ધ મેન વ્હુ સોલ્ડ હિઝ સફારી

* ના! આ પોસ્ટ ધ મેન વ્હુ સોલ્ડ હિઝ ફરારી વિશેની નથી. કારણ કે,

૧. રોબિન શર્મા આપણને ન ગમે,
૨. મારી પાસે ફરારી નથી.

તો શું છે, મારી પાસે? સફારી! હા. સફારીના જૂના અંકો (છેલ્લા ચાર-પાંચ વર્ષોના) એટલા વધી પડ્યા છે કે હવે નિર્ણય લેવામાં આવ્યો છે કે બધાં સફારીઓ પસ્તીમાં આપી દેવામાં આવે. એવું ન સમજતા કે સફારી હવે કંઇ કામના નથી, પણ હવે અમારા ઘરમાં જગ્યા નથી અને હવે જ્ઞાન-વિજ્ઞાનના બીજાં અઢળક સ્ત્રોત સંદર્ભ અને અન્ય માધ્યમો સાથે છે, એટલે હવે સફારી વાંચીને થોડો સમય રાખીને પસ્તીમાં દુ:ખ સાથે જવા દેવામાં આવશે.

વી વિલ મિસ યુ, સફારી (ના જૂના અંકો)!!

બોનસ: ધ મેન વ્હુ સોલ્ડ ધ વર્લ્ડ

Advertisements

આજનો પ્રશ્ન

* દુનિયામાં માત્ર ત્રણ દેશો (અમેરિકા, બર્મા અને લાઇબેરિયા) અને એક મેગેઝિન (સફારી) જ મેટ્રિક સિસ્ટમ નથી વાપરતાં. તેમ છતાંય, તાવ આપણે ત્યાં ફેરનહીટમાં જ કેમ મપાય છે? 🙂

PS: આ તો કવિનને જરા તાવ આવ્યો હતો એટલે પ્રશ્ન થયો હતો!

અપડેટ્સ – ૧૨૬

* રાહ જોવાતો વીક-એન્ડ આવી ગયો છે અને ક્યાં જતો રહેશે તેની કોઇ ખબર નથી. હવે, વીક-એન્ડમાં લોંગ-સ્લો રન, ડેકાથલોનની મુલાકાત, બાંદ્રા વાળી ૧૦ કિલોમીટરની રેસ, એકાદ પાર્ટી અને કદાચ જુહુની મુલાકાત નક્કી છે – એટલે આ પણ ક્યાં જતો રહેશે તેની ખબર નથી. વીક-એન્ડમાં મારે ઘરમાં સૌથી પહેલાં જાગી જવું પડે છે (દોડવા માટે ;)).

* આ નકશો જુઓ. ગણીને ત્રણ દેશો છે જે મેટ્રિક સિસ્ટમ વાપરતા નથી. આમાં એકનો ઉમેરો કરીએ તો એ છે – સફારી મેગેઝિન 😉

* રીલાયન્સનું બ્રોડબેન્ડ હવે રીલાયેબલ લાગતું નથી. આ મહિનામાં ત્રીજી વખત ડાઉન છે.

* વિકિપીડિઆમાં તમારે કંઇક નવું જોવું હોય તો, તમારા Preferences –> Beta માં જઇને પ્રાયોગિક ધોરણે મૂકેલાં નવાં નક્કોર ફીચર્સ ઉપયોગ કરી શકો છો. ખાસ કરીને ટાયપોગ્રાફી રીફ્રેશ અંગે તમારો પ્રતિભાવ આપવા વિનંતી.

* સાયકલિંગ હજી બંધ જ છે.

સંદર્ભ આપો

* વિકિપીડિઆમાં જો તમે જોયું હશે તો તમને જ્યાં-ને-ત્યાં  કે પછી અમુક લેખો પર ‘સંદર્ભ આપો’ એવું લખેલું જોવા મળશે. અંગ્રેજીમાં તેને ‘citation needed’ કહેવાય છે. વિકિપીડિઆમાં સંદર્ભ વગરની અધ્ધરતાલ કે જાતે ઉપજાવેલી માહિતી ચાલતી નથી અને મોટાભાગે દરેકે દરેક વાક્યનો સંદર્ભ આપવો પડે છે. વિકિપીડિઆનો પરિચય થયા પછી, દરેક બ્લોગ પોસ્ટ, દરેક અહેવાલ, બ્લોગ બાબાઓનાં તંત્રીલેખો કે પછી બની બેઠેલા કવિઓની કવિતાઓ – આ દરેક વસ્તુ પર સંદર્ભ આપો કહેવાનું મન થાય છે. અમારા લેપટોપ પર તો આ સ્ટિકર સ્વરૂપે પણ છે. અને હા, હજી એક વધુ સ્ટિકર પડ્યું છે, જે કોઇને જોઇતું હોય તેઓ વહેલા તે પહેલાના ધોરણે કોમેન્ટ કે ઇમેલ કરશો!

સંદર્ભ આપો

સંદર્ભ તો આજ-કાલ સફારીના લેખોમાંય કે પછી ગુ.સ. કે દિ.ભા. પૂર્તિઓનાં પહેલાં પાનાંનાં લેખોમાંય માંગવાની ઇચ્છા થાય છે 🙂

તો એ વાત પર થોડાંક સંદર્ભો:

૧. આ વિષય ઉપર લોકપ્રિય xkcd કોમિક: http://xkcd.com/285/

૨. વિકિપીડિઆ લેખ: https://en.wikipedia.org/wiki/Citation_needed

રીવ્યુ: સફારી ઓનલાઇન

* પેલી અપડેટ્સ-૭૫ પોસ્ટમાં લખેલું તેમ મેં સફારીનું ઓનલાઇન લવાજમ ભર્યું છે (એક વર્ષ માટે). તો હવે થોડાક દિવસો પછી તેનો રીવ્યુ લખવો એ વ્યાજબી ગણી શકાય. હાજર છે નાનકડો રીવ્યુ, મુદ્દા સ્વરુપે.

૧. લવાજમ ભરવાની વિધિ: હવે એકદમ સરળ છે. તમે નેટ બેન્કિંગથી લવાજમ ભારતીય રુપીયામાં ભરી શકો છો. આપણને બીજું શું જોઇએ?

૨. લવાજમ પછી: સફારી તરફથી કોઇ ઇમેલ ન આવ્યો, જે થોડું વિચિત્ર લાગે. તેમ છતાંય CCAvenue તમને ઇમેલ મોકલે છે, જેથી હાશ થઇ. સાઇટમાં લોગીન કર્યા પછી તમને તમારા ખાતાંમાં જઇને તમે સબસ્ક્રાઇબ થયા છો એની પણ ખાતરી કરી શકાય.

૩. અંકનું વાંચન: ફ્લેશ, છે ફ્લેશ. એટલે જો તમારું બ્રાઉઝર વિચિત્ર હોય કે તમે વિચિત્ર ઓપરેટિંગ સિસ્ટમ પર હોવ (iOS, એન્ડ્રોઇડની પાછળની આવૃત્તિઓ) તો ભાઇ, ભાઇ! બાય, બાય.

૪. વાંચનમાં સરળતા: પાંચમાંથી એકાદ-બે સ્ટાર આપી શકાય. પેજ લોડિંગ ધીમું છે અને બોરિંગ છે. અને, આખો અંક એક પોપ-અપ સ્વરુપે ખૂલે છે. હું બાય ડિફોલ્ટ પોપ-અપ બ્લોક રાખું છું એટલે ૧૦ મિનિટ સુધી મને ખબર જ ન પડી કે કેમ આ અંક ખૂલતો નથી!

૫. PDF?: ના, બાબા ના. હજી સુધી દેખાઇ નથી.

૬. વસૂલ?: ૧. એક રીતે જરાય વસૂલ ન કહેવાય કારણ કે તમે ડબલ પૈસા ભર્યા પછી અડધી પણ સુવિધાઓ મેળવતા નથી. ૨. સફારી વાંચી-વાંચીને જે જ્ઞાન મેળવ્યું છે, એ જોતાં ૧૧૦૦ રુપિયા વસૂલ છે!

અપડેટ્સ – ૭૫

* હેલ્લો બેંગ્લોર. ઉપ્સ, બેંગ્લુરુ!! અહીં આવીને ખબર પડી કે ઓફિસ હજી વેકેશન મૂડમાં જ છે. ૩૧ ડિસેમ્બરનો કોઇ પ્લાન લાગતો નથી, હોય તોય હું એકાદ પુસ્તક વાંચવાનું વધારે પસંદ કરીશ. ઓફિસમાં ૧લી એ રજા આપી છે, પણ ૫મી (શનિવારે) ચાલુ રાખ્યું છે. છે ને બોરિંગ?

* સફારીનું ડિજીટલ લવાજમ છેવટે ભરી દેવામાં આવ્યું છે. જોઇએ છીએ હવે કેટલું વંચાય છે. PDF ડાઉનલોડ કરવા દે છે કે ઓનલાઇન જ છે, એ હજી ખ્યાલ આવતો નથી. જે હોય તે, સફારીનાં જ્ઞાનનો આટલો બધો ફાયદો ઉઠાવ્યા પછી હજારેક રુપિયા કશું ન કહેવાય. પણ, વેબસાઇટ હજીયે સુધારી શકાય તેમ છે.

* પેલો આઇફોન ઠીક ન થયો એટલે એની બદલીમાં Karbonn A11 લેવામાં આવ્યો. આઇફોન પર હવે જાત-જાતનાં વધુ અખતરા કરવામાં આવશે!

* છેવટે, થોડાં પુસ્તકો મંગાવવામાં આવ્યા છે, ફ્લિપકાર્ટનું વેરહાઉસ નજીક છે, એટલે ઓફિસમાંથી અમુક લોકો તો ત્યાં જઇને પણ ઓર્ડર આપેલી વસ્તુઓ લઇ લે છે. પણ, આપણે રાહ જોઇશું!

* દોડવાનું પાછું વ્યવસ્થિત શરુ થઇ ગયું છે. સાથે-સાથે ગુજરાતી વિકિપીડિઆ પર ફરીથી હાથ અજમાવવામાં આવ્યો છે.

અપડેટ્સ – ૬૬

* રાસ્પબેરી પાઇ હવે ૫૧૨ એમબી રેમ સાથે આવશે! સારા અને ખરાબ કહેવાય તેવા સમાચાર. ખરાબ એટલા માટે કે મારા મોડલમાં ૨૫૬ એમબી જ છે. (જે જોકે મારા પ્રથમ કોમ્પ્યુટર જેટલી છે!).

* દોડવા માટે પાર્ટનર મળી ગયો છે. ઓફિસ જ નો છે અને મારી PG માં એક જ ફ્લોર પર રહે છે. સરસ દોડે છે-સ્ટેમિના છે, એથી મને પણ ઝડપ વધારવા માટે સારું રહેશે. વળી, અહીં કોકોનટની કોઇ કમી નથી, એટલે એ બાબતમાં શાંતિ છે. સસ્તાં અને સારાં. electrolyte જરુરી છે!

* ડિનર માટે એક ‘foo સાગર’ હોટલ શોધી કાઢી છે. તેનો બ્રેકફાસ્ટ પણ સરસ હોય છે. યોર ફિલ્ટર કાપ્પી, સર!

* બધાંને હેપ્પી નવરાત્રિ. અહીં તો એવું કંઇ લાગતું નથી. ક્યાંક થી દશેરા ફેસ્ટિવલનો અવાજ સંભળાય છે..

* આ બેંગ્લોરમાં ગુજરાતી છાપાં-સફારી મળી શકે? ખાસ કરીને દિવ્ય-ભાસ્કરના બહેતરીન સમાચારો ‘મિસ’ થાય છે 😉

* અરર, હજીયે જરુરી વસ્તુઓ લાવવાની રહી જાય છે. આ વીક-એન્ડ પર..

* અને, હા, હેપ્પી બર્થ ડે, રિનિત!!

અપડેટ્સ

* આજે એટલે કે ૧૮મીએ અમારી છઠ્ઠી (Iron) મેરેજ એનિવર્સરી છે. બહાર જમવા જવાનો પ્રોગ્રામ બની શકે છે, બાકી આરામનો દિવસ. Ironની તે વળી કોઈ ગિફ્ટ આવે? 😉

* વર્ડપ્રેસમાં હવે Likes અને Comments ઉપર જમણી બાજુ સરસ રીતે માણી શકાય છે. બીજાં બ્લોગ પર કરેલ કોમેન્ટ્સનો જવાબ પણ સરસ રીતે આપી શકાય છે – આ સુવિધા મને અત્યંત ગમી. થેન્ક્સ, વર્ડપ્રેસ.કોમ.

* દોડવાનું સારું ચાલે છે. આ અઠવાડિયાંમાં પહેલી વખત ૪ કિ.મિ. એકસાથે ક્રોસ કર્યું. પણ, હવે હું અંતરની જગ્યાએ સમય પર વધુ ધ્યાન આપી રહ્યો છું. સાંજના સમયે બીજા એક યુવાન દોડવા વાળાંએ સારી એવી ટીપ્સ આપી. બીજાં એકનો પરિચય કરવાનો પ્રયત્ન કર્યો પણ તેને બહુ રસ હોય એમ લાગ્યું નહી.

* વિકિપીડિઆની મિટિંગ રવિવારે રાખેલ છે. વધુ વિગતો માટે, વિકિ મીટઅપ પાનું જોવું.

* સફારીમાં આ વખતે ડાયમંડ/હીરાના ગ્રહ PSR J1719-1438b વિશે આવ્યું છે, તે અમને ગમ્યું 😉 પણ આ પરથી વિકિપીડિઆમાં ફાંફા કરતાં List of star extremes નામનો એક સરસ લેખ પણ મળી આવ્યો!

આ અઠવાડિયાની ફિલમો

* આજે સફારી લેવા ક્રોસવર્ડ ગયો તો સફારી તો ન મળ્યું પણ,

૧. ભવની ભવાઈ

૨. an inconvenient truth (હિન્દી)

મળી ગયા. ભવની ભવાઈ હું ક્યારેયનોય શોધી રહ્યો હતો. અને ૨ મને પોસાય તેવી વીસીડીમાં (અને હિન્દીમાં) મળે તેની રાહ જોઈ રહ્યો હતો. એટલે, આ અઠવાડિયાનાં લિસ્ટમાં ઉપરોક્તનો સમાવેશ કરી શકાય. આ સિવાય,

૩. સ્ટાર ટ્રેક

૪. આંખલડી તરસે પિયુની વાટમાં.. (ગુજરાતી, ઓફ કોર્સ).

આ સિવાય googletechtalks પરથી ટેકનિકલ ડોક્યુમેન્ટરી વગેરેમાં જ સમય પસાર થયો.

જૂનાં સમાચાર: સફારીની નવી વેબસાઇટ

* સફારીની નવી વેબસાઇટ વિશે ઉર્વિશભાઇએ ક્યારનુંય લખી દીધું છે, તો હવે હું શું નવું લખી રહ્યો છું? પણ, એમ કંઇ આદત જાય? મને આમ પણ ભૂલો શોધવાની અને સારી વસ્તુઓનાં વખાણ કરવાની આદત પડી ગઇ છે!

૧. સફારીનું હોમપેજ સરસ છે. વાંચકને કયા વિભાગ (ગુજરાતી કે અંગ્રેજી)માં જવું છે તેનો તરત ખ્યાલ આપે છે. સફારીની માહિતી પણ સરસ રીતે લખેલ છે.

૨. ગુજરાતી વિભાગમાં નીચેની વસ્તુઓ મને બહુ ગમી.

અ. સજેસ્ટ લોગો અને આ સમગ્ર વિચાર:

વહેંચો

બ. ફ્રી પ્રિવ્યુ:

ફ્રી પ્રિવ્યુ

ક. ન્યૂઝલેટર વિકલ્પ અને તેનું લખાણ.

ડ. અબાઉટ અસ

૩. આ વસ્તુઓ ના ગમી.

અ. સાઇટમાં ગુજરાતી ટ્રાન્સલિટરેશનનો ઉપયોગ. સજેસ્ટ ધિસ. કોન્ટેક્ટ અસ. વટફ!

બ. ફ્રી પ્રિવ્યુ હોમપેજ પર જ લાવે છે! ફ્લેશ!!

ક. લવાજમ માત્ર $ માં જ ભરી શકાય છે!! ડિટ્ટો ઓનલાઇન શોપિંગ માટે.

ડ. ASP.Net નો ઉપયોગ 😦

જન્મદિન શુભેચ્છાઓ – નગેન્દ્ર વિજય

બુધ્ધિશાળી વાચકો માટેનું મેગેઝિન

* મને યાદ છે હું અને નિરવ નગેન્દ્ર વિજયને નિરવનું મોર્ડન રોકેટ્રી પુસ્તક છપાવવા બાબતે ૧૯૯૪ (કે ૧૯૯૩) માં મળ્યા હતા. એ વખતે સફારીની ઓફિસ પાલડીમાં હતી. યંગ સાયન્સટીસ્ટ ક્લબનાં યંગ દિવસો મને હજી બરોબર યાદ છે જ્યારે અમે યંગ હતા (જો કે હજી પણ છીએ!! :P)

ખેર, હું તો શું વધારે લખી શકવાનો? ઉર્વિશભાઇએ નગેન્દ્ર વિજયની અણનમ અડધી સદી તરીકે સરસ લેખ તેમનાં બ્લોગ પર લખ્યો છે – તે વાંચવાનું તમને કહી શકું છું! અને નગેન્દ્ર વિજયને સલામ સાથે જન્મદિનની શુભેચ્છાઓ પાઠવું છું.

આશા રાખું છું કે સફારીનાં વાચકો માટે જ્ઞાન-વિજ્ઞાનનો આ પ્રવાહ ક્યારેય ન ખૂટે!

ક્રોમ: ગુગલનું નવું બ્રાઉઝર!

* ઓછું હતું તે વળી નવું એક બ્રાઉઝર આવે છે: ગુગલ ક્રોમ. મજાની વાત છે કે તે કોન્કરર અને સફારી જેવા બ્રાઉઝર્સ જેનાં પર આધારિત છે તે વેબકીટ અને મોઝિલાની ટેકનોલોજી પર આધારિત છે. છે ને ઓપનસોર્સનો કમાલ!

તમે ક્રોમમાં વપરાયેલ ટેકનોલોજી સમજાવતું પુસ્તક અહીં વાંચી અને ડાઉનલોડ કરી શકો છો.

આ અંગે મને પોસ્ટ લખવા માટે મજબૂર કરવા માટે પ્રકાશભાઇનો (ઇમેલ) આભાર. એ પહેલાં મને મનીષભાઇનાં ગુગલ રીડરનાં લેખ દ્રારા સવારે બ્રેકફાસ્ટ સર્ફિંગ દરમિયાન આ જાણકારી મળી.

અને ક્રોમનું પુસ્તક ડાઉનલોડ કરતી વખતે મને આવી નીચે પ્રમાણેની રંગીન એરર:

મોરલ ઓફ સ્ટોરી: ગુગલ એ ભગવાન નથી, તેમનાં સર્વરમાં પણ એરર 500 આવી શકે છે.

iPhone અને ગુજરાતી ભાષા

* વિનયભાઇએ આવીયો iPhone પોસ્ટ પર કોમેન્ટમાં આ વિચાર મૂક્યો ત્યારે યાદ આવ્યું કે આ મહત્વનો મુદ્દો તો હું ભૂલી જ ગયો છું!

ના, આઇફોનમાં ગુજરાતી બરોબર દેખાતું નથી. કદાચ સફારી બ્રાઉઝરમાં ગરબડ લાગે છે. આઇફોન સિમ્યુલેટરમાં નીચે પ્રમાણે પરિણામ મળે છે. વધુમાં મેં જ્યારે આઇફોન વાપરેલો (જુની આવૃત્તિ) ત્યારે તેમાં ગુજરાતી ગોઠવણીનો કોઇ વિકલ્પ નહોતો. નવા આઇફોનમાં જોવું પડશે.

વધારે ખાંખા-ખોળા કરવા પડશે..

રવિવાર

* રવિવાર એટલે મોડા જાગવાનું. ચા-નાસ્તો કરી 11.45 જેવો ઘરેથી નીકળી પહોંચ્યો, રેલ્વે સ્ટેશન. સારું છે કે સ્ટેશન પર ઘણાં બધાં ATM બની ગયા છે. થોડા ખૂટતાં રૂપિયા લીધા. રેલ્વે ટીકીટનાં ફોર્મ લીધા, અને ટોકન લઇને રાહ જોતો-જોતો 1.30 કલાક બેઠો-બેઠો આડા અવળાં વિચારો કરતો બેઠો હતો, નજર પડી ટોકન ડિસપ્લે કાઉન્ટર નીચેનાં ડિજીટલ સમાચાર સરકપટ્ટી પર. તેમાં લખ્યું હતું,

“ગુર્જર લોકોનાં આંદોલનોનાં કારણે ગુજરાતી પ્રવાસીઓ રખડી પડ્યાં. 10000 ખર્ચતા વિમાનની ટીકીટ મળતી નથી.”

(જોડણીની ભૂલો હોય એ કંઇ કહેવાનું હોય?)

તો આવા સમાચાર આપીને કહેવાનો અર્થ શું? રેલ્વેમાં મુસાફરી કરો? રેલ્વે તો સદંતર બંઘ છે. અને આ ગુર્જર લોકો છે કોણ? સાલું, મને તો આ દેશનું રાજકારણ જરાય સમજાતું નથી.

તો, ટીકીટ લઇ સીધો ક્રોસવર્ડ ગયો. નીચેની વસ્તુઓ પર રૂપિયા કુરબાન,

પુસ્તકો:

1. બ્લેક લેબલ – અશોક દવે

2. કોસ્મોસ – હર્ષલ પબ્લિકેશન

3. The Last LectureRandy Pausch.

જુઓ લેક્ચરનો યુટ્યુબ વિડીઓ,

4. સફારી (ગુજરાતી, અંગ્રેજી બન્ને)

સંગીત:

1. કોઇ આને વાલા હૈ – સ્ટ્રીંગ્સ

મુવીઝ:

1. યુવા

2. માઇકલ ક્લેટન

કવિન માટે રમકડાં શોધવામાં ખાસ્સો એવો સમય પસાર થયો.. પછી ધ લૂટમાં ઘૂસ્યો અને એક જીન્સ ઉપાડ્યું (અરર, મારી વાઇફ મને નક્કી બોલવાની છે, પણ એ તો ચાલે..)

અને, અમદાવાદમાં ઘર શોધવાની પ્રવૃત્તિનો હવે પ્રારંભ થાય છે. હું 1 BHK વાળું ઘર જેમાં મકાન-માલિક સાથે ન રહેતો હોય (એટલે કે નજીકમાં) અને પાણીની બબાલ ન હોય તેવું ઘર, ફ્લેટ, ઝૂંપડું.. વિજય ચાર રસ્તાથી મહત્તમ 20 મિનિટમાં ચાલીને જઇ શકાય તેવાં સ્થાન પર શોધી રહ્યો છું. 10-15 મિનિટનો તેમાં વધારો હોય તો વાંધો નહી, કારણ કે મારે તો મોટાભાગે સાઇકલ પર જ સવારી કરવાની છે.

સફારી અને અમે..

* ગુજરાતીમાં આવતા એકમાત્ર જ્ઞાન-વિજ્ઞાનનાં મહાસાગર એવા સફારી મેગેઝિન વિશે તમે સાંભળ્યું તો હશે જ. આ એવું સામયિક છે કે જેણે મારા જીવન પર બહુ મોટો પ્રભાવ પાડ્યો છે. જેમ વેમ્પાયરને લોહીની તલસ હોય, એમી મારી નવુ જાણવાની, કંઇક નવું કરવાની ઇચ્છા-મહેચ્છાને ઉછેરવા માટે સફારી જ જવાબદાર છે.

જો તમે ન વાંચતા હોવ તો, આજે જ વાંચો. શરત મારીને કહું છું, તમે પણ તેના બંધાણી બની જશો. મારા-અને-મારા ભાઇ વચ્ચે કોણ પહેલું વાંચે તેના માટે ખેંચાખેંચ થતી.. હજી પણ થાય છે.. ખરાબ વાત છે કે સફારીની સાઇટ ૧૯૯૮ ના જમાનાની જ છે.

* કે. પણ કોઇ-કોઇ વાર સફારી વાંચે છે. એટલે કે હું વંચાવું છું..

* સુધારો: સફારીની વેબસાઇટ થોડી અપડેટ થઇ છે..