છઠ્ઠા વર્ષ તરફ..

* પાંચ વર્ષ પૂરા થયા અને છઠ્ઠા વર્ષમાં પ્રવેશ. મંગળ કહેવો કે અમંગળ એ તો બ્લોગ વાચકો જાણે, કારણ કે તેમના પર ઘણી વીતી છે 😉 પાંચ વર્ષોમાં સાબરમતીમાં ઘણું પાણી વહી ગયું છે (સોરી, સાબરમતી તળાવ છે એ વાત અલગ છે) અને ઘણાં વાઈબ્રન્ટ ગુજરાત સમારોહ થઈ ગયા છે. પણ, બ્લોગ-જગત ખાસ બદલાયું નથી. હું એવા જ એક-બે લીટી વાળા પોસ્ટ લખવા માટે પ્રખ્યાત છું. લોકો હજીય કોપી-પેસ્ટ કરે છે, વિનયભાઈએ લખ્યું તેમ વળી કોઈક વાર મૌલિક લેખ પણ લખી દે છે.

બ્લોગ પર ટ્વિટર, ફેસબુક વગેરેની ગાઢ અસર દેખાય છે, અને કદાચ નવાં બ્લોગની સંખ્યામાં વધારો જે ગતિથી થતો હતો, તે હવે ન પણ થાય. છતાંય, બ્લોગનું મહત્વ ઓછું નથી. આ બાજુ વળી ભારત સરકારને કંઈક થાય છે અને બ્લોગને બ્લોક કરવાની વાતો સંભળાય છે.

હા. મસ્ત ગરમી પડે છે. ગઈસાલની જેમ કાનની આજુ-બાજુ ગરમી નીકળી છે. પણ, મળતા રહીશું આ છઠ્ઠા વર્ષમાં..