નાની સ્ક્રિન અને ઝ્વિફ્ટ

હવે, ઝ્વિફ્ટ ચાલુ કર્યા પછી નાની સ્ક્રિનમાં મઝા ન આવી એટલે શોધ કરીને નવી વસ્તુ શોધી કાઢી છે. હવે, ટીવીમાં તો સ્ક્રિનશેરિંગ કરવું સરળ છે, પણ લિનક્સ ડેસ્કટોપમાં આ કામ ભારે છે. તો, આ કામ કેવી રીતે કરવું?

૧. પહેલાં તો લિનક્સમાં srccpy નામનું પેકેજ ઇન્સ્ટોલ કરો:

sudo apt install scrcpy

જો ન હોય તો, github પરથી તમે ડાઉનલોડ કરી શકો છો.

૨. સાથે-સાથે adb પણ ઇન્સ્ટોલ કરો:

sudo apt install adb

૩. હવે, ફોન પર USB Debugging ચાલુ કરો. અને, adb વડે ફોન સાથે જોડાણ નીચે મુજબ કરી શકાય છે.

adb kill-server
adb tcpip 5556
adb connect <ફોનનું IP એડ્રેસ>:5556

ફોનનું IP એડ્રેસ About Phone->Status માંથી મળી શકે છે. ઘણાં ફોનમાં આ અલગ હોઇ શકે છે, પણ મોટાભાગે ત્યાં જ હોવાની શક્યતા છે! 🙂

એક વખત જોડાણ થયા પછી, Wireless Debugging શરૂ કરો અને USB કેબલ કાઢી નાખો.

૪. હવે કમાન્ડ લાઇન (ટર્મિનલ પર),

scrcpy

અને, તમારો ફોન તમારી સ્ક્રિન પર! તમે માઉસ વડે સંપૂર્ણ ફોનને ઓપરેટ કરી શકો છો. apk ફાઇલ ડ્રેગ અને ડ્રોપ કરી ઇન્સ્ટોલ પણ કરી શકો છો. મારી માટે તો અગત્યની વસ્તુ છે કે ઝ્વિફ્ટ ફુલ સ્ક્રિન જોવા મળે છે. જોકે હજી રૂમમાં સાયકલ સરખી ગોઠવવી પડે તેમ છે.

દશ એપ

દશેરાના દિવસે દશ એપ મોબાઇલમાંથી અનઇન્સ્ટોલ કરી. લાગે છે કે હજુ પણ બીજી દશ એપ દૂર કરી શકાય તેમ છે, પણ એ કામ હવે નવા વર્ષ પર રાખીશું!

અપડેટ્સ – ૨૨૨

* છેલ્લી વખતે લખ્યું હતું તેમ વેનેઝુએલા જેવા બજેટને કારણે સોસાયટીમાં ડીજે મૂકેલ નથી, જેથી અંગત રીતે તો મને શાંતિ છે અને સવારે વહેલા ઉઠાય છે, એટલે ટ્રેઇનિંગ બરોબર ચાલે છે.

* શનિ-રવિ એટલા વ્યસ્ત હોય છે કે આ દિવસોમાં વધુ થાક લાગે છે 😛 ગયું અઠવાડિયામાં ટ્રેઇનર પર પરસેવો રેડ્યો અને હવે પછીના વીક-એન્ડમાં પુને-મહાબળેશ્વરના રસ્તાઓ પર પરસેવો પડશે. આ સીઝનની છેલ્લી બીઆરએમ આવે છે. નવેમ્બરથી નવી ‘સીઝન’ શરૂ થાય છે!

* રવિવારે જર્મન સાયકલિસ્ટ યેન્સ વોઇગ્ટ (જે ઉચ્ચાર હોય તે)ને મળવાનો મોકો મળ્યો અને તેની જોડે સરસ ફોટો પડાવ્યો અને પહેલી વાર ઇન્સટન્ટ ફોટો મળ્યો. ગારમિન પર હસ્તાક્ષર લીધા. તેનો એક ફોટો કોમન્સ પર પણ અપલોડ કર્યો, આદત મુજબ! યેન્સે બધાં જોડે સરસ વાત કરી, મઝા આવી. કેટલાક નવાં અને જૂનાં સાયકિલ્ટોને પણ મળવાનું થયું.

આ મુલાકાતમાં જ વર્લી સીફેસ પર ૭ કિમી રન પણ કરી દેવામાં આવ્યું. એટલે, ૨૩ કિમી સાયકલિંગ, ૭ કિમી રન, ૧૩ કિમી સાયકલિંગ અને ફરી ૧૬ કિમી સાયકલિંગ. અને હા, એક વખતે બાઇક વાળાએ સરસ રીતે ખોટો વળાંક લીધો એટલે અનક્લિટ કરવાનું ભૂલી ગયો અને મસ્ત રીતે પડ્યો. નો ઇન્જરી!

ગારમિન અને યેન્સ સાથે ફોટો

* આજનો યક્ષ પ્રશ્ન: મોબાઇલ (હવે તો લગભગ મફતમાં વાત થતી હોવા છતાં) હોવા છતાં પોતાના લોકોને બોલાવવા લોકો ગાડી કે બાઇકનું હોર્ન ભરબપોરે કે ભરરાત્રે કેમ વગાડતા હશે?

અને હા, સ્વિમિંગ ચાલુ કર્યું છે! \0/ અને નવરાત્રિના ઉપવાસ ચાલુ છે!

સ્ટ્રાવા ભાગ પાંચ

સ્ટ્રાવા એપ સાથે સૌથી મોટી તકલીફ ઘણી વખત જીપીએસના લોચા છે. આ એપ ફોનના જીપીએસ પર આધારિત છે અને ફોનનું જીપીએસ તેમાં રહેેલી ચીપ પર. તેમાં આવતી ચીપ કઇ કંપનીની છે, તે આધારિત છે ફોનની કિંમત પર. એટલે સસ્તો ફોન, સસ્તું પરિણામ. જોકે એનો અર્થ એ નહી કે સ્ટ્રાવામાં મુશ્કેલી આવે જ. છતાં પણ આવે તો,

૧. મોબાઇલમાં બેટ્રી ઓપ્ટિમાઇઝર સ્ટ્રાવા એપ માટે બંધ કરી દેવું.
૨. શક્ય હોય તો મોબાઇલ નેટવર્ક સ્ટ્રાવા શરૂ કર્યા પછી બંધ કરી દેવું. જેથી વધુ બેટ્રી ન વપરાય અને જીપીએસ મોબાઇલ ટાવરને પકડે નહી.
૩. સ્ટ્રાવા ડેસ્કટોપ પર અંતર અને ઉંચાઇ ખોટી આવે તો સુધારી શકાય છે. વધુમાં, રાઇડ-રનને કટ-ક્રોપ પણ કરી શકાય છે.
૪. ગારમિન કે જીપીએસ ઘડિયાળ વાપરવી 🙂

બીજા કોઇ સૂચનો? અહીં જણાવવા વિનંતી!
 

ધીમું-ધીમું

* થોડા સમય પહેલાં 3જી આવ્યું ત્યારે 2જી ધીમું થઇ ગયું. હવે 4જી આવ્યું છે ત્યારે 3જી ધીમું ચાલે છે. આ મોબાઇલ કંપનીઓની ચાલ છે કે પછી મારો વહેમ છે? હા, પેલી એપલ કંપની જૂનાં ફોનને ધીમા કરતા પકડાઇ છે. કોઇ રોશન બજાજ આ વિશે પ્રકાશ પાડશે?

હિમજી એપ

* એમાં થયું એવું કે વોટ્સએપ પર એક સંદેશો મળ્યો કે હવે હિમજી એપ વડે તમે ૫૦૦૦ મિત્રોને એક ગ્રુપમાં ઉમેરી શકો છો અને આ એપ ગુજરાતના એક વિદ્યાર્થીએ (વાંચો: ૯માં ધોરણમાં ભણતા) બનાવી છે. તો આપણે પણ આ એપ ચકાસી. તો શું બહાર આવ્યું?

૧. આ એપ ટેલિગ્રામ ક્લાયન્ટ છે. હા. ડિટ્ટો કોપી-પેસ્ટ. તમે પણ આવી એપ સરળતાથી બનાવી શકો છો. સત્ય બહાર લાવવા માટે ટેલિગ્રામ અને આ હિમજી એપ સાથે ઇન્સ્ટોલ કરવી.

૨. આ ભાઇ એ ભંગાર રંગો અને UI વાપર્યા છે. ટૂંકમાં કોપી-પેસ્ટમાં અક્કલ હોતી નથી.

૩. ગુજરાતનો છોકરો (કે છોકરી) – આ નામે કંઇ પણ ચાલે છે.

૪. લોકો ચકાસ્યા વગર કંઇપણ ફોર્વડ કરે છે.

૫. વોટ્સએપ ગ્રુપમાં અક્કલનું પ્રદર્શન થાય છે.

૬. જો તમે આ પરથી બનાવેલી એપનો સોર્સ કોડ ન આપો તો કાયદાકીય રીતે ખોટું છે. ટેલિગ્રામ GPLv2 લાયસન્સ હેઠળ છે.

છેલ્લે, જય હિમ! 🙂

૨ ભાગ્યા ૩

જીયો જીયો
નવા વર્ષના પ્રારંભે પહેલું પાપ કર્યું અને જીયોના બે સીમકાર્ડ લીધા. હવે પરિસ્થિતિ એવી થઇ કે ર કાર્ડ વચ્ચે ૩ મોબાઇલ છે. જેમાં,

* એક ફોન ૪જી છે, જેમાં બે સીમકાર્ડ સ્લોટ છે – જેને જીયોની જરુર છે, અને બરાબર ચાલે છે.
* એક ફોન ૪જી છે, જેમાં એક જ સીમકાર્ડ સ્લોટ છે – જેને જીયોની જરુર નથી.
* એક ફોન ૩જી છે, જેમાં બે સીમકાર્ડ સ્લોટ છે – જેને જીયોની જરુર છે અને શક્ય નથી.

કપરા સંજોગોમાંથી અમે પસાર થઇ રહ્યા છીએ!!

તા.ક. આ જીયોવાળો ઘરે આવેલો તો, એનું જ નેટવર્ક નહોતું આવતું 😉

વોડાફોન કંપની

ફોન આવે છે..

તે: હેલ્લો. સર મેં વોડાફોન કંપની સે બોલ રહા હું.
હું: સોરી. નોટ ઇન્ટરેસ્ટેડ.
તે: સર આપને વોડાફોન કા પ્રોડક્ટ લીયા હૈ ઉસકે બારે મેં બાત કરના હૈ.
હું: મેને કોઇ પ્રોડક્ટ નહી લીયા હૈ. સોરી.
તે: અરે સર, વોડાફોન નહી, વહર્લપુલ કંપની સે બોલ રહા હું.
હું: ઠીક સે બોલો ના.

ટૂંકમાં, આપણા કાન આ વોડાફોન કંપનીથી એટલા કંટાળી ગયા છે કે વાત જ ના થાય.

તૂટેલો ફોન અને નવું માઉસ

image

એમાં એવું બન્યું કે ગુરૂવારે હું 300 રૂપિયા બચાવવા એક જગ્યાએ સાયકલ લઇને જતો હતો. આપણા ચાહીતા એવા એક રીક્ષાવાળાએ નક્કી કરેલું કે આ વખતે તો ખોટી દિશામાં જ રીક્ષા ચલાવવી. અને એજ વખતે તે સામે આવ્યો અને પાછો કોઇનો ફોન પણ આવ્યો. ઋષિ મુનિઓનું ધ્યાન વિચલિત થતું તો અમે કોણ? ફોન પણ વિચલિત થયો અને સાયકલ સાથે અમે સૌ કોઇ ધરતી રસાતાય થયા.

સારા નસીબે પપ્પાએ દોડાદોડી કરીને એક જ દિવસમાં ફોન સરખો કરાવ્યો. કોકીનો ફોન પણ ઠીક થઇ ગયો.

અને પછી વારો હતો, માઉસનો અને પેલા લેપટોપ કૂલરનો અને પેલા DSLRનો. માઉસ તો નવું લીધું, પણ ટૂંક સમયમાં હાઉસ લીધું હોવાથી હજુ કેમેરો પેન્ડિંગ રહેશે.

અપડેટ્સ – ૧૫૭

લોંગ ટાઇમ, નો અપડેટ્સ!

* છેલ્લાં વર્ષે એટલે કે ડિસેમ્બરમાં નવો ફોન તો લઇ લીધો (એક વત્તા એક – વન પ્લસ વન), પણ હવે એ દોડતી વખતે મોટો પડે છે. ફેસપામ. વધુમાં, નેક્સસ ૫ રીપેર કરાવી દેવામાં આવ્યો છે. ઓફિશિઅલી રીતે રીપેર કરાવવાની જગ્યાએ અમે સસ્તામાં કરાવ્યો – ત્રીજા ભાગના ખર્ચામાં!

નવાં ફોન વિશે કહીએ તો એ ફોન ડિસેમ્બરમાં લેવામાં આવ્યો હોવાથી મારાં રીઝોલ્યુશનનો ભંગ થતો નથી!! સરસ ફોન. પહેલાનાં અનુભવોને ધ્યાનમાં લઇને કવર લગાવ્યા પછી જ વાપરવાનું ચાલુ કરવામાં આવ્યો છે, પણ તેનાથી ફોનનો લુક & ફીલ બગડી જાય છે 😦 જે હોય તે, અહીં કોને દેખાડવાનો છે? 😉

* મુંબઇ મેરેથોન જ્યારે પણ નજીક આવે ત્યારે મારે કામ-કાજ અને પેટમાં ગરબડ થાય છે. સહઘટના? એટલે કે કોઇન્સિડેન્ટ?

* કવિનને થોડું-થોડું દોડાવવાનું નક્કી કર્યું છે, આજે બીજો પ્રયત્ન છે. તેને જો વધુ રસ હોય તો ફેબ્રુઆરીમાં ક્યાંક (હિરાનંદાની અથવા બાંદ્રા) રેસમાં ભાગ લેવા માટે પ્રોત્સાહિત કરાશે. હજી જોકે અમે ૧ કિમી પર છીએ અને સમયની મારામારી છે. અહીં ઉતાવળ કરવા જેવી નથી એ અમને ખબર છે.

* પરીક્ષાઓ આવી રહી છે, ઉત્તરાયણ આવી રહી છે (PS: મુંબઇની ઉત્તરાયણ “ભંગાર” હોય છે), ઠંડી આવતી-જતી રહે છે, જીવન આવું જ છે!!