હવે, ઝ્વિફ્ટ ચાલુ કર્યા પછી નાની સ્ક્રિનમાં મઝા ન આવી એટલે શોધ કરીને નવી વસ્તુ શોધી કાઢી છે. હવે, ટીવીમાં તો સ્ક્રિનશેરિંગ કરવું સરળ છે, પણ લિનક્સ ડેસ્કટોપમાં આ કામ ભારે છે. તો, આ કામ કેવી રીતે કરવું?
૧. પહેલાં તો લિનક્સમાં srccpy નામનું પેકેજ ઇન્સ્ટોલ કરો:
sudo apt install scrcpy
જો ન હોય તો, github પરથી તમે ડાઉનલોડ કરી શકો છો.
૨. સાથે-સાથે adb પણ ઇન્સ્ટોલ કરો:
sudo apt install adb
૩. હવે, ફોન પર USB Debugging ચાલુ કરો. અને, adb વડે ફોન સાથે જોડાણ નીચે મુજબ કરી શકાય છે.
adb kill-server
adb tcpip 5556
adb connect <ફોનનું IP એડ્રેસ>:5556
ફોનનું IP એડ્રેસ About Phone->Status માંથી મળી શકે છે. ઘણાં ફોનમાં આ અલગ હોઇ શકે છે, પણ મોટાભાગે ત્યાં જ હોવાની શક્યતા છે! 🙂
એક વખત જોડાણ થયા પછી, Wireless Debugging શરૂ કરો અને USB કેબલ કાઢી નાખો.
૪. હવે કમાન્ડ લાઇન (ટર્મિનલ પર),
scrcpy
અને, તમારો ફોન તમારી સ્ક્રિન પર! તમે માઉસ વડે સંપૂર્ણ ફોનને ઓપરેટ કરી શકો છો. apk ફાઇલ ડ્રેગ અને ડ્રોપ કરી ઇન્સ્ટોલ પણ કરી શકો છો. મારી માટે તો અગત્યની વસ્તુ છે કે ઝ્વિફ્ટ ફુલ સ્ક્રિન જોવા મળે છે. જોકે હજી રૂમમાં સાયકલ સરખી ગોઠવવી પડે તેમ છે.
