અપડેટ્સ – ૧૩૪

* બગીચાવાળા દર્શિતભાઇ કહે છે તેમ હું પણ નિયમિત રીતે અનિયમિત છું. આવ ભાઇ હરખા, આપણે બેઉ સરખા ઉર્ફે સેમ પીંચ.

* અપડેટ્સમાં જોઇએ તો,

૧. પગ સાજો થઇ ગયો છે, એટલે ગઇકાલે આરે કોલોનીમાં પંદરેક કિલોમીટરનું રનિંગ થયું. પગ હજી પણ સારો છે એટલે આવતી કાલથી નિયમિતપણ કસરત, રનિંગ વગેરે દૈનિક ક્રિયાઓ શરુ થશે.

૨. કવિનને બીઝી રાખવા માટે તેને સ્વિમિંગ ક્લાસ બંધાવ્યા છે. પંદરેક દિવસમાં એ લોકો શું શીખવાડે છે અને અમારો સુપુત્ર કવિન શું શીખે છે એ જોવામાં આવશે. જો તેનો અનુભવ સારો હશે તો આવતા મહિને પ્રયત્ન કરવામાં આવશે અને એ પણ સફળ થશે તો નિયમિત તરવાનું શરુ થશે. પણ, આ તો બધું જો અને તો પર આધારિત છે. તો, કવિનને બેસ્ટ લક! PS: નવી સ્વિમિંગ ચડ્ડી પણ લાવી દેવામાં આવી છે.

૩. ગઇકાલે ચાર (ચોકડી નહી) શાળા મિત્રો એટલે કે નિરવ, નિશિથ, વિનય અને હું ભેગા થયા. નિશિથ તો ઘણાં સમય પછી મળ્યો એટલે મજા આવી ગઇ. મુંબઇમાં જ રહેવા છતાં કોઇને મળવું કેટલું અઘરું છે એ અહીં રહેતા લોકો જ જાણી શકે છે.

૪. રાસ્પબેરી પાઇ અત્યારે દર અડધો કલાકે મારા ફોટા પાડી રહ્યું છે વત્તા તે મારું નાનકડું nginx સર્વર પણ છે. ખાસ કરીને પેકેજ ટેસ્ટિંગ વગેરે માટે. ભવિષ્યમાં રાસ્પબેરી કોમ્પયુટ મોડ્યુલ આવે ત્યારે તેની જોડે વધુ અખતરા કરવામાં આવશે. પણ, જિંદગી ટૂંકી છે!

૫. કેરી હવે બરોબર આવી ગઇ છે. હવે, કેસર કેરીની રાહ જોવાય છે. વચ્ચે, મેંગો કેક પણ ખાધી. મેંગો લસ્સી બાકી છે.

અપડેટ્સ – ૧૩૨

* રવિવારે પેલી આરે કોલોની-NCPA લાંબી રન પછી આ અઠવાડિયું લગભગ આરામમાં જ ગયું છે. એ દિવસે સવારે માંડ-માંડ બચ્યો (એટલે કે એલાર્મ મિસ થયું પણ, સાથે દોડવા આવવા માટે રોશને ફોન કરેલો એટલે પહોંચી ગયો). મારા નવાં ચમકતાં બૂટ હવે ફરીથી ચેક કરવા પડશે કે પછી હવે આવા લાંબા-લાંબા રનિંગની પ્રેક્ટિસ કરવી પડશે (આ વખતે ૨૯ કિલોમીટર જ દોડાયું).

* રાસ્પબેરી માટે નવું કવર આવી ગયું છે. સપ્તરંગી કવર ebay.in પરથી મંગાવેલું છે, જે આપણાં રાજકોટમાંથી આવ્યું છે. ફોટો મૂકવાની આળસ પૂરી થાય ત્યારે પેલાં ઉપકરણો પાનાં પર અપડેટ કરીશ. એજ પાનાં પર અપડેટ કરવા માટે નવું એક્સર્નલ મોનિટર પણ આવી જશે એવું લાગે છે.

* ચૂંટણી વિશેષ. આ વખતે પણ વોટ આપી નહી શકાય. વ્હોટ!

* વીઝા લેવા એ ભારે કામ છે, ખાસ કરીને આપણાં ભારતીય લોકોને. કદાચ આપણે જ બહાર એટલી ખરાબ છાપ છોડેલી છે કે ભારતીયોને ડબલ ચેક કરીને જવા દેવાય છે. આ વિશે વધુ વિગતો આવતા અંક વિસ્તૃત માહિતી સાથે.

* બોરિવલીમાં ક્યાંક પુસ્તક મેળો છે, તો કાલે જવામાં આવશે. પણ જોવું પડશે કે હજી ચાલુ છે કે નહી 😉

* શનિ-રવિ થોડું કામ, થોડું સાયકલિંગ, થોડું રનિંગ. બીજું શું હોય અમને?!!

બે

* આજ-કાલ બબ્બે વસ્તુઓનો મારા જોડે પ્રેમ ગાઢ બનતો જાય છે. જોકે એમાંથી એકને છોડવી જ પડે છે 🙂

૧. ટી-શર્ટ: Toube Bas માંથી એક સરસ સાયકલિંગની ટી-શર્ટ મંગાવી અને ખોટું માપ આવી ગયું. ઓનરને ઇમેલ કર્યો તો એ બીજી મોકલશે, મને એમ કે જૂની રાખવા મળશે પણ 😦 પાછી મોકલવી પડશે..

૨. કોન્ફરન્સ: એક જ સમયે બે કોન્ફરન્સમાં જવાનું નક્કી થયું. ક્યાં જવું? છેવટે વિકિમેનિઆ ૨૦૧૩માં નક્કી થયું.

૩. રાસ્પબેરી પાઇ કેમેરા: એકનો ઓર્ડર આપ્યો, બે આવી ગયા. રામ જાને. પેલા લોકોને ઇમેલ કર્યો પણ હજુ કોઇ જવાબ આવ્યો નથી, એટલે બીજો કેમેરા પણ મારો એવું ધારી લઇએ!

અપડેટ્સ – ૮૫

* આજે (ટેકનિકલી તો આવતી કાલે!!) બ્લોગ જગતમાં અમારા સાત વર્ષ પૂરાં થયા. કંઇ ખાસ લખવાનું નથી આજે, પણ પાછલાં વર્ષોની વર્ષગાંઠની પોસ્ટ્સ રસપ્રદ લાગે છે (આજની બોરિંગ અપડેટ્સ પોસ્ટની સરખામણીમાં). જુઓ:  અને  વર્ષોની પોસ્ટ્સ.

* પેલાં ‘રાસ્પબેરી પાઇ’ જોડે આજ-કાલ બહુ છેડખાની કરવામાં આવી રહી છે. મારી પાસે એક્સટર્નલ મોનિટર નથી, પણ ssh વડે તેનાં પર જાત-જાતનાં પ્રયોગો કરવામાં આવી રહ્યા છે. તેની માટે એક નવું sdcard લેવાનું છે.

* ટ્વિટરમાં ૯૦૦૦+ ટ્વિટ્સ આ અઠવાડિયે થયા. મોટાભાગનાં રિટ્વિટ્સ અને બોરિંગ અપડેટ્સ. દુર્ભાગ્યે ટ્વિટરનો બેકઅપ લેવાની કોઇ સુવિધા નથી.

* સફળતાનાં શિખરો અને નિષ્ફળતાની ખાઇઓ. તદ્ન ખોટું. સફળતાની ખાઇઓ અને નિષ્ફળતાના શિખરો હોય છે. સફળતા દેખાતી નથી, પણ તમારી નિષ્ફળતા ટોચની માફક દૂર-દૂરથી દેખાઇ જાય છે. ક્યારેક પેલી ફેઇલકોન્ફમાં જઇ આવીશ. ક્યારેક એવું લાગે કે, આપણે સફળ થઇશું ત્યારે જ નિષ્ફળતાનો પહાડ ચડવાનો આવે છે. અત્યાર સુધી તો ચડાઇ સફળ રહી છે! હવે, આ બધી ચડાઇ કામમાં આવે તો ઠીક છે 🙂 જય હો!!

અપડેટ્સ – ૬૬

* રાસ્પબેરી પાઇ હવે ૫૧૨ એમબી રેમ સાથે આવશે! સારા અને ખરાબ કહેવાય તેવા સમાચાર. ખરાબ એટલા માટે કે મારા મોડલમાં ૨૫૬ એમબી જ છે. (જે જોકે મારા પ્રથમ કોમ્પ્યુટર જેટલી છે!).

* દોડવા માટે પાર્ટનર મળી ગયો છે. ઓફિસ જ નો છે અને મારી PG માં એક જ ફ્લોર પર રહે છે. સરસ દોડે છે-સ્ટેમિના છે, એથી મને પણ ઝડપ વધારવા માટે સારું રહેશે. વળી, અહીં કોકોનટની કોઇ કમી નથી, એટલે એ બાબતમાં શાંતિ છે. સસ્તાં અને સારાં. electrolyte જરુરી છે!

* ડિનર માટે એક ‘foo સાગર’ હોટલ શોધી કાઢી છે. તેનો બ્રેકફાસ્ટ પણ સરસ હોય છે. યોર ફિલ્ટર કાપ્પી, સર!

* બધાંને હેપ્પી નવરાત્રિ. અહીં તો એવું કંઇ લાગતું નથી. ક્યાંક થી દશેરા ફેસ્ટિવલનો અવાજ સંભળાય છે..

* આ બેંગ્લોરમાં ગુજરાતી છાપાં-સફારી મળી શકે? ખાસ કરીને દિવ્ય-ભાસ્કરના બહેતરીન સમાચારો ‘મિસ’ થાય છે 😉

* અરર, હજીયે જરુરી વસ્તુઓ લાવવાની રહી જાય છે. આ વીક-એન્ડ પર..

* અને, હા, હેપ્પી બર્થ ડે, રિનિત!!

હેલો વર્લ્ડ એટલે કે અપડેટ્સ – ૬૨

* એમ તો Hello World એ પહેલી પોસ્ટ (કે તમારા ખરાબ નસીબ હોય તો તમારો પહેલો પ્રોગ્રામ) હોય છે. તો અહીં વળી હેલો વર્લ્ડ કેમ? એટલા માટે કે આ ઓક્ટોબરની શરુઆતથી બ્લોગ ખાતે માઉસ મંડાણું જ નથી 🙂

* સવારે ઘરે આવ્યોને ખબર પડી કે ઘરમાં ઇલેક્ટ્રીસિટી જ નથી. MCB તો ટ્રીપ થયેલું દેખાયું નહી. બધાં જ ફ્યુઝ બરોબર હતા એટલે હું કન્ફયુઝ થયો, છેવટે બાજુવાળા માસીને કહ્યું કે તમારી ગેલેરીની લાઇટ ચાલુ રહી ગઇ હતી એટલે કદાચ કોઇએ નીચેથી મેઇન સ્વિચ બંધ કરી હશે. એમ જ હતું ને મેઇન સ્વિચ ચાલુ કરી દેવામાં આવી.

* રાસ્પબેરી પાઇ આવી ગયું છે!!!

Raspberry Pi

* આજે ‘ગુજરાતી સાહિત્ય પરિષદ’ ખાતે મારું સેશન ‘ગુજરાતી બ્લોગ્સ અને સોશિઅલ મિડિઆ’ છે. સાંજે પાંચ વાગે. મોટાભાગે તો એમાં કંઇ નવું નથી, પણ આ પછી કોઇ જો પોતાનો બ્લોગ શરુ કરે કે મારી ‘સલાહો’ અનુસરે તો વક્તવ્ય-સેશન-સીરીઝ સફળ થઇ એમ કહેવાશે. સ્લાઇડ્સ વગેરે સાહિત્ય પરિષદની વેબસાઇટ પર મૂકાશે એટલે તમને જોવા મળી શકશે. અપડેટ: સ્લાઇડ્સની PDF અહીં છે.