ભીડ

* આપણો તો એક સોનેરી નિયમ – ભીડથી દૂર રહેવું. ખાસ કરીને, મંદિરોમાં થતી ભીડથી. યાદ નથી કે છેલ્લે હું દર્શન કરવા માટે ખાસ મંદિરમાં ક્યારે ગયો હોઉં. અને, દોડે ગુજરાત, પડે ગુજરાત અને ભાંગે ગુજરાત જેવા ભવનાથના મેળાના સમાચાર પછી તો ના બાબા ના.

વેલ, આ નિયમ તો જૂનો છે. મને યાદ છે કે ૧૯૯૭ની આસપાસ રાજસ્થાન પ્રવાસ દરમિયાન શ્રીનાથજીમાં દર્શન વખતે ભક્તોની ભીડ જોયા (સ્વાભાવિક રીતે દૂરથી જ!) પછી આ જગ્યાને બ્લેકલિસ્ટમાં મૂકી દેવાઈ છે. ભગવાનને તાળાં? સોરી, આ વસ્તુ આપણને જરાય સદતી નથી. તાળાં તો ફાઈન, પણ દર્શન માટેની દોડ – સોરી.