* સૌ પહેલા તો સાયકલિંગ અને રનિંગ:
** સાયકલિંગ: ૯૮૭૬ કિમી
** રનિંગ: ૭૨૬ કિમી
* વિકિપીડિયા:
** ગુજરાતી વિકિપીડિયામાં ફેરફારો: ૮૦૯૬
** અંગ્રેજી વિકિપીડિયામાં ફેરફારો: ૪૩૧
આ લખું છું ત્યારે ૯૮૭૬ કિમી પૂરા કરવા માટે ૯ કિમી ખૂટતા હતા ત્યારે કવિનની સ્કૂલ આગળ જઇને તે પૂરા કર્યા તે વખતે ફોટો લીધેલો, જે કોમન્સમાં અપલોડ કર્યો છે એટલે ફેરફારોની સંખ્યા હજુ પણ વધશે! આખો દિવસ હજુ બાકી છે!!
અને હા, બાકીના આંકડાઓ તો મોહ-માયા છે. જેવાં કે, કેટલા લાઇક્સ આવ્યા કે કેટલી કોમેન્ટ્સ મળી 😀
* આજે વર્ડપ્રેસના બ્લોગ ડેશબોર્ડ પર એક સરસ વાક્ય જોવા મળ્યું:
Akismet has protected your site from 12,000 spam comments already. There’s nothing in your spam queue at the moment.
વર્ડપ્રેસની સ્પામ સિસ્ટમ અકિસ્મેત દિવસે-દિવસે સરસ બનતી જાય છે. સારી વાત છે. તમે તમારા ડેશબોર્ડમાં વિગતે રીપોર્ટ-અહેવાલ પણ દેખી શકો છો. થેન્ક્સ વર્ડપ્રેસ અને અકિસ્મેત 🙂
* હવે, એમાં થયું એવું કે ચોતરો નામનો બ્લોગ (?) ચલાવતાં ભાઈ (કે બેન કે પછી કંઈક બીજું) પહેલાં, કોપી-પેસ્ટ, પછી પાયરસી અને વાતોનાં વડાંની જગ્યાએ પર્સનલ આક્રમણ કરવા લાગ્યા છે. એટલે હવે, આ બ્લોગ પાછો સક્રિય કરવો પડ્યો છે.
ગઈકાલે ચકાસણી કરવા માટે તેમનાં જ નામથી (wbtacker320) જ્ઞાનનું (કે કોપી-પેસ્ટનું) નાળું નામના બ્લોગ પર ટેસ્ટ કોમેન્ટ કરી. હવે આ નાળું અને ચોતરો બન્ને એક જ હોય એમ લાગતું હતું કારણકે ચોતરાએ પોતાની ઓળખાણ આપી નહોતી. છેવટે, નક્કી થયું કે આ નાળું તો ચોતરાવાળાનું જ છે.
તમે જ નક્કી કરજો. આવાં નફ્ફટ ચોતરા અને નાળાં માટે કયા શબ્દો વપરાય? વર્ડપ્રેસને યોગ્ય ફરિયાદ પણ કરવામાં આવી છે. તમે પણ આવા બ્લોગને રીપોર્ટ એઝ સ્પામ કરીને ફરિયાદ કરી શકો છો.
(હવે એક ઊંડો શ્વાસ અને મોટો બ્રેક!! આવજો!)
(ચિત્ર સોર્સ: http://icanhascheezburger.files.wordpress.com/2007/05/i-is-tired-wurk-too-hard.jpg)
* હા. આજે આ બ્લોગનો અંત અને સાથે આ છેલ્લી પોસ્ટ. ગઈકાલે રાત્રે કોમ્પ્યુટર આગળ બેઠો-બેઠો વિચારતો હતો (અમે પણ વિચારીએ છીએ!) ત્યારે લાગ્યું કે બ્લોગિંગ વગેરેમાં બહુ સમય વેડફાય છે. હવે, સમય છે પૈસા અને માત્ર પૈસા પર જ ફોકસ કરવાનો. ગુજરાતી બ્લોગિંગમાં શું ફાયદો – એવા મતલબનો સવાલ જ્યારે અમને કોઈએ પૂછ્યો ત્યારે મને ઝાટકો સીધો જ નાનાં મગજ પર લાગ્યો અને પછી વિચારતા લાગ્યું કે ખરેખર વાત સાચી છે…
ચાર+ વર્ષ બહુ જ મજા આવી ગઈ. સરસ મિત્રો મળ્યા. સરસ ટીપ્પણીઓ ઉર્ફે કોમેન્ટ્સ મળી. કેટલાય પ્રશ્નોનો જવાબ બ્લોગ વડે મળ્યો. શરુઆતમાં તો કેટલી ટીપ્પણીઓ મળે છે, તેમાં વધારે રસ હતો. પછી, શું લખવું તેમાં રસ હતો. પછી, આપોઆપ લખાતું ગયું.
પણ, હવે – યે તો હોના હી થા. થાકી ગયો છું. અલવિદા. આવજો. ગુડ બાય. વગેરે વગેરે. મારો બ્લોગ જીવંત રહેશે એટલે કે વર્ડપ્રેસનું એકાઉન્ટ દૂર નહી કરું. કોમેન્ટ્સ વગેરેનો જવાબ આપીશ. સંપર્ક પાનું જાળવી રાખીશ.
* ૭૦૦મી પોસ્ટ પૂરી થઈ એ શુભ પ્રસંગે આગલી સદીઓની જેમ બોરિંગ આંકડાઓ ન આપવા એવું નક્કી કર્યુ હતું. તો તેના બદલે સાત બોરિંગ બ્લોગિંગ ટીપ્સ…
૧. જો તમે વર્ડપ્રેસ (તમારું પોતાનું ડોમેઈન કે વર્ડપ્રેસ.કોમ) ઉપયોગ કરતાં હોવ તો અહીં નજર રાખો. આ સમાચાર તમે તમારા ડેશબોર્ડમાંથી પણ મેળવી શકશો. આનો ફાયદો એ કે તમને નવી સુવિધા કે નવાં સોફ્ટવેરની માહિતી તરત મળશે.
૨. બને ત્યાં સુધી HTML વાળા વિકલ્પમાં લખવાનું રાખો. થોડું બેઝિક HTML શીખવાની મજા આવશે. સાઈડબારમાં વિજેટ્સ કે નવું કંઈક કરવા માટે કામમાં આવશે. વળી, જો બ્લોગસ્પોટ.કોમ ઉપયોગ કરતા હશો તો તો મજા પડી જશે. બ્લોગસ્પોટ તમને તમારું કસ્ટમ ટેમ્પલેટ બનાવવા દે છે, જે સુવિધા વર્ડપ્રેસમાં નથી (એટલે કે વર્ડપ્રેસ.કોમમાં ફ્રી એડિશનમાં નથી).
૩. ડેશબોર્ડમાંથી My Comments નો ઉપયોગ કરી તમે વર્ડપ્રેસમાં કરેલ ટીપ્પણીઓનું ધ્યાન રાખી શકો છો.
૪. Ratingsની સુવિધા ઉપયોગ કરવા જેવી ખરી. મારા કોઈક પોસ્ટ પર તે જુઓ..
૫. જો ટ્વિટરનો ઉપયોગ કરતાં હોવ તો, ટ્વિટરનું વિજેટ સાઈડબાર માટે હાજર છે. તમારી પોસ્ટ પણ ટ્વિટરમાં આપમેળે મૂકી શકાય છે. પોસ્ટ લખતી વખતે જમણી બાજુ નજર નાંખો..
૬. Settings–> OpenID માં જઈને તમારા વર્ડપ્રેસ.કોમ ડોમેઈનને ઓપનઆઈડી ડોમેઈન બનાવો. ઘણી બધી સાઈટ્સ તમને આ વડે પોતાનામાં લોગ-ઈન થવા દેશે. બહુ જ કામની વસ્તુ છે.
૭. યાદ રાખો કે જો તમે વર્ડપ્રેસ.કોમનો બ્લોગ દૂર (Delete) કરશો તો ક્યારેય એ URL પાછું મળશે નહી!
