ગુગલ ટ્રાન્સલેટ – ૩

* ફરી પાછી અને પોસ્ટ્સ નજરે પડી. એટલે, ટેસ્ટ થઇ જાય?

૧. કાકીએ કાકાને કહ્યું કે કાચના કબાટ માંથી કાચી કેરીનું કચુંબર કાઢો.
ભાષાંતર: Raw mango salad from the glass out of the closet uncle aunt said.

૨. કાકી એ કાકાને કહ્યું કે કાચના કબાટમાંથી કાચી કેરીનું કચુંબર કાઢો.
ભાષાંતર: Aunt and uncle said that out of the glass raw mango salad kabatamanthi.

૩. કાકી એ કાકાને કહ્યું કે કાચના કબાટ માંથી કાચી કેરીનું કચુંબર કાઢો.
ભાષાંતર: Aunt and uncle said that out of the closet raw mango salad from the glass.

૪. કાકી એ કાકાને કહ્યું કે કાચના કબાટ માંથી કાચી કેરીનું કચુંબર કાઢો
ભાષાંતર: Aunt and uncle said that out of the closet raw mango salad from glass

૫. કાકી એ કાકા ને કહ્યું કે કેરીનું કચુંબર કાચના કબાટ માંથી કાઢો
ભાષાંતર: Extract from mango salad in a glass closet aunt said the uncle

ટૂંકમાં, સુધારો થયો છે!

અને હવે યાન્ડેક્સ પર પણ ગુજરાતી ભાષાંતર પ્રાપ્ત છે (જે વિકિપીડિયાના અમારા કન્ટેન્ટ ટ્રાન્સલેશન સાધનમાં વપરાય છે), જે હજુ અત્યંત નબળું છે. દા.ત. #૫નું ભાષાંતર,

Aunt is aunt nanny said that mangoes salad glass of the closet from deleted

🙂

હેલ્લો અમેરિકા!

* એમ તો આ પોસ્ટ અમે અમેરિકા આવ્યા ત્યારે લખવી જોઇતી હતી, પણ એક દિવસનાં જેટલેગ પછી મારા પગની સાથે હાથ (અને મગજ) પણ જેટલેગ થઇ ગયું હતું.

* પહેલો દિવસ સારો રહ્યો. સાન ફ્રાન્સિસ્કોમાં રખડવાની મજા આવી પણ છુટ્ટા પૈસાની રામાયણ (એની સ્ટોરી પછી ક્યારેક).

* ઓફિસમાં જઇને બધાંને હાય અને બાય કહેવામાં આવ્યું અને આમ પણ અહીં આવવાનો મુખ્ય હેતુ સાન હોસે (જોશે, પણ હોસે) માં ગુગલ સમર ઓફ કોડની મેન્ટોર સુમિટમાં જવાનો હતો. ત્યાં ઓવરઓલ મજા આવી રહી છે. ગઇકાલે લિનસ ટોરવાલ્ડ્સ, પીટર નોરવિગ અને બીજાં મોટ્ટાં માથાઓની મળવાની મજા આવી. આજે પણ ડેબિયન અને અન્ય પ્રોજેક્ટસનાં વિવિધ ઓપનસોર્સ લોકોને મળ્યો.

* અહીં આવીને દોડવાનું બાજુ પર મુકાઇ ગયું છે. (સાન ફ્રાન્સિસ્કોમાં ૧૦ કિમી સિવાય) છતાંય, આજે સાંજે સાયકલિંગ અને કાલે રનિંગનો કાર્યક્રમ છે. કાલનો દિવસ એકદમ ભરચક. એટલે વધુ મજા આવશે.

* ફોટાઓ? ઇન્સટાગ્રામ અને ફેસબુક પર સમય મળ્યે મુકવામાં આવશે.

* અને હા, ન્યૂ યોર્કમાં એક દિવસ ખરેખર મજાનો જવાનો છે. કેમ? સામાન સાથે કેમ રખડાય એનો તમને ખ્યાલ આવી જશે 😉

પહેલી ગુગલ શોધ

… એટલે કે કવિનની ગુગલ સર્ચ

૧. PS 4.
૨. ગોડ ઓફ વોર.

હવે ખબર નહી કે કોણે તેને ગુગલમાં સર્ચ કરતાં શીખવાડ્યું, પણ હવે મારે ધ્યાન રાખવું પડશે (ખોટું બોલતા પહેલાં) 😉

જીમેલ ગુજરાતી – ૨

* વર્ષો પહેલાં (ઓકે, ત્રણ વર્ષ પહેલાં ) એક બ્લોગ પોસ્ટમાં જીમેલ ગુજરાતીમાં ઉપલબ્ધ છે એવું લખ્યું હતું. આજે નવરો બેઠો કંટાળતો હતો તો થયું જરા જોઇએ કે જીમેલ વાળાઓએ શું નવું કર્યું છે. પરિણામ? અત્યંત આઘાતજનક!

કહો જોઇએ. આ શું છે?

જીમેલ ગુજરાતીમાં

ન ખબર પડી? એનું અંગ્રેજી જુઓ.

જીમેલ અંગ્રેજીમાં

ધન્ય છે, જેણે આ ભાષાંતર કર્યું છે!!

ગુગલ ટ્રાન્સલેટ – ૨

* થોડા વખત પહેલાં પેલી ગુગલ ટ્રાન્સલેટ વાળી પોસ્ટ લખેલી. અચાનક આજે એ ફરી નજરે પડી (થેન્ક્સ ટુ રેન્ડમ પોસ્ટ!) તો નક્કી કર્યું કે થોડા અખતરા કરીએ.

૧. કાકીએ કાકાને કહ્યું કે કાચના કબાટ માંથી કાચી કેરીનું કચુંબર કાઢો.
ભાષાંતર: Kakie uncle said that the glass out kabatamanthi mango salad.

૨. કાકી એ કાકાને કહ્યું કે કાચના કબાટમાંથી કાચી કેરીનું કચુંબર કાઢો.
ભાષાંતર: Said the uncle, aunt kabatamanthi glass from raw mango salad.

૩. કાકી એ કાકાને કહ્યું કે કાચના કબાટ માંથી કાચી કેરીનું કચુંબર કાઢો.
ભાષાંતર: Said the uncle, aunt mango salad out of a glass case.

૪. કાકી એ કાકાને કહ્યું કે કાચના કબાટ માંથી કાચી કેરીનું કચુંબર કાઢો
ભાષાંતર: Said the uncle, aunt mango salad out from the glass closet

૫. કાકી એ કાકા ને કહ્યું કે કેરીનું કચુંબર કાચના કબાટ માંથી કાઢો
ભાષાંતર: Mango salad is the uncle and aunt said that out of the glass closet

આમાં મસ્ત તો ૪ અને ૫ છે. જે હોય તે, ગુગલ આજે નહી તો કાલે, ટ્રાન્સલેટરોની (ie દિવ્ય ભાસ્કરનાં!) છુટ્ટી કરી દેશે એ દિવસો દૂર નથી! તોય, મશીન એટલે મશીન એ ઉપરના ઉદાહરણો પરથી ખબર પડી જાય છે.

અપડેટ્સ – ૫૦

થોડાં ટેક-સમાચાર:

* મોબાઇલ હવે ‘rooted’ થઈ ગયો છે. વોરંટી વોઈડ કહેવાય, પણ પાછો ‘unroot’ કરી શકાય છે 🙂

* આજનો વિડિઓ: ખાસ જોવા જેવો. ૧ કલાક વસૂલ છે. લિનસ ટોરવાલ્ડ્સ સાથે ચર્ચા-પ્રશ્નોત્તરી: Aalto Talk with Linus Torvalds જો તમને Nvidia ગ્રાફિક્સ કાર્ડના કારણે લિનક્સમાં મુશ્કેલીઓ હોય તો આ વિડિઓ ખાસ-ખાસ જોવા જેવો છે 😉

* આજનું એડ-ઓન: GSanitizer – જે ગુગલ સર્ચમાં આવતા રીઝલ્ટની કડીઓને ક્લિન કરે છે.

… અને બાકીના પરચૂરણ અપડેટ્સ:

* કવિન હવે સ્કૂલ-રીક્ષા બંનેમાં સેટ થઈ ગયો લાગે છે (એને એવું લાગતું નથી, એ વાત અલગ છે!). સ્કૂલમાં ટાઈ બાંધવાની હોતી નથી એટલું સારું છે. બાકી, અમદાવાદની ગરમીમાં ટાઈ પહેરીને જતાં છોકરાંઓને જોઈને જીવદયા સિવાયની બીજી કોઈ લાગણી ન જ થાય.

* ગરમી ચાલુ જ છે. એમાં કંઈ અપડેટ આપવાની ના હોય 😉

* આપણે દોડતા હોઈએ ત્યારે પણ,

૧. લોકો ઊભા રાખીને સરનામું પૂછે છે,

૨. અમુક નંગ તો ‘કેટલા વાગ્યા?’ એવું પણ પૂછે છે. સો સલામ એ સૌ કોઈને..

આજની કડી

* જાણવા જેવું – ગુગલ દ્વારા: http://www.google.com/intl/gu/goodtoknow/

આનંદની વાત છે કે ગુજરાતીમાં પણ ગુગલ વડે ઇન્ટરનેટ જાગૃતિ લાવવા માટે આ પ્રયત્ન થયો છે. લખાણ એકંદરે સારું અને સમજ પડે એવું છે. વિવિધ વિષયો યોગ્ય રીતે આવરી લેવાયા છે.

(સોર્સ: @rajnikantjoshi, ફેસબુક)

ગુગલ મેપ્સ – ઉપ્સ!

* બહુ ભરોસો ન રાખવો. ગઈકાલે નીચેના નકશામાં બતાવેલી HDFC Bank શોધવા માટે હું બહુ રખડ્યો 😉

ગુગલ મેપ્સનું ઉપ્સ!

સાયબરસફર: હવે મેગેઝિન સ્વરુપે!

* હિમાંશુભાઈના જાણીતા અને માનીતા આર્ટિકલ્સ સાયબર સફર કોલમમાં તમે દિવ્ય ભાસ્કરમાં વાંચતા જ હશો. હવે, સાયબર સફર મેગેઝિન રુપે તમે મેળવી શકશો. વધુ માહિતી માટે જુઓ: http://cybersafar.com/index.php?option=com_content&view=category&id=127:2011-12-12-16-51-20&Itemid=436&layout=default

ટૂંકમાં – go for it!

ઇન્ટરનેટ: યે બાન બાન ક્યા હૈ?

* ઇન્ટરનેટ અને ભારતની સરકાર આજકાલ બહુ ચર્ચામાં છે. સામાન્ય માણસને ખ્યાલ છે કે સરકાર હવે ગુગલ, ફેસબુક (અને અન્ય સોશિયલ નેટવર્કિંગ સાઈટ્સ) પર નિયંત્રણ લાદી રહી છે. ટૂંકમાં, ભારત ચાઈના જેવી પ્રગતિ તો ન કરી શક્યું, પણ ચાઈનાની સસ્તી નકલ કરી સ્વતંત્રતા પર તરાપો મારવાની શરુઆત કરી દીધી છે. પહેલી નજરે આ ઘટના સોનિયા(જી)-મનમોહનસિંહ વિશેની ફેસબુકમાં ફરતી મજાકને સંબંધિત લાગે છે, પણ ખરેખર તેની પાછળનું કારણ શું છે?

તમે જોઈ રહ્યા છો કે આજકાલ મિડીઆ અને મિડીઆ જગત એ મોટાભાગે Paid Media તરીકે કામ કરે છે. તેને ખરીદી શકાય છે, અને ખરીદાઈ રહ્યું છે, એમાં નવાઈ નથી. ગુજરાતનાં કેટલાંય સમાચાર પત્રો, લેખકો અને કોલમબાજો સત્યને એવી રીતે તરોડે-મરોડે-જોડે છે કે આપણને થાય સાલું આપણે ગુજરાતમાં છીએ કે ચેચેન્યામાં. પણ, પણ – ઇન્ટરનેટ-બ્લોગ-ફેસબુક-ટ્વિટર-ગુગલ પર કોઈનો ઈજારો નથી. યુઝર જનરેટેડ કન્ટેન્ટની મજા જ એ છે કે કોઈ તેના પર નિયંત્રણ રાખી શકતું નથી. ઇજિપ્ત કે ટ્યુનિશિઆની તાજેતરની ઘટનાઓમાં બ્લોગ-ટ્વિટરે મોટો ભાગ ભજવ્યો. અન્ના હજારેની ચળવળને મોટો આધાર ઇન્ટરનેટ પર મળ્યો. આ ચળવળના નકારાત્મક પાસાં પણ ઇન્ટરનેટ પર ચર્ચાયા. પણ, છેવટે ઇન્ટરનેટ એ મુખ્ય ભાગ ભજવ્યો. આપણી સરકારને આ વાત ખબર છે અને સારી રીતે જાણે છે કે જો આમ જ ચાલશે તો આપણું કામ નહી ચાલે.

પાડાને વાંકી પખાલીને ડામ આપવામાં સરકાર એક્સપર્ટ છે. વચ્ચે એક બ્લોગના સબડોમેઈનની જગ્યાએ આખું ડોમેઈન બ્લોક કરી દેવામાં આવ્યું હતું. મેં ક્યાંક આગળ લખ્યું હતું તેમ આશા રાખજો કે આવો કોઈ વિચિત્ર કાયદો-નિયમ આવશે અને વ્યક્તિગત સ્વતંત્રતા પર તરાપની ઘટનાઓ બનશે.

PS: Thank God the Government does not find any objectionable content in porn sites. (@Hardism દ્વારા ટ્વિટર પરથી)