અપડેટ્સ – ૧૭૦

* હવે પેલી ચશ્માની પોસ્ટ પછી એવું થયું કે મારું કેડીઇ કોઇક ઇન્ટેલના ડ્રાઇવરને કારણે પ્લાઝમાને ગમ્યું નહી અને હું પાછો ઓસમ વિન્ડો મેનેજર પર આવ્યો. ખરાબ, અતિશય ખરાબ. કારણ? નવું ઓસમ વિન્ડો મેનેજર મારી જૂની config ફાઇલને ગમ્યું નહી એટલે ફરીથી એકડો ધૂંટવાનો આવ્યો છે.

* વાતોવાતોમાં એક વાત તો રહી ગઇ. સાન ફ્રાન્સિસ્કોની અત્યંત ટૂંકી મુલાકાત દરમિયાન બ્લોગક્વિન અને મિત્ર પ્રિમાને પહેલી વાર મળવાનું થયું. વાતોના વડાં અને સરસ ડિનર.

* આગલા થોડા મહિના શાંતિ છે. ક્યાંય ટ્રાવેલ નથી. પણ દરેક મુસાફરી કંઇ નવું શીખવે છે એ વાત અલગ છે. લોકલ (ના. મુંબઇ વાળી નહી) ટ્રાવેલ ઝિંદાબાદ.

* વરસાદ હજી ચાલુ છે.

* અન હા, કવિનની આવતું મરાઠી જોઇએ એક મરાઠી ડિક્સનરી લેવામાં આવી છે. હાલમાં તો મારું મરાઠી માગે-પુઢે સુધી જ મર્યાદિત છે.

આઠ વર્ષ

* હેલ્લો વર્લ્ડ!

* બ્લોગ જગતમાં (અ)મારા આઠ વર્ષ પૂરા થયા એ બદલ મને અભિનંદન પાઠવું છું. દિવસે-દિવસે આ બ્લોગની આવૃત્તિ ઘટતી જઇ રહી છે. આ વર્ષમાં તેનું મુખ્ય કારણ કે છે – કિટાણું? ના, કામ-કાજ. આજ-કાલ ફેસબુક પણ બંધ જેવું જ છે, પણ ટ્વિટર હજી અડીખમ છે. તેમ છતાંય, મહિને-દહાડે દસેક પોસ્ટ (સરેરાશ) થઇ જાય છે, જેમાં મુખ્યત્વે અપડેટ્સની પોસ્ટ રહે છે.

* આવતા મહિને થોડો પ્રવાસ છે, એટલે બ્લોગમાં કંઇ નવીનતા આવવાની શક્યતા છે.

બાકી, કવિન પણ હવે મોટો થઇ ગયો છે, અને મને બહુ ભાવ આપતો નથી (સિવાય કે કંઇ રમકડું વગેરે જોઇતું હોય ;)).

વાચન ખાતે, હું પણ આજ-કાલ હવે કિન્ડલમાં વ્યસ્ત રહું છું. હમણાં જ એક યાદી પરથી આ વર્ષમાં વાંચવાનાં પુસ્તકો વિશલિસ્ટમાં ઉમેરીને એક પછી એક વાંચવાના શરુ કર્યા છે. PS: સાયન્સ ફિક્શન પર તમારો કોઇ સુઝાવ હોય તો કહેજો.

લો ત્યારે વધુ એક અપડેટ્સ પોસ્ટ બની જાય એ પહેલાં – સૌ બ્લોગજનોનો આભાર. મળતા રહીશું!

નવી પોસ્ટ લખવા માટેના સૂચનો

* અત્યારે કર્ણાટકમાં ચૂંટણીનો માહોલ છે (એટલે કે ધ્વનિ પ્રદૂષણનો) એટલે મને પણ તમારા દ્વારા મતદાન કરાવવાની ઇચ્છા થઇ ગઇ છે. તો મારે નવી પોસ્ટ્સ કયા વિષય પર લખવી જોઇએ એ માટે નીચે નાનકડું ‘પોલ’ રાખવામાં આવેલ છે. સર્વ વાચકોએ પોતાની વિવેકબુધ્ધિથી કોઇનાથી પણ દોરવાયા વગર (કે ઘરના ઘરની લાલચમાં આવ્યા વગર) કિંમતી અને પવિત્ર મત આપવા વિનંતી 😉

ખાસ નોંધ: … આ વાક્ય કારણ વગર ઉમેરવામાં આવ્યું છે …

તમારો કિંમતી અભિપ્રાય..

.. હવે દરેક પોસ્ટ પર.

હવે તમે વર્ડપ્રેસ પર Dashboard–>Ratings નો ઉપયોગ કરી કોમેન્ટ ઉર્ફે ટીપ્પણીની અવેજીમાં વાચકોનો મત જાણી શકો છો. આ એમ તો જૂનાં સમાચાર છે, પણ મેં આ સુવિધા આજે જ સક્રિય કરી. પહેલાં બે – ઝક્કાસ અને ઠેંગો રેટિંગ માટે રાખેલ પણ એમાં મને મોટાભાગે ઠેંગા જ વધારે મળતા 😛

તો કઈ રીતે તમારો મૂંગો અભિપ્રાય આપવો? તમને મારા દરેક પોસ્ટની નીચે આ પ્રકારનું પંચતારક સાથેનું લખાણ દેખાશે.

તમારો અભિપ્રાય

તમારું કર્સર અલગ અલગ તારા પર લઈ જતાં રેટિંગ પ્રમાણેનું લખાણ બદલાશે. ક્લિક કરતાં તમારું રેટિંગ નોંધ થઈ જશે.

ઉત્તમ

બહુ જ સરસ

સરસ

ઓકે ઓકે

અને છેલ્લે,
આ શું લખ્યું કાર્તિક..

તો કરો ક્લિકનાં..

નોંધ: તમે Dashboardમાંથી Ratings–> Reports માં જઈ તમારા બ્લોગ અંગના પંચતારક અભિપ્રાયો સરસ રીતે જોઈ શકો છો.

૬૦૦મી પોસ્ટ

* ૬૦૦મી પોસ્ટ આગલી ૫૦૦મી પોસ્ટની કોપી-પેસ્ટ બહેન જ છે એટલે તમે આ પોસ્ટ જોએલી હોય તેવું લાગે તો શંકા-કુશંકા ન કરતા આગળ સીધું જ વાચવા માંડવાનું.

… આ સાથે આ મારા બ્લોગનાં ૬૦૦ પોસ્ટ આજે પૂરા થાય છે!

૧લી પોસ્ટ: ૦ દિવસ?

૧૦૦ પોસ્ટ થયાં: એપ્રિલ ૭, ૨૦૦૭ ના રોજ. સમયગાળો: ૧ વર્ષ, ૧૧ દિવસ.

૨૦૦ પોસ્ટ થયાં: માર્ચ ૯, ૨૦૦૮ ના રોજ. સમયગાળો: ૧૧ મહિના, ૨ દિવસ.

૩૦૦ પોસ્ટ થયાં: ઓગસ્ટ ૧૧, ૨૦૦૮ ના રોજ. સમયગાળો: પ મહિના, ૨ દિવસ.

૪૦૦ પોસ્ટ થયાં: ડિસેમ્બર ૧૮, ૨૦૦૮ ના રોજ. સમયગાળો: ૪ મહિના, ૭ દિવસ.

૫૦૦ પોસ્ટ થયાં: એપ્રિલ ૨૧, ૨૦૦૯ ના રોજ. સમયગાળો: ૪ મહિના, ૦ દિવસ.

૬૦૦ પોસ્ટ થયાં: સપ્ટેમ્બર ૨૨, ૨૦૦૯ ના રોજ. સમયગાળો: ૫ મહિના, ૧ દિવસ.

આ દરમિયાન ૨,૩૨૮ ટીપ્પણીઓ અને ૧૦,૭૬૦ સ્પામ ટીપ્પણીઓ મને મળી છે.

મેં ૬૨૧ ટેગ્સ અને ૨૧ વર્ગો (કેટેગરી) નો ઉપયોગ કર્યો છે.

… અને હા, ૭૯,૩૬૫ જેટલી વખત લોકોએ મુલાકાત પણ લીધેલ છે.

રજનીભાઈએ ૫૦૦મી પોસ્ટ વખતે કોમેન્ટ કરેલી કે ૧લી અને ૫૦૦મી પોસ્ટ વચ્ચે શું અનુભવ્યું તે લખજો. તો હાજર છે, નાનકડી સ્ટોરી:

ગુજરાતીમાં લખવાનો વિચાર મને છેક ૨૦૦૪માં આવ્યો હતો, પણ એ વખતે અંગ્રેજી બ્લોગ પણ અવ્યવસ્થિત હતો, એટલે બહુ ડર લાગતો હતો કે હું લખીશ – પણ બીજા વાચશે કઈ રીતે? કેટલા લોકો વાચશે તેનાં કરતા કઈ રીતે વાચશે તેની વધારે ચિંતા હતી. છેવટે, એક દિવસ એસ.વી.નાં પ્રભાતનાં પુષ્પો અને પછી લયસ્તરોની ખબર પડી – છતાં પણ, કંઇ ઈચ્છા ના થઈ. છેવટે એક દિવસ સમાચાર મળ્યા કે મારા પ્રિય લેખક ચંદ્રકાંત બક્ષી હવે આ દુનિયામાં રહ્યા નથી – અને તે દિવસે બપોરે મેં મારી પ્રથમ પોસ્ટ લખી. (એનો મતલબ એમ ન લેવો કે બક્ષીજીની ખોટ પૂરવા માટે મારા બ્લોગનો જન્મ થયો.) પછી, મોટાભાગે હું મને જેટલી ખબર છે એટલું લખતો રહ્યો છું. મુંબઈ, અમદાવાદ, મુંબઈ, બેંગ્લુરૂ અને ફરી પાછો અમદાવાદથી બ્લોગ લખાયો છે. કવિન, કોકી અને રીક્ષાવાળાઓ મારા બ્લોગનાં મુખ્ય પાત્રો રહ્યા છે. કોઈ વખતે `બ્લોગર્સ બ્લોક` પણ થાય છે જેથી અઠવાડિયા સુધી કંઇ લખી શકાતું નથી – કોઈક વખતે એક દિવસમાં બે પોસ્ટ થઈ જાય છે!

કેમેરો બગડી ગયો છે – એટલે એકાદ વર્ષથી ફોટાઓ ઓછા મુકાય છે. અને, ગુજરાતી ટેકનોલોજીમાં કામ કરવાનું ઓછું થાય છે – એટલે બીજી ટેકનોલોજીની વાતો મને હવે અહીં મુકવાની ખાસ ઈચ્છા પણ થતી નથી. ટ્વીટર અને આઇડેન્ટી.કા જેવી માઈક્રોબ્લોગિંગ સેવાઓનાં કારણે પણ બ્લોગ આવૃત્તિમાં ફટકો પડ્યો છે.

જોઈએ છીએ – ૧૦૦૦મી પોસ્ટ ક્યારે થાય છે 🙂

આટલી વાતો મને ગમતી નથી..

૧. કોઈ મેં કરેલી કોમેન્ટમાં ફેરફાર કરે. દા.ત. આ ઉદાહરણ.

૨. આખેઆખી કોમેન્ટ દૂર કરી દે. દા.ત. ઘણાં બધા બ્લોગ્સ..

૩. ટ્વીટર પર કોઈ આપણને ફોલો કરે પણ, પોતાનાં અપડેટ્સ પ્રોટેક્ટેડ રાખે..

૪. અનામી-નનામી કોમેન્ટ કરે..

કોપી-પેસ્ટનો ઉપાય

* હા, આ એક ભયંકર માનસિક બિમારી છે.

જો કે તમે તમારા માઉસથી કોપી-પેસ્ટ કરવાની જગ્યાએ અનેક સ્માર્ટ રીતે કોપી-પેસ્ટ કરી શકો છો!

૧. Control+c અને Control+v અનુક્રમે કોપી અને પેસ્ટનાં કી-બોર્ડ શોર્ટકટ છે.

૨. મેકમાં કમાન્ડ કી Command+c અને Command+v વાપરવી પડે છે. તમને જો કોપી-પેસ્ટનો બહુ જ શોખ હોય તો તમે અહીં બતાવેલ ઘરેણાંઓનો ઓર્ડર પણ આપી શકો છો!

૩. લિનક્સમાં Contol+C કર્યા પછી માઉસનું વચ્ચેનું બટન દબાવતાં કોપી કરેલ કન્ટેન્ટ પેસ્ટ થઇ જશે. બ્લોગ જગત માટે સર્વોત્તમ છે. કદાચ વિન્ડોઝમાં પણ આ ટીપ્સ ચાલે છે. એકાદ બ્લોગમાંથી ઉઠાવી અહીં કોમેન્ટમાં પેસ્ટ કરવા વિનંતી (થેન્ક્સ).

૪. તમારે જો એકસાથે ઘણું બધું કોપી કરવું હોય અને પછી જરૂર પડે ત્યારે કોપી કરવું હોય તો, તમે ક્લિપબોર્ડ જેવા સરસ ફીચરનો ઉપયોગ કરી શકો છો.

અપડેટ: થેન્ક્્સ ટુ કુનાલ! મારે લિનક્સમાં પાછા જવાની જરૂર છે. Control+P નહીં પણ, Control+v એ પેસ્ટ કરવાની કી છે!!!

આડા-અવળાં સમાચારો

* થોડાં આડા-અવળાં સમાચારો, ટૂંકમાં! (શીર્ષકપ્રેરણા)

૧. કેટલાક લોકો કોમેન્ટ દૂર કરવા માટે આખી પોસ્ટ દૂર કરે છે..
૨. એક ઇમેલ સોફ્ટવેરમાં ગુજરાતી લખાણ જંક દેખાતું હતું – પછી ખબર પડી કે મેં UTF-8 કેરેક્ટર સેટ નહોતો આપેલ 😦 આખા ગામને હું સલાહ આપું છું અને … 🙂
૩. અમારી કંપનીએ બનાવેલ પહેલી iPhone એપ્લિકેશન તમે iTunes વડે તમે ડાઉનલોડ કરી શકો છો: આ માટે તમે તેમાં Magnet Technologies શોધ કરો – મળી જશે!
૪. તમે હવે ટેડ.કોમના વિડીઓ વર્ડપ્રેસ.કોમમાં ઉમેરી શકો છો!
૫. કવિન હવે બીજાની ફરિયાદ મારા આગળ કરતો થઇ ગયો છે..
૬. કવિનને બહુ જ ગમતો શબ્દ છે – ના!
૭. આજે સીઝનની પહેલી વાર કેરી ખાધી – કવિનને પણ મજા પડી ગઇ.
૮. એક ભાઇને પૂછ્યું યાર અમદાવાદમાં ટ્રાફિક બહુ જ છે. એ કહે, ટ્રાફિક બહુ નથી પણ – ટ્રાફિક સેન્સ નથી!
૯. ઓફિસથી બે-ત્રણ દિવસથી મોડો આવું છું – તો બધાને નવાઇ લાગે છે 🙂
૧૦. મારું મેક આટલા સમયમાં ગઇકાલે પ્રથમ વાર એમ જ બંધ થઇ ગયું! વિન્ડોઝમાં પેલી વાદળી રંગ વાળી ક્ષતિ આવે છે – તે રીતે..

ટીપ્પણી કરવાની ટીપ્સ

થોડા સમયથી મારા અને બીજા અનેક બ્લોગ્સ ઉપરથી મેં નીચે થોડીક ટીપ્સ (અથવા સલાહો) બીજાનાં (અને પોતાનાં) બ્લોગ્સ-વેબસાઇટ્સ પર યોગ્ય રીતે ટીપ્પણીઓ ઉર્ફે કોમેન્ટ્સ કરવાની ટીપ્સ આપેલ છે.

હા, તમે તમારી કોમેન્ટ્સ આ પોસ્ટ પર કરીને તેને વધુ સારી બનાવી શકો છો 😉

૧. યોગ્ય પોસ્ટ પર યોગ્ય કોમેન્ટ કરો. આમાં મારી આખી પોસ્ટનો સાર આવી જાય છે!

૨. ગુજરાતી ના આવડતું હોય તો – ખોટું લખવાને બદલે અંગ્રેજીમાં લખો.

૩. કોમેન્ટની અંદર પોતાની વેબસાઇટ, બ્લોગની લિંક આપવાની જરૂર નથી, કારણકે કોમેન્ટ ફોર્મમાં તે પૂછવામાં આવતું જ હોય છે.

૪. તમે ગ્રેવેટાર જેવી સર્વિસનો ઉપયોગ કરીને તમારો ફોટો તમારી કોમેન્ટની સાથે આપમેળે મૂકી શકો છો (વર્ડપ્રેસ.કોમ વાળા વપરાશકર્તાઓ માટે આ બેસ્ટ છે).

૫. જો તમે વર્ડપ્રેસ.કોમ પર હોસ્ટ થયેલ બ્લોગ પર કોમેન્ટ કરતા હોવ તો, બને તો તમારું વર્ડપ્રેસ લોગીન વાપરો.

૬. જો તમને લાગે કે તમારી ટીપ્પણી આપેલ પોસ્ટ કે લેખને વધુ સારો બનાવી શકે છે – તો જરૂરથી ખૂટતી માહિતી આપવાનો પ્રયત્ન કરો.

૭. કોમેન્ટનો જવાબ તમારા બ્લોગ પર કોમેન્ટથી જ આપો. તે વ્યક્તિને ઇમેલ ખૂબ જરૂર હોય તો જ કરો – દરેક વખતે ઇમેલ કરવાની જરૂર નથી (જો કે રજનીભાઇ તો ફોન પણ કરે છે :P)

૮. પોસ્ટમાં ભૂલ હોય તો જરૂરથી કોમેન્ટ કરો.

૯. એવી કોમેન્ટ ન કરો કે બ્લોગરને કોમેન્ટ દૂર કરવી પડે (જો કે સલાહ હંમેશા આપવાની વસ્તુ હોવાથી, આ સલાહ હું પાળતો નથી!)

🙂

૩૫૦

* અને, આ પોસ્ટ સાથે ૩૫૧ પોસ્ટ્સ પૂરા!

હા. કોઇને Post નો સારો ગુજરાતી શબ્દ ખબર છે?