ગુગલ ટ્રાન્સલેટ – ૪

* જુઓ: , અને પોસ્ટ્સ. ટેસ્ટિંગ ટાઇમ!!

ગુગલ ટ્રાન્સલેટ

૧. કાકીએ કાકાને કહ્યું કે કાચના કબાટ માંથી કાચી કેરીનું કચુંબર કાઢો.
ભાષાંતર: Kaki asked uncle to remove raw mango salad from a glass closet.

૨. કાકી એ કાકાને કહ્યું કે કાચના કબાટમાંથી કાચી કેરીનું કચુંબર કાઢો.
ભાષાંતર: Aunt told the uncle that take a salad of raw mangoes from a glass closet.

૩. કાકી એ કાકાને કહ્યું કે કાચના કબાટ માંથી કાચી કેરીનું કચુંબર કાઢો.
ભાષાંતર: Aunt told the uncle that take a raw mango salad from a glass closet.

૪. કાકી એ કાકાને કહ્યું કે કાચના કબાટ માંથી કાચી કેરીનું કચુંબર કાઢો
ભાષાંતર: Aunt told the uncle that take a raw mango salad from a glass closet

૫. કાકી એ કાકા ને કહ્યું કે કેરીનું કચુંબર કાચના કબાટ માંથી કાઢો
ભાષાંતર: Aunt told the uncle that cut out the mango salad from the glass closet

યાન્ડેક્સ

૧. કાકીએ કાકાને કહ્યું કે કાચના કબાટ માંથી કાચી કેરીનું કચુંબર કાઢો.
ભાષાંતર: Aunt at the aunt said that the glass closet from raw mangoes salad deleted.

૨. કાકી એ કાકાને કહ્યું કે કાચના કબાટમાંથી કાચી કેરીનું કચુંબર કાઢો.
ભાષાંતર: Uncle the uncle said that the glass closet from raw mangoes salad deleted.

૩. કાકી એ કાકાને કહ્યું કે કાચના કબાટ માંથી કાચી કેરીનું કચુંબર કાઢો.
ભાષાંતર: Uncle the uncle said that the glass closet from raw mangoes salad deleted.

૪. કાકી એ કાકાને કહ્યું કે કાચના કબાટ માંથી કાચી કેરીનું કચુંબર કાઢો
ભાષાંતર: Uncle the uncle said that the glass closet from raw mangoes salad delete

૫. કાકી એ કાકા ને કહ્યું કે કેરીનું કચુંબર કાચના કબાટ માંથી કાઢો
ભાષાંતર: Aunt is Aunt nanny said that mangoes salad glass of the closet from deleted

🙂

પાસવર્ડ રીસેટ

થોડા દિવસ પહેલાં fast&upમાં એક-બે વસ્તુઓ ઓર્ડર કરી. ઉતાવળ હતી એટલે લોગીન કર્યા વગર ગેસ્ટ લોગીન વાપરી ઓર્ડર કર્યો. પૈસા ભર્યા અને બેંકમાંથી પણ સંદેશો આવી ગયો પણ એ લોકો તરફથી ન આવ્યો. એક દિવસ રાહ જોઇ, બે દિવસ જોઇ પછી વેબસાઇટ ઉપર કોન્ટેક્ટ અસમાંથી ફોર્મ ભરી સંદેશો મૂક્યો પણ કંઇ જવાબ ન આવ્યો. પછી ફોન કર્યો. તો એ લોકોએ કહ્યું કે, હા તમારા પૈસ મળ્યા છે. તમારી ડિટેલ્સ આ નંબર પર SMS કરો. કર્યો અને બે દિવસમાં મંગાવેલી વસ્તુઓ આવી પણ ગઇ.

હવે, એમ થયું કે ચાલો મારું એકાઉન્ટ જોઇએ. પાસવર્ડ તો યાદ નહોતો એટલે થયું કે Forget Password કરીએ. તો પછી, આ પાનાં પર ગયો: https://www.fastandup.in/reset_pass હવે ખાટલે મોટી ખોડ કે આ લોકો Last Old Password You Remember માંગે અને મને તો યાદ જ નહી કે કયો પાસવર્ડ વાપર્યો. બહુ પ્રયત્ન કર્યા પણ પરિણામ શૂન્ય.

ટૂંકમાં, આવું પાસવર્ડ રીસેટ પાનું ન બનાવવું!!

પાસવર્ડ સંબંધિત મારી જૂની પોસ્ટ્સ:
* પ પાસવર્ડનો પ..
* ઇ(જી)મેલ અને સલામતી
* તમારો પાસવર્ડ કેટલો મજબૂત?

PS: લોકોને તો એ પણ ખબર નથી કે વિકિપીડિયામાં Special:PasswordReset થી પાસવર્ડ બદલવાની વિનંતી મોકલી શકાય છે!

ધીમું-ધીમું

* થોડા સમય પહેલાં 3જી આવ્યું ત્યારે 2જી ધીમું થઇ ગયું. હવે 4જી આવ્યું છે ત્યારે 3જી ધીમું ચાલે છે. આ મોબાઇલ કંપનીઓની ચાલ છે કે પછી મારો વહેમ છે? હા, પેલી એપલ કંપની જૂનાં ફોનને ધીમા કરતા પકડાઇ છે. કોઇ રોશન બજાજ આ વિશે પ્રકાશ પાડશે?

ઉપયોગી ગુગલ ક્રોમ એક્સટેન્શન્સ

* સંદીપભાઇએ કહ્યું હતું કે તમે ગુગલ ક્રોમમાં વાપરતા એક્સટેન્શન્સ વિશે પોસ્ટ લખો. તો હાજર છે એક નાનકડી પોસ્ટ. મને યાદ છે ત્યાં સુધી આવી એક પોસ્ટ લખી હતી, પણ તે મળતી નથી (અથવા હું ખોટું શોધી રહ્યો છું). તો પણ..

૧. એડબ્લોક પ્લસ. આ તો બધી જાxખને બ્લોક કરે. પણ, આજ-કાલના વેબ ડેવલપર બહુ સ્માર્ટ (દા.ત. દિવ્ય ભાસ્કર) અને તેને ડિટેક્ટ કરે અને તમને તે ડિસેબલ કરવા કહે અને પરિણામ કંઇક ઉલ્ટા-પુલ્ટા જેવું આવે!

૨. એડવાન્સ ફોન્ટ સેટિંગ. બ્રાઉઝરમાં ફોન્ટના સેટિંગ જોડે વધુ ચેડાં-છેડછાડ આનાથી શક્ય છે.

૩. ડિસકનેક્ટ. ફેસબૂક જેવી વેબસાઇટોને તમારી ગતિવિધીઓથી દૂર રાખે છે. દા.ત. તમે કોઇ સાઇટ પર જાવ તો તેને લાઇક કરવાનું સૂચન ફેસબૂક આવે છે, તો તેમ ન થવાનો ઉપાય આ છે.

૪. ઘોસ્ટરી. આ પણ સરસ વસ્તુ છે. તમારી પ્રાઇવસીને વ્યવસ્થિત રીતે સાચવે અને ટ્રેકરોથી દૂર રાખે છે.

૫. ગુગલ કીપ. ટચૂકડી નોંધ રાખવા માટેનું સરસ એક્સટેન્શન. મોબાઇલ જોડે સરળતાથી ‘સિંક’ થાય છે, એટલે બધી નોંધો તમને ક્યાય પણ જોવા મળી શકે છે. (અપડેટ: આ એપ છે, એક્સટેન્શન નથી.)

૬. હેલ્ધી બ્રાઉઝિંગ. લાંબા સમય કોમ્પ્યુટર પર કામ કરતા લોકો માટે પાણી પીવા, થોડું સ્ટ્રેચિંગ કરવા કે આંખો પટપટાવવા માટે પ્રેરતું એક્સટેન્શન. ખાસ કરીને મને આજ-કાલ (એમ તો જૂની આદત છે) ટેબલ પર પગ લાંબા કરીને બેસવાની આદત પડી છે. જે ખોટી છે, પણ કોઇક કહે તો આપણે સીધી રીતે બેસીએ ને. તો, આ એક્સટેન્શન મને વારંવાર યાદ કરાવે છે અને હું સરખો-સીધો બેસું છું.

૭. HTTPS એવરીવ્હેર. આજકાલ તો આનો ખાસ ઉપયોગ રહ્યો નથી, તો પણ ઉપયોગી.

૮. સ્ક્રિપ્ટસેફ. બધાં એક્ટેન્શના પપ્પા. કોઇપણ નવી સાઇટ ખોલો તો આ એની બધી જ જાવાસ્ક્રિપ્ટ જ બ્લોક કરી દે. તમને ગમે તે જ સ્ક્રિપ્ટ ચાલવા દે. બહુ ઉપયોગી. દિ.ભા.ને ન ગમતું એક્સટેન્શન!

૯. સ્ટ્રાવિસ્ટિક્સ. સ્ટ્રાવા વાપરતા લોકો માટે. ગુજરાતી નામ અટપટું લાગતું હોય તો આ છે, StravistiX. તમારા સ્ટ્રાવા આંકડાઓને વધુ સારુ રીતે રજૂ કરે. અમુક લોકોના મતે આ બ્રાઉઝર માટે હેવી છે. જોકે મારા માટે તો મસ્ત ચાલે છે. ઓપનસોર્સ છે.

૧૦. સુપરસોર્ટર. તમારા બૂકમાર્ક્સને આપમેળે શોર્ટ કરે. સરસ વસ્તુ.

આ સિવાય બીજા થોડાંક એક્સટેન્શન વાપરું છું, પણ તે મોટાભાગે ડેવલોપર્સને સંબંધિત હોવાથી, બધાં લોકોને ઉપયોગી નહી થાય. બહુ એક્સટેન્શન પણ બ્રાઉઝરને ધીમું બનાવે છે.

૨ ભાગ્યા ૩

જીયો જીયો
નવા વર્ષના પ્રારંભે પહેલું પાપ કર્યું અને જીયોના બે સીમકાર્ડ લીધા. હવે પરિસ્થિતિ એવી થઇ કે ર કાર્ડ વચ્ચે ૩ મોબાઇલ છે. જેમાં,

* એક ફોન ૪જી છે, જેમાં બે સીમકાર્ડ સ્લોટ છે – જેને જીયોની જરુર છે, અને બરાબર ચાલે છે.
* એક ફોન ૪જી છે, જેમાં એક જ સીમકાર્ડ સ્લોટ છે – જેને જીયોની જરુર નથી.
* એક ફોન ૩જી છે, જેમાં બે સીમકાર્ડ સ્લોટ છે – જેને જીયોની જરુર છે અને શક્ય નથી.

કપરા સંજોગોમાંથી અમે પસાર થઇ રહ્યા છીએ!!

તા.ક. આ જીયોવાળો ઘરે આવેલો તો, એનું જ નેટવર્ક નહોતું આવતું 😉

અપડેટ્સ – ૧૯૨

* પહેલાં કહ્યું હતું તેમ, ઓગસ્ટ મહિનો અત્યંત વ્યસ્ત રહ્યો. તેમ છતાંય,

** ગુજરાતી વિકિપીડિયામાં ફેરફારોની સંખ્યા – ૯૦૦+.
** વિકિડેટા (મોટાભાગે વિકિડેટા ગેમ્સ પરથી) – ૩૦૦૦+.
** રનિંગ – ૨૦૦ કિમી (છેલ્લા દિવસે!)
** સાયકલિંગ – ૬૩૬ કિમી (અહીં થોડું વધુ થઇ શકત, પણ ચંદીગઢ!)
** મુલાકાતો – ચંદીગઢ, ચીખલી અને બોરિવલી નેશનલ પાર્ક x ૨.

બોલો, બીજું શું જોઇએ?

નવાં ગુજરાતી ફોન્ટ: રાસ

કે પછી રસા? એક સરસ નવાં ગુજરાતી ફોન્ટ મળ્યા છે. ઓપનસોર્સ છે તેથી ડેબિયનમાં મૂકવામાં આવ્યા છે અને થોડા સમય પછી કદાચ અન્ય લિનક્સ ઓપરેટિંગ સિસ્ટમમાં પ્રાપ્ત થશે. ત્યાં સુધીમાં તમે તમારી હાલની ઓપરેટિંગ સિસ્ટમમાં તેને ડાઉનલોડ કરીને ચકાસણી કરી શકો છો. ગીટહબ પર છે, એટલે કોઇ મુશ્કેલી કે બગને સીધો ત્યાં ‘રીપોર્ટ’ કરવો.

આ અઠવાડિયાની ફિલમો – ૨૮

* ફૂંક
આમ તો રામગોપાલ વર્માની શરૂઆતની સારી ફિલમો પછીની ફિલ્મો ફૂંક મારી-મારીને જોવા જેવી હોય છે, પણ આ સારી હતી. આપણે હજુ ભૂત-પલીતમાં માનતા નથી એટલે મજાથી આ જોવામાં આવી. એક્ટિંગ સારી અને સ્ટોરી ઓકે.

* માંઝી – ધ માઉન્ટેન મેન
સત્ય ઘટના પર આધારિત આ ફિલ્મ જો ડોક્યુમેન્ટરી હોત તો વધુ મજા આવત, કારણ કે ફિલમને લીધે પેલા ગીતો અને પ્રણય ‘સીનો’ જોવા કરતાં તો સાચી ઘટનાની ડોક્યુમેન્ટરી સારી લાગે. તેમ છતાંય, અલગ વિષય વસ્તુ હતી એટલે મજા આવી. વિકિપીડિયા પરથી જાણવા મળ્યું કે માંઝીની પુત્રવધુ સરકારી સહાયની આશા રાખીને કોઇક બિમારીથી ગુજરી ગઇ પણ વચન મુજબ આમિરખાન-રાજેશ રંજનને પણ મદદ ન કરી.

* ૧૦ ક્લોવરફિલ્ડ લેન
ડરામણી. પણ અલગ વાર્તા. એટલે મજા આવી. એકલાં બેઠાં-બેઠાં ટાઇમ પાસ માટે જોવાનું શરૂ કર્યું પણ મજા આવી.

* કેપ્ટન અમેરિકા – સિવિલ વોર
બેકાર. આપણને આમેય સિવિલ એન્જિનિયરીંગમાં કોઇ રસ નથી 🙂

આ પહેલાંની પોસ્ટ છેક ૨૦૧૪માં.

લાઇક

જ્યારે તમે તમારું બહુ ઉત્સાહથી બનાવેલું ફેસબુકનું પેજ (પાનું) મને ‘લાઇક’ કરવા મોકલો ત્યારે ધ્યાનમાં રાખવું કે,

મને જો તે ગમશે તો જ ‘લાઇક’ કરીશ, તમને ગમાડવા માટે નહી 🙂

ડબલ ક્વોટ્સમાં “ડ”

nginx

ઉપરનું પાનું જો તમે Nginx વેબ સર્વર તમારા કોમ્પ્યુટર કે સર્વરમાં ઇન્સ્ટોલ કર્યુ હોય તો કશી જ ગોઠવણ વગર દેખાય. ઘણી વખત વેબસાઇટ બનાવવા વાળા ગરબડ કરે તો ફોલબેક પણ દેખાય, એ વખતે ડેબિયનના Nginx પેકેજ મેઇન્ટેનર તરીકે મારું ઇમેલ સરનામું બગ્સ રીપોર્ટના પાનાં પર પણ દેખાય છે (કાર્તિક@ડેબિયન.ઓર્ગ), એટલે લોકો એમ સમજે કે એમની વેબસાઇટને ડાઉન કરવામાં મારો હાથ (કે પગ) છે. બોલો. અમુક લોકોએ તો મને ધમકી પણ મોકલી. એટલે, હાલમાં હું મોસ્ટ વોન્ટેડ છું 🙂

ટૂંકમાં, ડફોળ લોકોની સંખ્યા ટેકનોલોજીના ફેલાવા સાથે વધતી જ રહી છે!!