અપડેટ્સ – ૨૫૨

• ઓક્ટોબર-નવેમ્બર ક્યાં નીકળી ગયા તેની ખબર પણ ન પડી અને મને એમ કે વર્ડપ્રેસ વાળા આ બ્લોગ બંધ ન કરી દે. પણ, આજે જોયું તો બ્લોગ હતો. હાશ!
• અપડેટ્સમાં તો એવું છે કે દોડવા સિવાયની બધી જગ્યાએ દોડ-મ-દોડી જ ચાલે છે. દોડવાનું સદંતર બંધ છે અને હવે ટાટા મુંબઈ મેરેથોન (૨૧ જાન્યુઆરી) આવી રહી છે. ડિસેમ્બરમાં એક ૧૦૦૦ અને જાન્યુઆરીમાં (૨૪ જાન્યુઆરી!) એક ૧૨૦૦. બસ, આટલું જ. ૧૨૦૦ પાછી આપણાં ફેવરિટ એવા બેંગ્લુરુમાં છે એટલે મઝા આવશે. ૧૨૦૦ કિમીમાં માત્ર ૧૪,૪૦૦ મીટરનું ચઢાણ. સીધા ચઢાણ. જેમાં અડધે રસ્તે પાછા આવવાનું વિચારાય જ નહી.
• વચ્ચે ઓક્ટોબરમાં બે ૬૦૦ બી.આર.એમ. કરી ત્યારે ખબર પડીકે ફિટનેસનું ટાંય ટાંય ફીસ છે.
• બાકીના સમાચારમાં, કિકિ મઝામાં છે. કિકિએ હવે વારો કાઢ્યો છે – અમારા સોફાનો. નવા સોફા લાવવા કે નહી તેની ચર્ચા ચાલી રહી છે.
• ડેબકોન્ફની પોસ્ટ લખવી હતી, એ પણ આળસમાં ડ્રાફ્ટના ડબ્બામાં જ પડી છે..
• હા, મોટરબાઇક અઠવાડિયે એકાદ વખત બહાર નીકળે છે. કોઇ મોટી ટ્રીપ આવતી હોય એવું દેખાતું નથી, પણ આવી શકે છે. બધી જગ્યાએ પહોંચી વળવા માટે કદાચ બિલાડીની જેમ ૯ જિંદગીઓ જોઇશે 😉