પોસ્ટમેન ક્યારેય રીંગ ન વગાડે..

* ના. આ પોસ્ટ આ મુવી વિશે નથી.

* અમારું નસીબ ખરાબ કે અમે એમેઝોનમાંથી એક મોબાઇલ કવરનો ઓર્ડર આપ્યો. જૂનો મોબાઇલ હતો એટલે કવર માંડ માંડ મળ્યું અને કાર્તિક ખુશ હુઆ. જોકે જ્યારે આ કવર આઉટ ફોર ડિલિવરી માટે નીકળ્યું ત્યારે હું સાયકલ રાઇડ પર હતો અને ઘરે કોઇ હતું નહી. રાત્રે ઘરે આવ્યો ત્યારે કોકીએ કહ્યું કે એક ચીઠ્ઠી પડી હતી. જોયું તો પોસ્ટ વિભાગની હતી, જે અત્યંત જર્જરિત, ચોળાયેલી અને અસ્પષ્ટ હતી. નિષ્ણાતોની મદદ લઇને અક્ષરો ઉકેલતા ખબર પડીકે એમેઝોનમાંથી કંઇક આવ્યું હતું અને એ ૫ દિવસમાં લઇ જવાનું છે. બોલો, ફરીથી પ્રયત્ન જ નહી કરવાનો. સોમવારે નક્કી કર્યું કે પોસ્ટ ઓફિસ જઇ આવીશ. એ પહેલા ફરી સંદેશ આવ્યો કે તમારું કવર આઉટ ફોર ડિલિવરી છે. અમે ફરી ખુશ થયા. મોડા ઘરે આવીને ઉત્સાહિત થઇને કવર ખોલ્યું અને તે તૂટેલું નીકળ્યું. હવે એમેઝોનને તે પાછું મોકલવાનું છે.

૧. પોસ્ટમેન દિવાળી સમયે પૈસા લેવા નિયમિત આવે છે, પણ પોસ્ટ આવતા મહિનામાં એક જ વાર આવે. જ્યારે તેણે ત્રણ-ચાર પોસ્ટ એક સાથે નાખેલી ત્યારે મને ખબર પડેલી. પૂછતા તેણે કહ્યું કે સ્ટાફ ઓછો છે!
૨. પોસ્ટ વિભાગ ક્યારેય બાજુમાં પોસ્ટ-પાર્સલ ન આપે.
૩. ક્યારેય કોલ-સંદેશ ન આવે.
૪. કહેવાની જરૂર છે કે જ્યારે છેલ્લે હું પોસ્ટઓફિસમાં ગયો ત્યારે અંદર બે શેરી કૂતરાં આરામ કરતા હતા, આથી સાબિત થાય છે કે, પોસ્ટ વિભાગ દયાળુ છે.

જય પોસ્ટવિભાગ!!

Advertisements

અપડેટ્સ – ૧૧૫

* થોડા સમય પહેલાં લખેલું કે Nexus 5 લેવો છે. તો લઇ લીધો 😉 ૫મી એ ઓર્ડર આપ્યો, ૭મી બપોરે તો આવી ગયો. કિટકેટ સરસ છે, પણ ફોનમાં મોટી ખામીઓ કે મારા મતે,

મર્યાદાઓ?

૧. બેટરી કે મેમરી કાર્ડ બદલી ન શકાય. ૩૨ જીબી જ મળે.
૨. માઇક્રો સીમ કાર્ડ
૩. ગુજરાતી ફોન્ટ હજી ડિફોલ્ટ નથી. ખરાબ, અતિશય ખરાબ.
૪. કેમેરો ઠીક-ઠીક છે.

સારી વસ્તુઓ?

૧. ડિસ્પ્લે.
૨. ૨.૩ ગીગાહર્ટ્ઝ ક્વાડકોર પ્રોસેસર.
૩. ૨ જીબી રેમ.
૪. ગુગલનો સપોર્ટ.
૫. NFC, સરસ અવાજ વગેરે.

* ગયું અઠવાડિયું રનિંગ-સાયકલિંગ માટે સારું ગયું. ગોઆ મેરેથોન મિસ કરી, પણ રવિવારે સરસ હાફ-મેરેથોન દોડવામાં આવી. હજી વધુ મહેનત કરીશ તો ૨ કલાકની અંદર હાફ-મેરેથોન દોડી શકાય તેમ છે. હવે પછી, અમદાવાદ-સાબરમતી હાફ-મેરેથોન માટે રજીસ્ટ્રેશન કરાવ્યું છે એટલે જાન્યુઆરીનો પ્રથમ વીક-એન્ડ ત્યાં છું.

* ફ્લિપકાર્ટ v/s એમેઝોન.ઇનની લડાઇ ચાલી રહી છે. ટેસ્ટિંગ માટે એમેઝોન.ઇનમાંથી પાંચેક પુસ્તકો મંગાવ્યા છે, અને ૨ પુસ્તકો સુધીનો અનુભવ ખરાબ રહ્યો છે. હવે બાકીનાં ૩ નું શું થાય છે? રામ જાણે.

* કવિન અને મારી – બન્નેની – સાયકલ હવે સર્વિસ માંગી રહી છે. આજ-કાલમાં જવું જ પડશે.

રીવ્યુ: કિન્ડલ ફાયર

* એમ તો લગભગ છ મહિના પહેલાં લાવવામાં આવેલું (ચિંતને લીધેલું અને પછી મને આપેલું) કિન્ડલ ફાયર રીવ્યુ થવું-થવું કરતું હતું પણ જ્યાં સુધી તેના પર ચાર-પાંચ પુસ્તકો ન વાંચવામાં આવે ત્યાં સુધી રીવ્યુ લખવાનો કોઈ ફાયદો દેખાતો નહોતો. આ માપદંડ પૂરો થયો અને હાજર છે એક નાનકડો રીવ્યુ.

કિન્ડલ ફાયર એ ૧૯૯ ડોલરનું એમેઝોનનું ઈ-બુક રીડર ઉર્ફે ટેબ્લેટ છે. બીજા કિન્ડલ ઈ-બુક રીડર કરતાં તે બે વાતે અલગ છે – એક તો તે કલર ડિસ્પ્લે ધરાવે છે, અને બીજું તેમાં ઈ-બુક સિવાય બીજી એપ્સ પણ ઉમેરી શકાય છે.

ફાયદા:

૧. ડ્યુલ કોર પ્રોસેસર તેમજ પૂરતી રેમ ધરાવતું ટેબ્લેટ ૧૦,૦૦૦ની આસપાસ મળે તેથી વધુ સારું શું?

૨. સ્ક્રિન અફલાતૂન છે. મૂવી જોવા માટે સર્વોત્તમ!

૩. ઈ-બુક (કિન્ડલ ફોરમેટ) વાંચવાની મજા આવે છે. તમને રાત્રે જો વાંચવાની આદત ન હોય તો થોડી તકલીફ થાય કારણ કે આ ટેબ્લેટ છે, સામાન્ય કિન્ડલની જેમ ઈ-ઈન્ક ટેકનોલોજી નથી (જે વાંચન માટે વધુ સારી ગણાય છે).

ગેરફાયદા:

૧. એન્ડ્રોઈડ બેઝ્ડ હોવા છતાં તેને ખાસ એમેઝોન સ્ટોર માટે બનાવવામાં આવ્યું છે એટલે તમે કંઈક ‘હેક’ કર્યા વગર બીજી કોઈ એપ્સ ઉમેરી શકતા નથી. એમેઝોન સ્ટોરમાં મર્યાદિત માત્રામાં જ એપ્સ પ્રાપ્ત છે.

૨. ખાટલે એક મોટ્ટી ખોડ એ કે આ ટેબ્લેટ ખાસ USA માટે જ છે. તમારે ફ્રી એપ્લિકેશન જોઈતી હોય તો પણ USA ના સરનામાં વાળું ક્રેડિટ કાર્ડ જોઈએ. જો કે આનો પણ ઉપાય છે, એટલે વાંધો નહી. ફ્રી કે સેમ્પલ બુક્સ તમે જોકે ડાઉનલોડ કરી શકો છો. વિચિત્રમ્!

૩. તમે સરળતાથી મુવી કે ઈ-બુક્સ કોમ્પ્યુટરમાંથી ટ્રાન્સફર કરી શકતા નથી.

૪. મેમરી કાર્ડ સ્લોટ કે માઈક્રોફોન નથી 😦

છેલ્લો ગેરફાયદો, તેમાં હેરી પોટરની ડિક્શનરી નથી 🙂

(ઓકે, મજાક છે!)

કિન્ડલને root પણ કરી શકાય છે, પણ ડ્રોપબોક્સ+એરડ્રોઈડ+ફાઈલ બ્રાઉઝર વડે મારું કામ સરસ ચાલી જાય છે એટલે વાંધો નથી આવતો.

નવાં ઉપકરણો..

૧. એમેઝોન કિન્ડલ ફાયર.

૨. ટેક્સાસ ઈન્સ્ટ્રુમેન્ટ્સ EZ430-Chronos

 

કિન્ડલમાં એન્ડ્રોઈડ અને ઘડિયાળમાં લિનક્સ વડે અપડેટ કરવામાં આવશે ત્યારે નવી પોસ્ટ પાક્કી. આ વસ્તુઓ આયાત કરવા માટે ચિંતનનો આભાર 🙂

આજની કડીઓ

* QRPedia: વધુ સરસ માહિતી માટે, જુઓ: આ લેખ. સાયબરસફરનો QR Code વિશેનો લેખ પણ સરસ માહિતી આપે છે.

આ QR code ટ્રાય કરશો?

Kartik's QR Code

* એમેઝોનનું નવું ટેબ્લેટ. Kindle Fire. ટેબ્લેટ વોર હજી હવે ખરેખર શરુ થાય છે?