ફટાકડા – ૨

* અમે ધાર્યું હતું તેમ, ફટાકડા ન ફોડવાનો સંકલ્પ એકાદ દિવસ ચાલ્યો. પછી છેલ્લે છેલ્લે માળિયાંની સાફ-સફાઇ કરતાં તેમાંથી ગયા વર્ષના વધેલા ફટાકડાઓ મળ્યા એટલે કવિને એક દિવસે તે ફોડ્યા અને પછી પોકેમોન કાર્ડ્સના બજેટમાંથી અડધાનો ખર્ચ ફટાકડામાં કરવામાં આવ્યો (એને પ્લાન બી કહેવાય?) 🙂

IMG_20171019_124546_710
.. અને લાગે છે કે સદામ હજુ પણ લોકપ્રિય છે 🙂
Advertisements

અપડેટ્સ – ૧૭૬

* દિવાળી આવી ગઇ પણ શિયાળો નથી આવ્યો. એટલે કે, વિન્ટર ઇઝ નોટ કમિંગ :/ આની ભારે અસર આવનારા દિવસોમાં થનારા સાયકલિંગ પર પડશે અને અમોને આ ભારે પડી શકે છે.

છેલ્લાં લાઇવ અપડેટ્સ મુજબ ઠંડી છે!

* અને દિવાળી આ વખતે એકપણ ફટાકડા ન ફોડીને મનાવવામાં આવશે (કારણ કે બધાં ફટાકડા કવિન ફોડશે!).

* નવા વર્ષના સંકલ્પો? સોરી. છેલ્લાં વર્ષમાં કંઇ ભલીવાર આવ્યો નથી એટલે હવે નવું વર્ષ શાંતિથી નીકળે એટલે બહુ થયું.

* ઘણાં દિવસે મુવી(ઓ) જોવાનું થયું: મિનિયન્સ અને એન્ટમેન. બંને સરસ છે. ના જોયા હોય તો જોઇ કાઢજો.

* આજનો બોધપાઠ: એકલા હોઇએ ત્યારે ભૂખ બહુ લાગે, પણ જમવાની ઇચ્છા ન થાય.

અપડેટ્સ – ૧૫૩

* ફરી પાછી ચૂંટણીઓ આવી અને ગઇ. એટલિસ્ટ, કોંગ્રેસ આવી એટલે શાંતિ છે.

* * વેકેશન પડી ગયું છે પણ મારે વધુ કામકાજ ચાલુ જ છે. આ અઠવાડિયું આખું દોડાદોડમાં રહ્યું. પેલું દોડવા વાળું દોડવાનું નહી પણ, ભાગંભાગ. પુને જવાનું નક્કી થયું અને એમાં ફેરફાર કરવો પડ્યો એટલે કોઇને મળવાનો કે ત્યાં દોડવાનો સમય ન મળ્યો. બીજા દિવસે ગુગલ વેબ ફોન્ટ અંગેની એક વર્કશોપ રચના સાંસદ કોલેજ, દાદર ખાતે હતી. વર્કશોપમાં જવામાં વાંધો નહી પણ “દાદર ઇઝ સ્પાર્ટા”. જતાં જવાય પણ વળતાં તો જેને મદદે ખુદા હોય એજ આવી શકે. અમે આવ્યા, એટલે ખુદા-ભગવાન અમારી જોડે છે એમ કહી શકાય. વર્કશોપ સરસ રહી. મારા ફોન્ટ અંગેના જ્ઞાનમાં વધારો વત્તા નવાં ફોન્ટ બનાવવાના વિશલિસ્ટને અગ્રતા આપવાની જરૂર છે એમ લાગ્યું. ડેવ અને પાથુમને મળવાની અને વાતો કરવાની મજા આવી.

* આજે સવારે ઇસ્ટર્ન એક્સપ્રેસ હાઇવે પર અજય, જે રનર છે અને અકસ્માતમાં હાથ ગુમાવેલો છે, તેની મદદ (પ્રોસ્થેટિક હાથ માટે) માટેની એક ૧૫ કિ.મી.ની નાનકડી દોડમાં ભાગ લીધો. હા, સવારે ચશ્માં પહેરવાનું ભૂલી ગયો અને દરવાજો બંધ કર્યો (લેચ), અને ઘરની ચાવી તો હું જોડે લેતો નથી એટલે ચશ્માં વગર પહેલી દોડ એ પણ મારી રનિંગ કારકિર્દીમાં એક માર્ક (“તેજા મે હું”) ગણી શકાય 😉

* અને હા, ફટાકડાં લઇ લેવામાં આવ્યા છે, લાગે છે કે એ બે દિવસમાં પૂરા થઇ જશે…

હેપ્પી દિવાળી

* સૌ બ્લોગ વાચકોને મારા-અમારા તરફથી હેપ્પી દિવાળી અને હેપ્પી ન્યૂ યર (કાલ માટે!).

૪ વર્ષ પછી ખબર પડીકે એક પણ દિવસની રજા હોય તો પણ એ કેવી ભારે પડે છે અથવા તો કેટલો કંટાળો આવે છે. આવી રજાઓને ભેગી કરી એક સામટે રજા લેવાની ઇચ્છા થાય છે, પણ પામર મનુષ્ય એવું કરી શકતો નથી. જે હોય તે, કાલે રજા દરમિયાન બીજી એક હાફ મેરેથોનનો ભવ્ય કાર્યક્રમ છે. આ વખતે રુટ બરોબર પસંદ કર્યો છે જેથી ઓછામાં ઓછો ટ્રાફિક નડે વત્તા સવારે વહેલા ઉઠવાનો પ્લાન છે. અને જોડે કંઇક એનર્જી ડ્રિંક્સ પણ લઇ જવામાં આવશે જેથી શનિવારની જેમ ૧૭ થી ૧૯ કિમી દરમિયાન ટેં ના થઇ જવાય.

તો ફરીથી બધાંને, હેપ્પી રનિંગ. સોરી, હેપ્પી દિવાળી.

અપડેટ્સ – ૭૦

* પરંપરાથી વિરુધ્ધ આ પોસ્ટ રવિવારે સવારે જ પોસ્ટ કરવામાં આવે છે. એક વાત અહીં સ્પષ્ટ કરી દઉં કે દર અઠવાડિયાની અપડેટ્સ પોસ્ટનું ડ્રાફ્ટિંગ ત્રણ-ચાર દિવસ ચાલે છે. જે કંઇ અપડેટ જેવું લાગે તે એક પછી એક ઉમેરવામાં આવે છે, કારણ કે માણસની મેમરી અપગ્રેડેબલ નથી. એ વાત પરથી યાદ આવ્યું કે મારા લેપટોપની રેમ અપગ્રેડ કરવાની છે!

* PG અને ઓફિસમાં લોકો દિવાળી મનાવવા માટે પોત-પોતાનાં ઘરે ગયા છે અને અમે અહીં એકલા-એકલા મિઠાઇઓ ખાઇશું 😀

* ગયા અઠવાડિયાનો રનિંગ કાર્યક્રમ અત્યંત સફળ રહ્યો. વ્યવસ્થિત રીતે ત્રણ 10K (કુલ ૩૧ કિમી), એક 20.4K (એમ તો હાફ મેરેથોનનો પ્લાન હતો, પણ ઓહ ટ્રાફિક!) અને એક 5K દોડ વોક પૂરી કરવામાં આવી (અને મજા આવી!). અમારો રનિંગ પાર્ટનર મિ. મુથુ જોકે ગુરુવારે એના ઘરે ઉપડી ગયો એટલે એકલા દોડવાનું ઠીક-ઠીક રહ્યું. અહીં ADR ગ્રુપ કેટલું મિસ થાય છે એ ખબર પડી ગઇ!!

બેંગ્લોર મિડનાઇટ (હાફ) મેરેથોન માટે રજીસ્ટર કરવામાં આવ્યું છે. રાત્રે ૧૨ વાગે શરુ થશે. એક જ વાતનો ડર છે કે, દોડતા-દોડતા ઝોકું ન આવી જાય 😉 બપોરે ઉંઘ લઇ લેવી પડશે અને સાંજે રેડબુલનો ડોઝ.

* દુનિયાનું કોઇ કી-બોર્ડ પરફેક્ટ હોતું નથી. મારા થિંકપેડમાં બે વિચિત્ર કી (ઓ) છે. એ છે, Page Backward, Page Forward અને છે ક્યાં ખબર છે? એરો કી (ઓ) ની જોડે. હવે, એમાં થાય એવું કે ક્યાંક વેબસાઇટમાં ફોર્મ ભરતા હોઇએ તો, એરોની જગ્યાએ ભૂલથી Page Backward દબાઇ જાય તો, બધી મહેનત બાતલ જાય. આજે એવું થયું એનો અફસોસ બે-ત્રણ દિવસ સુધી રહેશે (પેમેન્ટ ભરતાં ભરતાં.. 😦 ).

Useless keys in Thinkpad T410

ઉપાય તરીકે છેવટે, તેને Page Up અને Page Down કી (ઓ) બનાવી દેવાઇ. મારી ~/.Xmodmap ફાઇલમાં,

keysym XF86Back = Page_Up
keysym XF86Forward = Page_Down

ઉમેરી દેવામાં આવ્યું. તો શું? દરરોજની માથાકૂટ પૂરી.  ઓકે, કી (ઓ) કરતાં આ કળો શબ્દ સારો!

PS: આવો જ કેપ્સલોકનો અનુભવ.

અપડેટ્સ

* હેપ્પી ચિલ્ડ્રન ડે વત્તા હેપ્પી ડાયાબિટિશ ડે.

* આજની માર: કેડબરીની પેલી એડને બે તમાચાં જ્યાં ડાઈનિંગ ટેબલ પર એક નાની છોકરી જમતી વખતે નખરા કરતી હોય ત્યારે તેની દાદી (?) કેડબરી આપવાની લાલચ આપે છે. પેલી કોમ્પલાન મેમરી વાળી એડને બે મુક્કા. પેલા ચાઈલ્ડ જેવા નહેરુચાચાને પણ દૂરથી નમસ્કાર જેનાથી ભારતે અડધું કાશ્મીર ગુમાવ્યું.

* ડ્રોઈડકોન.ઈન અને વીકીમિડિઆ કોન્ફરન્સ આ વખતે મિસ કરાશે. જો તમે બેંગ્લુરુ અને મુંબઈમાં હોવ તો – આ બન્ને કોન્ફરન્સ પોત પોતાની રીતે એકદમ સરસ છે. જઈ આવજો!!

* વીકએન્ડ આરામદાયક રહ્યો. કવિનને વેક્સિન ક્યારનીય બાકી હતી તે અપાવી. ક્રાફ્ટ એક્સપોની મુલાકાત લીધી. ગયું અઠવાડિયું બહુ હર્યુ-ભર્યું ગયું એટલે (દિવાળીની મુલાકાતો etc.) વીકએન્ડ વધુ શાંત લાગ્યો 😛

* મોનિટર માટે એક-બે દુકાનવાળાઓએ ધક્કા ખવડાવ્યા પછી એનો પ્લાન હાલપૂરતો પડતો મૂકીને થોડા સમય પછી ઓનલાઈન ખરીદવાનો વિચાર છે.

દિવાળી, નવું વર્ષ અને વરસાદ

* હા. કાળી ચૌદશે ઘોર રાત્રે બાલારામના ગાઢ અંધારામાં – અરર, રિસોર્ટમાં – અમે સ્કૂલના ગેટ-ટુગેધરમાં મજા કરી. આ વિશે ફોટા અને વિગતે પોસ્ટ થોડા દિવસ પછી ક્યારેક લખીશ, કારણ કે ફોટા હજી કેમેરામાં જ પડ્યા છે. દિવાળી આરામથી વેસા ખાતે મનાવી ના મનાવી અને અત્યારે વરસાદની મજા વત્તા વાઈ-ફાઈનો આનંદ લેવામાં આવે છે. વરસાદ ક્યાં છે? IXE થી થોડે દૂર. આનાં વિશે પોસ્ટ વત્તા ફોટા થોડા સમય પછી જ મળશે.

હા. બધાંને હેપ્પી ન્યૂ યર, સાલ મુબારક અને નૂતન વર્ષાભિનંદન.

PS: કોઈ કહે તો છત્રી લઈ જવી.

PS 2: ક્યાંય જવાનું હોય તો, સામાન રાત્રે જ પેક કરવો. વહેલી સવારમાં નહી.

અપડેટ્સ

* દિવાળી વેકેશન પડી ગયું છે (કવિનને), પણ આ વખતે તેને માત્ર ૧૦ દિવસ જેવું જ વેકેશન છે. અમને અત્યંત નવાઈ લાગી. દિવાળી કાર્યક્રમ થોડો ખોરવાઈ જવાની શક્યતા છે. હોમવર્ક. ઓહ નો. મારે જોકે વેકેશન નથી, પણ યોગ્ય રજાઓ લેવામાં આવી છે.

* ફટાકડા લાવવામાં આવ્યા છે. સાંભળ્યું છે કે આ વખતે માત્ર ૧૦ વાગ્યા સુધી ફટાકડા ફોડવાની પરવાનગી મળશે  (cough).

* વચ્ચે ભૂકંપનો આંચકો બધાને ધ્રુજાવી ગયો અને ૨૦૦૧ યાદ અપાવી. હોસ્ટેલના ત્રીજા માળે, છેલ્લા રુમમાંથી એકલો દોડતો નીચે આવ્યો ત્યાં સુધીનો અનુભવ હજી પણ યાદ છે 😦

* ફેસબુક પર સ્કૂલના જૂનાં ફોટાઓ મળ્યા છે 🙂 મજા આવી ગઈ.

* ગાંધીનગર ખાતે હાફ મેરેથોન છે. કોઈને સાથે દોડવું હોય તો કહેજો.

* મિનિડેબકોન્ફ મેંગ્લોર ખાતે છે.

દિવાળીની બક્ષિસ

* દિવાળી ગઈને ઘરમાં પડેલું ચવાણું-મિઠાઇ પણ વાસી થઈ ગયાં હશે (જો બચ્યાં હશે તો..). પણ, હજી બક્ષિસ માગવાનો દોર વાસી થયો નથી. આજે એક પોસ્ટ આવી અને એ કાકાએ બક્ષિસ માંગી. મેં કહ્યું, હમણાં પરમ દિવસે જ એક જણને આપી. તેણે કહ્યું એ તો સ્પિડ પોસ્ટ હતી, આ પોસ્ટ છે. તમારે આપવું હોય તો આપો, આ તો તમને પાછળથી તકલીફ ન પડે એટલે…

એટલે હજી અલગ-અલગ કંપનીઓનાં કુરિયર્સ માટે અલગ બજેટ ફાળવવું પડશે.

અને, તે પોસ્ટ ફાલતુ એડ્વર્ટાઇઝ્મેન્ટ નીકળી 😀

અપડેટ: હજી આ પોસ્ટ લખીને, FedEx વાળો The Linux Programming Interface લઈને આવ્યો. No Starch એ રીવ્યુ કોપી મોકલી છે. પંદરસો પાનાંનું દળદાર પુસ્તક. એકાદ-બે મહિના સુધી પુસ્તકની શાંતિ, પછી મોટ્ટી પોસ્ટ પાકી.

(હેપ્પી) દિવાળી

* સર્વે વાચકો અને બ્લોગર મિત્રો-મિત્રાણીઓને હેપ્પી દિવાળી, નવું વર્ષ, ભાઈ બીજ વગેરે વગેરે. નવા વર્ષે તમે ખૂબ પ્રગતિ કરો, આનંદમાં રહો અને બીજાઓને આનંદમાં રાખો એવી શુભેચ્છાઓ. આવતું વર્ષ તમારા માટે સર્જનાત્મક નીવડે અને બ્લોગ-જગત વધુને વધુ સારા બ્લોગ્સ અને પોસ્ટ (અને કોમેન્ટ્સ) દેખે તેવી આશા રાખુ છું.

હમમ. તો તમે ગુજરાતી વિકિપીડિયામાં તમારું યોગદાન આપીને શુભ શરુઆત કરશો?

આવું કેમ?

.. જ્યારે બહુ જ જરુરી કામે બહાર જવાનું થાય ત્યારે રીક્ષાવાળાઓની હડતાળ હોય (૧૯-૨૦-૨૧ ઓક્ટો. ધ્યાન રાખજો. અમદાવાદ આવવાનું હોય તો વિચારીને આવજો).

.. જ્યારે દિવાળી હોય ત્યારે જ લાગે કે પૈસા (કે રુપિયા) ખૂટી પડ્યા છે.

.. જ્યારે નક્કી કરાય કે આરામથી પુસ્તક વાંચીશું ત્યારે જ મિટિંગ ઉપર મિટિંગ અને ઢગલાબંધ કામ આવી જાય.

ધન તેરસ

* આજે ધન તેરસ હતી. એટલે કે ધનની પૂજા કરવાનો દિવસ. રાઈટ. પણ, ધન હોય તો પૂજા થાય ને 😉 એટલે અમે ધન પ્રાપ્તિ માટે પૂજા કરી.

કવિનને થોડી ફૂલઝરી (તારામંડળ) અપાવી છે, જે તેના માટે ‘ફટાકટા’ છે અને અત્યારે તેના માટે જીદ કરી રહ્યો છે. ઘરની બહાર કોડીયામાં દિવા કર્યા, મહેનત કરીને તોરણ (આસોપાલવનું તોરણ + પ્લાસ્ટિકનાં ફૂલોનું) લગાવ્યું, જીરા રાઈસ, શાક-પૂરી અને કચૂંબરનું ભોજન કર્યા પછી મને થોડું ઘેન ચડ્યું છે. પણ, ચાલો હવે, કવિન તેની કેપ્સ લોક દબાવવા આવી પહોંચ્યો છે.

લક્ષ્મી મા તમને સુખ અને સંપત્તિ બન્ને આપે તેવી શુભેચ્છાઓ. ઓલ ધ બેસ્ટ!