આઠ વર્ષ

* હેલ્લો વર્લ્ડ!

* બ્લોગ જગતમાં (અ)મારા આઠ વર્ષ પૂરા થયા એ બદલ મને અભિનંદન પાઠવું છું. દિવસે-દિવસે આ બ્લોગની આવૃત્તિ ઘટતી જઇ રહી છે. આ વર્ષમાં તેનું મુખ્ય કારણ કે છે – કિટાણું? ના, કામ-કાજ. આજ-કાલ ફેસબુક પણ બંધ જેવું જ છે, પણ ટ્વિટર હજી અડીખમ છે. તેમ છતાંય, મહિને-દહાડે દસેક પોસ્ટ (સરેરાશ) થઇ જાય છે, જેમાં મુખ્યત્વે અપડેટ્સની પોસ્ટ રહે છે.

* આવતા મહિને થોડો પ્રવાસ છે, એટલે બ્લોગમાં કંઇ નવીનતા આવવાની શક્યતા છે.

બાકી, કવિન પણ હવે મોટો થઇ ગયો છે, અને મને બહુ ભાવ આપતો નથી (સિવાય કે કંઇ રમકડું વગેરે જોઇતું હોય ;)).

વાચન ખાતે, હું પણ આજ-કાલ હવે કિન્ડલમાં વ્યસ્ત રહું છું. હમણાં જ એક યાદી પરથી આ વર્ષમાં વાંચવાનાં પુસ્તકો વિશલિસ્ટમાં ઉમેરીને એક પછી એક વાંચવાના શરુ કર્યા છે. PS: સાયન્સ ફિક્શન પર તમારો કોઇ સુઝાવ હોય તો કહેજો.

લો ત્યારે વધુ એક અપડેટ્સ પોસ્ટ બની જાય એ પહેલાં – સૌ બ્લોગજનોનો આભાર. મળતા રહીશું!

IRC – આઠ વર્ષ

આજે જ્યારે IRC પર લોગીન કર્યું અને, સર્વર ટેબ પરજોયું કે,

Registered : Jan 07 05:56:18 2005 (8 years, 0 weeks, 0 days, 00:04:00 ago)

લગભગ સાડા આઠ વર્ષ પહેલાં IRC નો પરિચય થયો (તો પછી શીર્ષકમાં આઠ વર્ષ કેમ લખ્યા? એવો સવાલ થાય. જવાબ: કારણ કે મને ખબર જ નહોતી કે તમારું લોગીન એમાં રજીસ્ટર કરાવી શકાય છે!) અને આ સંબંધ હજી સુધી અકબંધ છે. IRC એટલે ઇન્ટરનેટ રીલે ચેટ. એકદમ સરળ છે આ પ્રોટકોલ. IRCનું સર્વર હોય, તમે ક્લાયન્ટ વડે જોડાઓ. તેમાં અલગ-અલગ ચેટ-રુમ કહી શકાય તેવી ચેનલ્સ હોય છે. દા.ત. #linux-india, #debian વગેરે. એક કરતાં વધુ સર્વર કે ક્લાયન્ટ વડે તમે જોડાઇ શકો છો અને તમારું નિકનેમ પસંદ કરી શકો છો, એ રજીસ્ટર પણ કરી શકાય છે. વર્ષોથી મારું નિકનેમ kart_ છે. ઘણાં લોકો અજ્ઞાત રહેવાનું પસંદ કરે તો એવી પણ સગવડ છે. Text સંદેશા સિવાય અહીં કોઇ બીજી સગવડ નથી એ જ એનો મોટો ફાયદો છે ie એકદમ લાઇટવેઇટ. ઇન્ટરનેટ ધીમું હોય તો પણ વાંધો ન આવે. IRC ને કારણે ઘણાં ઓપનસોર્સ-ફ્રી સોફ્ટવેર ના મહારથી મિત્રો મળ્યા અને જે વ્યક્તિઓ જોડે ચેટ પર વર્ષોથી વાત કરી હોય એ સામે મળે તો કેવી મજા આવે? ફેસબુકમાં તો બધાં આજ-કાલ મળેલા હોય એવું લાગે (ફોટા, વિડિઓ..) પણ IRCની વાત જ નિરાળી છે.

IRC માટે હું irssi નામનું ટર્મિનલ પર ચાલતું સોફ્ટવેર વાપરું છું. તમને જો કોઇ ઓપનસોર્સ પ્રોજેક્ટમાં રસ હોય અને એની IRC ચેનલ હોય તો તમે xchat કે Pidgin જેવા સોફ્ટવેર વાપરી શકો છો. (હા, મેક માટે Adium મેસેન્જર સરસ છે.)

ચેતવણી: IRC એ addictive છે!