ડિશ ટીવી

* ડિશ ટીવી જોડે થોડી મહેનત કર્યા પછી હવે બરાબર ચાલે છે. તો પણ..

૧. મોબાઇલ નંબર નાખ્યા પછી OTP અને પછી Re-generate OTP પર સીધું જ ફોકસ કરવા માટેનું કોડિંગ કોણે કર્યું હશે?
૨. એરર તો સીધી જ બતાવવામાં આવે છે 🙂
૩. મોબાઇલ એપ HTML વેબ જ છે.
૪. વેબસાઇટ પણ હોરર છે, પણ અમે હવે એડજસ્ટ થઇ ગયા છીએ!

અપડેટ્સ – ૨૧૬

* છેલ્લે છેક ફેબ્રુઆરીમાં અપડેટ્સ લખ્યા પછી આજે ઘણાં સમયે અપડેટ્સ લખવાનું મન થયું છે. આ સમય ગાળામાં વેકેશન આવ્યું અને ઉપરથી ગયું. ઉત્તરાખંડની મુલાકાત લીધી હતી એની પોસ્ટ ડ્રાફ્ટમાં જ પડી રહી છે :/ આજની અપડેટ્સ મિક્સ-મસાલા છે, પણ સ્વાદિષ્ટ છે એ વાતની ખાતરી!

* turing – https://turingapp.ml/ – પ્રોગ્રામિંગ શીખવા માટેનો એક વધુ પ્રોગ્રામ મળ્યો છે એટલે કવિન માટે તે ફીટ છે કે નહી તે જોવામાં આવશે! કવિને સ્વિમિંગ ચાલુ કર્યું અને સારૂ એવું શીખી પણ લીધું એ વેકેશનની એક સૌથી સારી વાત રહી છે.

* વિકિપીડિયામાં જોઇએ તો થોડા સમયથી ફરી પાછો વધુ પડતો સક્રિય થયો છું. અમદાવાદ યુનિવર્સિટીમાં વર્કશોપ કરી તેમજ પ્રોજેક્ટ ટાઇગર સ્પર્ધામાં ભાગ લીધો તે મજાની ઘટનાઓ રહી.

નવા સરસ લેખોમાં જોઇએ તો, મહારાજ લાયબલ કેસ પરથી સૌરભ શાહે મહારાજ નવલકથા લખી હતી અને તે વિશે હવે મહારાજ લાયબલ કેસ અને કરસનદાસ મૂળજીના લેખો વિકિપીડિયામાં અનુક્રમે અનંત અને મારા દ્વારા બનાવવામાં આવ્યા છે. સુધારા-વધારા કરવા વિનંતી. કરસનદાસ મૂળજીના નામ પર માથેરાનમાં પુસ્તકાલય પણ છે એટલે હવે માથેરાનની મુલાકાત લઇએ ત્યારે ફોટો લેવામાં આવશે!

વ્યોમે પાણીપતની લડાઇઓ તેમજ મરાઠા સામ્રાજ્ય અને પરમવીર ચક્ર સન્માન પામેલા સૌ સૈનિકોના સરસ લેખો ગુજરાતી વિકિપીડિયામાં બનાવ્યા છે. તો બીજી બાજુ સુશાંતભાઇ, નિઝિલે અને અન્ય લોકોએ વિવિધ વિષયોના લેખોનું સરસ ભાષાંતર કર્યું છે.

અનંતની “સ્કેનર ગ્રાંટ”ની અરજી સફળ રહી છે. વધુને વધુ લોકો તેનો લાભ લે તેવી આશા. અમે વિકિમિડિયનને જોઇતા પુસ્તકોની આપ-લે માટે સંદર્ભ વિનિમય યોજના બનાવી છે – તે પણ એક આનંદના સમાચાર છે.

* વરસાદ શરૂ થયો છે, એટલે સાયકલિંગ ઠંડુ છે (જોકે મે અંતમાં ૨૦૦ કિમી બળીને આવ્યો, એ વાત અલગ છે). પણ, આવતા અઠવાડિયે ૧૨ કલાક સ્ટેડિયમ રન છે એટલે રનિંગ ગરમાગરમ છે. વધુમાં અમદાવાદની વર્કશોપ જોડે ૧૨ કલાક ADR રાત્રિ રનનો લાભ લેવામાં આવ્યો. ઓગસ્ટમાં ફરી ૧૨ કલાક મુંબઈ અલ્ટ્રાની યોજના છે, પણ મારી યોજનાઓ છેલ્લી ઘડીએ સફળ નથી થતી તેવી મિ. મોહનની યોજના હોય છે. જોઇએ હવે શું થાય છે 🙂

આજની કડીઓ

* એમ તો આ કડીઓ આજ-અને-ગઈકાલની કહેવાય પણ, આપણે પરંપરા મુજબ શીર્ષક ‘આજની કડીઓ’ જ રાખીશું.

૧. છોકરાંવને પ્રોગ્રામિંગ શીખવાડો: http://www.wired.com/opinion/2013/09/ap_code/ (આભાર, નિરવ પંચાલ!).

૨. પ્રોગ્રામરનો ખોરાક: http://steve-yegge.blogspot.in/2007/06/rich-programmer-food.html

૩. રુબી કોન્ફરન્સ ગોઆમાં થવાની છે. રુબી આજ-કાલ આપણો નવો શોખ છે. વધુ માહિતી: http://rubyconfindia.org/ પર મળશે. હવે પછીની કોન્ફરન્સ માર્ચ, ૨૦૧૪માં છે.

૪. વિકિમિડીઆ ફાઉન્ડેશનની એક GSoC સ્ટુડન્ટ મોરીઆલે એના પ્રોજેક્ટ ઉપર સરસ બ્લોગ પોસ્ટ લખી છે. દરેક ભવિષ્યમાં એપ્લાય કરનારા સ્ટુડન્ટે વાંચવા જેવી! http://moriel.smarterthanthat.com/tips/google-summer-of-code-2013-summary/

૫. હવે કંઇક કોમ્પ્યુટરની બહાર નીકળીએ? સમ્યકનો ‘ગુજરાતી મેમે’ બ્લોગ મસ્ત છે: http://gujaratimemes.tumblr.com/ 🙂

 

પ્રોગ્રામિંગનો પ – ભાગ ૧

નોંધ: અહીં ઉપરનો અક્ષર ‘પ’ છે, ‘૫’ નહી.

તમને કદાચ ખ્યાલ હશે કે એક નવું લેપટોપ લેવામાં આવ્યું હતું (વેલ, EMI પર ;)) અને એ લેપટોપનો મૂળ હેતુ એ હતો કે શ્રીમતીજી કે થોડું કોમ્પ્યુટર શીખે અને પ્રોગ્રામિંગ પણ. અમારું લક્ષ્ય એ હતું કે એક વર્ષના સમયગાળામાં નાનકડો પ્રોજેક્ટ કે કોઇ ઓપનસોર્સ પ્રોજેક્ટમાં યોગદાન આપી શકાય એટલું શીખવું. પ પરથી યાદ આવ્યું કે અમે શરુઆત પાયથોનથી કરી. શરુમાં મેં ઘરે Learning Python નામનું પુસ્તક મોકલ્યું, જેનું વજન બહુ હોવાથી તેમાં બે-ત્રણ પ્રકરણથી વધુ આગળ વધી શકાયું નહી (સંદર્ભ માટે સારું, બાકી નવાં-નવાં પ્રોગ્રામરો માટે નહી).

ત્યાર પછી અમે શરુઆત કોડએકેડમી.કોમથી કરી અને શરુઆત સારી ચાલુ રહી છે. હવે, પ્રશ્ન આવ્યો કે કોમ્પ્યુટર અને ડેબિયનમાં નવાં-નવાં લોકોને દૂર બેઠાં સોફ્ટવેર અપડેટ્સ કે કોઇ મુશ્કેલી હોય તો સપોર્ટ કેવી રીતે આપી શકાય કે કંઇ ચર્ચા કરવી હોય તો? અમારી પાસે વિકલ્પો ઘણાં હતાં,

૧. ફોન

૨. સ્કાયપે, ગુગલ હેંગઆઉટ

૩. ચેટિંગ (જીટોક વગેરે)

શરુમાં અમે ફોન અને ચેટિંગથી ચલાવ્યું, પણ છેવટે મારે ssh ની જરુર ઉભી થઇ અને અમારે no-ip.org ની સહાય લેવી પડી. તેમ છતાંય, teamviewer પણ એક સારો અને સરળ ઉપાય છે. વધુમાં ડેબિયન માટે તેનું પેકેજ પણ સરસ છે (તે વાઇનની ઉપર ચાલે છે, એ આખી વાત અલગ છે! અને ઓપનસોર્સ નથી એ બીજી વાત છે).

જો કોઇને ખબર ન હોય તો એક બીજો સરસ ઉપાય ‘ઓપન ઇથરપેડ‘ છે. જેમાં ચેટિંગ વત્તા વ્હાઇટબોર્ડનો સમાવેશ થઇ જાય છે.

અમારા આ સાહસ પર બીજી પોસ્ટ ફરી ક્યારેક!

આજની કડીઓ

* હેકિંગ ધ Xbox: http://nostarch.com/xboxfree

આ પુસ્તક અમારા વિશલિસ્ટમાં ક્યારનુંય હતું. વેલ, Xbox તો અમારી પાસે નહોતું, પણ એક ઉત્તમ હાર્ડવેર હેકિંગ પુસ્તકની દ્રષ્ટિએ એ અમારા વિશલિસ્ટમાં હતું. થેન્ક્સ ટુ લેખક બની, જેણે એરોન સ્વાર્ઝની યાદગીરીમાં આ પુસ્તક ફ્રી ડાઉનલોડ માટે મૂક્યું.

* પ્રોગ્રામિંગ શીખવા માટે,

૧. પાયથોન @ કોડએકેડમી

૨. બીજું એક સરસ પાયથોન પુસ્તક

આજની કડીઓ

* મને પોતાને યાદ રહે તે માટે ખાસ આ પોસ્ટ 🙂

૧. ઓનલાઈન સરસ રીતે પ્રોગ્રામિંગ શીખવા માટે: codecademy.com

૨. સરસ ફોટાઓ અને સરસ પ્રોજેક્ટ: #TweeterADay365

૩. લિનક્સ-યુનિક્સ ડોક્યુમેન્ટેશન માટેની ૩૦ શ્રેષ્ઠ વેબસાઈટ્સ.

૪. જો તમને ઇન્ટરનેટ ફ્રિડમમાં રસ હોય તો, Anonymous 101 (નોંધ: કદાચ NSFW)

૫. અને, wired.com એ સ્વાભાવિક રીતે મારી ફેવરિટ વેબસાઈટ છે 🙂 (સ્વાભાવિક રીતે અમુક ગુજરાતી લેખકોની પણ :P).

૨૦૧૨: વિશલિસ્ટ અને ટુ-ડુ

… તો બે દિવસમાં ૨૦૧૧નું વર્ષ પૂરુ થાય છે અને ૨૦૧૨માં જો કંઈ પ્રલય-બલય ન થાય તો નીચેનાં વિશલિસ્ટ અને ટુ-ડુ પર કામ કરવામાં આવશે.

વિશલિસ્ટ:

* ફોટોગ્રાફી: 50mm 1.4/f. ઝૂમ લેન્સ વગેરેનો મોહ ન રાખવો અને પોટ્રેટ, સ્ટ્રિટ, મેક્રો ફોટોગ્રાફી પર ધ્યાન આપવું.

* પ્રવાસ: જ્યાં જવાનો મોકો મળે ત્યાં. No exception should be raised. શક્ય એટલી કોન્ફરન્સમાં ભાગ લેવો.

* ફ્રી અને ઓપનસોર્સ: Debian, illumos અને બીજા ઓપનસોર્સ પ્રોજેક્ટમાં બને તેટલું યોગદાન ચાલુ રાખવું.

* વિકિપીડિઆ: કંઈક નવું કામ કરવું. અત્યાર સુધી ચીટર-પીટર એડિટ્સ અને એડવોકેસી જ કરી છે, હવે કંઈક ગંભીર બનવું.

* નો ટીવી: બને ત્યાં સુધી ટીવી સદંતર ન જોવું. ૨૦૧૧માં પ્રમાણ ઓછું થયું પણ ૨૦૧૨માં બ્લેકઆઉટ રાખવો. કવિન-કોકી ભલે જોતાં. બને ત્યાં સુધી હિન્દી મુવી પણ ટાળવાં. પણ, લાગે છે કે ૨૦૧૨માં એટલા સારા મુવી આવવાના છે કે.. (ધ હોબિટ, ડાર્ક નાઈટ વગેરે..). સંપૂર્ણ યાદી.

* વગેરે-વગેરે: નવો મોબાઈલ લેવો, ટેબ્લેટ તરફ ન દેખવું.

ટુ-ડુ:

* પ્રોગ્રામિંગ વગેરે: મૂળભૂત એડિટર –> Emacs, C, Lisp અને Git.  સિક્સ્થ સેન્સ પર મહેનતથી કામ-કાજ કરવું.

* સોફ્ટ અને હાર્ડવેર: મેક–> નવી હાર્ડડિસ્ક. ૨૦૦૮ પછી પહેલી વાર ફરી આ મશીન પર ડેબિયનનું ઈન્સ્ટોલેશન.

* દોડવાનું: નિયમિત દોડવાનું ચાલુ રાખવું. તંદુરસ્ત રહેવું અને લોકોને દોડવા-ચાલવા માટે પ્રેરવા, ધક્કો મારવો વગેરે. વર્ષાંતે હાફ-મેરેથોનમાં ભાગ લેવો.

* ફોટોગ્રાફી: કેમેરા–> Magic Lantern, ટ્રાઈપોડ.

* વગેરે-વગેરે:
કિન્ડલ ફાયર?
ગિટાર અને PS/2 નો ત્યાગ કરવો. ટૂંકમાં – sell all your the crap, pay the debt – ની નિતી શરુ કરવી અને વર્ષના અંત સુધી જાળવવી.
નવાં-નવાં લોકોને મળવું.
મદદ માટે હંમેશા તત્પર રહેવું અને જીવનમાં લક્ષ્ય ઉંચા પણ અપેક્ષાઓ નીચી રાખવી 🙂

અત્યારે, બસ આટલું જ.

આજની કહેવત: રાત નાની ને વેશ ઝાઝાં.

વરસાદ

* આજે ભયંકર વરસાદ (ઓહ) ના કારણે કવિનની સ્કૂલમાં રજા છે, અમને સજા  છે અને કવિનને મજા છે. જોકે ગઈકાલે વરસાદ જેવું વાતાવરણ હોવાથી તેને થોડો તાવ હતો એટલે સ્કૂલમાં ગયો નહોતો અને આજે સ્કૂલવાળાઓએ રજા પાડી. મારે જયેશભાઈને મળવા  (૭૨/૩) જવાનું હતું તો હું સવારે વહેલો ઉઠી ગયેલોને ૮ વાગે ભાગ્યો. થોડી વાતો કરી એએમટીએસ.ઈન્ફો પરનાં નવાં સુધારા-વધારાની ચર્ચા કરી. અમે ત્રણ જણાં ભેગાં મળીને C++ (ફરી) શીખવાના છીએ. હું માનું છું કે પ્રોગ્રામિંગ આ રીતે શીખો તો મજા આવે છે અને પ્રેક્ટિકલી જલ્દીથી શીખાય છે.

હવે, વરસાદ વ્યવસ્થિત આવે તો અમારા ક્લાસ સારા ચાલે એવી મિ. વરસાદને વિનંતી.

આજનો લેખ

* પોલ ગ્રેહામ તરફથી. પોલ ગ્રેહામનાં બધાં જ લેખો જો તમને ટેકનોલોજી ક્ષેત્રમાં હોવ તો વાંચવા જોઈએ..

સ્ટેકઓવરફ્લો.કોમ

સ્ટેકઓવરફ્લો (C) સ્ટેકઓવરફ્લો.કોમ

* પ્રોગ્રામિંગ કરો છો અને કોઇ પ્રશ્ન પૂછવા માંગો છો?

તો જુઓ સ્ટેકઓવરફ્લો.કોમ. એકદમ સરસ વિચાર અને સરળ રીતે તમે પ્રશ્નો પૂછી શકો છો, જવાબો જોઇ શકો છો અને જવાબો આપી પણ શકો છો!