નો વોટ!

* ઘણી શાણી વાતો કરી, પણ વોટ ન આપ્યો! શરમ આવવી જોઇએ મને!!

એહ, આ, ના, ના, ના!

Advertisements

ફેસબુક ગુજરાતી ભાષાંતર!

* ફેસબુક હવે ગુજરાતી ભાષાંતરની સેવા પૂરી પાડે છે. લોકો ભાષાંતર કરે તો કેવું કરે તેનું એક ઉદાહરણ નીચેના સ્ક્રિનમાં..

ફેસબુકમાં મોબાઇલનું ગુજરાતી!

હા હા હા. ટેલિફોનનું ડબલું 😉 સારી વાત એ છે કે અહીં વોટિંગની સરસ સિસ્ટમ છે.

પણ, હા. તમારો સમય બગાડવાની જરૂર નથી. ફેસબુક તમને એક રૂપિયો આપવાની નથી અને તમારું ભાષાંતર તમારું ન રહેતા ફેસબુકનું બની જશે..

પિન સ્ટોરી

* આજે સવારે મારા લેપટોપના ચાર્જરની યુનિવર્સલ પિન ઘરે ભૂલી ગયો. ઓફિસ આવીને જોયું તો લેપટોપમાં ૧.૫ કલાક ચાલે એટલી બેટ્રી બાકી હતી. મને એમ કે કોઇની પાસે મળી જશે – પણ થયું એવું કે અમારા CEO પણ તે ઘરે ભૂલી ગયેલા. સપોર્ટ સ્ટાફ પાસે નીચેની દુકાનમાંથી પિન મંગાવી. ન ચાલી. બીજી વખત બદલાવા માટે મોકલ્યો – પણ તે પણ ન ચાલ્યું. પછી, હું નજીકના રીલાયન્સ ફ્રેશમાં ગયો. કિંમત દેખી ૨૫ રૂપિયા. સરસ. કાઉન્ટર પર જઇ બિલ કરાવ્યું તો આવ્યું ૩૬ રૂપિયા! ઓહ. મેં જોયું તો એ જ પિન પણ તારીખ અલગ અને કિંમત પણ અલગ! ભારે કરી મુકેશ ભાઇ તમે તો!

આ પેલી પિન...

છેવટે એક અમુલ મસ્તી છાશ અને પિન લઇ ઓફિસે આવ્યો અને લેપટોપ ચાલુ કર્યું..

વોટ આપો

* આજકાલ બધા સમાચારપત્રો-છાપાઓએ વોટ આપો, મત માપો (મત એટલે ના!) જેવા અભિયાનો ચલાવ્યા છે. આ જોઇને કવિને પણ વોટ આપી દીધો.

તમારો કિમતી મત મને જ આપો...

(નવો) ફોન

* મારા ભાઇએ નવો iફોન લીધો એટલે આપણને તેનો ફોન મળી ગયો. નોકિઆ ૫૩૧૦. તેમાં પહેલી વસ્તુ મારી એડ્રેસ બુકની સિન્ક (sync) કરવાની હતી – પણ મેક જોડે તે ફોનને કંઇ બન્યું નહી અને મારો ફોન તેને પરાયા ધન જેવો લાગ્યો!

છેવટે, બહુ મહેનત પછી અહીંથી iSync ની પ્લગ-ઇન મળી અને આપણું કામ થઇ ગયું! મેક માટે નોકિઆએ બનાવેલ સોફ્ટવેર પણ મળ્યું જે માત્ર સંગીત-ચિત્રો જ મોકલી-લઇ શકે છે.

સરનામાં જાય છે...

મેક, લિનક્સ, વિન્ડોઝ – એક જ ડેસ્કટોપ પર

* કઇ રીતે?

મેકબુક, નો મશીન ક્લાયન્ટ, મેકનું રીમોટ ડેસ્કટોપ

મેક, લિનક્સ અને વિન્ડોઝ - એક સાથે!

આ અઠવાડિયાની ફિલમો

* આ અઠવાડિયામાં કંઇ ખાસ ફિલમ ન જોવાઇ. પણ, મિહિરે મને સારું એવું કલેક્શન આપેલું છે 🙂

૧. ધ ડેવિલ્સ એડવોકેટ

૨. ધ નાઇન્થ ગેટ

૩. ધ બટરફ્લાય ઇફેક્ટ

૪. એક્સ-મેન ઓરિજિન: વુલ્વેરીન આ મુવી હજી થિએટરમાં નથી આવ્યું પણ ઇન્ટરનેટ પર ફરતું થઇ ગયેલ!

૫. સેવન (Se7en)

હા, ૧, ૨ એવા દ્રશ્યો ધરાવે છે જે તમારા સુંદર મગજને હાનિ પહોંચાડી શકે છે. પછી કહેતા નહી – કીધું નહોતું!

Undo: હવે ઇમેલમાં પણ!

* તમે કોઇને ઇમેલ કર્યો ને પછી થયું, અરર – આ ઇમેલ તો આને નહીં બીજાને કરવાનો હતો કે પછી ગરમ મિજાજમાં બોસને કંઇક આડાઅવળું લખી નાખ્યું હોય તેવા સંજોગોમાં આપણને થાય કે અહીં Undo જેવું બટન હોત તો મજા આવત!

તો હાજર છે, Undo તમારા ઇમેલમાં! વાંચો: જીમેલ બ્લોગનો આ પોસ્ટ

કેવી રીતે?

૧. તમારું જીમેલ એકાઉન્ટ ખોલો (સ્વાભાવિક રીતે યુઝરનેમ, પાસવર્ડ નાખીને..)

૨. ઉપર જમણી બાજુ જીમેલ લેબ્સ આવું ચિત્ર દેખાશે – રસાયણની બાટલી જેવા ચિહ્ન પર ક્લિક (આ જીમેલ લેબ્સનું ચિહ્ન છે) કરો.

૩. પછી, સ્ક્રોલ કરીને નીચે, Undo Send શોધી કાઢો. Enable રેડિઓ બટન પર ક્લિક કરો.

જીમેલ લેબ્સમાં અનડુ!

૪. નીચે Save Changes બટન દબાવીને જાઓ, ઇમેલ લખવા.

૫. જ્યારે પણ ઇમેલ મોકલશો ત્યારે તમને થોડીક સેકંડ્સ માટે (હા, માત્ર થોડીક સેકંડ્સ માટે જ) Undo માટેનો વિકલ્પ અપાશે.

Undo!

૬. મજા કરો!

યાદ રાખો કે સામેવાળાના ઇનબોક્સમાં ઇમેલ પહોંચ્યા પછી કોઇના બાપાની તાકાત નથી કે ઇમેલને પાછો લાવી શકે!!

😉

૫૦૦ પોસ્ટ્સ !!!

* આ સાથે આ મારા બ્લોગનાં ૫૦૦ પોસ્ટ પૂરા થાય છે!

મુસાફરી ઘણી લાંબી ચાલી છે. ૨૬ માર્ચ, ૨૦૦૬માં પ્રથમ પોસ્ટ સાથે ચાલુ કરેલ બ્લોગ થોડા સમય પહેલાં આંગણવાડી ઉર્ફે પ્લે-ગ્રુપ પૂરુ કરીને બાલમંદિર ઉર્ફે નર્સરીમાં પ્રવેશ્યો છે!

૧૦૦ પોસ્ટ થયાં:  એપ્રિલ ૭, ૨૦૦૭ ના રોજ. સમયગાળો: ૧ વર્ષ, ૧૧ દિવસ.

૨૦૦ પોસ્ટ થયાં: માર્ચ ૯, ૨૦૦૮ ના રોજ. સમયગાળો: ૧૧ મહિના, ૨ દિવસ.

૩૦૦ પોસ્ટ થયાં: ઓગસ્ટ ૧૧, ૨૦૦૮ ના રોજ. સમયગાળો: પ મહિના, ૨ દિવસ.

૪૦૦ પોસ્ટ થયાં: ડિસેમ્બર ૧૮, ૨૦૦૮ ના રોજ. સમયગાળો: ૪ મહિના, ૭ દિવસ.

૫૦૦ પોસ્ટ થયાં: એપ્રિલ ૨૧, ૨૦૦૯ ના રોજ. એટલે કે આજે! સમયગાળો: ૪ મહિના, ૦ દિવસ.

આ દરમિયાન ૧,૬૯૯ ટીપ્પણીઓ અને ૧૦,૧૨૨ સ્પામ ટીપ્પણીઓ મને મળી છે.

મેં ૫૧૯ ટેગ્સ અને ૨૪ વર્ગો (કેટેગરી) નો ઉપયોગ કર્યો છે.

… અને હા, ૫૫,૯૮૨ જેટલી વખત લોકોએ મુલાકાત પણ લીધેલ છે.

સૂર્યાસ્ત

(ચિત્ર: વિકિપીડિયામાંથી)

* ઓરેકલે સન માઇક્રોસિસ્ટમને ખરીદી લીધા પછી સનનો સૂર્યાસ્ત સિવાય બીજુ શું નામ આપી શકાય? સોલારિસ, જાવા, ઓપનઓફિસ, MySQL – હવે જોવાનું રહેશે કે આ બધાનું શું થાય છે! જો કે એકંદરે LWN ના જોનાથન કોરબેટના આ લેખ પ્રમાણે લિનક્સ અને ઓપનસોર્સ માટે આ સારી વાત છે!

હેલ્મેટ શા માટે?

* આજનાં અમદાવાદ મિરરમાં વાંચ્યું કે, અમદાવાદીઓએ હેલ્મેટ ન પહેરવા બદલ મહિનામાં ૭૭ લાખનો દંડ ભર્યો.

આ પરથી કેટલાક બેઝિક સવાલો ઉદ્ભવે છે:

. લોકો પાસે બહુ પૈસા છે?

. બધાને વીમા(ઓ) ઉતરાવેલા છે?

. બધાને ડોક્ટરો કાકા-મામાનાં છોકરાઓ છે?

. બધાને હેલ્મેટની દુકાન વાળા જોડે બારમો ગ્રહ છે?

. કે પછી માથામાં ઈજા થાય તેવું કંઇ છે જ નહી?

વધુમાં, મેં એક વખત નહી અનેક વખત જોયું કે સ્કૂટર કે બાઇક ચલાવનારાઓનાં માથા હંમેશા ડાબી કે જમણી બાજુ નમેલા હોય છે. પહેલાં મને લાગ્યું કે કોઇ ગળાની તકલીફ કે રોગ કે કારણે માથું નમી ગયેલ હશે – ધ્યાનથી જોયું તો ખબર પડી કે બંદાઓ મોબાઇલ પર વાત કરતાં-કરતાં ચલાવે છે.

જલ્સા કરો!

કોફી

* આજે અચાનક વિચાર્યું કે ઓફિસમાં કોફી ન પીઉં તો ન ચાલે? આમ પણ, કોફી આરોગ્ય માટે સારી નહી (અને કોફી વિથ કીડી તો તમે જાણો છો!) એવું જાણવા મળ્યું. અને ખરેખર આજનો દિવસ બહુ સારો ગયો!!

ખુરશી

* ખુરશી બધાને વ્હાલી. હા, ઘરમાં અમારે માત્ર એક જ ખુરશી – મારા કોમ્પ્યુટર ટેબલ માટે, એ પણ પ્લાસ્ટિકની (ઓહ, સોરી પર્યાવરણજી). પણ, કવિનને તે બહુ જ ગમે. તેને ઊંધી પાડીને આખા ઘરમાં ઘસડે!

… એટલે તેના આ ત્રાસમાંથી મુક્તિ પામવા નાનકડી લાલ ખુરશી તેને અપાવવામાં આવી.

ખુરશી - સ્વિકાર કે અસ્વિકાર? ખુરશી પર બેઠેલા કવિન સરકાર!

કોપી-પેસ્ટનો ઉપાય

* હા, આ એક ભયંકર માનસિક બિમારી છે.

જો કે તમે તમારા માઉસથી કોપી-પેસ્ટ કરવાની જગ્યાએ અનેક સ્માર્ટ રીતે કોપી-પેસ્ટ કરી શકો છો!

૧. Control+c અને Control+v અનુક્રમે કોપી અને પેસ્ટનાં કી-બોર્ડ શોર્ટકટ છે.

૨. મેકમાં કમાન્ડ કી Command+c અને Command+v વાપરવી પડે છે. તમને જો કોપી-પેસ્ટનો બહુ જ શોખ હોય તો તમે અહીં બતાવેલ ઘરેણાંઓનો ઓર્ડર પણ આપી શકો છો!

૩. લિનક્સમાં Contol+C કર્યા પછી માઉસનું વચ્ચેનું બટન દબાવતાં કોપી કરેલ કન્ટેન્ટ પેસ્ટ થઇ જશે. બ્લોગ જગત માટે સર્વોત્તમ છે. કદાચ વિન્ડોઝમાં પણ આ ટીપ્સ ચાલે છે. એકાદ બ્લોગમાંથી ઉઠાવી અહીં કોમેન્ટમાં પેસ્ટ કરવા વિનંતી (થેન્ક્સ).

૪. તમારે જો એકસાથે ઘણું બધું કોપી કરવું હોય અને પછી જરૂર પડે ત્યારે કોપી કરવું હોય તો, તમે ક્લિપબોર્ડ જેવા સરસ ફીચરનો ઉપયોગ કરી શકો છો.

અપડેટ: થેન્ક્્સ ટુ કુનાલ! મારે લિનક્સમાં પાછા જવાની જરૂર છે. Control+P નહીં પણ, Control+v એ પેસ્ટ કરવાની કી છે!!!

હોમ અલોન

* ડ્ચ. આ પોસ્ટ હોમ અલોન મુવી વિશે નથી. ભોળવાવું નહી.

હા, તો થયું એમ કે પરમ દિવસે કોકી તેનાં મમ્મી-પપ્પા અમારા ઘરે આવ્યા હોવાથી એક સંબંધીનાં ઘરે મળવા માટે ગઇ હતી. અમારા આગલા બે “અનુભવો” થી અમે કવિનને ઘરે રાખવાનું વિચાર્યું અને મને આમ પણ કોઇ સંબંધીઓનાં ઘરે જવામાં ઝાઝો રસ હોતો નથી (સિવાય કે ત્યાં wifiની સુવિધા હોય! ;)).

તો અમે થયા એકલા ઘરે – એટલે કે હોમ અલોન!!

બે કલાકમાં કવિનને મમ્મી-મમ્મી બૂમો પાડીને રોતો અટકાવવા માટે શું કર્યું?

૧. થોડી વાર તેને લઇને ગેલેરીમાં ઉભો રહ્યો. આમ તો ગેલેરીમાં ધૂળ-ઢેફાં (અદાણી વાળાઓએ સોસાયટી બે મહિનાથી ખોદીને મૂકી છે તે) સિવાય કંઇ દેખાતું નથી. પણ, નીચે કૂતરાં, માણસો અને વ્હીકલોથી તેને મજા આવી (૫ મિનિટ).

૨. અમે ચાલતા-ચાલતા આઇસક્રીમ ખાવા ગયા, ચાલતા-ચાલતા પાછા આવ્યા (૨૫ મિનિટ).

૩. નીચે બાંકડા પરે બેસીને બેડમિન્ટન રમતી છોકરીઓ જોઇ (માત્ર ૧૦ મિનિટ).

૪. કવિનને સામેવાળાનાં ઘરે લઇ ગયો, વિન્ડોઝની કોઇક એરર સુધારી (૩૦ થી ૪૦ મિનિટ).

૫. તેની સાથે થોડી વાર મસ્તી કાઢી (૧૫ મિનિટ).

૬. ટીવી જોયું (૧૫-૨૦ મિનિટ).

૭. કવિન સૂઇ ગયો (વાઉ!).

ટૂંકમાં, હવે ખબર પડી કે કોકી કવિનની ફરિયાદો કેમ કરે છે 😉