* ધારો કે તમે ભાગ-૧ અને ભાગ-૨ વાંચીને દોડવાનું શરુ કરી દીધું છે. આમ ધારીને જ આપણે આગળ વધીએ?
તમે દોડવાનું શરુ કર્યું છે. બરોબર? હવે, મહત્વની વાત છે કે એને ચાલુ કેવી રીતે રાખવું. આઇ મીન આજે દોડ્યા, કાલે દોડ્યા અને પાછા પરમ દિવસે હતા ત્યાંને ત્યાં. મોટિવેશન, દોસ્ત, મોટિવેશન – ક્યાંથી મેળવવું? મોટિવેશન એ મોટ્ટી વસ્તુ છે. પણ, એ ક્યાંયથી પણ મળી શકે છે. એકલા છો? તો દોડવા જાવ. ઘરે બહુ બધાં મહેમાનો આવી ગયા છે, તાજા-માજા થવા દોડવા નીકળી પડો. બહાના હજાર છે, રસ્તા બે હજાર છે. તેમ છતાંય, કેટલીક બાબતો ધ્યાન રાખવા જેવી છે.
૧. શરુઆત: દોડવાની શરુઆત હંમેશા ધીમી કરવી. જો ૨૦ કિમીની ઉપરનો પ્લાન હોય તો પહેલાં બે કિમી ધીમા જ દોડવા (જોકે લખવું સહેલું છે, ધીમું દોડવું અઘરું છે. ટ્રાય કરી જોજો!)
૨. અંત: છેલ્લા એક-બે કિમી પણ ધીમાં હોય તો સારું. કૂલ ડાઉન, બેબી.
૩. નિયમિતતા અને આરામ: મારો પ્લાન અઠવાડિયામાં પાંચ દિવસ દોડવું, સોમ અને શુક્ર આરામનાં હોય છે.
૪. મન: મનથી દોડો, તનથી નહી. જો મનથી થાકી જવાય તો, મિ. તન તમને સાથ નહી આપે.
૫. પરિણામ: બધાં કંઇ બોલ્ટ કે પછી કેન્યન હોતા નથી. એટલે, એમ નહી વિચારવાનું કે આપણે મેડલ જીતીશું (બાય ધ વે, દરેક સ્પર્ધામાં ફિનિશર મેડલ હોય જ છે!). હાફ કે મેરેથોન પૂરી કરવી એ એક સિધ્ધિ છે (મારા માટે પણ પૂર્ણ મેરેથોન એ હજી સ્વપ્ન જ છે, પણ વાંધો નહી આવે એવું લાગે છે).
૬. બ્રેક: કોઇક વખત બ્રેક બનતા હૈ. અઠવાડિયું-બે અઠવાડિયાં કંઇક કારણોસર ના દોડી શકાય તો એમાં આપણો ટ્રેક રેકોર્ડ ખરાબ થઇ જવાનો નથી. એટલે, આ સામાન્ય છે. જોશ સારો, બહુ જોશ સારો નહી 🙂
આવતી વખતે સલામતી માટેના સૂચનો.
ખાસ લિંક (થેન્ક્સ ટુ હર્ષ via ફેસબુક): Simple secrets of lifetime running
તમારા સૂચનો આવકાર્ય. અને, તમારું શરીર-મન તમે ધારો છો એનાં કરતાં વધુ મજબૂત હોય છે!
Really useful tips. Looks like I would soon start running !
LikeLike