી લીધેલું). એટલે, બે દિવસ પહેલાં ચર્ચગેટ પર મારી નજર રેલ્વેએ મૂકેલા કાચના કબાટ પર પડી, ત્યાં અમને ફ્રીજ મેગ્નેટ દેખાયું. પ્રેમીને પ્રેમિકા અચાનક વિરાર ફાસ્ટ પકડતા દેખાઇ જાય તેવો આનંદ અમને થયો. અમે ત્યાં રહેલી વ્હીલરની સડેલી દુકાનમાં પૂછ્યું તો તેમણે કહ્યું કે આ તો અહીં ૨૦૧૫થી પડ્યા છે, પછી રેલ્વેવાળા અહીં ફરક્યા પણ નથી. અમે તેને અડી ન શકીએ (જોકે ઉપર આ વસ્તુઓ સામેના સ્ટોરમાં મળશે એવું લખેલું હતું).

અને આમ અમારા સંગ્રહમાં એક વધુ ફ્રીજ મેગ્નેટ આવતા રહી ગયું!!