જીવનમાં ટ્રસ્ટ એટલે કે વિશ્વાસ બહુ જરૂરી ચીજ છે. માતા-પિતાનો બાળક પર, પતિનો પત્નિ અને પત્નિનો પતિ પર, બોસનો કર્મચારીઓ પર અને પ્રજાનો સરકાર પર. વિશ્વાસે વહાણ ચાલે છે અને વિશ્વાસે દુનિયા ચાલે છે. ડેબિયન લિનક્સ પણ આમાંથી બાકાત નથી. અજાણ્યા માણસ જે દુનિયાનાં બીજા છેડે સોફ્ટવેર બનાવે છે – તેનું સોફ્ટવેર કોઇ વાયરસ હશે કે કેમ એ પ્રશ્ન થાય એ સ્વાભાવિક છે. આ સમસ્યાનો ઉકેલ આવે છે – વેબ ઓફ ટ્રસ્ટ થી.
ચાલો તે સમજીએ…
1. જીપીજી નામનું એક સોફ્ટવેર છે. તેનાથી તમે એક કી (નંબર) બનાવો છો. આ કી નાં બે ભાગ છે. પબ્લિક અને પ્રાઇવેટ. પ્રાઇવેટ ભાગ માત્ર તમને જ ખબર છે અને તે તમારા કોમ્પ્યુટરમાં પાસવર્ડથી સંગ્રહાયેલ રહે છે.
2. તમારો પબ્લિક ભાગ તમે બીજાને આપો છો. દા.ત. મારી જીપીજી પબ્લિક કી અહીં જોવા મળશે.
3. પબ્લિક ભાગ તમે જેના પર ટ્રસ્ટ કરતા હોય તે પોતાની પબ્લિક કી માં ઉમેરશે. (સાઇન કરશે..)
4. હવે તમે કોઇ મેઇલ મોકલશો તો, તે તમારી કી વડે સાઇન (સહી) કરેલ હશે. તમારૂ સોફ્ટવેર પણ આ રીતે સાઇન કરી શકાય.
5. સામેવાળો ચેક કરશે કે આ કી મારા ટ્રસ્ટમાં છે કે નહી. અને મેઇલ, સોફ્ટવેર વાપરશે. જેટલા માણસો તમારો ટ્રસ્ટ કરે છે, તમને ઓળખે છે તે તમારી કી સાઇન કરશે. આ રીતે વેબ ઓફ ટ્રસ્ટ રચાશે.
ડેબિયન ડેવલોપર બનવા માટે તમારી કી ઓછામાં ઓછા એક હાલનાં ડેબિયન ડેવલોપર વડે સાઇન કરેલી હોવી જોઇએ.
આનંદની વાત છે કે જલધર વ્યાસ (અમેરિકાવાસી ભારતીય) એક માત્ર ગુજરાતી ડેબિયન ડેવલોપર છે. ભારતમાં માત્ર 3 જણાં જ છે..
થોડી કડીઓ..
1. http://www.rubin.ch/pgp/weboftrust.en.html – વેબ ઓફ ટ્રસ્ટ ઉદાહરણ
2. http://www.cryptnet.net/fdp/crypto/gpg-party.html – કી સાઇનિંગ પાર્ટી !
મારા વિચારો, મારી ભાષામાં! 