આ અઠવાડિયાની ફિલમો – ૨૯

ડેક્કન ક્લિફહેંગર પછી સાયકલિંગ-રનિંગ લગભગ રજા પર જ છે (સાયકલ તો હજુ રવિવારે જ ઘરે પાછી આવી!) એટલે આ અઠવાડિયું ફિલમો પર..

* ટ્રુ ગ્રિટ (૨૦૧૦)

આ ફિલમ કેમ ધ્યાન બહાર રહી ગઇ? અફલાતૂન અભિનય અને અલગ જ વાર્તા. જેને કાઉબોય પ્રકારની ફિલમોમાં રસ હોય તેને જોવી જ રહી.

* હંટ ફોર ધ વાઇલ્ડરપીપલ (૨૦૧૬)

આના માટે નિરવભાઇનો આભાર. મસ્ત ફિલમ. સહકુટુંબ માણવામાં આવી. ન્યૂ ઝિલેન્ડની સુંદરતા એટલે ૧૦/૧૦. અભિનય ૧૦/૧૦.

* ઇત્તેફાક (૨૦૧૬)

અલગ વાર્તા. બેકાર એક્ટિંગ. કંઇ વિચિત્ર અકળામળ થાય તેવી ફિલમ. PS: આ તો IMDBમાં જઇને વાંચ્યુ ત્યારે ખબર પડીકે તેમાં સોનાક્ષી સિંહા હતી 😀

Advertisements

કરસનદાસ: પે & યુઝ

કરસનદાસ!

* ગયા અઠવાડિયે આ ફિલમ જોવાનું અચાનક નક્કી કર્યું અને ભારે રહેલ વીકએન્ડનો બોજ હળવો કરવા માટે અમે સૌથી નજીકના પ્રિય અને હવે લગભગ બંધ થવાની અણી પર (હવે આ મોલ બંધ થાય તો પેલી એક દુકાનની પોસ્ટની જેમ અમારો કોઇ વાંક નથી!) એવા રઘુલીલા મોલમાં અમે ગયા.

સરપ્રાઇઝ! થિયેટર લગભગ ભરેલું હતું અને મોટાભાગના લોકો ૫૦+ લાગતા હતા. જેમ-તેમ જાહેરખબરોનો સહન કરી મુવી શરૂ થયું અને શરૂઆત સરસ રહી. તિલોક અને સુંદર – બંનેનો અભિનય સરસ છે તો ચિનુભા જામે છે. કદાચ ચિનુભાએ જાતે કોઇ વસ્તીમાં રહી આવા કેરેક્ટરનું સચોટ અવલોકન કર્યું હશે! શિશિરભાઇએ લખેલું તેમ બેકગ્રાઉન્ડમાં ચેન્નાઇ એક્સપ્રેસની થીમ ધરાવતું સંગીત થોડું ખૂંચ્યું પણ ઓવરઓલ ડાયલોગ્સ (એકાદ બિનજરૂરી દ્વિઅર્થી સિવાય) થી માંડીને એક્ટિંગ સુધી બધું મસ્ત રહ્યું. રોંગ સાઇડ રાજુ પછી થિયેટરમાં મુવી જોવાની મઝા પડી (વચ્ચે બાહુબલી- ૨ જોયેલું તે અપવાદ ગણાય).

આશા રાખીએ કે આવા વધુ વૈવિધ્ય વિષય ધરાવતી ફિલ્મો ગુજરાતીમાં બને અને ક્યારેક આપણે પણ કાન કે નાક ફિલ્મ ફેસ્ટિવલમાં જઇએ 🙂

PS: ઉપરોક્ત છબી પ્રતિકાત્મક છે અને ફિલમ પૂરી થયા પછી “કરસનદાસ: ફ્રી ટુ યુઝ”ની બહાર લેવાઇ છે.

અપડેટ્સ – ૨૦૫

* બાહુબલી-૨ જોયું અને પછી બાહુબલી-૧ જોયું! ભાગ-૨નો પહેલો ભાગ મને ગમ્યો પણ ઇન્ટરવલ પછી ફિલ્મ જરા ઉતાવળમાં બનાવાઇ હોય એમ લાગ્યું (ખાસ કરીને છેલ્લી લડાઇ વગેરે). જે હોય તે – જય માહિષમતી!
* ૧લી મે એ મહારાષ્ટ્ર (અને ગુજરાત) દિવસ નિમિત્તે મુંબઈના બધા સાયલિસ્ટની રાઇડ હતી. મજા આવી. હવે આવતો વીકએન્ડ એડવેન્ચરથી ભરેલો છે. ૩૦૦ કિમી સાયકલિંગ અને પછી બીજા દિવસે તુંગારેશ્વરમાં રનિંગ. હવે આ રનિંગ કેવું જશે તે તો શિવ જાણે. ગરમી અને ભેજ આ બંને ભેગા થાય ત્યારે થોડી તકલીફ તો રહેવાની જ.
* કવિનને અબાકસ ગણિતના એક ઉનાળુ વર્ગમાં મૂકવામાં આવ્યો છે, એટલે આખું વેકેશન તે રખડવામાં બનાવે નહી.
* વર્ડપ્રેસ.કોમનું ગુજરાતી ભાષાંતર ભયાનક છે, હવે સમય કાઢીને તેને સુધારવું પડશે.

પ્રાઇમ નંબર

* એમાં થયું એવું કે ગઇકાલે કવિન તેનું ગણિતનું હોમવર્ક કરવા બેઠો ત્યારે પ્રાઇમ નંબર અને પ્રાઇમ ફેક્ટરમાં ગોથાં ખાતો હતો. થોડીવાર મેં પણ ગોથાં ખાધાં અને પછી યાદ આવ્યું કે શ્રીનિવાસ રામાનુજન વિશેની ફિલમ જોઇએ તો અમારા પ્રાઇમ નંબર વિશેના ખ્યાલો કેટલાં નબળાં તે પુરવાર થાય. એટલે, રાત્રે કવિન જોડે બેડમિન્ટનમાં ૨-૧ થી હાર્યા પછી આ ફિલમ જોવામાં અને માણવામાં આવી. વિકિપીડિયા પર તે અંગેના લેખો વાંચ્યા અને થોડી ચર્ચાઓ પણ ચાલી.

સરસ ફિલમ. જોવા જેવી.

* રાત્રે સ્વપ્નમાં પણ ૧૭૨૯ નંબર દેખાયો.

અપડેટ્સ – ૧૮૮

* અપડેટ્સ ટાઇમ!

* વિકિમીડિયા ફાઉન્ડેશન સાથે ત્રણ વર્ષ પૂર્ણ કર્યા. હું પોતાને જ અભિનંદન આપીશ 😀

* કવિનનું રાબેતા મુજબનું શાળાજીવન કાલથી શરુ થઇ જશે અને અમારી પણ લેફ્ટ-રાઇટ શરુ. ચોથું ધોરણ કારકિર્દી માટે અત્યંત મહત્વનું છે. એટલે અમે આ વર્ષે ક્યાંય બહાર નહી જઇએ તેમજ મુવીઓ જોવાનું પણ બંધ કરીશું. શનિ-રવિ પણ સતત અભ્યાસમાં જ વીતશે તેમજ ઘરની બહાર ‘અમારો દીકરો ધોરણ ૪માં હોવાથી મહેમાનોએ આવવું નહી’ તેવું પાટિયું મારીશું (મજાક છે, પણ આવું પાટીયું સત્ય હકીકત છે, ખાલી ચોથા ધોરણની જગ્યાએ એ દસમું ધોરણ હતું).

* એક ખાસ ટ્રીપની રીટર્ન ટિકિટ લઇ લેવામાં આવી છે. વધુ વિગતો સમય આવ્યે.

* છેલ્લાં અઠવાડિયામાં સારી એવી ફિલમો જોઇ કાઢી, પણ રીવ્યુ લખવા લાયક એકપણ નથી.

* દોડવાનું સારુ ચાલે છે, સાયકલિંગમાં મંદી છે.

આ અઠવાડિયાની ફિલમો – ૨૮

* ફૂંક
આમ તો રામગોપાલ વર્માની શરૂઆતની સારી ફિલમો પછીની ફિલ્મો ફૂંક મારી-મારીને જોવા જેવી હોય છે, પણ આ સારી હતી. આપણે હજુ ભૂત-પલીતમાં માનતા નથી એટલે મજાથી આ જોવામાં આવી. એક્ટિંગ સારી અને સ્ટોરી ઓકે.

* માંઝી – ધ માઉન્ટેન મેન
સત્ય ઘટના પર આધારિત આ ફિલ્મ જો ડોક્યુમેન્ટરી હોત તો વધુ મજા આવત, કારણ કે ફિલમને લીધે પેલા ગીતો અને પ્રણય ‘સીનો’ જોવા કરતાં તો સાચી ઘટનાની ડોક્યુમેન્ટરી સારી લાગે. તેમ છતાંય, અલગ વિષય વસ્તુ હતી એટલે મજા આવી. વિકિપીડિયા પરથી જાણવા મળ્યું કે માંઝીની પુત્રવધુ સરકારી સહાયની આશા રાખીને કોઇક બિમારીથી ગુજરી ગઇ પણ વચન મુજબ આમિરખાન-રાજેશ રંજનને પણ મદદ ન કરી.

* ૧૦ ક્લોવરફિલ્ડ લેન
ડરામણી. પણ અલગ વાર્તા. એટલે મજા આવી. એકલાં બેઠાં-બેઠાં ટાઇમ પાસ માટે જોવાનું શરૂ કર્યું પણ મજા આવી.

* કેપ્ટન અમેરિકા – સિવિલ વોર
બેકાર. આપણને આમેય સિવિલ એન્જિનિયરીંગમાં કોઇ રસ નથી 🙂

આ પહેલાંની પોસ્ટ છેક ૨૦૧૪માં.

ફિલમ: ધ હેટફુલ એઇટ

image

ઓકે. મોડી પોસ્ટ છે, પણ મોટી નથી એટલે વાંધો નહી આવે. થયું એવું કે એક સાન ફ્રાન્સિસ્કોની સાંજે હું કંટાળતો હતો ત્યારે નિર્ઝાર અને પાઉએ કહ્યું કે અમે મુવી જોવા જઇએ છીએ. તો આપણે આ તક ઝડપી લીધી અને બાહ્ય દેશમાં ફિલ્મ જોવાનો પ્રથમ અનુભવ લીધો. તેમજ, આટલો મોડો શો પણ પહેલી વાર.

ફિલ્મ જો ટારાન્ટિનોની હોય ત્યારે શરૂઆત ધીમી થાય પણ પછી જામતી જાય. જોકે અહીં બેકગ્રાઉન્ડમાં બરફ વત્તા ઠંડી લાગવાને કારણે હું પણ જામી ગયો. સેમ્યુઅલ જેક્સન દર વખતની જેમ રંગ જમાવે છે. હિંસા, વધુ હિંસા અને છેવટે લોહીની છોળો ન ઉડે તો ટારાન્ટિનોનું નામ બગડે.

ખાસ નોંધ:
1. અહીં ઇન્ટરવલ હોતો નથી.
2. વહેલા તે પહેલાના ધોરણે સીટ લઇ લેવાની.
3. થિયેટરમાં પણ આઠ જણાં જ હતા.
4. ફિલ્મનું સંગીત સરસ છે.

અપડેટ્સ – ૧૭૬

* દિવાળી આવી ગઇ પણ શિયાળો નથી આવ્યો. એટલે કે, વિન્ટર ઇઝ નોટ કમિંગ :/ આની ભારે અસર આવનારા દિવસોમાં થનારા સાયકલિંગ પર પડશે અને અમોને આ ભારે પડી શકે છે.

છેલ્લાં લાઇવ અપડેટ્સ મુજબ ઠંડી છે!

* અને દિવાળી આ વખતે એકપણ ફટાકડા ન ફોડીને મનાવવામાં આવશે (કારણ કે બધાં ફટાકડા કવિન ફોડશે!).

* નવા વર્ષના સંકલ્પો? સોરી. છેલ્લાં વર્ષમાં કંઇ ભલીવાર આવ્યો નથી એટલે હવે નવું વર્ષ શાંતિથી નીકળે એટલે બહુ થયું.

* ઘણાં દિવસે મુવી(ઓ) જોવાનું થયું: મિનિયન્સ અને એન્ટમેન. બંને સરસ છે. ના જોયા હોય તો જોઇ કાઢજો.

* આજનો બોધપાઠ: એકલા હોઇએ ત્યારે ભૂખ બહુ લાગે, પણ જમવાની ઇચ્છા ન થાય.

બે ફિલમો

૧. જ્હોન વિક

ફાઇનલી. કેનુ રિવ્સની એક સારી ફિલમ. આ ભાઈનું નામ વિક, પણ બહુ મજબૂત. ફૂલ મારા-મ-મારી અને સરસ પ્રવાહી વાર્તા. આમેય, રશિયનોની પિટાઈ થતી હોય એવી ફિલમો આપણને ગમે 🙂

૨. જ્યુરાસિક વર્લ્ડ

જ્યુરાસિક વર્લ્ડએ પેલાં જ્યુરાસિક પાર્કોનો ચોથો ભાગ જ છે. એક્સ્ટ્રામાં જિનેટિકલી મોડિફાઇડ ડાયનોસોર્સ છે. થોડી આધુનિક ટેકનિક્સ છે. છેલ્લી ફાઇટિંગ સારી છે. પણ જ્યુરાસિક પાર્ક અને ધ લોસ્ટ વર્લ્ડ જેવી મજા મને ન આવી. કવિનને મજા આવી કારણ કે ડાયનોસોર્સનું તેનું પહેલું મુવી હતું (થિએટરમાં).

બન્ને જોવાલાયક. પહેલી ફેમિલી વગર, બીજી ફેમિલી સાથે.

બે ફિલમો

આમ તો ફિલમો વિશે લખવાનું બહુ ઓછું થઇ ગયું છે અને હવે તો જોવાનું પણ ઓછું થઇ ગયું છે. તેમ છતાંય, આ બે ફિલમો મને ગમી એટલે તેનો ઉલ્લેખ કર્યા વગર આ વર્ષ પુરું ન થાય.

૧. ગોન ગર્લ

થિએટરમાં જોવા જવું હતું, પણ મેળ ન પડ્યો, કારણ કે અહીં કવિનને સાથે લઇ ન જવાય અને ડિસેમ્બરમાં થયેલા પ્રવાસો પણ કારણભૂત હતા. આ ફિલમની મસ્ત વસ્તુ એકદમ ધીમેથી થતી વાર્તા જે સરસ રીતે આપણને જકડી રાખે છે. ઘડીકમાં હિરો તો ઘડીકમાં હિરાઇન (કે જે હોય તે! :)) સાચાં લાગે. આપણને થાય કે હમણાં અંત આવી જશે પણ અચાનક બનતી ઘટનાઓ (જે મારી ફેવરિટ વસ્તુ છે) આપણને મૂંઝવણમાં મૂકી દે. આમપણ મને પાત્ર પોતાની વાર્તા કહેતું હોય એ પ્રકારની ફિલમો થોડી વધુ ગમે એટલે અહીં એ પણ મુદ્દો છે.

૨. પ્રિડેસ્ટિનેશન

મસ્ત ફિલમ. ફરી પાછો મારો પ્રિય વિષય – ટાઇમ ટ્રાવેલ! જોકે ટાઇમ ટ્રાવેલ પર આવેલી બીજી ફિલમ જોડે થોડી સમાનતા એકાદ ક્ષણ માટે શોધી શકાય, પણ પછી તરત જ -અહીં જેવી આંટાધૂંટી આ છે તેવી બીજે ક્યાંય જોવા મળી નથી (દા.ત. લુપર્સ કે પછી ટાઇમ મશીન કે બીજી કોઇપણ). અને છેલ્લે કરુણ અંત જે જલ્દીથી ભૂલી શકાય તેમ નથી!!

જો ન જોઇ હોય તો આ બંને ફિલમ જોવા જેવી.

ફિલમ: બે યાર

* હવે અગાઉ નક્કી કર્યા મુજબ અમે બે યારની બે ટિકિટ્સ લીધી હતી (કારણ કે કવિનને દાદાને ત્યાં જવાનો કાર્યક્રમ હતો), પણ રાત્રે અચાનક ગણપતિ વિસર્જનની ડીજે પાર્ટીનો અવાજ જોઇને તેનો કાર્યક્રમ બદલાયો અને અમને ટેન્શન થઇ ગયું કે જોડે ટિકિટ મળશે? છેવટે, કોર્નરની ટિકિટ લીધી હોવા છતાં યોગ્ય રીતે ટિકિટ મળી ગઇ. તો, એક નાનકડો રીવ્યુ.

કેવી રીતે જઇશ જોયા પછી મને હતું કે અભિષેક જૈન સો ટકા આવી જ બીજી ચકાચક ફિલમ બનાવશે જ અને જ્યારે બે યારનું ટ્રેલર જોયું ત્યારે થઇ ગયું કે હવે આને તો થિએટરમાં જ જોવાય. ફિલમની વાર્તા તો મોટાભાગે તમને ખબર જ હશે તેમ છતાંય,

૧. અમદાવાદની પોળનું બેક ગ્રાઉન્ડ.

૨. ચાની દુકાન.

૩. (થોડા રખેડેલ પણ) ઊંચી મહત્વકાંક્ષા ધરાવતા મધ્યવર્ગનાં યુવાન મિત્રો.

૪. ધુતારા ઢોંગી બાબા.

૫. લોભી પૈસાદાર આર્ટ ડિલર.

૬. મિત્રો માટે મરી મીટવા તૈયાર મિત્રો.

આ બધાંને ભેગા કરીને યોગ્ય રીતે ગોઠવો એટલે બે યાર તૈયાર? ના, એમાં અભિનય નાખવો પડેને ગુજરાતી ફિલમોનું સ્ટાન્ડર્ડ બીબું હટાવવું પડે. એમાં રીસ્ક, ગુજરાતી લોકોનું માનસ અને એકપણ તાળી ન સાંભળવાની તૈયારી રાખવી પડે. બે યાર બધાંને ગમી એનું કારણ છે કે એમાં આ બધું સચવાયું છે. રોજ-બરોજની અમદાવાદી ભાષા (અને ગાળો પણ) છે – એ અભિષેક જૈનનાં દિર્ગદર્શનનો પ્લસ પોઇન્ટ છે જ.

હેટ્સ ઓફ – બે યારનાં બધાં કલાકારો અને પડદા પાછળની વ્યક્તિઓને.

PS: બે યાર વખતે લીધેલો અમારો બે ડિગ્રી ટિલ્ટ કરેલો સેલ્ફી 🙂

ગયા (જૂન) મહિનાની ફિલમો – ૨૭

ડેમ્મ. આ પોસ્ટ તો ડ્રાફ્ટમાં જ પડી રહી હતી… ટૂંક સમયમાં આ સીરીઝ ફરી શરુ કરવામાં આવશે એની ખાત્રી.

* ૨૭નો આંકડો એટલા માટે કે એ છેલ્લી ફિલમ પોસ્ટ પછીનો છે. વચ્ચે એકાદ-બે પોસ્ટ આવી ગઇ પણ લોકસભાની ચૂંટણી પછી અમને આંકડાઓ બહુ ગમવા લાગ્યા છે એટલે થયું કે આ આંકડો આગળ વધારીએ.

૧. એક્સ-મેન: ડેઝ ઓફ ફ્યુચર પાસ્ટ

એકલા જોવામાં આવેલું મુવી. ડિનર પર જવાનો પ્લાન હતો અને સાથે-સાથ મુવી પણ જોઇ લીધું. એક્સ-મેન મારી ફેવરિટ સીરીઝમાંની એક છે. આ વખતે આપણો વુલ્વરીન ભૂતકાળમાં જાય છે અને બધાં એક્સ-મેનોને બચાવે છે. નવું બનેલું મિલાપનું પીવીઆર સારું અને નાનું થિએટર છે એટલે વધુ મજા આવી. સ્ટોરી તો આગળ કહી દીધી છે. એક્શન દ્શ્યો અને પેલા ભવિષ્યનાં એક્સ-મેનો મસ્ત બતાવ્યા છે. જોવા જેવું.

૨. બોલ રાધા બોલ

હા. યુ-ટ્યુબ પર.

૩. લૂટેરે (જૂનું)

સની દેઓલ. હા, હા, હા. આ પણ યુ-ટ્યુબ પર.

ફિલમ: ક્વિન

* શુક્રવારે નક્કી કર્યું કે કોઇક મુવી જોવા જઇએ તો પછી ક્વિનનું ટ્રેઇલર વત્તા ગીતો જોઇને નક્કી કરેલું કે કંઇક અલગ વાર્તા છે એટલે પછી ત્યાં જ જવાનું ફાઇનલ થયું. કવિનને જોડે લીધેલો એટલે રિસ્ક હતું અને સવારથી થોડી દોડમદોડી હતી એટલે એવું હતું કે કંટાળાજનક ફિલમ ન હોય તો સારું. સમય કરતાં અડધો કલાક જેટલો મોડો શો શરુ થયો.

સ્ટોરી?

સ્ટોરી પંજાબની છે. ઓહ નો, મને થયું. ભાંગડા? નો. પંજાબ દા પુત્તર? નો. થેન્ક ગોડ (અને રાઇટર). શરુઆતમાં લાગ્યું કે આ સ્ટોરી પાછી યુરોપ-દર્શન હશે (એમ તો આમર્સ્ટરડેમ દર્શન કહી શકાય ;)) પણ, ઇન્ટરવલ (ie મધ્યાંતર) પછી સ્ટોરી ખરેખર સારી જ છે. સાર એટલો કે તમારે જે કરવું હોય કરો, દુનિયા જાય તેલ લેવા. કોઇના કારણે દુ:ખી થવાની જરુર નથી અને જીવનમાં આનંદ કરો. આજે નહી તો કાલે, સારી વ્યક્તિઓને સારું પાત્ર મળે જ છે, અને ન મળે તો ય શું વાંધો છે? મજા કરો.

કવિનને ચાલુ શોમાં ડાયલોગ્સ ફટકાર્યા, જેવા કે – કોઇ ફની સિન કેમ નથી આવતો? હવે એ કયા ફની સિન ની વાત કરતો હતો એ ખબર નથી 😉

રાત્રે ૧૨.૩૦ જેવા ઘરે આવ્યા. વહેલી સવારે મારે ઉઠીને અંધેરી પેલી ૬ કિલોમીટરની ફન રનમાં જવાનું હતું.

ઓવરઓલ – સરસ મુવી. ચોક્કસ જોઇ શકાય.

અપડેટ્સ – ૧૨૦

* અપડેટ્સ ૧૧૯ પછી અપડેટમાં કંઇ ખાસ નથી, તેમ છતાંય, અઠવાડિયાંની બે પોસ્ટ્સ તો લખવી જ પડે એ ન્યાયે કંઇક લખી રહ્યો છું. એકંદરે આ અઠવાડિયું દોડવાની રીતે તો આરામદાયક રહ્યું. થોડું સાયકલિંગ અને આજનું જુહુ બીચનું રનિંગ સારું રહ્યું. હવે, ડી-ડે ના દિવસે વાતાવરણ ઠંડક વાળું રહેશે તો મજા આવશે! મુંબઇમાં પણ અમને બધાંને શરદી થઇ છે – એટલે ઠંડી અહીં પણ પડી રહી છે તેમ સાબિત થઇ ગયું છે.

* સર્ચિંગ ફોર સુગર મેન (૨૦૧૨) – સરસ મુવી છે (ચેતવણી: ડોક્યુમેન્ટરી). ઘણાં સમયથી પેન્ડિંગ હતું અને છેક હવે જોવા મળ્યું. બાકી, ફરી પાછો એકાદ મહિનો આ શોખ માટે આપી શકાશે નહીં એવું અનુભવાઇ રહ્યું છે. હવે – ધ લેગૉ મુવી – આવે ત્યારે થિઅેટરમાં જવું છે.

* ઉત્તરાયણ પર રજા જેવું નથી એટલે અમે આજે જ લૂંટેલી પતંગો ઉડાવીને શોખ પૂરો કર્યો. ચીકી વગેરેનો ડોઝ તો ચાલુ જ છે, એટલે એ બાબતે વાંધો નહી આવે. નીચે મારી (લૂંટેલી) પતંગનો તાજો ફોટો સંદર્ભ માટે મૂકેલ છે 😉

પતંગ
મારી (લૂંટેલી) પતંગ!

બધાંને એડવાન્સમાં: હેપ્પી ઉત્તરાયણ!

છેલ્લી અપડેટ એટલે કે અપડેટ્સ – ૧૧૮

* લ્યો ત્યારે, છેલ્લી અપડેટ્સનો લ્હાવો લો.

* છેલ્લાં થોડાં દિવસોથી અત્યંત વ્યસ્ત છું. પ્લાન કે અપ્લાનમાં લખ્યા મુજબ કોઇ ધાર્યુ કાર્ય થયું નથી એટલે એકાદ બંગાળી તાંત્રિકબાબાની પાસે નવાં વર્ષમાં મુલાકાત લેવામાં આવશે તેવો પ્લાન છે.

* કવિન અત્યારે તેનું વેકેશન ભરપૂર માણી રહ્યો છે. ક્રિસમસનું વેકેશન અહીં સામાન્ય છે, અને સરવાળે મને તો સમયનો બગાડ લાગે છે, કારણ કે એટલી રજાઓ દિવાળીમાં ઓછી થઇ જાય છે વત્તા ઉત્તરાયણ યોગ્ય રીતે માણવા મળતી નથી (પછીનાં અને આગલાં દિવસોમાં પરીક્ષાઓ છે એવું જાણવા મળ્યું છે!)

* ચિરાગભાઇની ચાણક્ય મંત્ર મંગાવવામાં આવી છે અને તેની રાહ જોવાઇ રહી છે.

તો, ૨૦૧૪નાં નિર્ણયોથી આ પોસ્ટનો અંત લાવીએ?

૧. કોઇ પ્લાન ન કરવો. પ્લાનનો પણ પ્લાન ન કરવો.

૨. બોલીવૂડ મુવીઓ ન જોવાં.

૩. બ્લોગ પર વધુ ધ્યાન આપવું.

૪. કેટલાંક પ્રોજેક્ટ્સ પડતાં મૂકવાં. ફોકસ.

૫. ફોક્સ જેવાં લોકોથી દૂર રહેવું કે પછી કંટાળીને જાતે જ ફોક્સ બનવું.

૬. કંઇક નવું શીખવાને બદલે, જે છે તેના પર વધુ ધ્યાન આપવું.

૭. દોડવાનું-સાયકલિંગ ચાલુ રાખવું. તેનાં અલગ ધ્યેયો છે, જે પછી ક્યારેક.

૮. વિશલિસ્ટ અપડેટ કરવું!!

તો, હેપ્પી નવું વર્ષ. આવતાં વર્ષે મળીશું.