મફત

સામાન્ય રીતે અસામાન્ય પ્રમાણમાં લોકોને મફત વસ્તુઓ મળે તો અત્યંત ખુશ થઇ જાય છે. યાદ છે કોંગ્રેસનું “ઘરનું ઘર?”. આ જ રીતે મફતનું રાજકારણ ભારતમાં જેટલું ફૂલ્યું-ફાલ્યું છે જે જોઇએ એમ થાય છે કે હવે સરકાર ક્યારે મફતની સાયકલ આવે. ઓહ, વેઇટ. એ પણ તેમણે આપી હતી – જે થોડા સમય પછી તેમના મા-બાપો વેચી કાઢતા હતા.

આ વાત યાદ આવી છે સ્ટ્રાવાએ કરેલી ગઇકાલની જાહેરાત પરથી. સાયકલિંગ કોમ્યુનિટીએ તેના પર વિવિધ પ્રતિક્રિયાઓ કરી છે, હજુ વધુ આવશે. જોકે સ્ટ્રાવાએ મોટાભાગની થર્ડ પાર્ટી APIs બંધ કરીને શું સારું કર્યું એ મને ખબર નથી પડી.

જીવનમાં કશું જ મફત નથી. જો તમને સારી વસ્તુ જોઇએ તો પૈસા ખર્ચો. સરળ છે!

આજની કહેવત

આજની નવી કહેવત:

મોગલો તગારે, મરાઠા નગારે, અંગ્રેજો પગારે અને આ સરકાર ઉચારે.

૬૦૦ રુપિયામાં ઘર કેવી રીતે ચલાવવું?

* જુઓને આપણી સરકાર આપણને મફત શિક્ષણ (સરકારી સ્કૂલ), મફત રહેઠાણ (ie ઘરનું ઘર), મફત તબીબી સારવાર (108), મફત ભોજન (રેશન-કાર્ડ પર) આપે છે, તો કેમ તમે ૬૦૦ રુપિયામાં ઘર ન ચલાવી શકો? તમેય યાર ખરા છો, સરકાર આપણને આટલું બધું મફત આપે છે તો આપણી ફરજ નહી કે તેમની મજાક નહી ઉડાવવાની અને મદદ કરવાની? હવે તો મફત ટેબ્લેટ કે મફત લેપટોપ પણ મળે છે. અરે, મફત ટીવી પણ મળે છે!

હા, મફત ઇન્ટરનેટ આપી દે તો હું પણ ૬૦૦ રુપિયામાં ઘર ચલાવી શકું 😉

इस थप्पड की गूंज सुनाई देगी…..

આજની રીબ્લોગ પોસ્ટ!

મારી રોજનીશી

સુપ્રિમ કોર્ટનો એક ઐતિહાસિક ચૂકાદો અને 122 ટેલીકોમ લાઇસન્સો રદ્દ. લોકો ખુશ થયા કે ચાલો રાજાએ જે ચૂનો લગાવ્યો હતો એમાંથી દેશ કદાચ બચી ગયો. મને પણ થોડી ખુશી થઇ આમ તો આ ચૂકાદાથી પણ પછી વિચારતા લાગ્યું કે આ ચૂકાદો એવો છે કે જેના વિશે કહી શકાય કે "इस थप्पड की गुंज तुम्हे सुनाई देगी…" હવે મને એવું કેમ એમ લાગે છે એ માટે નીચેના કારણો છે.

કુલ 122 ટેલીકોમ લાઇસન્સો રદ્દ થયા. આ ટેલીકોમ લાઇસન્સો ધરાવતી કંપનીઓ પાસે આશરે 11.5 કરોડ ગ્રાહકો છે. હવે જો આ ટેલીકોમ ઓપરેટરોની દુકાન બંધ થઇ જાય તો આ બધાં ગ્રાહકોને નવા ઓપરેટર પાસે જવું પડે અને નવા ઓપરેટર પાસેથી સર્વિસ લેવી પડે. આમ જોવા જઇએ તો આ કોઇ મોટી સમસ્યા નથી પણ ગ્રાહકોને થોડી તકલીફ તો વગર જોઇતી પડવાની જ.

જે ટેલીકોમ કંપનીઓના લાઇસન્સ રદ્દ થયા છે એ કંપનીઓ પર નભતા લોકોનું શું? જેમ કે આ ટેલીકોમ કંપનીઓમાં કામ કરતા કર્મચારીઓનું શું?…

View original post 571 more words

આજનાં સમાચાર

* એટલે કે ખરેખર WTF સમાચાર છે: સરકાર Skype, Gmail, Blackberry પર પ્રતિબંધ મૂકશે. સરકારની સલામતી સંસ્થાઓ એટલી મૂર્ખ છે કે તેમને જીમેલની સિસ્ટમ સમજાતી નથી? Blackberry અને Skype સમજ્યા કે બહુ ખાનગી અને વિચિત્ર સિસ્ટમ ઉપયોગ કરે છે. પણ, Gmail? ઓહ.

ના ચાલે, ભાઈ, ના ચાલે..

3 Idiots

* છેવટે, ગઈકાલે અમે ત્રણે જણાં 3 Idiots જોવા ગયા. અમને એમ કે બપોરે ૧.૩૦નો શૉ છે એટલે કવિન તરત જ સૂઈ જશે એની જગ્યાએ એ આખા મુવી દરમિયાન જાગતો રહ્યો અને દોડમદોડી કરી. સદ્ભાગ્યે થિએટર ખાલી જેવું જ હતું.

મજા આવી ગઈ. ઘરે પાયરેટેડ સીડી પડી હોવા છતાં જોવાનું ટાળ્યું અને થિએટરમાં ગયા. જે કંઈ ૫૦૦ રુપિયાનો ધુમાડો થયો તે વ્યર્થ ના ગયો. એક વાત હજી મગજમાં છે. જો તમે એજ્યુકેશન સિસ્ટમ (કે કોઈપણ) સિસ્ટમ બદલવા માંગો તો તે શક્ય નથી. તમારે તમારી પોતાની નવી અને સારી સિસ્ટમ ઉભી કરવી પડશે. અને, જો આવી અનેક સમાંતર સિસ્ટમ ચાલે તો જ સાબિત થાય કે તે સમાજ કે દેશ સ્વસ્થ છે. વિશ્વાસ ન હોય તો અત્યારની સ્થિતિ જોઈ લો. દા.ત. ચીન કે પાકિસ્તાન જેવાં દેશો. તેવા દેશોમાં એન.જી.ઓ. કે સામાજીક સંસ્થાઓનું કોઈ સ્થાન જ નથી. સરકાર કહે તે જ કરવું પડે. સિસ્ટમ કહે તેમ જ ચાલવું પડે. હા, પેરેલલ સિસ્ટમનો ગેરલાભ છે – પણ લાભ સામે તે નગણ્ય છે.

અને ક્યાંક સાંભળ્યું છે કે પેરેલલ યુનિવર્સ પણ હોય છે 🙂

આવી હિંમત આપણામાં કેમ નથી?

* થોડા સમય પહેલા આપણા પ્રિય મોદીજીએ સરકારને પડકાર ફેંક્યો હતો કે હિંમત હોય તો મને પકડીને બતાવો.. અને હવે આપણા પપૂ (એટલે કે પરમ પૂજ્ય) આશારામ બાપૂએ પણ સરકારને પડકાર ફેંક્યો છે કે હિંમત હોય તો મારી ધરપકડ કરી બતાવો. મને થાય છે કે આવી હિંમત-પડકાર ફેંકવાની તાકાત વગેરે ખાલી નેતાઓને જ કેમ આવતી હોય છે? જો કે નીચે પ્રમાણેના પડકારો આપણે ફેંકીએ જ છીએ..

૧. રસ્તા પર કચરો ફેંકીએ છીએ, છે કોઈની હિંમત આવી?

૨. હેલ્મેટ વગર, ફોન પર માથું ૪૫ ડિગ્રી રાખીને, ત્રણ સવારી પર, છતાં છે કોઈની આવી હિંમત?

૩. બસ ચલાવતા-ચલાવતા ફોન પર વાત કરવાની, મારા જેવો કોઈ ફરિયાદ કરે તો ઝગડો કરીને દાદાગીરી કરવાની, છે કોઈની આવી હિંમત?

૪. ટેક્સ ન ભરવાનો, છે કોઈની હિંમત પકડવાની?

૫. ગુટકા-તમાકુ-મસાલા – છે કોઈની હિંમત આ વસ્તુઓ પર પ્રતિબંધ લાવવાની?

.. અને આ હિંમત સ્ત્રી લિંગ કેમ છે, હિંમત તો પુરુષનું નામ છે!

વેબસાઇટમાં @ હોય?

* ના હોય. પણ, ગઇકાલે મેં એક જૂનાં કોમ્પ્યુટર સોફ્ટવેર એન્જિનિયરને વેબસાઇટનાં URLમાં @ નો ઉપયોગ કરી તેને ખોલવાનો પ્રયત્ન કરતાં જોયો ત્યારે મારાથી કહ્યા વગર રહેવાયું નહી – સાથે જ આ વિચાર મનમાં ઘૂમતો હતો..

અને આજે સવારે ગુજરાત સરકારનાં પોલીસ ખાતામાં ભરતીની જાહેરાતમાં ખાતાંની વેબસાઇટ આ રીતે લખેલ હતી: http://www.police@gujarat.gov.in 😛 અહીં તેનો અત્યંત ઝાંખો ફોટો મૂકેલ છે – કારણકે મારા ડબલા જેવાં મોબાઇલ (૬૬૦૦)માં મેક્રો મોડ નથી!

@ વેબસાઇટમાં!

જય ઇન્ફોર્મેશન ટેકનોલોજી!

લાચારી, આંસુ અને આપણે..

* બેંગ્લુરૂ, અમદાવાદ અને હવે દિલ્હી. ગઇકાલે રાત્રે બે વાગે જ્યારે સમાચાર જોયા ત્યારે દિલ્હીનાં બોમ્બવિસ્ફોટોની ખબર પડી..

આપણે તો ખાલી લાચાર બની આંસુ સારતા બેસી રહેવાનું અને નંગ જેવા આંતકવાદીઓ બોમ્બ ધડાકા અને ઇમેલ કર્યા કરે રાખશે? અને મૂર્ખદત્ત જેવી સરકાર ‘અમે કડક પગલાં લઇશું’ તેવાં વિધાનો દર વખતે કરે રાખશે?

ગુજકોક અને પોટા જેવા કાયદાઓ વિના કંઇ થવાનું નથી. આંતકવાદીઓને આખરે જોઇએ છે શું? કાશ્મીર? આપી દો અને કરી દો સરહદ સીલ. પછી તેમને ખબર પડશે કે સરકાર કેવી રીતે ચલાવાય છે.