* થોડા દિવસ પહેલાં, રાત્રે અમે (ત્રણેય) બેઠા હતા. કવિન તેની મસ્તીમાં હતો, કોકી ટીફીન માટે શાક સમારતી હતી, અને લેપટોપ લઇને કંઇક કરતો હતો. કોબીજ સમારતી વખતે તેમાં વધેલો ભાગ કોકીએ કવિનને આપી કહ્યું, જા બેટા આ પપ્પાને ખવડાવી દે.
તે મારી પાસે આવ્યો, મેં તેને કહ્યું: ના, બેટા, હું તને ચોકલેટ આપીશ – મમ્મીને ખવડાવ!
કોકીએ કહ્યું, ના, પપ્પાને ખવડાવ. પપ્પાને ભૂખ લાગી છે. હું તને મમ્મ આપીશ.
મેં કહ્યું, બકા તને સાઇકલ અપાવીશ. મમ્મીના મોંઢામાં મૂકી દે.
આવું થોડો સમય ચાલ્યુ. To do or not to do થી મૂંઝાયેલા કવિને તે કોબીજના ટુકડાને પોતાના મોંઢામાં જ મૂકી દીધું!!