બ્લોગના બાર વર્ષ

૧૨ વર્ષ પહેલાં આ બ્લોગ શરૂ થયેલો આ બ્લોગ હજુ ટીનએજર્સ બન્યો નથી. હજુ સુધી તો બ્લોગ-બ્લોગિંગમાં મઝા આવે છે. જોઇએ હવે ક્યારે આ મઝા પૂરી થાય છે. બ્લોગ-રનિંગ-સાયકલિંગ-જીવન. કોને અગ્રતા આપવી એ હજુ નક્કી નથી, પણ અત્યારે આ ચાર વસ્તુઓ લગભગ સમાંતર ચાલે છે. કોઇક વખત એમાંથી કોઇ આગળ નીકળે છે અને કોઇ પાછળ રહી જાય છે. પણ, એકંદરે ચારેયમાંથી કોઇ હાંફ્યું નથી.

એક સંબંધિત અને સરસ સમાચાર: ચંદ્રકાંત બક્ષી અને અન્ય કેટલાય લેખકોના મસ્ત ફોટાઓ સંજયભાઇએ વિકિપીડિયામાં અપલોડ કર્યા છે. કેટલાય વર્ષોની ઇચ્છા ફળી છે. સંજયભાઇ અને અનંતનો આભાર અને તેમના પરથી કેટલાય લોકો પ્રેરણા લે તેવી ઇચ્છા!

આ પણ જુઓ:
* ૩ વર્ષ: https://kartikm.wordpress.com/2009/03/25/3-years-2/
* ૪ વર્ષ: https://kartikm.wordpress.com/2010/03/25/not-yet-missing-blog/
* ૫ વર્ષ: https://kartikm.wordpress.com/2011/03/25/towards-6th-year/
* ૬ વર્ષ: https://kartikm.wordpress.com/2012/03/26/happy-birthday-my-blog/
* ૮ વર્ષ: https://kartikm.wordpress.com/2014/03/25/આઠ-વર્ષ/
* ૧૦ વર્ષ: https://kartikm.wordpress.com/2016/03/26/10-years-blog/

Advertisements

૨૦૧૭: વાર્ષિક બ્લોગ અહેવાલ

* થોડા વર્ષો પહેલા (જુઓ: ૨૦૧૦ (પંચવર્ષીય અહેવાલ), ૨૦૧૧, ૨૦૧૨ અહેવાલો) હું વર્ષનું બ્લોગ સરવૈયું લખતો હતો. સમય જતાં બ્લોગ પોસ્ટની આવૃત્તિમાં ભારે ઘટાડો આવ્યો અને શરમજનક આંકડાઓ મૂકવાનું બંધ કર્યું. હવે આજે ફરી તે લખી રહ્યો છું. ના, આંકડાઓમાં કંઇ રાતોરાત વાયરલ વિડિયોને મળેલા ક્લિક્સ જેટલો વધારો થયો નથી, પણ શું લખવું તે વિષયનો અભાવ વત્તા ટાઇમપાસ કરવાની કીડા-વૃત્તિ જવાબદાર છે.

૧. આખા વર્ષની પોસ્ટ સંખ્યા – ૬૧

૨. સૌથી ઓછી પોસ્ટ ધરાવતો મહિનો – ફેબ્રુઆરી (૨), જુલાઇ (૨)

૩. સૌથી વધુ પોસ્ટ ધરાવતો મહિનો – ડિસેમ્બર (૧૦)

૪. સૌથી વધુ મુલાકાતીઓ – ઓગસ્ટ

૫. સૌથી ઓછા મુલાકાતીઓ – મે

૬. આ વર્ષની કોમેન્ટ્સ – ૧૧૧

૭. આ વર્ષના લાઇક્સ – ૨૦૧

૮. શૂન્ય કોમેન્ટ્સ ધરાવતી પોસ્ટ્સ – ૨૮!

૯. સૌથી વધુ કોમેન્ટ્સ વાળી પોસ્ટ – પુસ્તક: જાતકકથા

૧૦. સૌથી વધુ લાઇક્સ – ડેબકોન્ફ – થોડી ટિટબિટ્સ..

તમે જોયું કે આંકડાઓમાં કંઇ ભલીવાર નથી, તો પણ, કીટાણુંઓ.. 😉

અપડેટ્સ – ૧૯૬

* ડિસેમ્બર મહિનો આવી ગયો પણ ઠંડી હજુ આવી નથી. હવે જોઇએ ડિસેમ્બરમાં દોડતી વખતે કેટલી ઠંડી લાગે છે, ખાસ કરીને આપણા ફેવરિટ અમદાવાદ, પાલનપુર અને આબુમાં. હા, માઉન્ટ આબુમાં ઠંડી લાગવાનો સમય થાય એ પહેલાં હું પાછો આવી જઇશ એવો પ્લાન છે! ના. બીજો કોઇ પ્લાન એટલે કે પ્લાન બી નથી!

* ગયા અઠવાડિયે બ્લોગ મિત્ર પ્રિમાએ અમારા ઘરની મુલાકાત લીધી અને ઘણાં વખતે ગપ્પાં મારવાની મજા આવી. સ્વાભાવિક રીતે વાતોનો વિષય પુસ્તકો અને પ્રવાસ જ હતો. એ જ દિવસે બીજા મિત્ર ભાવેશને મળવા બી.કે.સી. ગયો અને ત્યાં પણ વાતોના વડાં ખાધાં અને મજાની જૂની યાદો તાજી કરી દીધી.

* ખરાબ સમાચારમાં, મારા વર્ડપ્રેસના ખાતામાં કંઇક ગરબડ થઇ છે, જેથી કોઇના વર્ડપ્રેસના બ્લોગ પર લાઇક થઇ શકતું નથી. હજુ તે ઉકેલવાનો સમય મળ્યો નથી, પરંતુ બ્લોગ મિત્રો! અમને તમારા પોસ્ટ્સ ગમે જ છે! 🙂

* ઘરમાં છુટ્ટા પૈસાની કોઇજ રામાયણ નથી. હજુ હમણાં સવારે જ દૂઘ વાળાએ નવી ૨૦૦૦ની સામે છૂટા આપતાં નવી ૫૦૦ રુપિયાની નોટ આપીને અમને ધન્ય કરી દીધા. હવે એક કામવાળી બાઇને પૈસા કેવીરીતે આપવા એ તકલીફ બાકી રહી છે. બાકી ઉબેર કે ઉબર, પેટીએમ, ઓનલાઇન શોપિંગ, ક્રેડિટ કાર્ડ વગેરેથી જીવન સુખમય છે. હજુ સુધી બેંકમાં ગયો નથી, પણ આજ-કાલમાં જવું પડશે એવું લાગે છે.

* કવિન આજે પિકનિક ગયો છે. ઘરમાં સંપૂર્ણ શાંતિ છે.

ઓકે. ૧૦ વર્ષ. ઓકે.

હોર્ન ઓકે પ્લીઝ!

બ્લોગની શરુઆત આ દિવસે બક્ષીબાબુના અવસાનના સમાચાર સાંભળીને કરી હતી. પહેલાં એવું હતું કે અમે ક્યારેક મળીશું. પણ, હવે તો ઉપર જ મળીશું. સાથે ખાઇશું અને પીશું.

શરુઆત પછી સાબરમતી, મીઠી નદી અને બેંગ્લુરુના રેન્ડમ તળાવોમાં ઘણાં પાણી વહી (કે ઉડી) ગયા છે. સમય મળતો નથી અને સમય ક્યાં પસાર કરવો એ પ્રશ્ન પણ થાય છે. મને પહેલાં એમ હતું કે મસ્ત-મસ્ત જગ્યાએ સાયકલિંગ-રનિંગ કરીશ અને બ્લોગમાં અપડેટ કરીશ પણ હજી તેવું (સિવાય કે દોડવાનું કેવી રીતે શરું કરવું – એ શ્રેણી) થયું નથી.

દસ વર્ષ સુધી મારા આ બે બાઇટ્સના બ્લોગને સહન કરવા બદલ થેન્ક્સ!!

અપડેટ્સ – ૧૮૧

* લગભગ ૧ મહિના પછી અપડેટ્સ વાળી પોસ્ટ આવી રહી છે, પરંતુ બહુ કંઇ ખાસ અપડેટ્સ નથી તો પણ..

૧. ઓસ્કાર. અત્યારે ધ હેટફુલ એઇટનું સંગીત સાંભળી રહ્યો છું. થ્રિલિંગ!
૨. ગુજરાતી વિકિપીડિયામાં આજ-કાલ બહુ “ફેરફારો” કર્યા. ખબર નહી મને કોણ મોટિવેશન આપી રહ્યું છે. જે હોય તે, મજાની અને નશાની વસ્તુ છે.
૩. આ વખતે વિકિમેનિયા (ઇટલી)માં જવાનું નથી :/
૪. સપ્ટેમ્બર ૨૦૧૪ પછી પહેલી વખત ગયા મહિને બ્લોગ પોસ્ટની સંખ્યા બે આંકડા પર પહોંચી.
૫. << આ લીટી ખાલી ૧૦ વસ્તુઓ માટે ઉમેરવામાં આવી છે 🙂 >>
૬. રનિંગ સારુ ચાલી રહ્યું છે, પણ હવે દરરોજ એક જ રસ્તા પર દોડવાનો કંટાળો વધતો જાય છે. આરે અથવા નેશનલ પાર્કમાં જવાનો કંટાળો આવે છે. પણ, આ વીક-એન્ડમાં ફરી બાંદ્રા-એનસીપીએ રનિંગનો કાર્યક્રમ છે, એટલે મજા આવશે.
૭. રનિંગ પરથી યાદ આવ્યું. સસ્તી રનિંગ ડ્રાય ફીટ ટી-શર્ટ પેન્ટાલૂનમાં મળે છે. હવે ત્યાંથી જ ટી-શર્ટ લેવાની. પેલા નાઇકી વાળા કરતાં ત્રીજા ભાગનો ભાવ.
૮. અને હા, માર્ચ-એપ્રિલ-મે-જૂનમાં કોઇ રનિંગ રેસ નથી (એટલે તમને ફાલતુ રેસ રિપોર્ટ પોસ્ટમાંથી મુક્તિ!). હા, એપ્રિલમાં એક ૧૦ કિમી છે (ઓટિઝમ રન), પણ એ મોટાભાગે રનર્સને મળવા અને આરામથી દોડવામાં આવશે (અને ફ્રી).
૯. નવી સાયકલ હજી આવી નથી. આવશે. આવશે!
૧૦. સાયકલ પરથી યાદ આવ્યું કે શા માટે હીરો જેવી ભારતીય કંપનીઓ સારી સાયકલ નથી બનાવતી? મોટાભાગના તેના એમટીબી મોડેલ નોન-સેન્સ હોય છે. અમે એક મોડેલની તપાસ કરવા ગયા તો ડિલરે કહ્યું આ મોડેલ પતળાં ટાયર (કમર નહી) હોવાથી ચાલતું નથી. બોલો. સરસ સાયકલ છે (હીરો ગ્લેમ) પણ ક્યાંય સ્ટોકમાં મળે નહી :/

અપડેટ્સ – ૧૬૬

* ઓહ, માય બ્લોગ! આ શું થવા બેઠું છે. બ્લોગ હવે અણમાનીતી રાણી (ie વાર્તામાં આવતી) જેવો બની ગયો છે :/

* તેમ છતાંય, અપડેટ્સમાં જોઇએ તો ઘણું બધું છે. છેલ્લે લખેલ ૧૨૦૦ વાળી પોસ્ટ એટલે કે રીક્ષા, ટ્રેન, રીક્ષા, બસ, રીક્ષા, રીક્ષા, બસ, રીક્ષા વડે કરેલી લગભગ ૧૨૦૦ કિમીની મુસાફરી. થાકી ગયો. કદાચ આનાં કરતાં તો ૧૨૦૦ કિમી સાયકલ ઓછો થાક લગાડે. પણ, કવિનને વડની ડાળીએ લટકતો અને માટીમાં રમતો જોવો – એટલે પૈસા વસૂલ. ૧૦ દિવસ પછી તે આવશે ત્યારે અલગ લાગશે એ પણ જોવાની મજા આવશે (મોટાભાગે તડકામાં રમીને રંગ બદલશે :)).

* હાલમાં પાસ્તા પર તૂટી પડ્યો છું, પણ ખાખરા સાથ આપે છે.

* યુટ્યુબ પર સસ્પેન્સભર્યા મુવીઝ જોવામાં આવે છે. મુવીઓ વિશેની પોસ્ટો આવે છે. સ્ટે ટ્યુન્ડ.

* ત્રણ દિવસથી સાયકલિગ થાય છે, પણ લેટ નાઇટ મિટિંગ્સ. ઉપ્સ!

એક ઇન્ટરવ્યુ – ગીકી સ્ટાઇલમાં

થોડા સમય પહેલાં ટીમ માઉન્ટ મેઘદૂતે મારો ઇન્ટરવ્યુ લેવાનો ઇમેલ મોકલ્યો ત્યારે મારા મનનો મુગેમ્બો ખુશ થયો. વધુ ખુશીનું કારણ હતું કે અમે તેને ગીટહબ પર મૂકવાના હતાં.

તો જુઓ, મારો ઇન્ટવ્યુ, માઉન્ટ મેઘદૂત પર!

અને હા, મારા આળસપણાંને અવગણીને આને પાછળ પડવા બદલ પ્રશમ ત્રિવેદીનો ખૂબ-ખૂબ આભાર.

૧૫૦૦

તો ૧૫૦૦મી પોસ્ટ નિમિત્તે કંઇક લખીએ?

૧૦૦૦મી પોસ્ટ – ૧૫ ઓગસ્ટ, ૨૦૧૧.
૫૦૦મી પોસ્ટ – ૨૧ એપ્રિલ, ૨૦૦૯.
૧લી પોસ્ટ – ૨૬ માર્ચ, ૨૦૦૬.

કંઇ નોંધ કર્યું? ૧૦૦૦ થી ૧૫૦૦ સુધી પહોંચતા હાંફી ગયો છું, કદાચ દોડવાનું અને સાયકલિંગ વચ્ચે નડે છે! પણ અમે દોડીશું, ચાલીશું, ઘસડાઇશું, આ પાપી બ્લોગ જગત નહીં છોડીએ!! 🙂

ખાસ નોંધ: આ પોસ્ટ માત્ર ૧૫૦૦ પોસ્ટ્સનો મસ્ત આંકડો પૂરો કરવા માટે જ કરવામાં આવી છે! 😉

બ્લોગબાબાનો કાલ્પનિક ઇન્ટરવ્યુ

* બ્લોગબાબા કાલ્પનિક ઇન્ટરવ્યુસ લખવામાં એક્સપર્ટ એટલે અમે આ વખતે બ્લોગ બાબાનો જ ઇન્ટરવ્યુ લેવાનું નક્કી કર્યું. પરંતુ, બ્લોગ બાબા બહુ બીઝી, એટલે છેક મંગળયાન પર ઉતરાણના શુભ દિવસે અમારો વારો આવ્યો. જે હોય તે,

હું: કેમ છો?

બાબા: મજામાં નથી, એક બાજુ નમોની લોકપ્રિયતા વધતી જાય છે, અને મારાં લેખોની અસરકારતા ઘટતી જાય છે. કાલ્પનિક ઇન્ટરવ્યુ સિવાય મને કંઇ લખવાનું સૂઝતું નથી. બાકી હજારેક લેખ લખ્યા પછીયે વાચકો દાણા નાખતા નથી.

હું: તો કંઇક બીજું લખો ને?

બાબા: બીજું કંઇ લખાય? બા ખીજાય!

હું: એટલે?

બાબા: સમજો યાર. તંત્રી લેખ હું લખી આપું છું.

હું: તમને બ્લોગ બાબાનું બિરુદ કઇ રીતે મળ્યું?

બાબા: જેમ પેલા પેટીકોટ બાબા હતા, તેમ હું બ્લોગબાબા!

હું: ઓહ, ઓકે! તમારો બ્લોગ ટોપમાં આવે તે માટે તમે શું કરો છો?

બાબા: કાંઇ ખાસ નહી. જે લેખ કાલે છાપવાના હોય તે બ્લોગમાં પેસ્ટ કરી દેવાના!!

હું: એટલે?

બાબા: એ એક ખાનગી વાત છે.

હું: આ મંગળયાન વિશે તમારૂં શું માનવું છે?

બાબા: આ તો બધી ગોઠવણ છે. જુઓ, મોદી અમેરિકા જવાના છે અને અમેરિકાના ક્યુરોસિટી યાને પણ મંગળયાનને હેલો કહ્યું. સમજી જાવ…

હું: બીજું કંઇ અમારા વાચકોને કહેવું છે?

બાબા: મુદ્દો ન હોય તો ઉભા કરવાનું મારી પાસેથી શીખો. કંઇ સારું થતું હોય તો ટીકા કરો, ખરાબ થતું હોય અને આપણાં ફાયદામાં હોય તો ચૂપ રહો. મોદીની ટીકા કરવામાં સોશિયલ મિડિયામાં આપણો જલસો પડી જાય છે 🙂

હું: ઓકે, બાબા. અમારે હવે બીજા ધુરંધર બાબાઓનો ઇન્ટરવ્યુ લેવાના છે. બાય.

બાબા: પણ, મારે હજી કહેવું છે…

હું: તમે એ વિશે તમારા બ્લોગમાં લખજો. બાય!!

આઠ વર્ષ

* હેલ્લો વર્લ્ડ!

* બ્લોગ જગતમાં (અ)મારા આઠ વર્ષ પૂરા થયા એ બદલ મને અભિનંદન પાઠવું છું. દિવસે-દિવસે આ બ્લોગની આવૃત્તિ ઘટતી જઇ રહી છે. આ વર્ષમાં તેનું મુખ્ય કારણ કે છે – કિટાણું? ના, કામ-કાજ. આજ-કાલ ફેસબુક પણ બંધ જેવું જ છે, પણ ટ્વિટર હજી અડીખમ છે. તેમ છતાંય, મહિને-દહાડે દસેક પોસ્ટ (સરેરાશ) થઇ જાય છે, જેમાં મુખ્યત્વે અપડેટ્સની પોસ્ટ રહે છે.

* આવતા મહિને થોડો પ્રવાસ છે, એટલે બ્લોગમાં કંઇ નવીનતા આવવાની શક્યતા છે.

બાકી, કવિન પણ હવે મોટો થઇ ગયો છે, અને મને બહુ ભાવ આપતો નથી (સિવાય કે કંઇ રમકડું વગેરે જોઇતું હોય ;)).

વાચન ખાતે, હું પણ આજ-કાલ હવે કિન્ડલમાં વ્યસ્ત રહું છું. હમણાં જ એક યાદી પરથી આ વર્ષમાં વાંચવાનાં પુસ્તકો વિશલિસ્ટમાં ઉમેરીને એક પછી એક વાંચવાના શરુ કર્યા છે. PS: સાયન્સ ફિક્શન પર તમારો કોઇ સુઝાવ હોય તો કહેજો.

લો ત્યારે વધુ એક અપડેટ્સ પોસ્ટ બની જાય એ પહેલાં – સૌ બ્લોગજનોનો આભાર. મળતા રહીશું!

વૉક ફોર બ્લોગબાબા!

* બ્લોગબાબા સીરીઝ ઇઝ બેક!

મને ક્યાંક કહેવામાં આવ્યું કે ‘ટેક અ વૉક’ તો, પછી અમે કેમ ન ચાલીએ? કેમ ન દોડીએ? કેમ ન ઉડીએ? તો હવે, અમદાવાદ-સાબરમતી મેરેથોન સુધી દરરોજ એક કિલોમીટર હું ચાલીશ (રનિંગ અને સાયકલિંગની સાથે-સાથે) અને જેટલા કિલોમીટર થાય એટલા પૈસા (હા, રુપિયા નહી) બ્લોગબાબાના ખાતામાં જમા કરાવીશ. તમે પણ આ નેક-ઉમદા કાર્યમાં મદદ કરીને તમારો યથાશક્તિ ફાળો શકો છો. કેવી રીતે? તમે ચાલેલા કિલોમીટરના પૈસા પણ હું આપીશ તેવી ખાતરી આપું છું.

તમે આ ફોર્મમાં તમારી વિગતો ભરી અપડેટ કરતાં રહેજો. યાદ રાખજો, છેલ્લી તારીખ છે – ૦૫ જાન્યુઆરી, ૨૦૧૪!

આભાર.

PS: બાબાજી કી જય હો!

શાંતિ રાખો!

* એટલે કે,

શાંતિ રાખો, અને લખ્યા કરો!

સિંગાપોરથી લીધેલી એક સરસ વસ્તુ. જે ખરેખર તો કાગળના નાનકડાં ટુકડાઓનો જથ્થો જ છે. વેચવું હોય તો ગમે તે વેચાય. એક પુસ્તક દેખ્યું. કોરું. હા, બિલકુલ કોરું. નામ? એલિસ ઇન વન્ડરલેન્ડ. અંદર તમારા સ્વપ્નાઓ વિશે લખવાનું. એમ તો લેવાનું મન થઇ ગયું, પણ દેશી હિસાબ પ્રમાણે એટલાં રુપિયા ખર્ચવા વ્યર્થ ન લાગ્યા અને મારાં સ્વપ્નાઓ ઉપર ટેમ્પરરી-કામચલાઉ પૂર્ણ વિરામ મૂકાઇ ગયું 😉

અપડેટ્સ – ૧૧૪

* છેલ્લાં બે મહિનામાં બ્લોગની આવૃત્તિ ૮ પોસ્ટ્સ/મહિનો પર આવી ગઇ છે અને લાગે છે કે આવું હજુ થોડા વધુ વર્ષો સુધી ચાલુ રહેશે (એટલે હું ૪૨ નો ન થાઉં ત્યાં સુધી. કોઇક જ્યોતિષે મને કહેલું કે તમે ૪૨ વર્ષ જીવશો. લો ત્યારે, ૪૨ આપણો ફેવરિટ નંબર!).

* પાછાં આવતાં એઝ યુઝયલ, એર ઇન્ડિયાનું વિમાન મોડું હતું. કસ્ટમ વાળાઓએ મારી લાવેલી ચોકલેટ્સ કે રમકડાંઓ પર ધ્યાન ન આપ્યું, એ બદલ તેમનો આભાર અને ખાસ આભાર કૃનાલભાઇનો જેમણે મને સિંગાપોરની રાત્રિની ઝલક દેખાડી. લાગે છે કે, સિંગાપોરની મુલાકાત ભવિષ્યમાં વધતી જશે એટલે હવે મજા આવશે 😉 હજી થાક ઉતર્યો નથી તેમ છતાંય ગઇકાલે નવી ઘડિયાળનું સાયકલિંગ સાથે ટેસ્ટિંગ કરવામાં આવ્યું હતું. આજે પણ પાંચેક કિલોમીટર રનિંગ વત્તા થોડું સાયકલિંગ પણ શરુ કર્યું છે. અમદાવાદ મેરેથોન એ મુંબઇ મેરેથોનની બહુ જ નજીક હોવાથી ‘મિસ’ થશે (જોકે હાફ-મેરેથોનનો પ્લાન છે).

* નવું સ્પાઇકગાર્ડ લાવવાનું છે – કોઇ સજેશન આપશો? એમ તો Nexus 5 પણ લેવાનો છે, પણ હજુ મન મારાં જૂનાં-પુરાણાં Galaxy R થી ઉઠતું નથી. નવાં ઉપકરણોમાં એપલનાં મેજીક માઉસ (જે હજી લિનક્સમાં ટેસ્ટ નથી કર્યું) અને મિનિજામબોક્સનો ઉમેરો થયો છે. સરસ વસ્તુ છે!

* બાકી, જીવનમાં અત્યારે તો દોડ-મ-દોડી છે. ડિસેમ્બરમાં એકાદ પ્રવાસનું આયોજન થઇ રહ્યું છે. વધુ વિગતો માટે જોતા રહો, આ બ્લોગ 😉

હેપ્પી એનિવર્સરી!

* શેની?

થેન્ક્સ, વર્ડપ્રેસ!!

આજની કડીઓ

* એમ તો આ કડીઓ આજ-અને-ગઈકાલની કહેવાય પણ, આપણે પરંપરા મુજબ શીર્ષક ‘આજની કડીઓ’ જ રાખીશું.

૧. છોકરાંવને પ્રોગ્રામિંગ શીખવાડો: http://www.wired.com/opinion/2013/09/ap_code/ (આભાર, નિરવ પંચાલ!).

૨. પ્રોગ્રામરનો ખોરાક: http://steve-yegge.blogspot.in/2007/06/rich-programmer-food.html

૩. રુબી કોન્ફરન્સ ગોઆમાં થવાની છે. રુબી આજ-કાલ આપણો નવો શોખ છે. વધુ માહિતી: http://rubyconfindia.org/ પર મળશે. હવે પછીની કોન્ફરન્સ માર્ચ, ૨૦૧૪માં છે.

૪. વિકિમિડીઆ ફાઉન્ડેશનની એક GSoC સ્ટુડન્ટ મોરીઆલે એના પ્રોજેક્ટ ઉપર સરસ બ્લોગ પોસ્ટ લખી છે. દરેક ભવિષ્યમાં એપ્લાય કરનારા સ્ટુડન્ટે વાંચવા જેવી! http://moriel.smarterthanthat.com/tips/google-summer-of-code-2013-summary/

૫. હવે કંઇક કોમ્પ્યુટરની બહાર નીકળીએ? સમ્યકનો ‘ગુજરાતી મેમે’ બ્લોગ મસ્ત છે: http://gujaratimemes.tumblr.com/ 🙂