ખાસ પોસ્ટ

* ખાસ એટલા માટે કે,

૧. ભારતમાં વિવિધતામાં એકતાની વાતો કેટલી પોકળ છે.
૨. ભણેલા લોકો ભણેલા હોય એ જરુરી નથી.
૩. લેખકો જે લખે કે સાચું ન હોય.

(હાલમાં ઉપડેલા) અનામત વિશેનો અત્યાર સુધી સૌથી નિષ્પક્ષ લેખ વિકિપીડિઆનો છે. કહેવાની જરુર છે? હા, ગુજરાતીમાં તેના ભાષાંતર-આગળ વધારવાની જરુર છે!

હોલા મેક્સિકો!

* લાંબી મુસાફરી, લેટ ફ્લાઇટ (ખરેખરમાં ફ્લાઇટો), ન્યૂયોર્કમાં બોરિંગ ૯+ કલાક અને જ્યાં અલ ચેપો હવે છૂટો ફરે છે એવી મેક્સિકો સીટીમાં આવી પહોંચ્યો.

* પહેલો દિવસ નાનકડો પિરામીડ જોવામાં, આજુ-બાજુ રખડવામાં અને ઉંઘવામાં ગયો. હજુ પ્રેઝન્ટેશન બનાવવાનું બાકી છે, પણ નિયમ મુજબ તે આગલાં દિવસે જ બનશે 😀

* આજે હેકેથોનનો પહેલો દિવસ છે. અને, સવારમાંજ ધવલભાઇની સરપ્રાઇઝ મુલાકાત થઇ. દોડવાનો કાર્યક્રમ આજ પૂરતો તો પડતો મૂકવામાં આવ્યો છે. આ શહેર સમુદ્રથી ૭,૦૦૦ ફીટની ઉંચાઈ પર છે, એટલે આગલી દોડ માટે અનુકુળ થઇ જવાશે.

* વિગતે પોસ્ટ કાલે કે પરમ દિવસે.

અપડેટ્સ – ૧૫૧: પાલનપુર મુલાકાત

* ગુરુવારે રાત્રે અમે ગયા પાલનપુર. હું કદાચ લાંબા સમય પછી પાલનપુર ગયો અને આ વખતે બધી પબ્લિક ભેગી થઇ એટલે મજા આવી ગઇ. શુક્રવાર અમારા માટે બહુ બીઝી દિવસ (અને રાત પણ) હતો. પુરાણા રિવાજો મુજબ કવિનનો ગરબો હતો. એઝ યુઝઅલ, મને ગરબા ગાતા આવડતું નહોતું 😉

* બીજી હાઇલાઇટ્સમાં, કોઇજ મિત્રો (સિવાય કે સુધીર-વિરેન, દિલ્હી ગેટ પર અને હિરેન જે અચાનક મળ્યો) મળ્યા નહી.

* શુક્રવારે શહેરની મુલાકાત ચાલતાં-ચાલતાં લીધી. પરિણામ? વિકિમિડીઆ કોમન્સ માટે પાલનપુર વર્ગ અને પાંચ-છ જેટલાં ખૂટતાં ચિત્રો. તમે પણ તમારા શહેર-ગામ-મહાશહેર માટે આમ કરી શકો છો. એક કાંકરે બે પથ્થર.

* શનિ-રવિ આરામ વત્તા ફરવાનો કાર્યક્રમ. શશિવન અને બાલારામ. રવિવારે સવારે શશિવનમાં દોડવાનો કાર્યક્રમ રાખ્યો હતો. ૪૪૦ મીટરનો સરસ ટ્રેક છે. દુર્ભાગ્યની વાત છે કે, દોડવા-ચાલવા વાળા ગણીને ૧૦ માણસો પણ નહી હોય. આ દરમિયાન અમારી શાળાનાં શિક્ષક રમેશભાઇ સોની મળી ગયા, થોડી વાતો કરી અને ફરી પાછાં ધોરણ ૮ થી ૧૦નાં દિવસો યાદ આવ્યા. રવિવારે સવારે જ બાલારામની ટૂંકી મુલાકાત લેવામાં આવી. ફરી પાછાં આખી નદીમાં અમે ત્રણ જણાં 😉 કવિનને માટી-પાણીમાં થોડીવાર રમવાની મજા આવી, પણ સમય ઓછો પડ્યો. શશિવનની વિસ્તૃત મુલાકાત કવિન માટે ફરી લેવામાં આવી અને ત્યાંના કેરટેકર-ચોકીદાર મને ઓળખી ગયા કે આ એ જ એકમાત્ર વ્યક્તિ છે જેણે બગીચાની બે દિવસમાં ત્રણ મુલાકાત લીધી છે.

* ખાસ નોંધ: સેકન્ડ સ્લિપર હોય કે થર્ડ એસી. સ્વચ્છતા અભિયાનની શરૂઆત અહીંથી કરવાની જરૂર છે!!

અપડેટ્સ – ૧૪૦

* છેલ્લાં અપડેટ્સ પછી ગુગલ ક્રોમનું પણ અપડેટ થયું અને તેમાં મારા ડિફોલ્ટ કી-બોર્ડ વડે ગુજરાતી લખાતું બંધ થયું. હવે, આમાં ગુન્હેગાર કોણ એ હજી નક્કી કરવાનું બાકી છે. વિકિપીડિઆમાં તો અમારું યુનિવર્સલ લેંગ્વેજ સિલેક્ટર (ULS) હોવાથી વાંધો નથી આવતો.

* આજકાલ ફુડ ફેસ્ટિવલ ચાલે છે – એટલે કે મારા માટે. એકલો હોવાથી દરરોજ નવી જગ્યાનો ટેસ્ટ કરવામાં આવે છે. બુધવારે નક્કી થયું કે ચાલો બ્લ્યુફ્રોગમાં જઇએ. મજા આવી ગઇ. સરસ રોક સંગીત, સરસ ફૂડ-ડ્રિંક્સ. ફોટાઓ? અહીં. (જો તમે મારા G+ સર્કલમાં હશો, તો જ દેખાશે).

Blue blue frog

* ગઇકાલે IITB ની મુલાકાત લેવામાં આવી. કદાચ છ વર્ષ પછી ત્યાં ગયો. સવારમાં સરસ બ્રેકફાસ્ટ, લંચ અને પછી ત્યાંથી ચેમ્બુરમાં સદ્ગુરુની ફેમસ પાઉં-ભાજી ઝાપટી. ત્યાં વિકિપીડિઆ તરફથી ઇન્ડિક ભાષાઓ માટે ઓપન ડેટા વિશેનું પ્રેઝન્ટેશન અમારા ડિરેક્ટર તરફથી હતું. ભારતની દરેક ભાષામાં ડિક્શનરી, થિસોરસ, મશીન ટ્રાન્સલેશન વગેરેની જરુર છે. યુરોપ-અમેરિકામાં આ કામ સરકાર અને યુનિવર્સિટીઓ દ્વારા થાય છે, જ્યારે ગુજરાતીલેક્સિકોન.કોમને બાદ કરતાં (એમનો ડેટા ઓપન છે, પણ બીજે વાપરી શકાય તેમ નથી, દા.ત. વિકિપીડિઆમાં) ભાગ્યે જ કોઇ આવો ડેટા જોવા મળે છે.

* બસ આટલું જ. દોડવાનું તો ખરું. અને, હા, આજે NoTVDay છે એટલે, હિંદુસ્તાન ટાઇમ્સ તરફથી એક રીલે રન રાખવામાં આવેલું જેમાં આજે ભાગ લીધેલો. ૨.૫ કિલોમીટર દોડવાનું હતું, પણ કાલનાં મેંગો જ્યુશ પછી થયું કે વધુ દોડવું પડશે એટલે બીજાં બે ચેક પોઇન્ટ્સ દોડવામાં આવ્યું. ફન!

(ટેક) અપડેટ્સ – ૧૩૦

* મોબાઇલમાં ગુજરાતી (અને બીજા ભારતીય) ભાષાઓમાં લખવું હોય તો સુપર એપ્લિકેશન છે, SMC નું ઇન્ડિક કી-બોર્ડ આ કી-બોર્ડ વિકિપીડિઆનાં કી-બોર્ડ્સ નો આધાર લઇને બનાવવામાં આવ્યા છે. સરસ અને સ્લિક એપ છે.

* વોલપેપરમાં રસ છે, આર્ટિસ્ટિક માણસ છો? તો, મુઝેઇ એપ્લિકેશન (કે પછી જે કંઇ ઉચ્ચાર થતો હોય તે!). આપણે શું? 😉 તમારા માટે છે.

ઉપરોક્ત બન્ને એપ્લિકેશન્સ ઓપનસોર્સ છે.

* વિકિપીડિઆની નવી એપ્લિકેશન થોડા સમયમાં આવી રહી છે, એ પણ સરસ છે. બીટાનો ટેસ્ટ કર્યો તો મીઠી લાગી.

* અને હા, આજની વેબસાઇટ? જુઓ, ટાઇનીહેક.કોમ એમાંથી એકાદ પ્રોજેક્ટનો પ્લાન આ ઉનાળામાં છે. રે અમારું દુર્ભાગ્ય કે અહીં ઉર્ફે ભારતમાં જોઇએ એવાં પાર્ટ્સ મળતાં નથી. મળે તો વચ્ચે ડખા થાય છે. વચ્ચે બીગલબોર્ડનો ઓર્ડર આપ્યો ત્યાં ખબર પડી કે એમાં ગર્વમેન્ટની પરમિશન લેવી પડે (કદાચ હવે એના વગર મળે છે). લો, બોલો!

અપડેટ્સ – ૧૨૮

* અપડેટ્સ ઝાઝાં ને પોસ્ટ નાની.

* છેલ્લાં શનિવારે નક્કી કર્યા મુજબ માઉન્ટ મેરી ચર્ચ અને બેન્ડસ્ટેન્ડની મુલાકાત લેવામાં આવી. મુસાફરી એકંદરે આરામદાયક રહી (સિવાય કે વળતી વખતે હું અને બાકી બધાં જુદી-જુદી ટ્રેનમાં આવ્યા!).

ત્યાં પાડેલા ફોટાઓમાંથી બે વિકિમિડિઆ કોમન્સમાં મૂક્યા છે. પણ, પછી ખબર પડી કે આનાં કરતાં તો ઘણાં સારા ફોટાઓ ત્યાં છે જ.

Mount_Mary_Church,_Top_view

ત્યાંથી બેન્ડસ્ટેન્ડ મજા આવી. ખાસ કરીને કવિનને ફરી વખત દરિયો જોવા મળ્યો એટલે!

* રવિવારે ફરી બાંદ્રાથી NCPA લોંગ સ્લો રન (૨૦ કિમી) અને મજા-મસ્તી. મસ્ત બ્રેકફાસ્ટ અને રીટર્ન ટ્રેન મુસાફરી. માર્ચ મહિનામાં બે નાનકડી રેસ છે, જેમાંથી એકાદમાં ભાગ લઇશ. ૩૦ માર્ચે ઓટિઝમ અંગે જાગૃતિ માટેની ૭ કિલોમીટરનું રનિંગ છે. કવિન જોડે આવશે તો એને પણ ૧ કિલોમીટરમાં દોડાવવામાં આવશે એવો પ્લાન છે. જોકે આ પ્લાન તેની ફાઇનલ પરીક્ષાઓના સમય પર આધારિત છે.

* કિન્ડલ પેપરવ્હાઇટ ૩જી લેવામાં આવ્યું છે. અત્યારે તો મોટાભાગે ટેકનિકલ રિડિંગ ચાલે છે. બે-ત્રણ ગુજરાતી પુસ્તકો ટેસ્ટિંગ માટે મૂક્યા છે, જે સરસ રીતે વાંચી શકાય છે (થોડી રેન્ડરિંગ ક્ષતિઓ સાથે).

* આ વખતે ડેબિયન અને વિકિપીડિઆ – બન્ને પ્રોજેક્ટ્સ માટે ગુગલ સમર ઓફ કોડનો કો-મેન્ટોર બન્યો છું. ખાસ કરીને ડેબિયનનાં પ્રોજેક્ટમાં મજા આવી જશે. વિકિપીડિઆનો પ્રોજેક્ટ પણ સરસ છે.

અપડેટ્સ – ૧૨૬

* રાહ જોવાતો વીક-એન્ડ આવી ગયો છે અને ક્યાં જતો રહેશે તેની કોઇ ખબર નથી. હવે, વીક-એન્ડમાં લોંગ-સ્લો રન, ડેકાથલોનની મુલાકાત, બાંદ્રા વાળી ૧૦ કિલોમીટરની રેસ, એકાદ પાર્ટી અને કદાચ જુહુની મુલાકાત નક્કી છે – એટલે આ પણ ક્યાં જતો રહેશે તેની ખબર નથી. વીક-એન્ડમાં મારે ઘરમાં સૌથી પહેલાં જાગી જવું પડે છે (દોડવા માટે ;)).

* આ નકશો જુઓ. ગણીને ત્રણ દેશો છે જે મેટ્રિક સિસ્ટમ વાપરતા નથી. આમાં એકનો ઉમેરો કરીએ તો એ છે – સફારી મેગેઝિન 😉

* રીલાયન્સનું બ્રોડબેન્ડ હવે રીલાયેબલ લાગતું નથી. આ મહિનામાં ત્રીજી વખત ડાઉન છે.

* વિકિપીડિઆમાં તમારે કંઇક નવું જોવું હોય તો, તમારા Preferences –> Beta માં જઇને પ્રાયોગિક ધોરણે મૂકેલાં નવાં નક્કોર ફીચર્સ ઉપયોગ કરી શકો છો. ખાસ કરીને ટાયપોગ્રાફી રીફ્રેશ અંગે તમારો પ્રતિભાવ આપવા વિનંતી.

* સાયકલિંગ હજી બંધ જ છે.

અપડેટ્સ – ૧૧૨

* તો, કાલે પુને ખાતે ઓપનસોર્સ લેંગ્વેજ સુમિટ ૨૦૧૩ (એટલે કે ભાષા શિખર પરિષદ) ૨૦૧૩ પૂરી થઇ. ગુજરાતી પબ્લિકમાં હર્ષ અને સમ્યક મળ્યા. બહુ વાતો કરી, ચર્ચાઓ કરી અને છેવટે કંઇક નક્કર કાર્ય તરફ કદમ મંડાયા લાગે છે. આની બ્લોગ પોસ્ટ વિકિપીડિઆના બ્લોગમાં ટૂંક સમયમાં આવશે.

* નવું રનિંગ રમકડું: Garmin Forerunner 110. થેન્ક્સ ટુ, ચિંતન. તેનો ટેસ્ટ કરીને અહીં ૧૦ કિલોમીટર દોડવામાં આવ્યું (તે પહેલાં ૨૨ કિલોમીટરની દોડ પુને યુનિવર્સિટી ખાતે રાખેલી, તે પણ સરસ રહી!) હાર્ટરેટ બેલ્ટ પણ સરસ છે. થેન્ક્સ ટુ અલોલિતા – આ રનિંગ રમકડાંને અહીં લાવવા માટે.

ગારમિન ઘડિયાળ

* હજી લાંબા પ્રવાસો આવશે, અને પુનેમાં એકંદરે ઠંડક છે એટલે મજા આવે છે. જોકે હવે પછીના ત્રણેય દિવસ ઓફિસમાં જ બેસીને કામ કરવાનું છે. અત્યાર સુધી નેહલભાઇને જ મળી શકાયું છે. બાકી, બે દિવસ જોઇએ કે કોને-કોને મળવાનું બાકી છે.

અપડેટ્સ – ૧૦૭

* અત્યંત દુ:ખ સાથે કહેવું પડે છે કે ગુગલ હેંગઆઉટને હું ગુગલની એકદમ ઉતરતી કક્ષાનાં ઉત્પાદન (ie પ્રોડક્ટ) માં મૂકી રહ્યો છું. પેલાં ગુગલ વેવ કરતાંય આ તો જાય તેવું છે. મારી કેટલીય મિટિંગોની હાલત તેના કારણે ખરાબ થઇ છે (અને મારી પણ!).

* ગુજરાતી વિકિપીડિઆમાં પ્રથમ બાર્નસ્ટાર મળ્યો.

* બુધવારે, રજી ઓક્ટોબરે ગોરેગાંવ–>બાંદ્રા–>અંધેરી સુધીની નાનકડી દોડનું આયોજન હતું. જોડે અમારા ગ્રુપનાં સભ્યો હતા. હાઇવે પર દોડવાનું અઘરું છે (અને ભયાનક પણ). સવારે જલ્દી શરૂ કરો તો, અંધારુ નડે. મોડા શરુ કરો તો ટ્રાફિક નડે. હવે, રવિવારે પાછું આમ ન થાય તો સારું, પણ હવે તો ૫ વાગ્યાથી જ શરુ કરવામાં આવશે.

* વેકેશનનું પ્લાનિંગ થઇ ગયું છે. જવાની ટિકિટ હજી મળી નથી, પણ પાછા આવવાની મળી ગઇ છે 😉 અને, વેકેશનમાં એક લોંગ ડિસ્ટન્સ રનિંગનું પણ આયોજન થયું છે.

* કવિન હવે એ ઉંમરે પહોંચી ગયો છે, જ્યાં તેનાં કપડાં અને રમકડાં અમારા કપડાં અને રમકડાં કરતાં મોંઘા આવે છે. તેમ છતાંય, તેનો વર્ડ પાવર મજબૂત બનાવવા માટે Scrabble બોર્ડ-ગેમ લાવવામાં આવી છે. હજી થોડો નાનો પડે, પણ મજાની રમત છે. વેકેશનમાં તેનો ભરપૂર ઉપયોગ કરવામાં આવશે.

આભાર, પ્રણવભાઇ!!

* અશ્વિની ભટ્ટનું અવસાન થયું ત્યારે મેં પોસ્ટમાં લખ્યું તેમ તેમનો વિકિપીડિઆમાં કોઇ લેખ નહોતો એટલે મેં એ કામ હાથમાં લીધું. લેખમાં મારી પાસે થોડી વિગતો વત્તા પુસ્તકોની યાદી સિવાય બીજી માહિતી નહોતી અને તેમની છબીની મેં ફેસબુક અને બ્લોગમાં વિનંતી કરેલી પણ કોઇ જવાબ આવ્યો નહી. બે દિવસ પહેલાં પ્રણવભાઇ જોડે ફોન પર કંઇ બીજી બાબતે ચર્ચા થતી હતી તેમાંથી યાદ આવ્યું કે તેમની પાસે અશ્વિની ભટ્ટનો ફોટો ચોક્કસ હોઇ શકે અને પ્રણવભાઇએ ફેસબુક પર મને બે-ત્રણ સરસ ફોટાઓ મોકલી આપ્યા, પણ તે તેમની રચના હોવાથી હું તેને અપલોડ કરી ન શકું (કોપીરાઇટ ભંગ). પ્રણવભાઇને મેં કોમન્સ પર આ ફોટો અપલોડ કરવા માટે સ્ટેપ્સ મોકલ્યા અને તેમને ધીરજ રાખીને મારા ગરબડ વાળા સ્ટેપ્સને સમજીને ફોટો અપલોડ કરી દીધો અને મને જ્યારે સંદેશ મળ્યો ત્યારે વિકિપીડિઆમાં અશ્વિની ભટ્ટ લેખમાં ચડાવી પણ દીધો.

આને કહેવાય, ખરું યોગદાન (ના, મારું નહી, પ્રણવભાઇનું!).

PS: જો તમારી પાસે, તમે પાડેલા, સાહિત્યકારોનાં કોઇ પણ ફોટા હોય તો,

commons.wikimedia.org પર જાઓ,

* ખાતું બનાવો (જો વિકિપીડિઆનું હશે તો એ અહીં ચાલશે!),

* ડાબે બાજુ (જો RTL ભાષા જેવી કે ઉર્દુ કે હિબ્રુ વાપરતા હોવ તો જમણે!) રહેલી ‘અપલોડ ફાઇલ’ કડી પર ક્લિક કરો.

બાકીની વિગતો એકદમ સરળ છે. ધ્યાન રાખજો કે ફોટો તમે જ પાડેલો હોવો જોઇએ, અન્યથા તમારી પાસે એ ફોટો તમને વહેંચવા (ક્રિએટીવ કોમન્સ હેઠળ) માટે પરવાનગી છે એનો સ્ત્રોત હોવો જ જોઇએ.